Skip to main content

Bubbul Movie in Hindi | Hinglish | Film Ki Story

Bubbul Film Ki Story

Is article ko famous YouTube haunting channel @GhostSeries me use kriya gaya hai. yadi aap video dekhana chahatein  hai toh page ke end me jaa yiye. 

Netflix par release huvi film ki Bulbbul ki story ko explain karunga. Is film ko Anvita Datt ne likha hai aur direct bhi kiyaa hai.

Film ki kahani 1881 ke Bengal ke ek gaan me shuru hotaa hai jahaan 8-9 saal ki bachhi Bulbbul ki shadi horahi hai. Baarat me kaaphi log aayein hai unme se uski ke age ka ek ladaka hai jiskaa namma Sathya Thakur hai. Bachhi Bulbbul roz ki tarah apane gahr ke bagal ke peda par khel rahi thi, apani shadi ke dress me. Uski aunt use vahaan se lejaati hai tabhi uski mulaakaat Satyaa se hoti hai. Baad me Bulbbul ki shaadi hoti hai aur use palaki me sasuraal le jaatein hai.


Vo pure raaste me vo so rahi thi , jab jaagati hai toh use dar lagtaa hai. Uske sabhi jaan pehechaan ke log vahan nahi the. Satya ki bhabi Biinodini, use daant kar chup karne jaati hai tabhi Satya kehetaa hai shayad vo dar gayi hai. Ab vo use shant karne keliye ek chudail ki kahani sunaataa hai. Jisme vo kehetaa hai kayi saal pehele ek chudail thi, ped par reheti thi, ulte paanv the uske, hameshaa shikaar dundati thi. Etc etc.


Ab Bulbbul ghar aati hai tab hame pataa chaltaa hai ki Bulbbul ki shadi asla me Staya se nahi balki uske sab se bade bhai Indranil Thakur se huvaa hai, jo umra me usase lagbhar 20 saal badaa thaa. Uska Mahendra naam se ek twin bhai bhi tha jo thodaa paagal tha. Is paagal se hi Binodini ki shadi huvi thi. Mahendra Bulbbul khilona samajha kar usase khelane lagtaa hai tabhi Indranil vahan aakar use bulbbul se dur kartaa hai. Bulbbul naadani se puchati hai ki vo ladaka Satya kaha hai jisase meri shadi huvi thi. Indranil kehetaa hai jab tum badi ho jaavogi tab tumhe devar aur pati ka antar pataa chalegaa.


Ab kahani 20 saal aage badati hai. Satya londan se law degree haasil kar ke raat ko apane haveli ko aarahaaa tha. uska haveli basically ek farm house thaa, ghar ke aas paas, dur tak aam ke ped hi Ped the. Vahaan ke moon light bhi red colour ka tha nakki normal white ki. aate waqt uske ghoda gaadi ka driver keheetaa hai Ki ye jagah thik nahi hai chote Thakur saab , vahana ek chudail reheti hai. Satya use superstition keheke ignore karta hai aur gaadi me so jaataa hai. Kuch der baad unuke gaadi ke saamne achaank ek Ped girti hai, Driver Dar ke use nikaalne jaataa hai. Tab ek uliti lataki huvi parachayi hame Satya ke saamane dikhaayi deti hai aur Vo jaag jaataa hai. Diver kehetaa hai Ped gir gayaa tha.


Agale din vo hi driver apani do patniyon ko lekar, thakuraayin Bulbbul ke saamne aataa hai, usne dusari shaadi kiya tha aur vo Bulbbul ko kehetaa hai Ki vo dono ko khush rakhegaa. Ye vahi Bubbul bachhi thi jo ab bade hokar thakuraayin ban ke haveli sambhal rahi thi. Bulbbul use donon ko khush Rakhane Ki warning deke bhejati hai.


Ab Satya, bulbul se miltaa hai aur uskaa haal chaal puchata hai. vo paanch saal baad aayaa tha. flash back me Dikhaya jaata hai Ki bachpan me vo dono ek saath khelate the aur bulbul ko satya par crush tha. Ab idhar bulbul ka haav bhava, swabhav bilkul change hoagaya tha, vo ek Dum bold hogayi thi 1881 ke standards se. uska dress, genehe sab kuch classy tha. Ise dekhar Kar Satya ko thoda ajeb lagtaa hai.


Ab yahann uske bhai Mahendra ka murder ho gayaa tha aur indranil Thakur ghar chod ke chale gaye the. ab vo dono Binodini se milne jaatein hai. Ab ek Kupratha Sati ke thehat, binodini apana sir mundavakar, white saari pehenkar,widow aashrm me rehe rahi thi. Vo bhi keheti hai Ki chudail ne hi Mahindra ka murder kiya hai vo bhi durgastaami ke din.


Agale raat Satya shikaar keliye jaa rahaa tha, vo dekhataa hai ek adami Bulbbul ke pair ko apane pair par rakha kar treatment de rahaa hai. Usha naam Dr Sudip tha aur vo Bulbbul ka personal doctor tha. Bulbbul uska introduction Satya se karaati hai. Ab Dr Sudip Janae lagtaa hai kehetaa hai use master dinkar ke ghar bhi jaana hai. Satya kehetaa hai vo toh bade bhale aadami hai . Bulbbul sarcastically haste huve keheti hai uski patni se pucho vo kitana bhalaa adami hai, uski tuti huvi hadiyan bataayengi. Baad me Satya bulbul ko parda karne ka free advice detaa hai jispar bulbul phir se has kar use Janae keliye keheti hai.


Ab Satya, master dinkar aur kuch logon ke saath shikaar par jaataa hai. baki sabhi log chudail Ki story se dare huve the par Satya full confidence me tha. kuch der baad vo parachayi ab dinkar ke Piche padti hai, uspar hamla karke use ghasit te huve ek khandar me lejaati hai. Dr Sudip usi khandar ke paas the aur vo us parchayi ko dekhakar, us khandar me uska pichaa kartaa hai. jab vo vahaan jaata hai tab vahaan koyi nahi hotaa. Satya bhi ab daudate huve vahaan aataa hai, tabhi un donon ko baki logon Ki awaz sunaayi deti hai. Master Dinkar ko marr kar Ped par ultra latakaaya gaya thaa. Dr Sudip Police ko bulaane ko kehetaa hai.


Agale din Stya Bulbbul se kehetaa hai ye kisi aadami ka kaam hai chudail ka nahi. Bubblul keheti hai aurat bhi toh hosakti hai. Is par Satya dhukkarte huve kehetaa hai ki aurat me itani takat nahi hoti. Ab vahaan Binodini bhi aati hai jise satya ne hi bulaayaa tha, mahendra ki barasi aarahi thi vo puja karna charahaa tha.


Ab Satya ko Dr Sudip par shak hotaa hai aur binodini se puchataa hai ki kab se vo yahaan aarahaa hai. Binodini kuch mirchi lagaakar keheti hai ki Indranil bhisaab ke jaane se pehel se hi vo aarahaa hai. aur ab toh vo dono kaaphi close hai.


Ab flashback ke kuch scene dikhaya jaata hai. Bulbbul aur Satya bade ho chuke hai. Bulbbul Satya ko kaaphi pasand karti thi aur apana sara free time uske saath hi bitaati thi. Vo dono milkar ek fiction novel likha rahe the. Indranil bhi indono ki closeness ko notice kartaa hai aur thoda jealous feel kartaa hai. Binodini bhi indranil ke feelings par apana tadaka dalati hai.


Finally Indranil tang aakar Satya ko law karne keliye londan bhejane ka decision letaa hai. jisase Bulbbul ko kaaphi dukh hota hai. Ab Indranil kuch din keliye Satya ko lekar culcatta jaataa hai aur vahin se use londan bheja detaa hai. Isi beech Bulbbul apana novel complete karti hai, jab Indranil vaapas akele aakar bulbbul ko satya ki khabar detaa hai toh vo apani dukha me us novel ko jalaa deti hai.


Indranil ko yehasas hotaa hai ki uski wife hamesha se hi Satya ko hi pyar karti thi. Yahan par ek scene me ye dikhaya gaya hai ki Indranil ka affair bhi Binodini ke saath hamesha se tha. Par jab vo ye dekhataa hai ki uski wifi bhi affair kar rahi hai toh vo sehen nahi kartaa. Ab ek raat vo gusse me Bulbbul ke batroom ko jaataa hai aur ek metal rod se usko khub maarataa hai, uski paanva ko thoda detaa hai.


Agale din Dr Sudip aakar Bulbbul ka plaster kartaa hai , vo abhi bhi hosh me nahi reheti. Is waqt Indranil ghar chodake jaata hai.


Ab haveli ke paas ek aur khoon hotaa hai, ek budhe aadami ki. police constable Satya ko evidence dikhakar kehetaa hai ek bachhi ka kehena hai ki usne khoon hote huve dekha hai. Kalli maa ne kiyaa hai. Un evidence me Dr Sudip ka bhi signeture tha jisne body ko examine kiyaa tha. Ek aur coincident ke tehet vo bhi dusare case ke silsile se vahi tha. Ab Satya ka shak yakin me badaltaa hai ki Dr sudip hi khoon kar rahaa hai.


Ek aur scene me Satya Dr Sudip aur Bulbbul ko ek saath close hote huve dekhataa hai. isase chid kar Bulbbul se sidhe sidhe puchata hai ki uska aur Dr Sudip ka kya relationship hai. Kya vo akelepan ke kaaran baavanaayon me behek gayi? Ab Vo use haveli chodakar maayke jaane keliye kehetaa hai. Is par Bulbbul jor se haste huve keheti hai , tum sab ek jai se hi ho.


Ab Bulbbul ka ek aur flashback dikhaya jaataa hai. Ek raat ko Mahendra Bulbbul ke room me jaakar uska rape kartaa hai. Vo abhi bhi bed ridden thi, resist nahi kar paati aur uske kuch pal baad hi dard ke kaaran vo hosh kho deti hai. Hame isi beech Kaali maa ka image dikhayi detaa hai aur moon bhi ab white se red hotaa hai. Har jagah moon light red colour ka hojaata hai. Iske baad Bulbbul ko hosh aataa hai aur vo jor se chillati hai.


Mahendra bhag ke apane room ko aataa hai aur Binodini ko pataa chaltaa hai ki kya huva hai. Agale din vo Bulbbul ko clean karti hai aur keheti hai. Pati thoda paagal hai toh kya huva thakur hai, izzat milegaa, silk ki saari milegi, genehe milenge, shai khana milegaa , jo vo nahi deskata uska bhai degaa. Bas chup rehenaa hai. Vo keheti hai bade haveli me bade raaz chupe hai. Basically vo use compromise karne ko keheti hai.


Dr sudip aakar jab check kartaa hai toh use uski haalat samjh me aati hai, vo help karne jaataa hai par Bulbbul manaa karti hai.


Ab present me Binodini, Bulbbul ko durgastami ke din Mahendra ki barsi ki pujaa par lejaati hai. Vhaan par Satya ka driver ka beta usase kehetaa hai ki uske Dad ne apani 1st wife, matlab uski maa ko 2nd wife ke kehene par ghar se bahar kar diya. Isase uski Maa ne suiside kar liyaa hai. Vo help maangataa hai.


Idhar Satya finally Dr Supid par banduk taankar use arrest kartaa hai. Use calcatta lejaane lagtaa hai apane gaadi me,court me pesh karne keliye. Raste me puchataa hai ki kya use dar nahi lagtaa? Dr Sudip kehetaa hai ki usne koyi khoon nahi kiyaa hai, use kisi aur baat se shikaayat hai aur vo kisi aur baat ka saza derahaa hai. Satya keheta hai vo maan legaa ki vo innocent hai yadi koyi chudail uske samane aakar khadi ho jaaye.


Tabhi achanak uske Gaadi ruk ti hai aur uska driver chillate huve marjaataa hai. Satya banduk lekar baahar jaata hai aur vahan par vo chudail thi. Vo us par goli chalaata hai aur vo dhuven me gum ho jaati hai. Satya uske piche bhagata hai. Ab Dr Satya ko Bulbbul us chudail ke roop me ek ped ke upar dekhayi deti hai. Usne red colour ka dress pehenaa tha aur use goli bhi lagi thi. Dr Sudip ko ye dekha kar shock lagtaa hai.

Baad me Satya vahaan aaata hai aur kehetaa hai ki chudail hai, vo galat thaa, vo Dr Sudip ko jaane keliye kehetaa hai. Ab vo khud uski shikaar karne apani mashal aur banduk lekar jaane lagtaa hai. Dr Sudip use rokane jaate hai aur unka fighting hotaa hai. Satya ke mashal se pure farm house me aag phelane lagti hai.


Satya puchata hai ki ek shaitaan se itani hamdardi kyun. Dr Sudip kehetaa hai ki vo shaitaan nahi hai Devi hai.


Ab flashback me dikhaya jaataa hai ki Bulbbul hi Devi hai aur Devi ne hi Mahendra ka, Master dinkar ka, vo bhude aadami ka aur driver ka khoon kiyaa thaa. Isiko dekhakar vo bachhi ne kaali maa kahaa tha.


Satya pure farm house ko aag lagtaa hai. Dr Sudip keheta hai , meri toh vo sirph ek dost thi par tumhari toh vo bhabhi thi bachpan se. Tab Satya ka tubelight jaltaa hai aur use pataa chaltaaa hai ki Bulbbul hi Devi hai. Vo shock me chillataa hai. Devi apane ped par baiti reheti hai.


End me kahani 1 saal aage adati hai. Satya apane bade bhayi Indranil ko ek letter likhata hai aur kehetaa hai vo uske jaise nahi bananaa chahataa. Indranil apani haveli me aataa hai jo ab viraan padi thi. Raat me sote waqt Devi hava me se prkat hoti hai aur Indranil use dekh kar dar jaataa hai. Film yahin khatm hotaa hai.


Toh ye thi film Bulbbul ki kahani. Honestly ye koyi horror movie nahi hai balki ek social issue, patriarchy yaani purush pradhan samaj par bani film hai. Film ki story bataati hai ki kaise bharatiya itihas me women ko treat kiyaa jaata tha jisme horror ki aur kolkatta folklore ki tadaka lagaane ki koshish kiya gayaa hai.


Is film se judi kuch interesting facts ye hai. Firstly Sati pratha ko december 4 1829 ko hi British Governor General Lord William Bentinck ne The Bengal Sati Regulation Act ke tehet SATI ko ban kiyaa tha . Film me dikhaya gaya hai ki SATI 1881 me bhi jaari tha jo ki kaaphi exaggeration hai.


Film me Devi women ko tanga kar rahi aadamiyon ko maar rahi thi par Binodini ka kya? Use aur uske jaise auraton ko kyun sati rehene diyaa gaya? Vo bhi to ek victim thi patriarchy ki. Kya wo women harrasment nahi hai? Kya ye Devi ki kaam nahi hai ki kupratha ko roke? Kya writer ne yahaan badi galti kiyaa hai yaa Binodini ki chugalibaazi ki saza derahi thi Devi? Aap ko kya lagtaa hai 



Tags : फिल्म की कहानी ,स्टोरी इन हिंदी,Hindi Story, Hindi spoilers, Hollywood film ki kahani,film ki story.


Comments

Popular posts from this blog

Invictus फिल्म की कहानी | स्टोरी इन हिंदी | Hindi Story

Invictus फिल्म की कहानी | स्टोरी इन हिंदी | Hindi Story  इन्विक्टस 2009 मे आई अमेरिकन-सौत्फरीकन बाइयोग्रॅफिकल ड्रामा फिल्म है , जो 1995 मे, साउत आफ्रिका मे हुवी रग्बी वर्ल्ड कप मॅच की कहानी कहेती है. कैसे एक स्पोर्ट देश को जोड़ सकता है, कैसे एक स्पोर्ट दुश्मनों का दुश्मनी मिटा सकता है, कैसे एक स्पोर्ट देश की डिप्लोमसी मे काम आसकता है. साउत आफ्रिका मे अपार्थाइड  यानी रंग भेद 1948 मे अफीशियली शुरू होकर 1990 मे ख़त्म हुवा. साउत आफ्रिका मे इस दौरान वाइट और ब्लैक लोगों केलिए अलग अलग क़ानून थे, काले लोगों का शोषण किया गया था. इसका एक लंबा खूनी इतिहास है. नेल्सन मंडेला ने इसके खिलाफ आंदोलन  किया था इसलिए उनको 1963 मे ज़िंदगी भर केलिए जैल मे डाल दिया गया था. 1980’s  के दशक  मे जब साउत आफ्रिका पर आर्थिक पाबंदियां  लगने लगे तब वहाँ की सरकार  आफ्रिकन नॅशनल कॉंग्रेस (ANC ) से रंग भेद  को ख़त्म कर ने केलिए बातचीत शुरू की. ओलंपिक्स  ने भी 1964 से 1988 तक साउत आफ्रिका को बैन  किया था. ICC  और अन्या काई सारी स्पोर्ट ऑर्गनाइज़ेशन्स ने भी उनको बैन किया था. उनमे से एक था इंटरनॅशनल

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the

1917 in Hinglish | Hollywood movie in Hindi | Hinglish

2020 saal ke Oscar me best Picture keliye chunigayi film me 1917 bhi ek hai. Film ki shuruvaat hoti hai saal 1917 ke world war 1 me. Corporals Schofield (George MacKay) and Blake (Dean Charles) 8 th battalion ke jawan the jo zamen par so hare the. Blake ke commanding sergeant unke paas aakar kehetaa hai ki ek aur jawan ko apane saath lekar, commanding officer se jaake milo. Blake ab Schofield ko apane saath lekar jaataa hai. Dono ab WW1 ke trenches se hoke guzartein hai aur sochatein hein ki unhen kisliye bulaya gaya hoga. Blake Christmas ke liye ghar jaana chaahataa tha. Ab vo dono commanding officer ke baarack me aatein hai jahan General Erinmore’s (Colin Firth) aur baaki sabhi bade officers the. General Erinmore unko ek important mission ke baarein me kehetein hai.  General Erinmore “ German army command ne ek strategic plan ke tehet apani puri battalion ko front se vaapas bulaliya hai aur vo piche hat rahein hai. Colonel Mackenzie apane 2 nd battalion ke saa