Avane Shrimannaraayana in Hinglish | Hinglish Spoilers | Hindi Movie

Avane Shrimannaraayana in Hindi

Film Avane shrimannaraayana teen ghante labi film hai. Yadi film ki kahani ko itana lamba nahi khichate toh film dekhakar thakaavat nahi hoti. Film ki kahani ek fictional shehar Amaravati me rakha hai jahan par Abiraa naam ka ek kabila hai. Inke kabile ka mukhiya ka naam hai Rama Rama ( Madhusudan Rao). Ye ek dakuvon ka kabila hai jo kisise nahi darte aur koyi kaanun ko nahi maanate.

Film ki shuvaat me drama company ke 6 log, Rama Rama ke khajane ko churaatein hai. Baad me ek bandmaster ko kidnap karke, uske truck me bhagane ki koshish kartein hai. Lekin un sab ko Rama Rama pakadletaa hai aur mauth ke ghat utaartaa hai.Sirph Bandmaster ko zinda rakhata hai.Jab Rama Rama truck ko check kartaa hai toh usme khajaana nahi hotaa, vo gusse me aag babula hotaa hai.Apane saathi ko unsab ko daphanane keliye keheta hai.

Kuch din baad Rama Rama ki tabiyat bigad jaati hai, kabile vaale use naye neta chunane keliye kehetein hai. Par Rama Rama naye neta chunane se inkaar kar , keheta hai ki jo koyi bhi us looti huvi khajane ko lekar aayega vohi agala neta banega. Jab uska bada beta Jairam ( Balaji Manohar ) ispar aitaraz uthakar use kisi ek ko chunane keliye force kartaa hai toh vo apane sautele beta Tukaram ( Pramod Shetty ) ko chuntaa hai. Use apani khandani anghuti deta hai. Isase dono me dushmani shuru hoti hai. Ab Jairam apane Pita ka khun karne jaata hai, Rama Rama marte waqt usase Tukaram ko kabhi bhi nahi maarane ka vaada leta hai. Jairam ab Tukaram ke do ungali kaat kar vo anghuti vaapas letaa hai. Ab vo ailaana kartaa hai ki jab tak vo khajana nahi milta tab tak vo gaddi par nahi baitega.

Avane Shrimannaraayana in Hindi : 15 saal bitjaatein hai. Kisiko khajana nahi miltaa. Ab Tukaram apani ek gang banaakar us khajane ko dhundane keliye ek archaeologist yaani puratatva vigyani ko bulaata hai. Ab archaeologist ko koyi kidnap kartaa hai. Shehera ka inspector Narayana ( Rakshit Shetty ) ab char gundon ko giraphtaar karke, ek bar me jaakar sharab pitaa hai. Sheher ke ek journalist Lakshmi ( Shanvi Shrivastava) Narayan ko duty ke time par station par nahi rehekar ,sharab pine keliye daatati hai aur uska expose paper me karne ki dhamki deti hai., Jab vo BAR se nikaltaa hai use Tukaaram aur uske gunde pakad letein hai. 

Tukaaram keheta hai vo char log uske aadami hai aur usine unko archaeologist ke security keliye lagaaya tha. Ab vo usko chaar din ka time deta hai, yadi vo chaar din me archaeologist lekar nahi aaya toh vo usko nipataadenge. BAR ka malik, cowboy Krishna (Rishab Shetty) supaari letaa tha, Tukaram ne Narayan ke haathon hi ek letter me uska supaari likhakar Krishna ko bhejha tha hai. Lekin Narayan letter me apani supari likhane ke bajaay, lakshmi ki press ke wan ko churane ka supari likhataa hai.

Agale din paper me Narayan ke kila[h buri khabar chapati hai par news paper ko lejaane waale wan ko, Krishna ke chaar log churaa letein hai. Lakshmi, police station jaakar Narayan ko complaint karti hai. Narayan bhi naatak karke, wan dhundane ka vaada kartaa hai. Kuch time baad wan ko rakhi jagaha ko lakshmi aur uske editor Sudhakar () ko bulaata hai. Sudhakar ko halke se uske khilaaph kuch bhi bura nahi likhane ka dhamki detaa hai.

Tabhi uske wan se kisi ki chillane ki aawaz aati hai, pataachaltaa hai ki vo, khoyahuva archaeologist hai. Narayan aur uske constable Achyuthanna ( Achyuth Kumar ) ko pata nahi chaltaa ki vo vahan kaise aaya. Ab Narayan is mauke ka phayidaa uthane keliye, paper ke editor ko kehetaa hai ki paper me chaapo ki usine hi archaeologist ko dhundaa hai. Agale din uski tasvir paper me chapati hai.

Ab Jairam ke gunde aakar Narayan ko, Jairam ke paas lejaatein hai. Vahan par Jairam uske kile me rehekar Tukaram keliye kaam kar rahe ek bande ko pita raha tha, baad me use vo upar latakaa hai. Jairam ab Narayan ko daraakar sachhayi ugalvaata hai. Jairam ko pata lagta hai ki Narayan ne archaeologist nahi dhunda, use vo wan me hi milgaya tha. Ab Jairam Narayan ko maarane ka order detaa hai, dar ke maare Narayan use vaada kartaa hai ki vo kaise bhi karke , us archaeologist ke madad se us khajane ko dhunkar use laakar dega. Jairam ki kamzori vo khajaana tha isliye vo maanjaata hai.

Avane Shrimannaraayana in Hindi 

Ab Narayana un drama company ke log jahan mare the vahan aataa hai aur unki khabro kholkar suraag dhundane ki koshish kartaa hai. Lekin use aur Achyuthanna ko unki haddi tak nahi milti. Isase Narayan ko lagtaa hai ki koyi aur hai jo khazane ke baarein me jaanata hai aur unhone hi un logon ki laash ko churaaya hoga.

Ab Narayan un mare huve logon keliye ek shnti sabha kaa aayogan kartaa hai. Us sabha me aaye sabhi logon par apani police ko nazar rakhane keliye kehetaa hai. Vahan par chaar log dusare shehar se aaye the, unpar use shuk hotaa hai, ab vo apane police ko unke piche lagaataa hai. 

Tukaram bhi vahan aakar Narayan ko kehetaa hai, yadi vo Jairam ka madad karega toh vo usko chodega nahi. Narayan ko pataa chaltaa hai ki Tukaram ke baki aadami bhi, abhi bhi Jairam ke kile me khufiyaa jaasus ban ke rahe rahein hai. Ab vo use ulta dhamki detaa hai.

Ab Narayana 24 ghante us archaeologist ke piche rehetaa hai. Vo chaar log bhi ab archaeologist ka picha karne lagtein hai. Purnima ke din vo log archaeologist kidnap karke apane jangal me, ek secret location par lejaatein hai. Narayan aur achyuthanna unka pichaa kartein hai. Vo dono , do aadamiyon ko behosh karke unke kapadon ko pehenkar jhund me miljaatein hai. 

Unko pata lagtaa hai ki drama company ke log shehar shehar jaakar drama karke paise kamaathe the. Unke maanyta ke mutaabik vo aakhari show kiye bagair us shehar ko chod nahi skate the. Pichale 15 saal se vo log shehar me alag alag naam se rehe rahe the. Har purnima ke din jungle me milkar, unhe bachanewaala “ shri hari” ka intazaar kar te the. Unki ek bhavishyaani ke mutaabik purnima ke ek raat ko, ek garud panchi aakar us aadami ke haat par baitegaa jo “ shri hari “ hoga. Un chaaron ko lagtaa tha ki vo archaeologist hi “ shri hari” hai , isliye unhone use kidnap kiya tha.

Avane Shrimannaraayana in Hindi :

Function ke end me Narayana aur Achyuthanna pakade jaatein hai. Vo log gusse me use maarane hi vaale the tabhi , jo 15 saal me nahi huva vo hotaa hai. Ek garud panchi aakar Narayan ke haath par baitatha hai. Sab ko yakin nahi hota ki unka “ shri Hari” milgaya hai. Sab log jhukar Narayan ko pranam kartein hai, tabi vo dono vahan se bhag jaatein hai.

Agale din vo chaaro police station par Narayan se milane aatein hai.

 Achyuthanna ko vo sabhi drama company ke log paagal lagtein hai. Jab zor se puchane par vo bataatein hai ki vo 6 mare huve logon ne ek naksha banaaya tha, khajane ko dhundane keliye. Par us nakshe ki khabar unke marne ke saath hi gaayab hogayi. Narayan kehetaa hai ek zinda aadami hai jise vo naksha maalum hoga, bandmaster. Achyuthanna keheta hai ki 15 saal me vo paagal ho gaya hai, use kuch yaad nahi hoga. Ab Narayan band master se milne jaata hai.

Raaste me Lakshmi aakar keheti hai ki uski jaan khatare me hai. Un drama company me se kayi log “ shri Hari’ ki kahani par vishwas nahi karte.vo nahi chahate ki unki identity baahar aaye. Ab vo puri sachhayi dikhane keliye Narayan ko ek sunsaan haveli me lejaati hai. Vahan par Narayan ki pistol ko churaakar, apane saathiyon ke saath milkar ,keheti hai ki, un 6 mare huve logon me uska baap bhi ek tha. Usni ne khajana lutaa tha aur uski ke kaaran un sab ki zindagi haram ho gayi. Isliye unhone us purnima ke din news paper ke editor, Sudhakar ko “ shri hari “ banake bhejane ka plan tha. Unhone ek garud panchi ko bhi train kiya tha, haath par baitane keliye. Lekin Narayan ne sudhakar ko behosh kar ke, uski dress pehen kar, jhund me milgaya. Isliye garud panchi uske haath par bait gaya. Isme koyi chamtkaar nahi hai. 

Ab Lakshmi, Narayan ko ek room me band kar ke chali jaati hai. Nayayan ab chaalaki se vahan se bach kar Jairaam ke paas jaataa hai aur kehetaa hai ki uske kile me abhi bhi Tukaram ke aadami hai. Vo 6 logon ko jhuti kahani me phasaata hai. Ab Jairam bhi un 6 logon ko vaise hi maarne lagtaa hai jaise Rama Rama ne maaraa tha. Is scene ko dekhakar bandmaster ki yaadaash kuch kuch vaapas aata hai par vo dar ke maar kuch nahi keheta. 

Jairam ke aadami use kehetein hai ki vo police vaala unko phasa raha hai, uski baat ko mat suno. Jairam ab confuse hokar Narayan ke saath sab ko jail me band kartaa hai. Jail me vo log Narayan ko pitane ki koshish kartein par par asali Tukaram ke aadami aakar Narayan ko bachate hein. Ab Narayan, Tukaram ko kile par hamla karne keliye ek message bhejata hai. Vo ab khud Jairam ke paas jaakar uski kanpatti par banduk taankar use kile se baahar nikaalta hai. Tukaaram bhi ab kile me aakar Jairam par hamla kartaa hai, kyunki usne Rama Rama ko vachan diya tha ki Tukaram ko nahi maarega, isliye Jairam uspar hamla nahi kartaa. Tukaram ab kile par kabja karke Jairam ko jail me daalata hai.

Avane Shrimannaraayana in Hindi :

Narayan bandmaster ko lekar jaata hai. Raaste me, achyuthanna aur dram ke char logon se miltaa hai. vo jahag par ruk ta hai jahan vohi line likhi thi jo vo bandmaster ab hamesha doharaa rahaa tha. Narayan ko yaad aataa hai ki purane jamane me vo log line ko ulta bhi bolte the. Jab Narayan us line ki code ko suljaata hai hai tab vo chaaron bataatein hai ki vo line unki akhari show “ samudra manthan” ka hai. Ab agali clue use us show me hi milnevaala tha.

Vo ab lakshmi ke paas jaata hai. Bhavishvaani ke hisaab se yebhi tha ki jo aadami ko lakshmi ka pyar milega vahi “ shri hari “ hoga. Ab lakshmi, narayan se ek deal karti hai yadi vo logon ko us shehar se jaane keliye kahega toh vo aur use saathi use zinda choda denge. Iskelie vo sab ke saamane “ narayan hi uska pyar hai “ aisa jhut bolane keliye bhi ready thi. Narayan maan jaata hai.

Narayan ko khajaana chahiye tha, uska surag us akhari show me tha, isliye vo un logon ko akhari show kar ke jaane keliye kehetaa hai. Ab show ka theme tha “ samudra manthan ki kahani” . Us drama ke baad use kayi saare clue miltein hai..

Lakshami ko Narayan ki khajane ki laalach ke baarein me pataa chaltaa hai. Vo use keheti hai ki sab ke under Narayan aur Ravan hotaa hai, uske pita ne Ravan ka role kar kar ke Ravan hi bangaye. Uska bhi haal vaisa hi hoga. Use vo svarthi keheti hai.

Udhar Tukaram Abira ke kile ko aag lagane keliye apane gang se kehetaa hai. Sab log har jagah petrol chidaktein hai. Isibeech Jairam bhi jail se bhagkar sab ko marane lagtaa hai. Vo aakhir kaar vaapas apane kile ko apane kabze me letaa hai. Tukaaram ko upar marne keliye latakaataa hai. Apane aadamiyon ko drama company ke sabhi logon ko kidnap kar ke laane keliye kehetaa hai.

Narayan ko akhirkaar vo khajaana miltaa hai aur use lekar vo Jairam ke kile par aataa hai. Vahan par vo Jairaam se kehetaa hai ki Rama Rama ke shart ke mutaabik usane khajaana dhundaa hai isliye vo ab Abiron ke naye leader hai. Ab leader ke taur par vo sab se kehetaa hai ki usne kile ko aag lagaadiyaa hai, ab se abira kabila khatm, unsab ko ghar jaane kelie kehetaa hai. Jairam aur Narayan ke beech ladayi hoti hai, ladayi me Jairam kehetaa hai ki usne gaddi keliye apane baap Rama Rama ko maar diya tha, toh vo usko kaise chodega. Lekin iska parinaam Abira ke logon par ulta hotaa hai vo log ab Jairam ka support karna chodkar kile se nikaljaatein hai. Unhein vo sachhai maalum nahi thi .

Achyuthanna sabhi drama ke logon ko kile se baahar nikaal taa hai. Narayan aur Jairam ladate rehetein hai. Kuch time baad lakshmi dur se jalte huve kile ko dekhakar Narayan ke mauth ka apasos manaati hai. Baad me Narayan ghayal Jairam ko lekar aataa hai. Sabhi log, achyuthanna khush hotein hai. Lakshmi ab Narayan ko maaph karti hai. Narayan keheta hai ki uske under bhi bhagawan Narayan hai isliye usne jairaam ki jaan bajayi. Film yahi khtm hoti hai.  

Avane Shrimannaraayana in Hindi :

Tags : Avane Shrimannaraayana in Hindi, Hinglish Spoilers,bollywood movies,