Catle Rock Season1 Episode2 : Recap in Hinglish Hindi

Catle Rock Season 1 Episode 2 Recap in Hinglish Hindi


Episode 2 ki shuruvaat Zelawski ke saath shuru hotaa hai, vo apne screenpar sabhi mare huve guards ko dekhakar panic me apana gun nikaalakar bhahar jaataa hai. Vahan koyi maraa nahi hotaa, vo andhere me accidently Byod par goli chalaataa hai, baad me hame pataa chaltaa hai ki vo sab uski imagination tha. Kya us KID ke pass mind control ki takat thi jisase vo logon ko control kar raha tha jaise usne pichale episode me us chuhe ke saath kiyaa tha? Iska jawab hame agale episodes me milegaa.



Ab backround viceover me dead warden Dale Lacy, Castle rock ki history bataataa hai, kaise ye town haunted hai, kaise ye ek plan ke hisaab se chal rahaa hai jo GOD ki nahi hai. Vo keheta hai yaad hai vo dog? Vo Stangler?. Yahan par vo Cujo film ki dog aur 1983 ki The Dead Zone ki frank dodd ke baare me keherahaa tha. 1961 me Lacy ke bhai school ke footbaal team ka mascot tha aur usne, lacy ke ek match ke dauran suiside kiyaa tha.



Lacy kehetaa hai castle rock ki har ghar paap se bharaa pada hai. Vo apane ghar ki kahaani kehetaa hai jahaan 1941 me ek aadami ka bathroom me murder kiyaa gayaa thaa. Do dashak baad 1960’s me ek aur aadami ko ek aurat carbon monoxide gas se maarati hai. Ab 1991 me Lacy us water tank me, ek cage banaane lagtaa hai. Kehetaa hai ki itane saal baad ab use GOD ki sign dikhaa hai, GOD chahataa hai ki ek sabse khatarnaak Evil ko kaid karne keliye vo cage nabaaye. Ab yahan vo vo usi lantern ko carry kartaa hai aur vohi rail lines ko cross kartaa hai jise episode 1 me dikhayaa gaya tha. Hum Henry Deaver ki missing poster ko bhi ek scene me dekhatein hai. Lacy ne hi us cage ko banaayaa tha aur uski ke cigrettee ke buds vahaan the.



Ab present day me Henry, Lacy ke ghar jaataa hai aur Martha Lacy se KID ke baare me puch taach kartaa hai. Vo use Lacy ki room ko le jaati hai jahan hame kayi saare news articles milte hai jo us town me huvi ajeeb ghatanaavon ke baare me thi. Ye sab Stephen Kings ki purane films ko refere kar ti hai. Henry ko ek drawer me kayi calenders milte hai jisme ek hi bible ka verse likha tha. Basically Lacy morally & spiritually convince hogayaa tha ki jo vo kar rahaa hai vo sahi hai.



Baad Me Martha, Henry ke paas aakar puchati hai ki kya vo black hai? Kya vo Henry Deaver hai? Is par Henry haan me javaab detaa hai. Ab Martha use turant ghar se jaane keliye keheti hai kyunki baaki sab ki tarah use lagtaa tha ki unke churche ke priest, Mathew ko usi ne hi maaraa hai. Jaate waqt Henry basement ki enterance ke door par lagi bade se lock ko dekhataa hai , aur puchataa hai ki iske under kya hai. Martha ab use police ko bulaane ki dhamaki deti hai.

Ab Henry church jaataa hai jahaan present priest shawshank jail me prayer programm conduct karne keliye volunteers ko dhund rahe the. Jisme ek lady Jackie Torrance aage aati hai. Henry priest se puchataa hai ki kya Lacy yahaan aataa tha? Priest kehetaa hai nahi, sirph uski wife aati thi aur vo sundays ko forrest jaataa tha. Uska mananaa tha ki nature hi uska church hai. Priest ab Henry ko bhi apane prayer programm me shamil hone keliye kehetaa hai. Henry inkaar kar ke chala jataa hai.



Jail me ab Zelwaski KID se puchataa hai ki kya kal vo apane cell se baahar nikala tha? Koyi jawaab nahi milne par khud ki hallucination ko stress ki side effect maantaa hai. Uski wife pregnet thi aur vo isase kaaphi stress me tha.



Alan Pangborn ab Warden Poerter se ek restorent me miltaa hai aur kehetaa hai ki Dale Lacy ne use kahaa tha ki jaanataa hai ki castle rock me kya galat hai. Usane Evil ko kaid kar liyaa hai. Vo porter ko kisi bhi haalat me us KID ko baahar jaane se rokane keliye kehetaa hai. Porter ye sunkar shock hoti hai.

Ab Porter aur Reeves khud us cage ko dekhane jaatein hai jahaan use naakhuno se bharaa ek box miltaa hai. Reeves is problem ko slove karne keliye us KID ko ab ek khoonkhaar american NAZI ke bunker me shift kartaa hai. Jo room mate bilkul nahi chahataa thaa. Use lagaa ki vo uska murder kar degaa kuch dino me .



Ab ek flash back scene dikhayi detaa hai jahaan Molly, bachpan me Henry ki padosi thi aur use Henry par crush tha. Ek raat 2.15 PM ko vo Henry ko apane Dad ke saath kahi jaate huve dekhati hai.

Agale scene me Hum Molly ko uske sister ke saath ek restorent me dekhatein hai jahan vo dark glass pehen ke baithi ti. Sister puchati hai ki kya vo drugs le rahi hai? Molly keheti hai ki uske brain me mirrior nurons hai jisase vo dusare logon ki feelings ko mehasus kar sakti hai, kabhi kabhi un feelings ko control karnaa mushkil hotaa hai . Isliye vo unhe rokane keliye drugs leti hai. Molly ek real estate agent thi ab usne uske sister ki signature ko forge kar ke unke joint ghar ko girvi rakha liyaa thaa. Un paison se vo ek downtown ki fiber mill ko renovete kar ke bechane vaali thi. Uske sister ko ye idea risky lagtaa hai par Molly uski baat nahi sunti. Kal vo apane business ko pramote karne keliye ek hit TV show Local colour par live jaane waali thi.



Ab jail me KID dhime awaz me us american NAZI se kehetaa hai ki mujhe mat chunaa. Mellon Tiger Bar ab town ka ikalutaa baar thaa jahaan jail guards drinks karne aate the. Jackie , Henry se milkar uski real history jaanane ki koshish karti hai par Henry use ignore kartaa hai. Baad me vo ek napkin me apana number likha kar use , ek waiter ko Zelawski ko dene keliye kehetaa hai jo dusare table par baita kar drinks kar rahaa thaa.



Ab ghar par Alan ek stray dog, jiska naam Ruth ne PUCK rakha tha, uski kabra ko khod rahaa tha. Ruth ko ab lagne lagaa tha ki vo ab bhi zindaa hai,isliye usne Alan ko check karne keliye kahaa tha.Baad me Alan us dead dog ki photos letaa hai Ruth ko dikhane keliye. Vo Henry se kehetaa hai ki raat me uski maa ki haalt kharaab hoti hai ise sun downing efect kehete hai. 


Ek flashback scene me Molly ke Mom aur Deputy sheriff Rigdewood Molly se puchtaach karne keliye aatein hai. Rigdewood puchataa hai ki kya vo Henry ke baare me kuch jaan ti hai, use kahi dekhaa hai? Molly ko kuch to pataa tha par vo kuch nahi keheti, shaayad vo ridgewood ki henry ke prati hateful feelings ko vo mehasus kar rahi hogi aur dar se kuch nahi bataayaa hogaa.



Henry ko apane ghar ke fridge me ek white chess picece miltaa hai aur tabhi usko Zalewski ka phone aataa hai.Ab Henry, Zalewski se miltaa hai jo use KID ke baare me aur bhi baatein bataataa hai. Henry ab ek Habeus Corpus case file karne ki baat kartaa hai jiske mutaabik yadi kisi bhi jail me kisi ko bhi bina kisi case ke detain kiyaa jaataa hai toh viase case ko court ke saamane laayaa jaasakta hai. Court decide karega ki vo sahi hai yaa nahi. Henry ab Zalewski ko annonimus witness banane keliye kehetaa hai par Zalewski sidhe sidhe manaa kartaa hai, vo risk lenaa nahi chaahataa tha. Par Henry ko evidence chahiye tha isliye vo ab priest ke prayver program ko join kartaa hai. Jail me prayer meeting me shamil hotaa hai.



Agale subha vo american NAZI apane bunker me maraa padaa tha. Uski autopsy conduct karne ke baad doctor keheti hai ki use metastatic cancer huva tha, heart, liver,lungs har jaghar cancer tha. Vo hairaan hoti haia ki ye kal tak pane pairon par khada kaise tha. Porter aur Reeves ko ye dhekhar kar shock lagtaa hai aur vo thoda dar bhi jaatein hai. Yahan par ab hame KID ki taakat ka pataa chaltaa hai, ek hi raat me ek healthy aadami uske saath rehekar mar gaya.



Ab Zalewski KID ko jail ke baahar sun light me laata hai jahaan se Henry use dekha sake. Backround me Lacy voiceover me kehetaa hai ki us EVIL ko kabhi bhi suraj ki roshani me mataa laavo. Ab Henry KID ko dekhakar uski photos nikaaltaa hai aur baaki jail guards phauran aakar KID ko phir se jail ke ander lejaatein hai.



End me vo kutta phir se dikhayi detaa hai jo Lack ke suiside ke time dikhaa tha, ab vo zamin me se Lacy ki khopadi ko khod ke baahar nikaal taa hai. Dale lacy ki viceover actually uski suiside note thi jise Alan Pangbourn apane car me baita kar sun rahaa tha. Lacy end me kehetaa hai vo Castle rock se dartaa hai, aage jo hone vaala hai usase dartaaa hai lekin vo ye bhi kehetaa hai ki ummed abhi bhi hai, castle rock ka ek defender hai. Alan ab uski death note ko jalaataa hai aur episode yahiin khatm hoti hai.



Is episode ke intro me ek map dikhaya jaata hai jahan hum Stephen King ke baaki fictional towns Derry, Little tall Island ko bhi dekhatein hai. Aaap ko IT film se yaad hoga ki kaise vo town bhi pennewise se haunted thi aur paanch bachhon ke alaava kisiko ye baat pataa nahi thi. 

Comments