Dark Waters in Hinglish | Hollywood movie in Hindi | Hinglish

Dark Waters In Hinglish

Dark Waters is saal aayi sabse daraavani films me se ek hai. Ye koi horror film nahi hai balki sachhi ghatanaa pe aadhaarit hai. Ye sachhi ghatanaa itanaa daraavanaa hai ki, pehele toh logon ne ispar vishvaas hi nahi huvaa. lekin kayi saalon ke scientific studies ke baad ab us sachhayi ko sabhi log maanatein hai.

Film ki shuruvaat Robert Billot naam ke ek environmental corporate lawyer  ke saath shuru hotaa hai. Billot, Taft Stettinius & Hollister law firm me , bade bade chemical companies ko represents kartaa thaa , jinpar environmental laws ke tehet case daalaa gayaa ho. Usaki achhi naukari, achhi wife aur ek beta bhi thaa. Salary bhi achhi thi. USA ke Ohia state ke Cincinnati sheher me uskaa office aur ghar thaa.

Saal 1998 me, Wilbur Tennant naam ka ek kisaan Billot ke office aataa hai. Tennant, Billot ke daadi ka jaan pehechaan vaala thaa , isliye daadi ne use Billot ke paas bhejaa thaa. Tennant ke paas  aakar usko kuch videotapes detaa hai aur kehetaa hai .

Tennant : mere saare cows mar rahein hai. mujhe lagtaa hai ki mere khet ke paas jo DuPont ki chemical factory hai usi ki vajah se ye sab horahaa hai. me unpar case karnaa chaahataa hun. tum meraa case lado. 

Bilot ek badaa corporate lawyer thaa aur uski law firm ka besic kaam DuPont jaise bade companies ko bachaanaa thaa naaki un par hi case karnaa. Ye hi baat vo Tennant ko bhi bataataa hai aur uskaa case lene se manaa kartaa hai. Tennant gusse se aur niraasha hokar vahana se chalaa jaataa hai.

Kuch din baad Billot  apane daadi se milne jaataa hai. daadi ab usephir se Tennant ki case lene keliye dabaav dalati hai. At least uski khet ko, ek vist dene ko keheti hai. Billot ab Tennant ki farm house  ko jaataa hai. 

Tennant : Mera bhai, town ke lagbhag 90% logon ki tarah DuPont me kaam kartaa thaa. DuPont ne hamse zameen kharidi aur us zameen ko dumping ground ke taur par use kiyaa. unhone underground water ko aur paas me beheti nadi ko bhi pollute kiyaa hai. mere 190 gaayen ( cows ) kisi na kisi bimaari se mar rahi hai. Doctors ko bhi unki bimaari pataa nahi lag rahaa. maine ne unki autopsy karvaayi,toh kuche ki hare kidney nikali, kuch ki kaale daanth nikale, kuch ke ander cancer har jagah thaa. Vo apani gaayon ki kabarsthan ko dikhaataa hai jahan   usane usko daphanaayaa thaa.

Billot case ki gambhirataa ko dekhakar case lene keliye taiyaar hotaa hai. Apane boss Tom Terp ko yakin dilaataa hai ki ye ek small side project hogaa.

Attorneys ki ek party me Billot, DuPont ke legal department ke head Phil Donnelly ko Tennant ka case ke baarein me bataa hai. Donnelly kehetaa hai vo iske baarein me kuch nahi jaanataa par phir be apane tarf se har mumkin madad karne kaa vaadaa kartaa hai. Donnelly use kehetaa ki unki company EPA ( Environmental Protection Agency joki america ke sarkaari agency hai jo environment ko bachaane kaa kaam karti hai) ki har regulations ko follwo kartein hai.

Billot DuPont ko legal discovery ka notice bhejke saare legal documents haasil kartaa hai. Un documents me DuPont me banane vaale chemicals, waste ko dispose karne ke tarike sab kuch bilkul rule ke hisaab se hi thaa. Par ek chemical PFOA kaa jikra har jagah aarahaa thaa, jiskaa full form ya koyi bhi detail usme shaamil nahi thaa. Billot PFOA ka teerm internet pe search kar ke jaanane ki koshish kartaa hai par use kuch haasil nahi hotaa. Ek saal tak un documents ko padhakar bhi case aage nahi jaa rahaa thaa.

Ab Billot phir se ek party me Donnelly se “ PFOA “ ke baarein me puchataa hai. Donnelly us term ko sunte hi bhadk jaataa hai, Billot ko gaali detaa hai , use desi gavaaran kehetaa hai. Sab ke beech ki gayi insult Billot ko uske wife sarah ko buraa lagtaa hai.

Ab Billot officially DuPont par case kartaa hai. Ab DuPont truck bharke saare documents bhejatein taaki, Billot un documents ko padane ke bajaaya Tennant ke saath aakar aasani se settlement kar le. Par Billot case ko follow kartaa hai.Vo ek chemical expert ko hire karke puchataa hai ki PFOA kya hai? Expert kehetaa hai

Expert : Mujhe PFOA ke baare me pataa nahi hai par PFOS ke baarein me pataa hai. PFOS yaani perfluorooctanesulfonate , ye ek synthetic chemical hai jo kabhi nahi destroy hotaa. Hum aise chemicals ko “ Forever Chemicals “ kehetein hai. Iska kayi upayoga hai, fabric industry me, paper, wax, varnish, paints, cleaning etc etc. Inhe caarbon atoms ko jodke banaayaa jaataa hai.

Billot : kya yadi 8 caron atoms ko jodke aisa koyi chemical banaayaa jaaye to use C8 kahenge? Kya hoga yadi insaan ke body ke under ye chalaa jaaye?

Expert: bilkul 8 carbon atoms ko jodke chemical banaayaa jaasaktaa hai. Yadi koyi tyre khaataa hai toh kya hotaa hai ? Pataa nahi , vaise hi koyi nahi jaanataa yadi ye chemicals body ke under gaye toh kya karenge?

Billot agale do saal un documents ko pad kar apani report banaataa hai. Usaki personal life bhi is case se prabhavit huvi thi. Uske bachhe bade ho rahe the, par vo unko time nahi de paa rahaa thaa. Udhar Tennat aur uski family kobhi, town ke saare logon ne bahishkaar kiyaa thaa. Usa ke parivaar se koi baat nahi kar rahaa thaa, even church me bhi. Us town ke lag bhag sabhi family rozgaar keliye DuPont par hi nirbhar the, ye us par hi case kar rahaa thaa. DuPont ne Tennat ke ghar chori karvaayaa thaa aur kuch ahem documents ki choraalitaa thaa. Tennat ko daraa ne keliye helicopter se uske ghar ki aur khet ki photos le rahaa thaa. Ek din Tennat bhi gusse me apana gun lekar, us helicopter par chalaataa hai aur unhen bhagaataa hai.

Ek raat Billot apane ghar ke kitchen ke saamaan, carpet sab kuch phad rahaa thaa. Uske pregnant wife sahah ko lagtaa hai ki vo isa case ke wazaha se paagal ho gayaa hai. Billot ab use saare kahaani kehetaa hai.

Billot : DuPont ek chemical banaatein hai jiskaa technical naam hai PFOA/ C8, aam log use “ TEFLON” ke naam se jaanateein hai. 1950’s me iskaa use army ke tanks me hotaa thaa, uske baad unhone ise american consumer goods banaane me karne lage. Insaan aur jaanvaron par is chemical ke effect ko study kiyaa. Study me paayaa ki ye jaanvaron me cancer paidaa kartaa hai, insaan ko iske dhuven se flu aataa hai. Unhone apane pregnant women employee par is chemical ka secret tarike se apply karke study kiyaa. Sabhi auraton ne vikalang bachhon ko janm diyaa. Uske baad DuPont Teflon ke waste ko Tennant ke khet ke paas , nadi me dump karne lage taaki isase kisi ko bhi pareshaani na ho.Baaki chemicals waste jab treat karke paani me daalatein hai toh vo samaya ke saath decompose hotaa hai par, PFOA ek synthetic thaa, vo plasic ki tarh kabhi decompose nahi hotaa. paaani me hamesha rehetaa.Unhone bis saal taka teflon waste ko nadi me bahaayaa. Aaj bhi daal rahein hai. Teflon ek behad kimati chemical hai jo billions of dollar ki industry ko support kartaa hai. Us nadi ke paani ko pikar na jaane kitane log cancer ke shikaar huve hai.

Sarah ye sab sun kar dung reha jaati hai. Billot ke boss bhi hairaan hotaa hai islevel ke pollution ko dekhakar. Billot saare evidence lekar Tennant ke paas jaataaa hai aur saari kahani bataataa hai. Use DuPont ke saath settlement karne ko kehetaa hai, kyunki DuPont ke paas time aur paisa dono bahut hai, aur unse ladanaa naa ke baraa bar hai. Lekin Tennant pehele nahi maanataa, usko justice chaahiye thaa, Vo Dupont ke officers ko jail bhejanaa chahataa thaa. Tennant aur usaki wife dono ko ab cancer huva tha, isliye vo paise lekar ilaaja karvaane ko ready hotaa hai. Billot , Donnelly se mil kar out of court settlement karvaataa hai.

Lekin DuPont ki galati sirf Tennant ko effect nahi kar rahi thi, balki un saare logon ko effect kar rahi thi jo us town me rehate the aur nadi ka paani piyaa thaa. Isliye Billot is saari karm kaand ki information ko EPA, Sarkaar, press ko bataataa hai. Apane paas ke sabhi documents ko bhi detaa hai. EPA DuPont par 16.5 million dolar ki fine lagaati hai.

DuPont ab Parkersburg ke rehene waalon ko ek notice deti hai ki unki pine ke paaani me PFOA hai jo ek pollutant hai, par uski maatra behad kum hai isase aapki ife ko koyi khataraa nahi hai. Darlene Kiger aur uske husband ko bhi aise hi ek chitti milti hai. Ab vo dono Billot se miltein hai aur Darlene keheti hai ki mere ex-husband DuPont par kaam kartaa thaa, vo haeshaa flu ke kaaran bimaar rehetaa thaa , plants ke workers use Teflon Flu kehete the. Uska bhi 40 saal pehele hi hysterectomy ho gayi. Ab town ke saare log Kiger Family ke saath mil kar DuPont par class action suit karnaa chaahate the. Iskaa matlab hai ki sabhi logon ko DuPont  se compensation chaahiye thaa aur unhe medical treatment karvaanaa hogaa  zindagi bhar.

Billot ke law firm me is vishaya par ghambir charchaa hotaa hai. Unki firm basically corporates ko bachaane ka kaam karti thi naaki unse ladnaa. DuPont badi company thi, yadi un par case kiya gaya toh unke baaki client par iskaa buraa asar pad saktaa thaa. Kayi partners iske khilaaph the. Par Billot ke boss Tom gusse me sab ko samjaataa hai ki, is baar mamalaa alag hai, is company ne apane aapko sarkaar se, law se upar samajhaa hai, lawyers ka kaam hai justice dilaanaa yadi aaj vo piche hat gaye toh unki image hameshaa keliye barbaad hogi. Vo Billot ko case karne ka permission detaa hai.

Billot, Parkersburg ke ek local lawyer Harry Dietzler ke saath court me argue kartaa hai ki PFOA ki maatra DuPont ke study ke mutaabik 1 part per billion huvi toh safe hogi par paani me PFOA ki maatra 150 hai. DuPont, sarkaari EPA adhikaari ko witness ke tor par pesh kar ke unse paani me PFOA ki safe maatraa puchatein hai. Lady officer keheti hai 150 parts per billion. DuPont ne EPA ko paisa deke chup karvaayaa thaa. Is case aane se pehele EPA ne PFOA ko kabhi bhi pollutent bhi declare nahi kiyaa thaa, isliye un ke paas bhi sahi javaab nahi thaa. Apani naakami chupaane keliye vo DuPont se mil gaye the.

Billot aur Harry case haarte hai. Logon me is baat ko lekar kaaphi gussa aataa hai . Vo plant me strike karke protest karne lagtein hai. Ye ab ek national news bantaa hai. DuPont ke CEO naa chahate huve bhi 70 million dollar ka settlement kartaa hai. Life long Medical treatment keliye vo conditions raktein hai ki vo scientist ki ek team bannayenge, yadi unke report me ye aayaa ki logon ke blood be PFOA hai aur usase cancer jaise bimaari hoti hai toh hi vo paisa denge. Sabhi protest karne vaale log is condition ko maanate hai.

Ab saal hai 2005, town ke lagbhag sabhi 70000 log study keliye blood sample detein hai. Har ek aadmi ko participate karne keliyee 400 dollar milane vaale the. Study 5 saal tak chalti hai. Kayi log cancer se mar rahe the. Billot ka career bhi case ke wajah se gir gayaa thaa. Firm me use stress jyada thaa, uski salary bhi ab 2008 ke recession ke wajah se aur study ke scientist ko study karne keliye paise dene ke wajah se ,kum kar di gayi thi. Billot ek din office hi gir jaataa hai , usako treat karnevaale doctors sarah se kehetein hai , unhe stress ki wajah se mini stoke huvaa hai, unhen medication time par lenaa hogaa aur stress se bachanaa hogaa.

Panch saal baad scientists apana study report submit kartein hai. Unka conclusion thaa PFOA logon me cancer kaa kaaran hai aur us town ke har aadami ke blood me PFOA hai. Itane saal intazaar karne ke bad ab DuPont ab Billot ko ketein hein ki vo us study ko nahi maante aur apane condition se mukar jaatein hai. Billot ko ab case jaari rakhane keliye sabhi 3500 case ko ek ek karke court me ladanaa hogaa.

Robert Billot niraash hokar apane ghar me apani wife se Sarah se kehetaa hai , ek 12^th fail kisaan Tennant ne usase kahaa thaa, saaraa system rigged hai , sab milehuve hai, logon ki parvaaha kisiko nahi hai, is duniya me jine keliye logon ko ek dusare ki madad kar ni hogi, koyi aakar unko help nahi karegaa. Billot niraash aur udaas hotaa hai. Sarah use himmat santvaana deke keheti hai ki,  usane apane haath me jo ho sakaa vo kiyaa. Vo koyi failure nahi hai, agar vo nahi hotaa toh duniyaa ko PFOA ke baarein me pataa bhi nahi lagtaa.

Ab Billot ek ek kar ke case ladne lagtaa hai. Ek do case me settlement kavaane ke baad DuPont bhi aakhir kaar sabhi cases ko 670 million dollar me settle kartaa hai. PFOA duniyaa ke lagbha 99% humans ke blood me hai, bahut saare consumer items me hone ke kaaran ye duniyaa bhar me phehelaa hai, USA me ab PFOA ki manufacturing ko ban kar diyaa gayaa hai, par china me roz hazaaron ton ki production hoti hai.

India me bhi teflon coated cooking pan online, offline har jagah bik rahi hai jo directly dosa, utappa, paddu banaa ne me use hotaa hai. Ye zaharilaa hai inhen use mar kijiye.

Tags : Dark Water ending explain hinglishhollywood movie in hindi,new hollywood movies,hollywood film, hollywood movie,hinglish movies,hollywood movies 2020,new movie