Castle Rock Season 1 Episode 1 Severance Recap in Hinglish

Castle Rock Season 1 Episode 1 Severance Recap in Hinglish

                                                     THE KID

Aaj se me 2018 me Hulu par release huvi psychological horror anthology tv series, Castle Rock ki do seasons ko explain karungaa. Is series ki features , charecters, settings aur themes, famous writer Stephen King ki novels se liyaa gayaa hai.



Castle rock ek fictional small town hai jo US ke northern state Maine me hai. Ye twon Stephen King ke kayi famous books, films me shamil hai jaise Cujo, The Dead Zone, The Dark Half, stand by me, needful things, the shining, doctor sleep, IT and most famous Rita Hayworth and Shawshank Redemption. 1994 me aayi highest rated film Shawshank Redemption isi book pe aadharit hai. Is series me stephen kings ke kayi films ka reference miltaa hai jiske baare me video ke dauraan aur end me bataavungaa. Agar aapne shawshank redemption jaise all time master piece film ko nahi dekha hai toh I, highly recomend ki aap use dekhen.



Series ki kahani 1991 me shuru hotaa hai , winter ka mausam hai aur temperature -40 deg C hai , barph baari ho rahi hai aur har jagaha burph hai. town ke police chief Alan Pangborn, apane petrol car me radio par ek 11 saal ke missing ladake ki khabar ko suntein hai jiska naam Henry Deaver tha. Radio par officially announce kartein hai ki Henry Deaver ki case ab missing case se recovery case hogaya hai. Minus 40 deg C ka temperature utana hi hotaa hai jitana siachin glaciar par winter par hotaa hai. Har chiiza zam jaati hai, aise temp me aap apana haat kuch seconds keliye bhi bahar nikaaltein hai toh frost bite se aapke haat se khoon behene lagata hai aur fingers peramnently damage ho saktein hai. Isliye police Henry ko maraa huvaa samajhakar uske body ko dundane ki order issue kartein hai.



Ab Pangborn tape me cassette daalkar, music start kar ke, apani revolver me goli bhar ke , ek stick ke sahaare body ko dhundane nikaltaa hai. Use ice me ek body milti hai, ice hataane par vo ek hiran ki hoti hai, Pangborn ab thoda relax hokar apana khoja jaari rakhataa hai. Kuch time baad vo ek puri tarah se freeze hogayi ek lake ke saamane baita kar coffee pine lagtaa hai, tabhi use ajeeb ajeeb awazwin suyaai deti hai, ho idhar udhar dekhata hai par kuch nahi hota, lekin us lake ke beechon beech use Henry khada huvaa miltaa hai. Ab vo use dekhakar uske naam ko chillate huve use rescue kartaa hai. Use keheta hai ki vo uski maa ka puraana dost hai.Vo vaham kaise pahuncha koyi nahi jaanta, lagtaa hai us lake me kayi saari mystries chupi hai.

Ab kahani 2018 me shuru hoti hai. Castle rock basically castle ke taur par banaye gaye Shawshank jail se mashoor tha aur us town ke majourity logon ko employement detaa thaa. Ise madhya kaalina eupropiyan shaili ke architecture me banaaya gayaa tha, joki kaaphi vishal aur sundar tha. Bilkul dehli ki laal kile jaisa. Desh ke remotest place me hone ke kaaran, sab se khoonkaar criminals keliye ye exclusive jail tha. Har states ke criminals yahaan the. pehele ye ek government jail tha par ab 2018 me ise Northwest Correctional naam ke ek private corporation ko chalaane keliye diyaa gayaa tha. Basically aise companies kaidiyon ko labours ke taur par use kar ke profit kamaati hai , aur saarkar ko tax bhi deti hai. Yahan ke warden aur guards sab private hotein hai.



Ab ek bade se ghar me Shawshank Jail ke warden Mr Dale Lacy morning break fast taiyaar kar rahe the. Unki wife Martha Lacy ek blind lady thi. Aaj vo khush thi kynki kal warden ka retirement tha, us stressful job se use chutkaara milegaa,vo Dale se keheti hai ki use 30 saal pehele hi privetaisation ko accept kar lenaa chahiye tha. Dale use breakfast deke , last time duty keliye jaataa hai.



Lekin vo jail nahi jaataa vo apani car me usi lake ke paas jaataa hai jise first scene me dikhaya gayaa hai. Vo ek rassi ko phansi ke phande ki tarh banaakar use ek paid se baandataa hai. Tabhi vo ek kutte ko dekhata hai jo use dekhakar bhunkati hai. Baad me wardon Dale apani car ko lake me giraata hai aur uska sar dhad se alag hotaa hai.


Agale Din Northwest correctional se nayi warden, Theressa Porter aur uski deputy Reeves ,jail ki charge lene aati hai.Officer Chesterton use tour guide dete huve kehetein hai ki wardon ki job sab keliye nahi hai, Shawshank ke chaar wardon’s ki jaan office me rehete huve hi gayi hai. Vo wardon Nortan ke baarein me bhi bataataa hai jisne Film Shawashank Redemption me, end me goli maar kar suiside kiyaa tha.


Ab warden ki office me Reeves kehetaa hai ki police ko Dale ki khopadi nahi mili, vo kehetaa hai ki yadi vo log jail ki capacity ko 20% increase kar lenge toh, corporation unki budget 1.5 million tak badaayegi. Tabhi officer Zalewski kehetaa hai ki, section F ko chodakar jail ab full capacity par hai. Porter puchati hai ki wahan kitane beds hai? Zalewski kehetaa hai kam se kam 60-70 hongi, 1987 ke christams ke fire ke baad us section ko hamesha keliye band kar ke karha hai. Vahan koyi nahi jaataa. Ab Porter use vhaan jaakar bed counts karne keliye keheti hai.



Ab officer Zalewski aur officer Boyd section F ko jaatein hai, Zalewski kehetaa hai ki Lacy ko tagada retirement benefits milnewaala tha, uske paas pension bhi achhi thi phir bhi usne suiside kyun kiya. Officer Boyd kehetaa hai ki kuch log apane kaam ke bagere nahi rehe sakte. Ab unke paas us section ki chaavi nahi thi toh vo heavy machinary se lock ko thodatein hai. 30 saal se band padane se vahan kaaphi dhool thaa, aur raushani bilkul bhi nahi thi.




Ab Zalewski ko torch light me kisiki foot prints dikhayi deti hai. Vo kehetaa hai ki yahan pehele bhi koyi koyi aayaa tha. Ab vo un foot prints ka picha kartaa hai toh use ek bada metal door miltaa hai. Use kholane par use ek solitary chamber yaani taikhana milta hai. Vo zamin ke niche tha, ab vo sidhi yon ke sahaare niche utartaa hai. Vahan bilkul andheraa tha, roshani ki aane ki koyi jagaha nahi thi, use vahaan ek note book, bucket se bhari huvi cigarette ki buds aur ek book miltaa hai. Tabhi uspar ek aadami andhere me se hamlaa kartaa hai. Zalewski dar ke upar bhaag jaataa hai.



Ab agale scene me officer Chesterton us aadmi ko baahar nikaal kar usase puchtaach kartein hai. Is series me sab usko THE KID naam se bulaatein hai toh isliye is video me bhi mai usi naam ka use karoongaa. The KID koyi jawaab nahi detaa, vo itanaa daraa huvaa tha ki use nahane ki paani se bhi dar lag rahaa tha. Ab uski fringer prints li jaati hai.



Ab officer Zalawski aur Byod phir se us taikhane ki jaanch kartein hai to pataa chaltaa hai ki vo basically ek water tank hai, jiske beech me ek pinjara banaaya gayaa tha. Officer Zalawski ko ye barbarta lagtaa hai.



Warden Porter us cell se mili cigrette ki buds ko aur uske office rakhi warden Lacy ki cigrette ki buds ko compare karti hai, vo dono match hoti hai. Vo thoda dar jaati hai, tabhi Reeves vahaan aakar kehetaa hai ki us KID ki koyi records unke paas nahi hai. Vo puchataa hai ki kya police ko yaa corporation ke boards ko bataanaa hai? Shawshank scandels se badnaam tha isliye apane first din par hi vo koyi nayi PR diaster nahi chaahati thi. Isliye vo keheti hai ki pehele hum jaanch karenge ki vo aadami, THE KID kaun hai? Vahan kaise aayaa.



Ab Warden us The Kid se khudh puchati hai ki vo kaun hai? Vo jail me kaise aaya? The Kid me behad hi dhime aawz me dar kar kehetaa hai “ HENRY MATHEW DEAVER”. Byod us naam ko sunte hi kehetaa hai ki ye Henry Deaver nahi hai, bilkul nahi. Zalewski puchataa hai ki henry deaver kaun hai? Byod kehetaa hai ki ye ek lambhi kahaani hai.



Ab Henry Deaver vohi hai jise first scene me cheriff Pengbourn ne rescue kiyaa tha. Yahan par ek baat ye hai ki Henry ek black bachha tha jise uske parents Mathew aur Ruth ne adopt kiyaa tha. Mathew ek priest the. Ab Henry ek defence lawyer tha jo Texas state me murder ke charge par death penalty face kar rahi ek lady Leanne ko defend kar rahaa tha. Vo case haarata hai aur Leanne ko death penalty declare hotaa hai.



Apane akhiri launch me Leanne apani afterlife ko cassttee se compare karti hai. jaise yadi aap ek casstte ko earse kartein hai to vo nayaa bantaa hai, jisme aap kuch bhi record kar saktein hai.waise hi afterlife me vo ek achhi insaan banana chahati thi. Vo Henry se puchati hai ki uski sabse first memory kaun si hai? Henry kehetaa hai, Gene Pitney ki ek song 24 hours from Tulsa. Jise usne Pengborn ki car me sunaa tha jab usko usne rescue kiyaa tha. Yahaan par gaur karne ki baat ye hai ki henry ko isase pehele ki koyi baat yaad nahi hai, pure 11 saal yaad nahi hai.



Yahan par lake incident ke baad Henry ek naya insan ban gayaa tha. Flashback me hum dekhatein hai ki Pengbourn haathon ko check kar ke surprise hotaa hai ki minus 40 deg C me rehene ke baavjuud Henry ki haat par forstbite nahi hai. Sham ko Leanne ko injection deke death penalty dijaati Hai. Jab Henry ski aakhai personal iems ko collect Kar rahaa tha tab use pataa chalataa Hai Ki, Leanne ab bhi zindaa Hai. police use phir se injection dene jaatein hai jo Ki illigal tha, Henry use rokane jaataa hai par vo unhe rok nahi paataa.



Yahan par Leanne ka pura naam Leanne Richard Chambers tha jo 1986 ki film Stand By Me ke Richard “ EyeBall “ Chambers ki wife thi. Use uski murder keliye death penalty digayi thi.



Ab Reeves Henry ki history ko Porter ko bataataa hai kehetaa hai Henry Deaver ek defence lawyer hai, 11 saal ki umr me khogayaa tha, uske Dad usko dundane ki chakkar me mar gaye. Jab vo vaapas aayaa sabhi logo ne use hi uske dad ke death ka kaaran kahaa. Porter ab koyi bhi defence lawyer ko bulaane ki paksh me nahi thi isliye Reeves use kisi aur kaidi ke saath, KID ko rakhane ki idea deta hai. Law ke mutaabik lawyer ka hak sab ka hotaa tha par ye ab private prison hochuka tha isliye rules bend kiye jaara he the.

Zelawski ko ye baat achhi nahi lagti aur vo KID ki jaan bachaane keliye Henry ko anjaan adami ke roop me phone kartaa hai. Vo kehetaa hai ki shawshank prison ke cage me ek kaidi paayaa gayaa hai aur vo tumhe apana lawyer chahataa hai.



Ab castle rock me ek aur charecter Molly Strand ka indroduction hotaa hai jo ek high schooler se drugs kharidati hai. Drug dealer keheta hai ki aajkal vo regular se jyada le rahi hai. Molly keheti hai ki uska ek medical condition hai use under control rakhane keliye vo le rahi hai.


Baad me Henry, Castle rock aataa hai yahan par vaise hi bus ko dikhaya gayaa hai jaise film me hai. Molly, Henry ko bus se utarte huve dekhati hai, thoda surprise hokar, dar kar, gaadi me apana chehera chupakar, chup ke se vahan se nikal jaati hai.



Ab Henry apane father ki church jaata hai jiske bagal me hi unka kabra tha. Vahan jaate hi use shock lagtaa hai uski Dad ki kabra ab vahaan nahi hai, vahan ab sirph plane ground tha. Asal me Mathew Deaver church ke purane priest the, 1951 se 1991 tak, sabhi log unhe respect karte the, sabhi log isliye unki death keliye Henry ko zimmedaar maanate the. Ishme gaur karne ki baat ye hai ki Henry black tha, aur sabhi log white. Shehera ke zaydatar log racist the.



Ab Henry church jaata hai jahan usaki dad ki photo thi. Tabhi hum ek aur flash back ko dekhatein hai jahaan Henry, Pengbourn se kehetaa hai ki use kuch bhi yaad nahi hai. Uske haath me ek small white idol thi jiske baare me abhi kuch bataayaa nahi jaataa.



Ab Henry apane bachapan ke ghar jaataa hai jahaan uski Maa, Ruth Deaver rehati thi. Vo dementia ya alzeimer se pidit thi. Vo first Henry ko recognise nahi karti par baad me Henry use smazhataa hai ki vo uska beta hai. Vo puchata hai ki uski nurse kahan hai. Vo keheti hai vo toh mar gayi. Ab Henry ghar me kisi ki foot steps ki awaz suntaa hai, dekhane par pataa chaltaa hai ki vo old Alan Pengbourn ki hai. Use vhaan dekhakar vo surprise hota hai. Pangbourn kehetaa hai ki old age me uski mother ko company chahiye isiliye vo vahaan kabhi ka-kbhar rehene aataa hai. 

RUTH


Ab jail me KID ko dikhaya jaata hai jo ek chohe ko ghur kar dekhataa hai aur agale hi scene me vo chuha khud ba khud, chuhe marane ki machine me ghaus kar mar jaata hai. Yaham par ye dikhane ki koshish kigayi hai ki KID ke paas kuch super-natural takat hai jisase vo cheejon ko control kar saktaa hai.



Ab Henry Jail jaakar Warden Porter se miltaa hai aur kehetaa hai ki kisi kaidi ne use phone karke bulaayaa hai. Porter use sabhi kaidiyon ki file dekar apane client ko dhundane keliye keheti hai.Uske mutaabik kisine Henry par racism ke chalte jhoota Prank kiya hogaa. Ab jail se baahar jaate waqt officer Zalewski, Henry ko kuch pal keliye ghoor kar dekhataa hai. Henry samajha jaataa hai ki isine hi phone kiyaa hogaa.



Ab raat me Henry, Lacy ki suiside ki khabar ko pad kar, Pangbourn se puchataa hai ki warden ne suiside kyun ki? Vo apane case ke barren me bhi bataataa hai, kehetaa hai ki unhe ek aadami milaa hai pinjaare ke undar. Pangbourn kehetaa hai ki jail ki keys ko handle karnaa sab ki abs ki baat nahi hai. Vo ek ajeeb coincident ke baare me bhi kehetaa hai. Lacy ne vahi suiside kiyaa tha jahan Henry milaa tha, us lake me. Henry ko ye news thoda surprise lagta hai.



Ab Molly apane ghar me ek hour glass lagaakar ek purane box me se kuch cheezen nikaal ti hai. Un me se Henry ka 1991 ka missing poster, ek sweater hotaa hai. Iska importance aage ki episodes me dikhayi de saktaa hai.



Ab raat me Henry, lake ke bagal ki, Lacy ki temporary memorial ko jaata hai jahan kayi logo ne shrdhanjali di thi. Tabhi use vahaan barph girne ka aabhas hotaa hai , vo freeze huvi lake ko dekhataa hai aur us leke par thodi dur chaltaa hai. Vahan vo apane aap ko ek bachhe ke roop me dekhataa hai. Kuch pal baad sab normal hotaa hai au r vo memorial se exactly utani hi dur aayaa tha jitani dur usne icey lake par chalaa tha.



Ab jail me Zelawski CCTV ki night duty par tha, sab kuch normal tha, ek makhhi uske coffee me gir ti hai, use nikalkar jab vo cctv ko dekhataa hai toh KID apane cells se baahar jaa rahaa thaa. Raaste me aane vaale sabhi ko maar rahaa thaa. Vo kayi logon ki dead bodies ko dekhataa hai aur screen par KID ki image ko bhi dekhataa hai. Vo ghabaraa kar master alarm press kartaa hai aur jail me chaaron aur alarm bajane lagti hai.



Episode 1 ki end scene me hum dekhatein hai ki Lacy, KID se us water tank me miltaa hai aur cigrettee pite huve kehetaa hai ki jab vo tumhe dhund lenge tab HENRY MATHEW DEAVER kehenaa. Aur ye episode yahi khatm hotaa hai.



Is episode me aayi stephken King films ki kuch reference ke baare me ab mai bataayungaa. Firstly is series me music top class hai. Jab Lacy suiside karne jaataa hai tab vahi italian opera music bajataa hai jise Andy Dufresne ne film me loud speaker me bajaayaa tha. Ek scene me jab warden apane car me suiside karne jaataa hai vo ek rail lines ko cross kartaa hai, is scene Stand By Me film ko reffer karti hai. IT film me pennywise ka charector nibhane waale actor Bill Skarsgard ne hi yahan KID ka role kiyaa hai.



Comments