Satan's Slave 1980 in Hindi | Hinglish | Film Ki Kahani

Satan's Slave 1980 in Hindi

Is article ko famous YouTube channel @ Ghost series me use kiya hai. Yadi aap video dekhana chahatein hai toh article ke end me hai.

ye 1980 me release huvi hit indonesian horror film satan slave ki story hai. Is ka indonesian naam hai pengabadi satan hai , ise siswaro gautam putra ne direct kiyaa tha. Ye ek classic film hai aur isi naam se iska remake 2017 me kiya gaya tha. Remake purane film se bilkul alag hai lekin kahani aur characters kuch kuch same hai. Ye film indonesian language me hai aur isaki english subtitles mujhe nahi mile. Isliye maine kayi saari indonesian movie blogs par story search kiyaa, use translate kiya aur film dekhane ke baad is video ko banaa rahaan hun. Ho saktaa hai saari information 100% sahi nahi ho lekin, film dekhane par kahani understand ho jaati hai. Ye film 1980’s ke standard se ek horror film hai par aaj aap ise dekhenge toh kahani me kaaphi kamiyaan hai.

Film ki shuruvaat indonesia ke city me hoti hai jahaan ek amir parivaar ki lady Mawarti ka ek mysterious illness ke karan death huvi hai. First scene hum ek funaral ko dekhatein hai jahaan Mawarti ke husband Munarto, do bachhe Rita aur Tomi aur baaki logo bhi hai. Shaym ko ab mawarti ke ghar par uski aatma ki shanti keliye ek prayer sabha rakhi jaati hai. Yahaan par bhi Munarto aur usake bachhe religious nahi the. Vo prayer nahi kiya karte aur mosque bhi nahi jaate the. Munarto ko ye sab superstition lagtaa tha. vo workoholic aur amir tha, paise ko hi bhagawan maanata tha.

Rita bhi yahan ek modern ladaki thi jo parties me jaana, disco me naachana pasand karti thi. Jo 1980’s ke islamic indonesian cultural ke hisab se kaaphi bold tha.

Ab Mawarti ke death ke peheli raat me Tomi ko uske kamare ke khidaki par, uski maa ki aatma dikhayi deti hai jise indonesia me kuntinaak kehetein hai. Indo-malesian mythology me ye female ghosts hoti hai jo aksar childbirth par mari huvi ladies ki gosts hoti hai. Inka white colour ka body, lamba hair aur white eyes hoti hai.film me isi concept ko mawarti par apply kiya hai. Ab Tomi apani maa ki ghost ko dekhakar, possessed hokar usi ke piche chalane lagtaa hai. In donon ko uski sister Rita bhi apane kamaare ke khidaki se dekhati hai. Vo bhi thoda dar jaati hai.

Jab subha utakar vo dekhati hai toh Tomi apane kamare me soraha tha. Use lagtaa hai ki kal raat ki ghatana ek bura sapna hai. Tomi ab apane friends ke paas jaataa hai, ve log usase kehetein hai ki kisi bhi vykti ke marne ke 40 din tak uski aatma unke ghar ke aas paas hi bhatakti hai isliye uski shanti keliye ve log use ek psychic ko consult karne ko kehetein hai.

Ab Tomi ek psychic se miltaa hai jo use keheti hai ki uske ghar par khatara adhik hai. use apani family ko bachana hai to black magic use karna hogaa.

Agale din jab rita ghar aati hai toh wo dekhati hai ki Tomi apane kamare me black magic practice kar rahaa hai. Uske paas kayi saari magzine aur books the. Jaise hi vo use daantkar rokane jaati hai, Tomi keheta hai ghar me maa ka ghost hai use bhagaa rahaan hun ,vo ajeb tarike se behave kartaa hai, uska black magic ulta padagaya tha aur vo Rita ko hi maarane lagtaa hai. Tabhi teliphone ka ring bajataa hai aur uska dyan bhatak jaata hai. Jab rita phone uthati hai toh vo wrong number hotaa hai, ab ghar me ajeeb si paranormal activities hone lagti hai. Wrong no baar baar aata hai, darvaaza apane aap khul jaatein hai, ghar ki ghati koyi bajaake jaata hai, dekhane par koyi nahi hotaa.

Ab Rita ka boyfriend Herman vahan aataa hai aur Rita use saari kahani bataati hai. Vo bhi religious nahi tha. Idhar office me Munarto ke business partners use ek nayi cooking maid ko rakhane ki idea detein hai,khana banaane keliye aur bachhon ki dekhabaal keliye. Vo hi ek lady ko bhejatein hai.

Agale din ek nayi maid Darminah inke ghar aati hai, Tomi ko use dekhakar thoda shock lagtaa hai kyunki uska chehera usi psychaic se miltaa jultaa tha. Vo use uski kamaraa dikhaataa hai. Ab Tomi normal hogayaa tha, black magic ke side effects se.

Raato ko Rita aur Herman disco ko jaatein hai, dance kartein hai. Jab vo vaapas aatein hai taab Rita ka watchman kum gurdner Karto ghar ke baahar so rahaa tha. Ab khula huva gate apane aap band hotaa hai , Rita Karto ko duty ke time par sone keliye daanti hai. Yahan par Karto ko asthama tha aur uski tabiyat naazuk thi.

Jab Rita apne ghar ke andar aane lagti hai tab use bhi uski maa ki ghost dikhayi deti hai, vo ghost uspar hamlaa karne keliye chali aati hai. Rita ghabaraa kar dudati hai tabhi vahan Darminah aakar use shant karke ghar ke ander jaane keliye keheti hai.

Ab raat me Tomi ko ek sapana aataa hai jahan use laal colours ke kuch daraavne log uthake lejaarahe the, uski bali dene shaitan ko. Vahan par Darminah bhi thi jo unsab ko instruction derahi thi. Tomi ab neend me chilaane lagtaa hai, keheta hai darminah mujhe maar daalegi.uske dad aur Karto vahan aakar use jagaatein hai aur shant kartein hai.

Agale din Herman ghar aataa hai aur Rita use Darminah se milvaati hai. Herman thoda shock me keheta hai maine ise kahin toh dekha hai.Baad me Herman Rita keliye piano me ek gaana bhi bajaata hai. Darminah indon ko chupke se dekha rahi thi. Karto bhi ab Darminah ki jaasusi ko dekhataa hai , use shak hotaa hai, vo uske kamare ko dekhata hai toh use vahan kayi saayi shaitani dolls miltein hai, rituvals ke chijein milati hai. Karto lo yakin hotaa hai ki vo shaitan ki shaman hai. Vo dar kar vahan se bhaag jaata hai.

Tomi ab phir se black magic ki books ko kharidane jaata hai , is baar vahan use ek ustaad ji miltein hai aur use islamic prayer ki book detein hai. Vo kehetein hai prayer karne se sabhi evil sprits bhaag jaayengi. Jaise hi tomi ghar par aakar pray karne lagtaa hai uski maa ki ghost vahaan aakar use daraaakar use rokati hai.

Ab vo ghost Karto ke piche padati hai, use ek garaje me band karti hai. Jab Tomi subh dekhata hai toh Karto margaya tha. Use latakaaya gayaa tha.

Jab Herman Rita ke ghar aaraha tha tab uske bike ke saamane ek lady aati hai, use bachane ke chakkar me Herman ka accident hotaa hai aur vo mar jaata hai. Baad me pataa chalta hai vo lady Darminah hi thi. Rita rote huve Herman ki body ko identify karti hai.

Ab raat me Rita ko uske piano par Herman ka music sunaayi detaa hai, jab vo check karti hai tab piano apane aap baj raha tha, vo dar jaati hai. Kuch hi pal baad use Herman ki body living dead ki tarah dikhaayi deti hai aur vo uspar hamlaa karne keliye aataa hai. Rita dar kar bhagane lagti hai, Hermen bhi pichaa kartaa hai, ghar ke sabhi kamre apane aap band hotein hai, Rita phas gayi thi. Baad me vo daudakar Tomi ke room jaati hai jahan Darminah door kholati hai aur Herman gaayab hotaa hai.

Agale din Rita ka bhukaar chada jaata hai, isbaar vo aur Tomi apane dad ko ek black magic shaman ko bulaakar ghost ko bhagane keliye manaaletein hai.

Ab shaman aakar chanting karne lagtaa hai. Jaise hi vo shuru kartaa hai pura ghar hilne lagtaa hai, tez havaayen chalne llagti hai, loud music bajane lagtaa hai.ye sab old movies ki typical horror styles hai. Baad me us ghar par lagi ek chandelier us shaman ke upar girata hai aur vo bhi mar jaata hai. Ab Munarto ko bhi yakin hotaa hai ki ghar me kuch toh gadabad hai.

Agali raat Tomi Darminah ka pichaa kartaa hai. Darminah akele ek kabrasthan jaati hai , vo Mawati ke kabra par jaakar rukati hai. Tabhi vahan hava me se Herman aur Karto ki bodies aati hai jo ki ab the living dead me convert hogaye the. Ab Durminah kuch chanting karti hai aur mawati ki body ko kabra se utha thi hai. Use living dead me shamil karti hai. Yahan Darminah bhi ek balck magic shamn thi jo shaitan ki seva karne waale cult ki head thi. Mawati ki body havaa me latakati reheti hai jise dekhakar Tomi chilaata hai, Tomi ko vahan dekhakar Darminah uspar hamla kane keliye Herman aur Karo ko bhijati hai.

Tomi dar kar ghar aata hai aur saari kahani bataataa hai. Jab vo teenon darminah ke kamare ko check kartein hai toh vo vahi thi. Yahan aisa lagtaa hai ki Darminah bhi ek living dead hai jiske paas kayi saari shaitaani taaakat hai.

Agali raat Tomi aur Rita apani maa ki kabra ko khoda kar dekhane lagtein hai.Unhen vahan unki maa ki body milti hai. Indono ki confusion aur badati hai. Ab ve paasa ghar aatein hai.

Ab aadhi raato ko Tomi ko Karto ki awaz sunaayi deti hai, jab vo dekhane jaata hai to uspar Karto ki living dead hamla karne lagtaa hai. Vaisa hi hamlaa ba Rita aur use dad par Herman aur Mawati ke living dead se hotaa hai. Teenon ab dar kar bhagane lagtein hai. Tab darminah apane asali shaitani shaman ke roop me aakar keheti hai tum jaise naasthik log hi mere targets hai, jo GOD ko nahi maanataa unko me apane living dead ke army me shamil kar leti hun. Ab teenon ghar se baahar bhagatein hai.

Tabhi vahan ustaad ji apane pure prayer saathiyon ke saath aaye the. Unhen sabhi ab prayer karne lagtein hai. Sabi living dead ek ek karke jal jataein hai, Darminah bhi jal ke raakha ho jaati hai. GOD ke Prayer ke shakti ke saamane. Ab ustadji kehetein hai yadi koyi religious nahi hoga toh shaitan apane slaves ko bhejakar use apani duniya me shamil kar legaa aur marne ke baad bhi unhe kabhi mukti nahi milegaa. Zannat kahi haasil nahi hoga.

Agale scene me hum dekhateein hai ye teenon ek mosque se pray karke baahar aarahe the. Tabhi vahan asali darminah aati hai jise Munarto ke partners ne bhejaa tha. Yan devil ne Darminah ka chehera use karke unsabo slave banaana chahataa tha. Aur film yahi khatma hoti hai.

Is film me Darminah ka cting bahut hi badiya huvaa hai, jisase aapko ek propper horror ka feel miltaa hai. 2017 film ke end me jo couple dikhaya gaya hai unka naam yahi hai Darminah aur Batara hai. Is iconic charecter ko end me isliye shamil kiya gaya hoga ki shayada is film ka sequel bhi banane ka plan hoga.


For Satan's Slave 2017 full story click here

Tags : फिल्म की कहानी ,स्टोरी इन हिंदी,Hindi Story, Hindi spoilers, Hollywood film ki kahani,film ki story.


Comments