Castle Rock Season 1 Episode 5 Recap In Hinglish Hindi

Castle Rock Season 1 Episode 5 Recap In Hinglish Hindi

Episode 5 ki shuruvaat Henry ke saath 2016 me hotaa hai. Vo apani kaan ki problem ko check karne keliye ek hospital me gayaa thaa. Doctors use check kar ke keheti hai sab kuch normal hai shayad tinnitus hogaa stress kum lene ka advice deti hai. Henry kehetaa hai ye hamesha nahi rehetaa aataa jaata rehetaa hai.

Ab present me, ek local news buletin me kahaa jaataa hai ki castle rock se judi jungle me bhishan aag lagi hai, figher fighting team aag bhujaane ki har mumkin koshish kar rahe hai. Dusari news me shawshank me huvi mass murders ki khabar ko chalaaya jataa hai aur administration par thike savaal puche jaatein hai.

Ab jail me warden Porter ko nortwest correction ke board ke president ka phone aataa hai aur vo use ko khub daantataa hai. Kehetaa hai ek aadami se itana badnaami horahi hai, uske turanth jail se baahar nikaal ne keliye kehetaa hai.

Ghar me ab Henry har jagah cctv camera lagaa kar uski feed ko mobile app se monitor karne ka intazaam kartaa hai. Vo ek phone Alan ko bhi detaa hai aur kehetaa hai ki yadi mom ghar se baahar jaati hai to uske phone par alert aayegaa. Alan abhi bhi uspar naaraz tha aur kehetaa hai kyun na Ruth par GPS lagaa dete.

Ab jail me KID ko tv par ek rehabitation program ko dekhaya jaata hai jahan ek aadami jail se jaane ke baad kaise adject honaa hai, uske details detaa hai.

Baad me KID ko jail se rihaa kiyaa jaataa hai. Vo dar dar kar baahar aataa hai. Henry use recieve kartaa hai aur kehetaa hai vo aazaad hai, free hai. Backround me dikhaya jaataa hai jungle me aag tezi se bad rahaa hai. Jail ke kaidiyon ko bhi ab aag bhujaane keliye le jaare the. Henry KID se hand shake karne keliye haat aage badaata hai par KID use touch nahi kartaa.

Ek aur flashback scene me hum dekhate hai, Dale Lacy suiside ke pichale din KID se milkar kehetaa hai itane saalon tak usne use kaid kar ke rakhaa vo nahi jaanataa ki usane sahi kiyaa yaa galat. Vo kehetaa hai 1991 me lagaataar 6 din uske sapne me GOD ki aawaz sunaayi di kahaa is KID ko pakado, vahi hai sab buri chijon ka zimmedaar, vo jaahan kahin bhi jaataa hai vahaan koyi na koyi martaa hai, accidents hoteein hai, log ajeb se bartaav karte hai. Lacy ab apani guilt me apani glouse ko nikal kar KID ki face ko touch kar ke puchataa hai ki kya tumhe yaad hai vo ajeb si kahaani jo tum ne peheli raat me bataa yi thi. Ab yahan aisaa lagtaa hai KID ko chune ke baad hi Lacy bhi Zelewski ki tarah badal gaya aur suiside karliyaa. 

Ab Henry KID ko medical exam keliye lejaata hai jahan par doctor keheti hai ki use bhulane ki bimaari hai, uski memory gaayab hai, bilkul Henry ki tarah jab vo vaapas aayaa tha. Doctor keheti hai Monday vo uske liye Junifer Hill mental hospital me bed book kar degi.

Ab Henry problem me aata hai ki KID ko Monday tak kahan rakhaa jaaye. Molly ab uske liye apane office ke first floor me ek bed banaati hai aur temporary arrengment karti hai. Henry ko ye thik nahi lagtaa vo kehetaa hai ye riskky hai, vo use problem me nahi daalana chahataa. Molly ek achhe friend ki tarah uski madad karti hai.

Ab aadhi raat ko Ruth apane ghar ki front door ko khol kar jaag rahi thi. Jab Alan use lene aataa hai vo keheti hai Tum ab tak kahaan the? Use bhukaar huva hai .Tum use vahaan maar doge. Alan ko lagtaa hai Ruth ko daure pad rahe hein, vo use kehetaa hai sab kuch thik ho jaayegaa, chalo sote hei. Ruth keheti hai nahi Kuch behad khatarnaak hone waalaa hai.

Ab raat me KID town me walk keliye jaataa hai. Vo ek ghar ke saamne baitatha hai, jahan ek couple apane bachhe ki birthday celibrate kar rahe the. KID use observe kartaa rehetaa hai ,kucl hi pal baad vo haste khelate bachhon ke parents jhagadane lagtein hai, jhagadaa itanaa badtaa hai ki vo dono ik dusare ka khoon kar detein hai. KID vahan se koyi emption show kiye bager jaataa hai.

Agale din news me kahaa jaataa hai ki fire department ko pataa nahi lagaa ki jungle me aag kaise lagaa. ab haalat itani buri hoti hai ki saari traditional fire fighting methods kaam nahi karti.

Ghar me Alan ko Ruth ki chess board dikhayi detaa hai. Ek aur flashback me ye dikhayaa jaata hai ki Alan ne hi us chess board ko online se mangavaaya tha. Vo normal chess board nahi thi balki Lewis chessman board thi. Aap ke jaankaari keliye badaayun lewis chessman board 1831 me scotland me mile the. Ye Norvey ke baravi sadi ke chess board the jise norse mythology ke upar design kiyaa gayaa tha.isme white and black piece nahi hoti balki white aur red pieces hoti hai.

Ab yahaan par ye flashback us time ka hai jahan Ruth bilkul thik hai aur uski padosi kutti Truck bhi zindaa hai.

Baad me Alan aur Ruth ready hotein hai. Aaj town ke ek naaye bridge ka udghatan honaa tha aur usko Pangbourn Bridge naam rkhaa jaanaa tha. Alan ke samman me. Ruth kaaphi khush thi aur vo Henry kobhi function me zabardastti lekar jaati hai. Function me town ke mayour Alan ki life long police service keliye use dhanyawaad kehetein hai aur bridge ka innogration kartein hai.


Isli beech hame do naye charecters ko dikhayaa jaataa hai jo dur se hi is fuction ko dekha rahe the. Henry unko notice kartaa hai. Tabhi Ruth ke bagal ka kutaa kisi par bhunkane lagtaa hai, Alan apana speech dene lagtaa hai, kuch der baad Alan notice kartaa hai ki Ruth apani seat par nahi hai. Vo ghabaraakar awaz lagaataa hai, Henry jo Ruth ke kaaphi piche khadaa tha vo bhi ab panic me aataa hai.

Agale scene me hum Ruth ko Bridge ke edge par dekhatein hai aur vo dekhate hi dekhate Bridge se river me kud jaati hai. Henry bhi ab daud kar river me kudataa hai aur Ruth ko bachaataa hai.

Molly ke office me Jackie KID ko dekhati hai aur use lekar apane wan me ek round maarne nikalti hai. Wan me vo drugs lete huve town ki creepy stories bataati hai.vo keheti hai uske Uncle colorado ki ek ski hotel gaye the, vahaan vo paagal hogaye aur apani puri family ka murder karne lage. Vo keheti hai uska asali naam Diane hai aur usne apana naam Jackie badal liya hai, apne uncle ke samman me. Yahan par Jackie , Jack Torrence ki baat kar rahi thi jo Stephan King ki epic novel The Shinning ka main charector hai.

Ab jackie ke wan ke radio me, KID news suntaa hai jahaan kahaa jaataa hai ki fire fighting helicopter explode hogayaa hai aur do log margayein hai. Kayi saare log fire burn ke kaaran hospital me hai.

Molly apane office aati hai jahaan KID nahi hotaa, use zamin par soup ke tukade milte hai. Jab vo office se jaane lagti hai toh close up me ek small white colour ki statue dikhayi deti hai jo Molly ke town model ke beecon beech tha. Ye statue vaisa hi thaa jaise episode 2 me Young Henry ke paas car me tha. Lagtaa hai ise us KID ne hi banaaya tha bath soup se.

Idhar Hospital me Alan, Henry se kehetaa hai uske Dad ki death ke baad vo Ruth se shaadi karnaa chahataa tha. Ruth ne ye kehete huve manaa kar diyaa ki vo happyness desrve nahi karti. Alan ab retirement ke baad dusare town rehene chalagaya. Jab vo vaapas aayaa tab tak der ho chuki thi. Ek din use ek phone aata hai local police officer use kehetaa hai ki unki friend Ruth ke ghar me goli baari huvi hai. Jab Alan Ruth ko dekhane jaataa hai tab Ruth jor se uske gale lagke use keheti hai mujhe chod ke mat jaavo. Please matt jaavo. Vo ek dum dar gayi thi. Ab hospital me Ruth ko hosh aataa hai aur ye dono usase milne jaatein hai. Alan Ruth ki haath pakadkar jor jor se rone lagtaa hai aur Ruth bhi roti hai. Tab Henry ko yakin hotaa hai ki Alan such me usase pyar kartaa thaa.

Ab Jackie Molly ko apane office bulaati hai, KID building ke roof par khada hokar town ko dekha raahaa thaa. Molly uske paas jaakar use niche aane ko keheti hai, KID kehetaa hai mujhe yaahn nahi honaa chahiye, mujhe usi jail me honaa chahiye, vo town me horahi sabhi buri chijon ka zimmedar khud ko maanataa hai. Molly jab uske nazdiik jaati hai toh use kayi saari bad feelings ek saat aati hai, town ke sabhi logon ke bad feelings. Molly ne kabhi bhi aise feel nahi kiyaa tha isliye vo ekdum dar jaati hai.

Baad me vo use lekar Henry ke ghar aati hai aur use warn karti hai ki ye KID khatarnaak hai. Usase bad feeling aarahi hai. Henry ab us KID keliye apane purane garage me, sone keliye intazaam kartaa hai. 

Alan ab gusse me us naye Bridge ki name plate ko nikalkar phenkataa hai tabhi uske phone par ek alert aataa hai, dekhane par screen par KID hotaa hai. Alan ko ye dekhakar shock hotaa hai aur gusse me garage aata hai.


KID ab vahaan se jungle ki aur jaarahaa the. Vo KID ke saamne aakar use gaali dete huve puchataa hai yaad hai meri shakal? Me vahi police officer hun jisne Lacy ko tumhe Kidnap karke lejaane diyaa? Mujhe apani mari huvi wife ki shakal yaad nahi hai par tumhaari yaad hai. Tum mere sapane me aate the.27 saal me, mai bhuda hogaya par tum vaise ke vaise hi ho. Kya tum hi devil ho? KID kehetaa hai nahi. Alan gusse me uspar pistol tankar chillataa hai toh tum kaun ho? Maine is town ke logon ko bachaane keliye Lacy par vishwas kiyaa,27 saal tak town shant thaa, aaj tum release huve aur Ruth ne khud khushi karne lagi. KID kehetaa hai tumhe pataa nahi hai yahaan kya ho rahaa hai. Mai use thik kar saktaa hun. Aur isi dialouge ke saath episode 5 khatma hotaa hai.

Comments