Skip to main content

FORD v FERRARI In Hinglish | Hollywood movie in Hindi | Hinglish


FORD v FERRARI, Ending Explain  Hinglish
FORD v FERARRI Ending Explain hinglish,हिन्दी में ,Hollywood movie in hindi, Hinglish,hollywood ki film,tv shows, english series,India.

Ford v Ferrari ek car race ki kahani batalaati hai jo 1966 me France desh ke Le Mans, shehar me huva tha. Ye race do great automobile companies  Ford aur Ferrari ke cars ke beech huvaa tha.


Le Mans, France desh ke ek town ka naam hai jahan har saal "24 Hours Le Mans" naam se lagaataar 24 ghnton tak cars race karti hai. Yahan cars ki endurance yaani dakshataa ka test hotaa hai. iski shuruvaat 1923 me huvi thi, car raceing ki duniya me ise sabse mahtvapurna aur prathishthit race manaa jaataa hai. Is race me cars 24 ganton taka lagaatar chalaayi jaati hai , aur jo car 24 ghante me jyaada duri tai kartaa hai, vahi winner hotaa hai. Is race ka uddesh, automobile engineering ki shkamataa ko badaana hai.

Ford motor company ki shuruvaat Henry Ford ne 1903 kiya thaa. Unhone peheli baar, apani factory me assembly line production technique ka use karke, hazaron cars ko roz taiyaar karne lage. isse phehele cars ko banaane keliye kaaphi samaya lagtaa tha aur uske cost bhi jyaada thi. Isi kaaran se pehele  sirf amir log hi cars ko afford kar sakte the. Henry ford ne aam aadamiyon keliye cars banaayi, isase auto sector me krantrikari badlaav huve. Henry Ford auto industry ke legends me gine jaatein hai. unaki company America ke bade auto companies me ek hai.

Ferarri Italy ki ek luxury car manufacturing company hai jiski shuruvaat Enzo Ferarri ne 1939 me kiya tha. Enzo Ferarri ne Ferarri cars ko special luxury cars ke tor par banaayaa thaa . Unki cars ki quality aur speed dono sabse achhi thi, high speed race cars me unki technology avval thi. Ferarri brand aaj bhi duniyaa me sabse barosemand aur  mehengi brands me se ek hai.  

Film ki shuruvaat Carroll Shelby naamak ek American Car driver ki voice over ke saath shuru hotaa hai jo bataataa hai ki 7000 rpm  par car chalane par aapko kaisa lagtaa hai. Shelby America se, 1959 Le Mans me car race jitane waale akele racer the. high speed raceing karne se unki heart weak hogayi thi, isliye doctors ne unhe car raceing chodane ka salaha diya. 1959 ke race ke baad Shelby ne Shelby American Inc naamak apani khud ki auto company kholi jahan vo, American cars par Europe se layi engines lagaakar raceing cars banaate thee. Unke paas apani ek raceing team thi, jo kayi saare car race me bhag leti thi. Inhi raceing cars ke drivers me ek the Ken Miles.

Ken Miles ek racer the aur ek mechanic bhi. unka apana khud ka garaaja tha jisme vo cars aur baaki gaadiyon ko repair karthe the. Ye unki rozi roti thi, car raceing toh sirf ek side business thaa. Ken Miles, ek british nagarik the , unhone ww2 me bhi hissa liya tha. Vo british army ke tank division ke ek staff sergeant the, 1944 ke famous D-Day , Normandy landing ke tank division ke driver the.  War ke baad vo America aakar bas gaye. unke wife ka naam molly aur bete ka naam peter tha.

Ken Miles thoda gussai swabhav ka adami the, logon ko apani baat sidhe sidhe unki muh par hi bataa detae the. Ek car race ke daruan racing official uski car ko race me allow nahi karte hai , kyunki vo race ke regulations ke mutaabik nahi tha. Ken gusse se us officer se jaghadane lagtaa hai. Shelby aur Ken ache dost the, isliye Shelby use manaane ki koshish kartaa hai par gusse me kaabu na rakhapaane ke kaaran, Miles us par ek wrench de maartaa hai. Miles apane car ko ek hatode se pitakar usko regulations ke andar laataa hai aur gusse me hi car chalaataa hai. Vo race ko aasani se jeet jaataa hai. Shelby us phekihuvi wrench ko yaadgaar ke tor par apane office me rakhataa hai. 

Baad me America ke IRS yaani Income Tax department Miles ke garage par raid karke uske , garage ko japta karleti hai. Miles ne tax nahi bhara tha isliye use apani garage se haath dhona padaa. Vo garage uski rozi roti thi, ab vo racing ko chodkar sirf apane parivaar ko support karne ke baare me jyadaa interested tha. Vo ek dusare garage me mechanic ke tor par kaam karne lagtaa hai, jiski wajah se racing karne keliye uske paas time nahi tha.

Dusari aur Ford Motor company me Henry Ford II , apani company ke girate cars sales se pareshaan the. unko lagane lagaa thaa ki unki pitaa ki company unke samaya me hi band hojaayegi. Isliye unhone sales ko improve karne keliye apane officers ki ek meeting bulaayi, aur naye ideas mangi. Ek young marketing  officer, Lee Lacocca unhe samjaaataa hai ki aaj ke zamaane ke ladake ko nayi cars chaahiye, race cars chahiye, fast cars chahiye, dikhane me sexy hona chaahiye, dabbe waale 50's ki cars ko koyi nahi chahataa. Lee kehetaa hai log Ferarri ko pasand karate kyunki vo fast hai aur vo lagaataar " 24 hours Le Mans
" jitarahaa hai. Yadi Ford company Ferarri ko kharid leti hai aur company ko youngsters friendly ke tor par marketing karti hai, toh company ki sales zarur achhi hogi. 


1963 me Ford ke paas raceing cars nahi thi, vo sirf domestic use keliye cars banaati thi. Ferarri ki halat bhi achhi nahi thi, kyunki vo sirf luxury cars banaate the toh unki demand aur supply dono kam thi. Unhone R & D par jyada paisa lutaayaa tha isliye unki halat bhi pasta thi. Ab Henry Ford II, Ferari ko kharid ne keliye Lee aur uske team ko Italy bhejataa hai. Vahan par Enzo Ferarri unki puri term and conditions ko padataa hai. Usme likhaatha ki Ferarri ki raceing team ko Ford contraol karegi aur uspar Ezo Ferarri ki koyi bhi contaol nahi rahega.

Enzo Ferarri ko apani raceing team bahut hi pyari thi, usne kayi saal mehenat karke usko banayaa tha. Vo Ford ki is offer ki copy ko , Italy ke hi dusari car manufacturing company Fiat ko bhejataa hai aur unse Ford se bhi achha deal hasil kartaa hai. Fiat ke deal me Ferarri ko raceing team ka pura  control thaa. Enzo Ferarri ek Nationalist thaa, vo apani company ko kabhi bhi americans ko bechane keliye ready nahi thaa. Vo ford ke officers ko kehetaa hai ki , Italy me bani aise shandaar cars ko koyi americi nahi banaa saktaa, americi toh sirf dabbe waale cars hi banaasktein hai, vo Henry Ford II ko bhi gaali detaa hai, aur unkaa insult karke apane ghar se bhagaadetaa hai.

Henry Ford II ko ye sab sunkar khasa gussa aataa hai aur vo kehetaa hai hum us Italivaale ko uske hi race me " 24 hours Le Mans " me haraayenge, chaahe jitane bhi paise na lagjaaye. Ford ab apana nayaa race team banaane lagtein hai. Ek record ke mutaabik Ford ne 100 million dollar ki budget rakhi thi, us race ko jitane keliye.

Lee ab Shelby ke paas jaataa hai aur use Ford ke naye race team ka incharge banane keliye kehetaa hai. carroll maan jaataa hai. vo ab Miles ke paas jaaakar use bhi is nayi team me aane keliye kehetaa hai. Miles usase sochane keliye kuch time maangtaa hai. Isi beech Miles ki wife Mollies donon ko baat karte huve dekhati hai aur vo Miles se gusse se ,puchati hai ki kya vo phir se race karne waala hai? uska dar ye thaa ki carroll ke raceing me achaa paisa nahi thaa. Miles bhi apane kaam me busy thaa, yadi vo phir se race karne lagayaa toh uski naukari jaaa sakti  hai. Miles use kehetaa hai ki use ek nayaa offer milaa hai, Ford ki nayi raceing team me, use cars ko test karnaa hogaa aur ford  chaahe toh race karnaa hogaa. iskeliye use hardin 100 dollar milne waale the. Ye amount us waqt bahut jyaada thaa, miles ke job ke 100 guna se bhi jyaada thaa. Baad me Mollies bhi use permission deti hai. 

Ab Ford apani GT40 race car ko englad se america laatein hai. Carrol Shelby company ke engineers, miles us par din raat kaam kar ke, uska testing karte hai. ek test ke dauraan car ka accident hotaa hai aur car ko aag lagti hai, miless baal baal bachata hai. kafi saare test karke usko ek race ready banaatein hia par vo abhi bhi perfect nahi hotaa hai. Jaise hi ek bada race aataa hai ford ke officials uska test karnaa chahate the. Ab Ford ke Vice President Leo Bebee centerstage mein aataa hai.

Agale race keliye Leo Miles ke bajaaye, dusare anubhavi racer ko shamil karne kaa order detaa hai . uska mananaa thaa ki Miles gussewaala hai, rash hai, use apane jabaan par control nahi hai aisa aadami Ford brand se nahi jud saktaa. Shelby, Leo ko samjaane ki kaaphi koshish kartaa hai par vo saphal nahi hotaa. Isase Miles ko bahut gussa aataa hai aur vo job chodkar jaataa hai. 1964 ke race me Ford buri tarah haarataa hai, race me car ki gearbox uda jaataa hai.

Henry Ford II bhi ab Shelby par , race haarane par kaaphi gussa the. Shelby unhe kehetaa hai,  car ki quality jitanaa important hai utanaa hi important chalanewaalaa bhi hai. Vo Miles ko phir se job par rakhane keliye manaaletaa hai.

Ab phir se Shelby ki team aur Miles GT40 ko improve karne me lagjaatein hai. kuch din ke mehenat ke baad car ab puri taiyaar thi. Lee, Shelby se kehetaa hai ki Leo Miles ko kisi bhi halat me race karne nahi degaa, isliye yadi use miles ko race karwaana hai toh use kuch alaga karnaa hogaa. Ford aur Leo nayi car ki test driving dekhane aatein hai. Shelby Henry Ford ko GT40 me bithaakar 6000 rpm ke speed me ek round  lagaataa hai. Car me Henry Ford ki haalat kharaab hoti hai, utani speed ek ordinary body nahi sehen kar saktaa. Us ride ke baad Ford ko idea aataa hai ki asal me high speed raceing hotaa kya hai. Shelby uske saath ek deal kartaa hai, yadi " Daytona " ke race me Miles jitataa hai toh, France me hone waali race ko bhi wahi jaayegaa. yadi Miles wo race haarataa hai toh " Shelby American Inc" company Henry Ford ki hojaaye gi. 

Ford Daytona ke race me do teams ko bhejataa hai ek Shelby ki aur dusari Leo ki. Us race ko Miles aasani se jita letaa hai aur France jaane ka ticket pakka kar letaa hai.

France me Ford ki teen team hissa leti hai. jisame se Leo ki bhi ek team thi. Is race ko dekhane keliye Henry Ford II aur Enzo Ferarri dono aaye the. Miles ki car ki break ek lap ke daruan fail ho jaataa hai , aur vo apane pit crew ke madad se use badlavaataa hai. Ispar Ferarri ki team aapatii jataati hai lekin race ke organisers use allow karte hai. Is race me Ferarri ki car ka accident hotaa hai aur vo race se baahar hotaa hai. ken Miles apana perfect race khatm karne ke aur aage badataa hai. Usaki wife Mollies aur beta Peter TV par saraa program dekhatein hai.

Ford ki dusari teams bhi race complete kar rahi thi. Leo ab Henry Ford II ke paas jaakar kehetaa hai yadi teeno teams ek saath race ko finish karenge toh, ford ka image aur bhi badhegaa. Henry Ford use maankar Shelby ko bhi use manane keliye kehetein hai. Shelby ise puri tarike se inkaar kar ke kehetaa hai ki Miles ne apane dum par ye race jeet rahaa hai , is glory ko vo kisi ke saaath share karnaa nahi chaahegaa. Phir bhi vo Ford ki iccha ko Miles ko bataataa hai. Miles kuch der sochane ke baad, finish line par apani car ko slow kar detaa hai taaki baaki teams bhi usake paas aaye aur teeno ek saath finish kar sake. Akhir kaar teeno ek saath finish kar te hai par technicality ke kaaran dusare team ki driver ko vijetaa ghoshit karte hai. Race ki starting dusari team ne Miles ke car se 8m dur se kiya tha toh vo 8m jyada distance cover karne ke kaaran Miles ko 2nd position miltaa hai. 

Shelby aur Miles dono Khushi se  apani jeet svikaar kartein hai. 

Do mahine baad ek race track me, testing ke dauraan, Ken Miles ki accident me mauth hoti hai. Shelby usake ghar jaakar vo wrench ko jo Miles ne uspar de phenkaa tha, use uske bete Piter ko detaa hai. Ken Miles ko maranoparanth raceing ki " Hall Of Fame " me shamil kiyaa jaataa hai.

FORD v FERRARI Ending Explained in hindi,हिन्दी में ,Hollywood movie in hindi, Hinglish,hollywood ki film,tv shows, english series,India.




Tags : hollywood movie in hindi,new hollywood movies,hollywood film, hollywood movie,hinglish movies,hollywood movies 2020,new movie



Comments

Popular posts from this blog

Invictus फिल्म की कहानी | स्टोरी इन हिंदी | Hindi Story

Invictus फिल्म की कहानी | स्टोरी इन हिंदी | Hindi Story  इन्विक्टस 2009 मे आई अमेरिकन-सौत्फरीकन बाइयोग्रॅफिकल ड्रामा फिल्म है , जो 1995 मे, साउत आफ्रिका मे हुवी रग्बी वर्ल्ड कप मॅच की कहानी कहेती है. कैसे एक स्पोर्ट देश को जोड़ सकता है, कैसे एक स्पोर्ट दुश्मनों का दुश्मनी मिटा सकता है, कैसे एक स्पोर्ट देश की डिप्लोमसी मे काम आसकता है. साउत आफ्रिका मे अपार्थाइड  यानी रंग भेद 1948 मे अफीशियली शुरू होकर 1990 मे ख़त्म हुवा. साउत आफ्रिका मे इस दौरान वाइट और ब्लैक लोगों केलिए अलग अलग क़ानून थे, काले लोगों का शोषण किया गया था. इसका एक लंबा खूनी इतिहास है. नेल्सन मंडेला ने इसके खिलाफ आंदोलन  किया था इसलिए उनको 1963 मे ज़िंदगी भर केलिए जैल मे डाल दिया गया था. 1980’s  के दशक  मे जब साउत आफ्रिका पर आर्थिक पाबंदियां  लगने लगे तब वहाँ की सरकार  आफ्रिकन नॅशनल कॉंग्रेस (ANC ) से रंग भेद  को ख़त्म कर ने केलिए बातचीत शुरू की. ओलंपिक्स  ने भी 1964 से 1988 तक साउत आफ्रिका को बैन  किया था. ICC  और अन्या काई सारी स्पोर्ट ऑर्गनाइज़ेशन्स ने भी उनको बैन किया था. उनमे से एक था इंटरनॅशनल

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the

1917 in Hinglish | Hollywood movie in Hindi | Hinglish

2020 saal ke Oscar me best Picture keliye chunigayi film me 1917 bhi ek hai. Film ki shuruvaat hoti hai saal 1917 ke world war 1 me. Corporals Schofield (George MacKay) and Blake (Dean Charles) 8 th battalion ke jawan the jo zamen par so hare the. Blake ke commanding sergeant unke paas aakar kehetaa hai ki ek aur jawan ko apane saath lekar, commanding officer se jaake milo. Blake ab Schofield ko apane saath lekar jaataa hai. Dono ab WW1 ke trenches se hoke guzartein hai aur sochatein hein ki unhen kisliye bulaya gaya hoga. Blake Christmas ke liye ghar jaana chaahataa tha. Ab vo dono commanding officer ke baarack me aatein hai jahan General Erinmore’s (Colin Firth) aur baaki sabhi bade officers the. General Erinmore unko ek important mission ke baarein me kehetein hai.  General Erinmore “ German army command ne ek strategic plan ke tehet apani puri battalion ko front se vaapas bulaliya hai aur vo piche hat rahein hai. Colonel Mackenzie apane 2 nd battalion ke saa