Skip to main content

The Rainmaker in Hinglish | Hollywood movie in Hindi | Hinglish

The Rainmaker in Hinglish | Hollywood movie in Hindi | Hinglish


1997 me aayi film The rain maker, is naam par likhi book se inspired hai. Film ki shuruvaat Rudy bailer ( Matt Damon ) naam ke ek law student ke voice over ke sath shuru hota hai, jisme vo law college life ko explain kartaa hai. USA ke memphas state law college me vo padathaa tha.

 Vo ek gaarib ghar se aayaa tha, isliye college fee keliye raat me ek restaurent me bhi kaam kartaa thaa. Law degree khatm hone ke baad us restaurent ke maalik Prince, use town ki badnaam law firm Bruiser Stone & associates ke paas lejaataa hai aur kaam dilaataa hai. Use vahaan kaam karnaa pasand nahi thaa kyunki Bruiser bahut badnaam thaa, par paison ki tangi ke kaaran vo job accept kartaa hai. 

Bruiser use kehetaa hai ki usaki law firm me fixed salary ka koyi option nahi hai, use har mahine cases diye jaayenge aur use, us cases me har mahine 1000 dollar kamaake dene honge. Usme se vo 700 dollar rakhegaa aur 300 dollar use degaa. Aise use experience bhi milegaa aur paise bhi. Rudy maanjaataa hai. Usake paas pehele se hi do case thi. Ek old lady ki jo ek will banvaana chahati thi aur dusar ek insurence case jo Great Benefit naamak insurence company ke khilaaph thi. Bruiser undon case ko usake law firm ke naam par registration karne keliye kehetaa hai. Vo apane assistant Dick Sheppard ko bulaakar usake saath kaam karne keliye kehetaa hai. Dick pehele insurence company me hi kaam kartaa tha par vo Brusier keliye kaaam kartaa rehetaa hai.

Dick ab Rudy ko office dikhaataa hai aur kehetaa hai, usne bhi law kiyaa hai par BAR exam clear nahi kiya. Rudy kehetaa hai meraa BAR exam teen hafton me hai. Rudy ko usake PG se baahar nikaal diyaa thaa, isliye use rehene keliye ghar bhi chaahiye thaa. Ab vo old lady, Mrs Birdie ke paas jaakar unki WILL ke baarein me baat kartaa hai.

Mrs Birdie 80+ saal ki lady thi jo akele reheti thi, vo Rudy se keheti hai uski saari jaaydaat se uske bete ko nikaal do aur saara paisa , tv par aanevaale ek priest ko dedo. Rudy ko ye sunkar kuch ajib lagtaa hai aur vo kehetaa hai yadi vo thik tarike se apana WILL nahi banvaayegi toh, marne ke baad saaraa paisa government ko chalaajaayega. Vo unhen sochane keliye kuch time dekar jaane lagtaa hai. Jaate time vo notice kartaa hai ki Mrs Birdie ke paas ek chotaa makaan bhi hai jo khali padaa tha, Rudy use kiraaya par maangataa hai. Mrs Birdie kuch conditions ke saath use rehene keliye deti hai.

Ab Rudy apani insurence case ke client, Mrs Black ke paas jaataa hai. Mrs Black ke bete Danny Ray Black ko leukemia ( ek type ka cancer ) huvaa thaa, doctors ne use bone-marrow transplant ka treatment karvaane keliye kahaa tha. Vo treatment mehengaa thaa, Danny Ray afford nahi karsakta thaa. Usne Great Benefit naamak insurence company se health insurence kharidaa thaa aise hi mauke keliye. Par ab insurence company uski claim ko accept karne se manaa kar rahe the , unka kehenaa thaa Bone-marrow treatment se bhi uska leukemia  thik nahi ho sakta. Unke mutaabik Danny Ray ka insurence policy sirpf common treatments ko cover kartaa hai, advance treatments ko nahi. Isliye unhone uska claim reject kar diyaa thaa.



Mrs Black, Rudy ko insurence company se aaye letter ko dikhaati hai. Rudy ko usme likhi bhasa se shock lagtaa hai. Ab Rudy apana contract nikaaltaa hai aur Mrs Black se kehetaa hai, uska law firm unke case ko ladegaa, saare kharche vo hi uthaayenge aur jitane bhi compensation milegaa, usme se 33% vo rakhenge. Danny Ray, usi maa Mrs Black aur pitaa Mr Black contract sign kartein hai. 

Dick, Bruiser ke firm me basically ambulence chaseing ka kaam kartaa thaa. Jiska matlab hai town me jitane bhi accidents hote the, uska first information Dick ko miltaa tha, vo hospital jaakar mariza se milkar, unhe compensation dilvaane kaa vaada kartaa thaa. Unki firm court me case karti thi aur compensation se mili amount me se 33% ,fees ke taur par rakha leti thi. Bruiser bhi ab Rudy ko ambulence chaseing ke business me lagaa detaa hai.

Bruiser ko ek domestic violence ka case hospital se pataa chaltaa hai. Kelly Riker naamak ek young lady ko uske hi pati ne baseball bat se beheremi se maara thaa. Uska treatment ab hospital me chalrahaa tha. Rudy ko uske paas jaakar, uske pati ke khilaaph case karne keliye manvaan thaa. Rudy kuch time keliye dur se hi uski haalat ko dekhataa hai. Uske pairon me fracture huvaa tha, sir me chot lagi thi, hathon me chot lagi thi, vo wheel chair par thi. Uska pati jail se bail lekar baahar aagaya thaa. Rudy Kelly ke paas jaakar cascual baatein kartaaa hai, aur apana introduction detaa hai. Use is haalat me aise patient se case discuss karnaa morally thik nahi lagtaa. Isliye vo kuch nahi kehetaa. Kelly ke parivaar me koyi nahi tha isliye vo Kuch din tak Kelly ka dekhabaal kartaa hai. Vo dono achhe dost bantein hai.

Isi beech Rudy bhi apana BAR exam clear kartaa hai. Danny Ray ke case ko prepare karte samaya vo aur Danny achhe dost bantein hai. Danny ke court case start hone se ek din pehele Bruiser, Rudy aur Dick ko lunch par lejaata hai. Undon ko bonus detaa hai. Dick ko shak hotaa hai ki achaanak Bruiser itane meherbaan kaise hogaya. Use lagtaa hai ki Bruiser ab Memphis chodke underground hone jaarahaa hai. Asal me FBI, Bruiser ke khilaaph corruption case chalaarahi thi. Dick ko lagtaa hai ki FBI ab kisibhi time par unke office par raid kar saara files jabpta kar sakti hai.

Dick , Rudy se kehetaa hai use Danny Ray ki file ko abhi office se nikaal naa hogaa, ye law firm toh ab dubnewaali hai. Rudy ab saare files ko nikaal letaa hai. Agale din FBI ka raid hotaa hai aur Bruiser underground hojaataa hai. Rudy aur Dick ab Danny Ray ka case akele hi ladane ka dicision letein hai. Vo ek office kiraaya par letein hai. 

Court ke pehele din Rudy full nervous tha, ye uska first case tha aur uske paas licence bhi nahi tha. BAR paas karne ke baad lawyers ko licence lenaa hotaa tha, kyunki Rudy abhi abhi pass huva tha usne apply bhi nahi kiyaa tha. Use lagaa tha saara case Bruise hi argue karega par ab vo toh bhaag gaya tha.

Case ko Judge Hale chalaanewaale the, jinhe bahut tobacco khane se khansi ho rakhi thi. Judge Hale , first Rudy ko license na hone ke kaaran case ladne ka permission nahi detaa. Par opposition ke lawyer, Leo F Drummond, Rudy ke saath humdardi rakhate huve kehetaa hai ki yadi usne BAR paas kiyaa hai toh use argue karne ka mauka milnaa chaahiye. Unhe koyi problem nahi hogi. Vo bhi ek in experienced lawyer hi chaahate the. Ab Judge Hale officially Rudy se law practice karne ka oath letein hai. 



Judge Hale, Rudy aur Leo ko apane kamare me bulaakar out of court settlement karne ka sujhav detaa hai. Leo, Rudy se kehetaa hai ki company 75000 dollar tak ki compensation dene keliye taiyaar hai , yadi vo apane clients ko manaa letaa hai toh case aaj hi band hojaaye gaa.Rudy kehetaa hai vo apane client se puchkar bataayegaa. Dick offer ko accept karne keliye kehetaa hai kyunki unme se 25000 dollar unhe milne waale the. Rudy ye offer Mrs Black aur Danny ko bataataa hai. 

Dannay Ray kehetaa hai ab use paise se koyi matlab nahi hai, uska treatment hone ka ab koyi chance nahi hai. Uske paas time nahi hai, yadi time par claim miltaa toh baat kuch aur thi. Vo Rudy ko case jaari rakh kar, insurence officials ko negligence keliye jail bhejane ko kehetaa hai.

Isibeech Judge Hale ka heart attack se death hotaa hai. Uske place par ek strict african-american Judge Kepler appoint hotaa hai. Judge Kepler , Danny ki condition ko dekhakar case fast track kartaa hai. Sabhi log Judge, Rudy aur Leo , danny ke ghar jaakar uska bayaan darja kartein hai. Rudy bhi insurence company me jaakar , claim handler Jackie Lemancyzk se interview karnaa chaahataa tha, par Leo kehetaa hai vo company se resign kiya hai. 

Kuch din me hi Danny Ray Black, leukemia se mar jaataa hai. Dick aur Rudy uske funeral me jaatein hai. Dick kehetaa hai ab ye case ek, wrongfully death ka hai isme compensation jayda hai. Rudy ussase naaraaz hotaa hai. Mrs Black ab case ko aage badhana chaahati thi. Rudy Mr Black ko saantvaana detaa hai.

American court trial me jury system hotaa hai jahan par 12 aam aadami case suntein hai aur decision detein hai. Judge ka kaam sirpha trial conduct karnaa hotaa hai. Ab dono party 12 jury ko finalise kartein hai.

Dick ko pata lagtaa hai ki opposition ke lawyer ne unke office me secret microphone lagaayaa hai aur unke phones ko kabhi tap kar rahein hai. Vo ek private dectictive ke madad se unsab microphones ko office se baahar nilakvaataa hai. Rudy, Dick koe ek pank call karne keliye kehetaa hai jisme vo ek Jury member Billy Porter banke decision Rudy ke paksh me dene keliye maanjaataa hai. Leo ye nakali phone call sunkar court me asali Billy Porter par pakshpaath ka aaropa lagaataa hai. Asali Porter gusse me, court me hi Leo par hamlaa kartaa hai. Leo ke baaki lawyer use bachaane jaatein hai. Court hall me haathapaayi hoti hai, Judge Kepler gusseme sabhi ko daantatein hai aur Billy Porter ko Jury se nikaal detein hai.


Kelly jewellery shop me kaam kar thi thi. Ek din uska husband phir se uspar hamla kartaa hai. Vo dar ke shop ko jaati hai aur Rudy ko bhi shop me bulaaleti hai. Rudy shop se use Mrs Birdie ke ghar laataa hai. Mrs Birdie aur vo kuch din tak uska khayaal raktein hai. Ab Kelly officially apane husband ko divorce dene keliye ready hoti hai. Vo aur Rudy jab uske ghar se uski saare kapade aur saamaan laane jaatein hai, tab uska husband vahaan aakar un donon par phir se hamlaa kartaa hai. Isbaar Rudy use baseball ke bat se sir me maartaa hai aur vo vahain mar jaataa hai. Kelly ghabaraakar us murder ka iljaam apane sir le leti hai. Rudy vahan se bhaag jaataa hai. Police aakar Kelly ko arrest karti hai aur jail bhejati hai. Rudy usase milkar kehetaa hai vo use kaise bhi kar ke baahar nikaalegaa.

Ab court case aage badati hai. Cross examination me Leo, Mrs Black ko insurence policy dikhakar kehetaa hai ki policy me clear likha hai ki ye sirph basic treatments ko hi cover kartaa hai naa ki advance treatments jaise bone-marrow transplant. Vo black family ke physician Dr Page ka letter ko bhi dikhaakar kehetaa hai, inke mutaabik bone marrow transplant karne par bhi Danny Ray nahi bach saktaa thaa. Mrs Black keheti hai Dr Page koyi expert nahi hai, vo sirph ek physician hai. Vo hamesha apane bete keliye sabse achha treatment hi chahati thi.

Ab witness box me claims deparment ke vice president Mr Luffkin aataa hai. Rudy usase puchataa hai ki Jackie Lemancyzk kaun hai? Kya vo Danny Ray ki case ka claim handler thi? Aur kab use company se nikaala? Mr Luffkin kehetaa hai Jackie Lemancyzk Danny ray ki clams handler thi aur use company se nahi nikaala balki vo khud hi company chodakar chaligayi, apane personal kaaran se.

Dick ab Jackie Lemancyzk ka pataa lagaataa hai aur usase puri jaankaari haasil kartaa hai. Agale din Rudy , Jackie ko witness ke taur par pesha kartaa hai. Isapar Leo object kartaa hai kyunki unko iske baarein me pehele se notice nahi diyaa gayaa tha. Dick beech me judge se kehetaa hai ki unhone pri-trial me sambhavit witness ke taur par jackie ko list kiyaa tha, isliye unhe allow karnaa chaahiye. Judge unhe allow kartaa hai.

Jackie witness box me aakar insurence company ke kaam karne ke tarike ko bataati hai. Vo keheti hai vo Danny Ray ki claim handler thi, insurence primium ko har hafte thod thoda karke liyaa jaataa thaa, jaaydaatar garib lower income working class se. Policy ke tehet saare claims ko ek saal tak latkaaya jaataa thaa. Kuch na kuch bahaana banaaya jaataa tha. Jo log aasaani se out of court settlement karnaa chaahate the unse settlement kiyaa jaataa thaa. Kuch ki case me claim accept kiyaa jaataa tha. Sab ko maalum tha ki Danny Ray ki claim sahi hai, yadi vo ek case me claim accept karte toh baaki sabhi bone marrow case me bhi unhe claim accept karna padataa. Isliye vo case ko delay karte gaye.

Jab Mrs Black ne unpar case kiya toh company ke boss Mr Luffkin ne mujhe bulaakr kahaa ki company thum he 10000 dollar degi aur tumhe resigination denaahoga. Varnaa vo use job se nikaal denge aur kuch nahi milegaa. Condition thi ki Danny Ray ki case ke baarein me kisi ko kuch nahi kehenaa hai. Jackie rote huve Mrs Black se maaphi maangti hai.

Rudy company ke policy manual ko dikhakar section U ko padane keliye kehetaa hai. Jackie keheti hai ki isme section U nahi hai. Court ko jo mannual submit kiyaagayaa thaa usme Section U nahi tha. Jackie ne kuch documents ko churaaliyaa tha aur original mannual bhi usme se ek thaa. Ab Rudy Jackie ko usme se padane keliye kehetaa hai. Ispar Leo object karke kehetaa hai ki churaaye gaye documents court me admit nahi hosakte. Judge mannul ko admit karne se inkaar kartaa hai.


Ab Leo Jackie se cross examination kartaa hai aur kehetaa hai ki vo alcoholic hai, kuch dino tak rehab center me thi. Insurence company ne usaki group policy ke claim ko accept nahi kiya isiliye vo ab badala lerahi hai. Uspar company ke officers ke saath sexual favours kar ke pramotion lenaa ka aaropa bhi lagaataa hai. Uske dwara digayi saari evidence ko stolen evidence yaani churaayihuvi sabut maankar use admit nahi karne ka apeal kartaa hai. Judge bhi ab unko admit nahi kartaa. 

Dick ke paas Bruiser ka emergence contact number thaa, use istemaal karke vo stolen evidence ke baarein me Bruiser se puchataa hai. Bruiser ne aise kayi case ko handle kiyaa tha. 1992 me aayi aise hi ek case ke baarein me vo bataakar kehetaa hai ki yadi documents ko churaane me lawyers kaa koyi haath na ho toh vaise documents ko admit kiyaa jaasaktaa hai. Dick ab us case ke files ko dhundane lagtaa hai.

Rudy ko raat me Memphis District Attorney se urgent milne keliye phone aaata hai. DA, Kelly ko par koyi case karnaa nahi chaahati thi, vo us murder ko ek self defence ghoshit karke kelly ko rihaa karne waali thi. Kuch paper work complete karne ke baad Rudy aur Kelly jail se baahar aatein hai. Rudy use Mrs Birdie ke ghar laata hai.

Agale din insurence company ke CEO Mr. Willfred Kielly witness ke taur par haazir hotaa hai. Rudy phir se use Jackie ke diye gaye mannual se section U ko padane keliye kehetaa hai. Leo phir se ispar objection kartaa hai. Isbaar bhi phir se Dick , Bruiser ke pichale court cases ke file ko dikhakar kehetaa hai ki , un documents ko haasil karne me undon ka koyi involment nahi hai, isliye unhe admit karnaa chahiye. Judge Kepler kuch time tak files ko padkar allow kartaa hai. Leo isase khush nahi hotaa par apani objection barkaraar rakhataa hai.

Ab Rudy Mr Kielly ko vo section U padane keliye kehetaa hai jisme likhataa ki sabhi claim handelers ko sabhi claims ko 3 mahine keliye nakaarnaa hoga, kisbhi haalat me. Rudy puchataa hai ki aapki company ke paas saal 1995 me 11462 claims ki request aayaa aur aapne 9420 claims ko accept nahi kiyaa. Kya ye sahi hai? Mr Kielly kehetaa hai lagbha sahi hai. Ab vo jackie se mile ek aur file “ Medical Committee’ ki report , jiska chairmen khud Mr Kielly hi the, dikhaakar use padane keliye kehetaa hai.

Mr Kielly us document ko padatein hai jisme likhaathaa ki , Bone-Marrow treatments ab basic treatments me ginaa jaarahaa hai isliye company ko uske claims ko handle karne keliye investment karnaa chaahiye. Company ko pataa thaa ki claim legal hai par phir bhi unhone ne claim ko accept nahi kiyaa. Rudy ab apana arguments end karta hai.

Ab jury apana decision sunaanekeliye baita thi hai. Kuch ghanton ke baad hi vo pahisala karti hai. Judge unhein apani decision bolane ko kehetaa hai. Jury person kehetaa hai “ Hum Jury members Great Benefit Insurence Company ko guilty yaani aparaadhi maanatein hai. Isliye hum plaintiff ( vaadi ) Danny Ray ko claim ke rakam 150000 dollar detein hai. Hum Great Benefit ko harzaana ke taur par 5 million dollar ke raashi ko , plaintiff Danny Ray ko denaa ka paisala sunaatein hai . “ Danny Ray ke Pitaa Mr Black, Danny ki photo ko, rote huve Mr Kielly ko dikhaataa hai.


Ab ye natinal news bantaa hai, peheli baar kisi ne ek insurence company par itana bada fine lagaayaatha. Rudy ki photo tv par aataa hai, Mrs Birdie, vo aur Kelly news dekhatein hai. Dick tv par interview detaa hai. 

Agale din Mr Kielly apani wife ke saath israel bhaag rahe the aur police ne unhe pakadliyaa tha. Une company ke paas utana fine dene ka paisa nahi thaa, vo ek fraud company chalaarahe the. Raaton raat vo company bankrupt hoti hai, Leo Rudy ko phone karke kehetaa hai ki is case me kisiko kuch nahi milaa, use bhi uskaa fee nahi milaa. Vo Rudy ko achhe se case ladne par badhayi detaa hai. Dick ko ab pure legal system se hi bharosa ud gayaa thaa. 

Rudy ab saari baatein Mrs Black ko bataataa hai, vo use dil se thanks keheti hai. Ruday aur Kelly apni life start kartein hai. Rudy aur Dick apana office chaalu rakhatein hai, par unke paas abhi bhi paisa nahi tha, sirph fame tha. Film Rudy ke Quotes ke saath khatm hotaa hai. 




Tags : hollywood movie in hindi,new hollywood movies,hollywood film, hollywood movie,hinglish movies,hollywood movies 2020,new movie 

Next Film : Ground Hog Day


Popular posts from this blog

Invictus फिल्म की कहानी | स्टोरी इन हिंदी | Hindi Story

Invictus फिल्म की कहानी | स्टोरी इन हिंदी | Hindi Story  इन्विक्टस 2009 मे आई अमेरिकन-सौत्फरीकन बाइयोग्रॅफिकल ड्रामा फिल्म है , जो 1995 मे, साउत आफ्रिका मे हुवी रग्बी वर्ल्ड कप मॅच की कहानी कहेती है. कैसे एक स्पोर्ट देश को जोड़ सकता है, कैसे एक स्पोर्ट दुश्मनों का दुश्मनी मिटा सकता है, कैसे एक स्पोर्ट देश की डिप्लोमसी मे काम आसकता है. साउत आफ्रिका मे अपार्थाइड  यानी रंग भेद 1948 मे अफीशियली शुरू होकर 1990 मे ख़त्म हुवा. साउत आफ्रिका मे इस दौरान वाइट और ब्लैक लोगों केलिए अलग अलग क़ानून थे, काले लोगों का शोषण किया गया था. इसका एक लंबा खूनी इतिहास है. नेल्सन मंडेला ने इसके खिलाफ आंदोलन  किया था इसलिए उनको 1963 मे ज़िंदगी भर केलिए जैल मे डाल दिया गया था. 1980’s  के दशक  मे जब साउत आफ्रिका पर आर्थिक पाबंदियां  लगने लगे तब वहाँ की सरकार  आफ्रिकन नॅशनल कॉंग्रेस (ANC ) से रंग भेद  को ख़त्म कर ने केलिए बातचीत शुरू की. ओलंपिक्स  ने भी 1964 से 1988 तक साउत आफ्रिका को बैन  किया था. ICC  और अन्या काई सारी स्पोर्ट ऑर्गनाइज़ेशन्स ने भी उनको बैन किया था. उनमे से एक था इंटरनॅशनल

50 Morning Affirmations in Hindi, Positive Affirmations Hindi

हमारे कार्य  हमारे जीवन को बनाते है, उन कार्यों को नियंत्रित करता है हमारा मन. यदि मन शुध है, तो हमारा जीवन भी शुध होगा.मन के विचारों पर काई सारी चीज़े प्रभाव डालते है,जैसे की दिमाग़ का सेहत , फिज़िकल फिटनेस,खान पान और हमारी मान्यताएं. अफर्मेशन्स का संबंद इसी मान्यताएं  या विश्वास से है. अफर्मेशन्स एक छोटे से वाक़या या स्टेट्मेंट्स होते है जो आपको पॉज़िटिव थिंकिंग करने मे मदद करते है. ये कुछ ऐसे वाक़या होते है, जिसपर आपका मन पहेले विश्वास नही करता,क्यूंकी उसका अर्थ आपके मन के लॉजिक पर खरा नही उतरता.  लेकिन जैसे हम अपनी फिज़िकल बॉडी को ट्रेन कर सकते है वैसे ही अपने मन को भी ट्रेन कर सकते है. जब हम रोज़ इन वाक्यों को दोरहाने लगते है तो धीरे धीरे हमारे सूक्ष्म मन मे इनके अर्ता शामिल होने लगते है. जब भी कोई विचार आपके  सूक्ष्म मन  मे शामिल होता है तो आपका , जागरूक मन भी उसपर बेझीजक यकीन करलेता है. ये बात पॉज़िटिव और नेगेटिव दोनो विचारों केलिए अप्लाइ होता है. जब आप पॉज़िटिव विचारों का प्रॅक्टीस करते है तो रिज़ल्ट पॉज़िटिव ही होता है. बच्चे अपनी मा के हर बात को सही मानते है क्यूंकी उ

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the