Contagion in hinglish | Hinglish Spoilers | Hollywood in Hindi

Contagion in hinglish | Hinglish Spoilers | Hollywood in Hindi

Day 2

Film ki shuruvaat me hum Beth Emhoff naam ki ek mahila ko airport par dekhate hai. Tabhi uske mobile phone par Jhon Neal naam ke ek aadami ka phone aataa hai. Vo puchata  hai uske saath sex karke vo use bina kuch bataaye vo kyun chali gayi? Beth use keheti hai ki usne usake saath majha aaya par ab vo usase kabhi bhi milanaa nahi chahati. Jhon use keheta hai ki yadi use dobara contact karna ho toh uske secure email ka use kare.

Ab hum hongkong me kayi log achaanak bimaar hone lagtein hai. Ek boat par ek young ladaka bimaar hotaa hai. Ek model bimar hoti hai aur eupore ke  apane hotel ke kamare me hi mar jaati hai. Ek japani businessman apane hotel ke kamare se bimari ke lakshano ke saath baahar aataa hai. Baad me jab vo ek bus me jaata hai vahin mar jaataa hai. Beth ab apane ghar, Minnesota aati hai apane husband Mitch ( Matt Damaon ) aur bete Clark ke paas.

DAY 3

Agale din Mitch Clark ko school se lekar aataa hai, Clark ko tez bukhar tha. Aate waqt Clark school me kayi saare chijon ko chutaa hai.

Ek News Channel ke  office me, private blogger Allen ( Jude Law ) news ke editor Lorraine ko Hong Kong me ho rahi ajeeb bimaari ke baarein me khabar chaapane keliye kehetaa hai. Use lagtaa hai ki ye vahan ki fish market me mercury poisoning se horahaa hai. Lekin Lorraine use neglect karke khabar ko dabaa deti hai. 

DAY 4

Beth ab ghar par puri bimaar thi, use ab daure padne lagtein hai. Mitch use turanth hospital lejaataa hai. Hospital ke ER ke table par hi Beth mar jaati hai. Doctor Mitch, Beth ki mauth ki khabar dekar  kehetein hai ki china ke trip ke wajah se hi use kuch huva hoga. Hospital me autopsy karne ke baad hi uski mauth ka reason pataa chal saktaa hai.

Jab Mitch hospital se vaapas ghar aaraha tha tab use, Clark ki babysitter ka phone aataa hai ye kehete huve ki Clark ekdum bimaar hai. Mitch use turanth 911 ko phone karne keliye kehetaa hai. Jab tak Mitch ghar pahunchtaa tab tak Clark bhi mar gayaa tha.

DAY 5

Ab duniya bhar me ek nayaa virus jo Hong Kong, China se shuru huvaa tha vo phel rahaa tha. Ye virus ab US,Japan,London aur Europe me bhi tha. Dr Lenoara Orantes ( Marion Cotillard ) jo ki World Health Organisation ( WHO ) ki scientist thi vo is virus par bulaayi gayi meeting me hissa lekar isaki ghambirataa ko samajhati hai.

Chicago me Jhon Neal bhi bimaar tha use bhi medical workers stretcher par lejaarahe the. 

Beth ki autopsy karne waale doctor uski khopadi ko khol kar dekatein hai aur dar jaatein hai. Vo log turanth autopsy band karke us ward ko seal kar detein hai. 

DAY 6

Mitch ko ab phir se hospital lejaayaa jaataa hai aur use sab se dur, isolation room me rakhaa jaata hai. Jody, Mitch ki pehele patni se beti , bhi vahan aatai hai aur vo dono phone par baat kartein hai. Mitch use kehetaa hai ki vo bilkul thik hai , vo Jody ko apane maa ke paas jaane keliye kehetaa hai. Jody use manaa karke uske saath hi rahene ka decision leti hai kyunki Mitch ka ab is duniya me koyi aur nahi tha. 

Center for Decease Control (CDC) ke chief Dr Cheever, apane sahayogi Dr Erin Mears ( Kate Winslet ) ko Beth se pheheli infection ko rokane bhejatein hai.

Ab Dr. Mears , Minnesota ke regional CDC office jaati hai aur virus ko phelane se rokane keliye un sb ki list banaane keliye keheti hai jiske contact me Beth, Clark ya Mitch aayaa ho. Ye ek highly contegious virus hai jo ek dusare se, virus affected aadami ke chune ki chizon ko chune se , haath milaane se pailataa hai. Dr. Mears keheti hai ki kisibi virus ko phelane me R-number yaani reproductive number sab se mahatvapoorna hai. Saadharan flu keliye ye no 1 hai, polio keliye ye 4 yaa 6 hai. Jab tak Is naye virus ka R-Number pataa nahi chaltaa tab ise rokana mushkil hai. 

Do CDC ke doctors Ally Hextall and David Eisenberg ek sequre bio lab me Beth ke body se mile sample ko analyse kar rahe the.  Haxtall is sample ko Dr Sussman ko study keliye bhejane ka sujhav deti hai. Dr Sussman ek private virus specialist research doctor the. Ab Dr Sussman ko vo sample bhi miltaa hai. Kuch samaya baad blogger Allen , unse adhik jaanakaari haasil karne keliye unse puchataa hai ki kya ye virus ek bio weapon hai? Dr Sussman use daanta kar bhagaa detein hai. 

DAY 7

Dr Cheever se homeland security ke officer Lyle Haggerty ( Bryan Cranston ) aakar kehetein hai ki pentagon aur CIA ko lagtaa hai ki ye virus ek bio weapon ho saktaa hai. Dr Cheever ko ye theory sahi nahi lagtaa kunki uske koyi puktha evidence nahi the.

Ek dusari khabar me Clark ke school ko band kiyaa jaataa hai kyunki vahan do nurses aur do bachhe bhi bimaar huve the. Clark ke babysitter ka husband bhi bimaar huvaa tha. Ab panic har jagah phelane lagtaa hai.

Dr Mears ab Beth ki office AIMM ko jaakar puchthach karti hai, vahan koyi bhi Beth ke direct contact me nahi aayaa tha, sivaay ek ke. Eric Barnes ne Beth ko airport se office lekar aayaa tha, Dr Mears Eric ko phone karti hai. Vo ek public bus me tha aur kaaphi bimaar tha. Dr Mears use turanth bus se utarkar  sab se dur khada hone keliye keheti hai.

Mitch ko doctor keheti hai ki Beth Chicago ko subha 11 baje pahunchi aur Minisotta ko sham 6 baje. Vo Mitch se puchati hai ki kyavo  jaanataa hai ki 5 ghante Beth, chicago me kyun rahi hogi?. Mitch keheta hai ki Beth ka ek puraana boyfriend Jhon Neal Chicago me rehetaa hai. Iske alava vo chicago me kisiko vo nahi jaanati. Mitch puchataa hai ki kya Jhon Neal bhi bimaar hai? Doctors hichkichate huve haa me javaab deti hai. Mitch ko ye sunkar shock lagtaa hai ki uske wife ne usase cheating kiyaa.

Hextall Cheever ko virus ke baarein me update deti hai . Vo keheti hai ki is virus me bats aur pigs donon ki dna ka mishran hai. Human cells par ye directly hamla kartein hai. Haxtall keheti hai ki usne aise virus o kabhi nahi dekha hai. Dr Cheever ab Dr Sussman ki lab ko band karke sabhi samples ko  sequre karne keliye kehetein hai. Hextall bhi naachahate huve bhi aisa hi karti hai.

DAY 8

CDC Chief Dr Cheever press conference kar ke kehetein hai ki is virus se infectedd log ab tak hai 80000 aur iski sankhya 267000 tak jaasakti hai.

Allen apani blog par fake news phelaata rehetaa hai. Vo kehetaa hai ki is virus ka ilaaja hai par government aur CDC ise chupaa rahein hai. Govenment pharma companies milkar iska phayida uthana chahati hai.

Dr Orntes ab Hong Kong jaati hai aur Beth ki movements ko track karne lagti hai. Iskeliye vahan ki sarkar ne Sun Feng naamak ek local police officer ko niyukt kiyaa tha. Ab vo dono us casino ko jaatein jahan Beth gayi thi, vahan ki sequrity camera ko dekhane ke baad pataa chaltaa hai ki Beth ne us din kayi saare logon ke saath photo khincha tha. Casino ke waiter, cheff,businessman, model, etc etc. Dr Orantes ko yakkin hotaa hai ki Beth hi patient zero thi. Sun feng use kehetaa hai ki uske village me sab log bimaar hai , uski maa bhi bimaar hai.

Dusari aur Dr Sussman CDC ke order ko naa manate huve apani research jaari raktein hai.


DAY 12

Dr Sussman anthtah apani research me safal hotein hai. Vo lab me bat ki dna se virus ko successfully grow kartein hai. Ab unko pataa chaltaa hai ki ye virus kahan se aayaa tha. Vo CDC ko ye saari baat bataataa hai. Dr Cheever pehele thoda gussa hotein hai ki unhone unki baat ko naa mankar infection badhane ka risk liyaa. Kyunki ab vo successful ho chuke the iska sheya Dr Sussman ko dekar, vaccines banaa sakte the.

Minnesota me Mitch abhi bhi quarantine me hai, vo Dr Mears se puchata hai ki yadi vo immune hai toh uske blood sample se blood vaccines kyun nahi ban sakti. Dr Mears keheti hai ki blood vaccines bahut time leti hai aur usaka koyi guaranty bhi nahi hai. 


Ab Dr Mears Ek bade se indoor stadium ko make shift hospital emergency room me convert karne ka order deti hai.

Ab Mitch apani beti Jody ke saath hospital se bhag jaataa hai. Dono apane ghar jaatein hai. Tab unke padosi ke beta aur Jody kka friend Andy, phulon ko lekar aataa hai. Vo Beth aur Clark ke mauth par shandhanjali denaa chahataa thaa. Mitch use, uski achhi effort keliye shukriyaa kehetaa hai par use ya uski pulon ko ghar ke ander aane nahi detaa, kehetaa hai ki vo unlogon ko bimaar kar saktaa hai. Isliye use jaane keliye kehetaa hai.

DAY 14

Agale subha jab Dr Mears utathi hai toh vo khansane lagti hai, use pataa chaltaa hai ki virus ab uske ander bhi ghus gayaa hai. Vo hotel ke staff ko sabhi logon ki ek list banaane keliye keheti hai jo uske kamare me aaye the. Vo Dr Cheever ko bhi phone kar ke apani condition bataati hai. Dr Cheever use apane taraf se har mumkin sahaayataa karne ka vaada kartein hai. Vo use usi kamare me rehane keliye kehetein hai.

Mitch ab apane wife aur bete ko daphanaana chahataa hai par funeral housevale use manaa kar detein hai. Kyunki undono me virus tha. Mitch ke mother in law , usko santwaana dete huve keheti hai ki , bhale hi Beth ne use cheat kiya ho par usne hamesha usase bhi pyar kiyaa tha. Jody aur Andy phone par text karte rehete hein. 

Flashback me dikhaya jaata hai ki Beth Casino me Japani businessman ke sath khel rahi thi, vohi businessman baad me japan me mar jaata hai. Beth Bar par bait kar drinks kar rahi thi, uske glass ko uthane vaala waiter bhi margaya tha. Beth apane table par mobile phone bhul gayi thi, ek model vo phone use laakar deti hai. Baad me vobhi europe ke ek hotel me marjaati hai.

Ab Dr Orantes ab Hong Kong se nikalne lagti hai, Sun Feng usko airport drop karne jaataa hai. Lekin raaste me hi Feng aur uske kuch gunde, Dr Orantes ko kidnap karke uske village ko lejaatein hai. Sun feng, Dr Orantes se kehetaa hai ki uski maa bhi ab margayi hai aur uske village ke lagbhag sabhi log bhi. Jab tak is virus ka ilaaja nahi miltaa tab tak vo vahin rahegi, jab america unsab ko vo  vaccine degi tabhi usko release kiyaa jaayegaa.  

Ab Dr Cheever ko Col Haggerty kehetein hai ki, Chicago ko seal kiyaa jarahaa hai, President ko ek khupiyaa jagah par lejaayaa gaya hai. Americian sansad ab sirpf online par hi hai. Vo kehetaa hai ki sabhi air trevell rok di gayi hai. Ab pure desh me panic pheheltaa hai.Dr Cheever , Dr Mears ki koyi sahayata nahi karpaate.

Blogger Allen apani live blog par kehetaa hai ki vo bhi bimaar hai, usne is bimaari ka solution dundaliyaa hai. Vo Forstina naamak ek davaa ko paani me milaakar letaa hai aur kehetaa hai ki yadi vo kal tak zinda rehegaya toh ye dayaa kaam karti hai.

Dr  Cheever apani wife Aubrey ( Sanaa Lathan ) ko phone karke phuran chicago chodane keliye kehetaa hai aur ye baat kisi aur ko bataa ne se bhi manaa kartaa hai. Indono ki baat ko use peon Roger sunletaa hai aur kehetaa hai ki, sabi logon ke family hai , naa sirpha uski. Ab Aubrey phuran Chicago chodake jaane lagti hai aur jaate samaya apane friend ko bhi chicago chodane keliye keheti hai.

DAY 18

 Ab saare american log Blogger Allen ki fake news par yakin kar ke Forstina ko kharidane jaatein hai, jab bahut saare demand ke kaaran unhe vo nahi miltaa to voh medicine shop ko lutane lagtein hai.  Ab shehar bhar me dange , loot paat hone lagtein hai. Mitch bhi apane beti ke saath supermarket se khana lene jaataa hai par vahaan bhi loot paat jaari thaa. Vo shehar chodake jaane lagtein hai par national guard unhe roka detein hai

Blogger Alen ab viran shehar me apani bio suit me ghumkar shekar ki destruction ko dekhataa hai. Jab vo ghar aataa hai vahan par edito Lorraine baiti thi, vo usase medicine maangati hai, vo keheti hai ki vo pregnant hai. Allen use kehetaaa hai ki usake ghar ko bhi looterone loot liya hai, isliye uske paas bhi ab koyi medicine nahi hai. Vo Lorraine ko vahan se bhej detaa hai.

Udhar Minnesota me Dr Mears ko usi stadium layaa jaataa hai jisko banaane keliye unhone hi kahaa tha. Unhe ab zamin par hi sulaayaa jaataa hai. Kuch der baad hi vo mar jaati hai. Unka co worker unki body ko mass grave yard par lejaataa hai. Vahan par body bags bhi khatm ho gaya tha. Dr Mears ke coworker Dave, unke body ke paas phulon ka guchha rakha kar unhe sammaan detaa hai. 

DAY 21

CDC ke Eisenberg ko ek email aataa hai jisme likha tha ki Africa me MEV- mutate kar gaya hai yaani apani original roop se jayda khatarnaak huva hai. Eisenberg aur Hextall bandaron par vaccine ki trial shuru kartein hai. Kayi bandar is test me fail hokar mar jaatein hai. Baahar ki duniya me sab kuch viraan ho chukaa tha, airports,gyms,sadakein, park sab kuch khali pade the.

Isli beech blogger Allen Lorraine aur uske bachhe ki dead body ko bhi dekhataa hai. Usne uski koyi madad nahi kiyaa tha.

DAY 26

Mitch goes for an MRE handout when they announce they have run out. Riots ensue, and Mitch saves a woman from getting her food stolen.


Mitch ab sarkar ne banayi task force MRE ke paas jaakar khana lene keliye line me khada hotaa hai. Kuch der baad vahan bhi riots shuru hotaa hai. Vo ek mahila ki jaan bachaataa hai.

Uske ghar ke bagal ke house me se use gunshots ki aawaz sunayi deti hai.looteron ne ghar ke owners ko maar kar chalegaye the. Mitch 911 ko call kartaa hai par koyi nahi utaatha.

DAY 29

Mitch agale din padosi ke ghar me jaakar unki dead body ko dundane lagtaa hai par use vo nahi miltaa. Vo unke ghar se shotguns ko churaakar aataa hai.  Jab vo ghar ko aataa hai toh dekhataa hai ki Jody ghar par nahi hai, vo snow me pade pairon ke nishaan ko follow kartaa hai.

Jody aur Andy snow me khel rahe the. Andy, Jody ko kiss karne hi jaarataa tabhi Mitch vahan aakar use rokataa hai aur use ghar jaane keliye kehetaa hai. Andy ko lagtaa hai ki Jody aur vo dono hi immune hai isliye koyi problem nahi hogaa. 

Udhar CDC me Hextall dekhati hai ki 57th bandar me koyi bhi symptoms nahi hai. Vo Dr Cheever se keheti hai ki ab uska vaccine human trials keliye taiyaar hai. Ab Hextall apane aap par hi trail karti hai, pehele vaccine leti hai baad me virus se khud ko infect karti hai. 24 ghate ke baad vo test kar ke dekhati hai to pataa chaltaa hai ki vo bilkul thik hai. Vo ab apane pitaa se milne keliye hospital jaati hai jahan par vo mar rahe the, unhe apani discovery bataakar unhe thik karti hai. Uske dad use kehetein hai use iskeliye Nobel Prize milegaa. 

News me hum dekhate hein ki cure ko badi maatra me banaane keliye government order deti hai. Us cure ka first batch 3 mahine me hi ready hotaa hai.

DAY 131

Dr Cheever ke ghar par lootero ne hamlaa karke Aubrey ko cure keliye dhamakaatein hai. Jab unko pataa chaltaa hai ki Dr Cheever ke paas bhi cure nahi hai toh vo vahan se chale jaatein hai. Dr Cheever Aubrey ki haalat ko dekhkar shock lagtaa hai.

Allen apane pharma contact se kehetaa hai ki uske 12 million followers hai, vo aur bhi paise banaa sakte hai jooti dayaayi banaakar. Uski insab baat ko FBI secretly record kar ke , use giraftaar karti hai. Uspar dhokadati aur fake news phailaane ke aarop par jail me daalati hai. 

DAY 133

Col Haggerty ab lottery ke zariye vaccine ko baat tein hai. Jiska birthday number lagega usko pehele cure milega. Mitch aur Jody apane ghar ke tv me  is lottery ke procedure ko ive dekhate hein.

Hong Kong me WHO ke scientist Dr Orantes itane mahine vahin rukhi thi, vo ab vahan ke bachhon ko teaching derahi thi. Ek din Sun Feng, use vahan se lejaataa hai. WHO ne unki rihaayi keliye 100 cure ke samples bheje the. Cures ko exchange karke Sun Feng Dr Orantes ko release kartaa hai. Baad me WHO ke officer use asali cur dekar keheta hai ki jo cure unhone diye the vo nakali the, chinise government ne unhe dene keliye manaa kiyaa tha. Kyunki china me kayi jagah aise kidnapping ho rahe the, vo terrorist ke saath samjhotaa karne keliye taiyaar nahi the. Dr Orantes ko ye sunkar shock lagtaa hai vo ab vahan se jaane ke bajaaye vaapas us village ko daudati hai, kyunki vahan par bachhe the yadi vo baahar nikal gaye toh vo mar sakte thhe. 

Allen ke kayi saare followers me se kuch ne uska bail karvaayaa tha. Police chief use aise khatarnaak bimaari ka phaidaa uthane keliye gaali detein hai. Police bhi ab ek aur riots nahi chahati thi isliye vo Allen ko choda detein hai.

Ab Dr Cheever ko do cure miltaa hai ek uske liye aur ek uski wife keliye. Dr Cheever apani vaccine ko , apane peon Roger ke bete ko detaa hai, vo Roger se haath milaakar kehetein hai ki, hand shake karne ke piche ka matlab hai, uske haath khai hai, vo use chot nahi pahunchana chaahataa. Baad me Dr Cheever apane ghar jaakar apani wife ko bhi vaccine detein hai.

DAY 135

Haxtall aur Eisenberg , MEV-1 ki sample ko deep freeze me rakahtein hai.
Mitch ko bhi ab immune hone ka tag mil gayaa tha. Vo ek maal jaataa hai aur apani beti keliye ek dress kahridataa hai. Jody ko sham ko 8 baje taiyaar hone keliye kehetaa hai. Jab Jody 8 baje apane naye dress pehenkar niche aati hai toh dekhati hai ki uske dad ne hall ko sundar tarike se sajaayaa hai. Ab Andy ko bhi vaccine milgayaa tha, isliye vo bhi ab immune tha. Mitch ne Andy aur Jody keliye Porm night ka arrangement kiyaa tha. Jody , mitch se ab khushi se gale milti hai. Jody aur Andy dance karne lagtein hai.  

Mitch unki photo nikalne keliye camera dhundane lagtaa hai. Jab use vo miltaa hai toh vo dekhataa hai ki usme Beth ki kayi saari photos bhi thi. Usme Hong Kong me Beth ne khinchi huvi photos bhi thi, Mitch ko pataa lagtaa hai ki Beth ko vo virus Hong Kong me lagi aur usi ne hi baaki sabhi ko vo virus lagaayaa.

Ab Mitch usi camera me Jody aur Andy ki photo bhi letaa hai, vo teenon kayi din baad khush the, Mitch ko ab ummed dikhayi deti hai. 

Tags : Contagion in hinglish,  Hinglish Spoilers, Hollywood in hindi, Hollywood movie in hindi ,hollywood movies,hollywood film