The Relic in Hindi | Hinglish | Film Ki Kahani

The Relic in Hindi | Hinglish | Film Ki Kahani

Is article ko famous YouTube channel @ Ghost series me use kiya hai. Yadi aap video dekhana chahatein hai toh article ke end me hai.

Aaj me is ek austrelian horror film Relic ki story ko explain karunga. Iske writer-director hai, Natalie Erika James. Film ki IMDB rateing hai 6.1/10. Film rural austrelia ke ek bade se ghar me, chirstmas ke din open hoti hai. bath tub ka paani overflow ho rahaa hai ghar me har taraf . Ek old lady Edana, bina apane hosh me khadi hai.

Ek saal baad Edna ki beti Kay aur poti Sam uske use milne aatein hai. Enke padosiyon ka kehena tha ki unhone kayi din se Edna ko nahi dekha. Ab Edna ka ghar ek purane godown jaisa tha, dhul mitti thi, ghar par har jagaha kaale dhabbe the, chizen bhikari padi thi, fruits sad chuke the. Har door par naye locks the. Har jagah notes chip ki huvi thi.Gajni film ki tarah. Jisme kuch saamanya baatein thi jaise, alam set karo, khana banavo etc. Kuch ajeb thi jaise uska picha mat karo, usase dur raho. Aisa lagtaa tha Edna ko dementia tha.

Ab vo police ko khabar kartein aur sabhi log Edna ko dhundane lagtein hai. Ghar par Kay aur Sam cleaning kartein hai.Sam ko ghar ke, store room ke, ek walk-in closet me se ajeb si awaj sunayi deti hai. Dekhane par vahan kuch nahi hota. Ab Edna ke padosi ka beta, jo Sam ka friend tha bachpan me vo, ghar par aane se bhi dartaa hai. Dur se hi haal chal puchata hai.

Baad me Kay aur Sam ko phir se ek ajeb si awaz , hall ke dewar ke piche se sunaayi deti hai. Raat me Kay ko ek sapna aata hai jahan vo ek purane cabin me ek budhe aadmi ko dekhati hai. Baad me us aadami ki body pura black hotaa hai, vo dekhane me daravana tha. Aur ab vo mar jaataa hai.

Agali subha Edna ghar vaapas aakar tea banaane lagti hai. Puchane par keheti hai use kuch yaad nahi hai ki vo kahan thi. Uska beheaviou bilkul badal gaya tha. Ab ed doctor uska physical test karke puchati hai ki chati par ye kaala dhabba kaise lagaa. Edna uska javab nahi deti keheti hai mujhe pata nahi. Doctor Kay, Edna ko ekela na chodane ki advice deti hai.

Kay apani life me kaaphi busy thi isliye vo Edna ka khayal rakhane ki haalat me nahi thi. Vo decide karti hai ki old age home hi best option hoga Edna keliye.

Raat me Sam ko ek sketch book miltaa hai jahan vo cabin ka sketch bhi tha jise Kay ne sapane me dekhaa tha. Kay keheti hai vo uske par dada ka ghar tha. Unhen dementia tha. Unke family members ne unka saath vhod diyaa aur vo akele hi us ghar me mar gaye. Usi ghar ke kuch parts ko Edna ke ghar banane me bhi use kiya gaya tha. Especially front wala glass window.

Raat me Edna akele ek kone me khade hoke kuch bad badaa rahi thi. Kay use phir se uske bed par sulaati hai. Ab Edna dar ke keheti hai vo mere bed ke niche hai. Check karo. Kauy use samjhaati hai ki vahan kuch nahi hai. Edna ke insist karne par check bhi karti hai. Edna ki dementia bad rahi thi.

Agale din Kay melbourne jaakar ek 5 star old age home ko check karti hai. Vahan ki facilities se vo khush thi. Edna uske busy life me fit nahi bait rahi thi.Isliye vo dusara option na hone ke karan rote rote ek slot book karti hai.

Edna kuch pal keliye khush reheti thi , music lagaa kar Sam ke saath dance karti thi. Agale hi pal voilent hokar use daant deti thi. Us raat vo store room ke samane khade hokar Sam se keheti hai vo yahin se aayaa hoga. Uske aane ke baad hi sab ajeb horaha hai.ajeb si feelings aati hai, saari memories gaayab hogayi hai.

Ab Kay ko ek aur sapana haunt karta hai jahan vo Edna ko usi cabin me dekhati hai. Ab pura cabin aur ftont glass window vaise hi kaale dhabbe se bhar jaata hai jaise kaale dhabbe Edna ke chati par thi.

Agali subha Sam apane padosi se jaakar puchati hai ki jamie ko unke ghar kyun nahi aane dete?. Padosi keheta hai kuch mahine pehele Edna aur jamie hide and seek khela rahe the. Jamie store room me chupa tha. Edna ne use vahin lock kar diya tha,ghanton tak.jamie door bajaata raha par usne nahi khola. Tab se hamne use vhan jaane se mana kiyaa hai. Sam isase thodi surprice hoti hai.

Ab Edna apane ghar se ek photo album ko lekar ghar se bahar nikal ti hai. Kay use dekha kar uska picha karti hai. Edna ab ek ghaddde me album ko daphanaane lagti hai. Kuch photo’s ko kahane lagti hai. Kay shock me use rokati hai. Edna gusee me keheti hai yahi ek raasta hai, memories ko bachane ka. Varna vo ghar saare memories ko nashta kar degi. Kay ko ab yakin hotaa hai ki uski mom ki mental condition behad kharab hai. Vo use uski galti yaad aati hai aur rote huve keheti hai vo use uske saath hi rakkhegi.

Ab Sam ghar aakar us store room ko phir se check karti hai. Tab use vahn ek door miltaa hai. Jabvo dar ke uske andar jaati hai to use ek lamba raasta miltaa hai, vo uska pichaa karti hai. Vo khatma nahi hotaa. Sam dar kar vaapas aane lagti hai par jis door se vo andar aayi thi vo vahan nahi rehetaa. Darasal vo store roome me ek maze tha yaani bhul bhulaiyaa. Sam vahan phas gayi thi, vahan Eden ki notes bhi har jagah chipki huvi milti hai. Iska matlab hai Edna jab missing thi vo yahin thi.

Ab Edna apane bath tub me nahaa rahi thi. Uske chati ka kaala dhabaa ab har jagah phel rahaa tha. Vo use mitaane keliye chaaku se chaati par maarne lagti hai. Water over flow ko dekha kar Kay use puchati hai mom kya ho raha hai. Jab koyi awaz nahiaata vo door thodkar andar jaati hai. Tabhi ghar ka electricity chalaa jaata hai. Ab andhere me Edna baathroom se store room ki aur bhagati hai.

Kay bhi ab uska pichaa karti hai, ek candel jalaakar. Edna abi ab usi bhul bhulaiyaa me jaati hai jahan Sam thi. Yahan edna ka white skin gir rahaa tha. Vo usi budhe kaale aadami ki tarah dikhane lagi thi jisko Kay ne apane sapane me dekhaa tha. Jo asal me kay ka pardada tha. Ab Edna Kay par violently hamlaa karne lagti hai. Vo aise hamla karti hai ki jaise kisi demon ke kaabu me ho.

Ab Kay vahan se bhagati hai aur vo sam se jaakar milti hai. Dono bhagakar ek dead end ko jaatein hai, jahan unhe pataa lagataa hai ki vo end unke ghar ke haal me khultaa hai. Dono steel rod se use diwaar ko thodane lagtein hai jo lakadi se banaa tha. Isi beech Edna bhi unka picha karke, vahan aakar hamlaa karne lagti hai. Jab teenon vaapas ghar ke hall me aatein hai tab Sam edna ko jor se maarati hai, use behosh karti hai. Edna ek demonic power ka shikar huvi thi jiske karan uska skin black ho rahaa tha aur vo dhire dhire mar rahi thi. Ab sam & kay dono ghar se bhagane lagtien hai. Kay ko, Front glass window ko dekhakar apana spana yaad aata hai, kaise uske par dada ko bhi marne keliye chod diya gaya tha. Ab vo bhi vaise hi karne waali thi.

Usko ye apani galti lagti hai. Vo vaapas ghar me aakar Edna ke kaale body ko bed par bitathi hai. Uske pure white skin ko nikal kar us daravne cheez ko kiss karti hai. Use sulaakar uske bagal me soti hai.Baad me Sam bhi vahan aakar kay ke bagal me soti hai. Ab Kay ke pita me bhi kaala dhabba dikhayi detaa hai.Edna ab mar jaati hai aur film ka end hotaa hai.

Toh ye thi relic film ki kahani. Ye streight forward nahi hai. Basically ye film ek mental illness dementia ko horror ke angel se dikhane ki koshish hai. Dementia ek bimari ka naam nahi hai ,bimariyon ke samuha ka naam hai, aksar hum ise bhulane ki bimaari se jaanatein hai.Film ki har part dementia ke lakshna to explain karta hai. Yadi aapka man swach hai toh aap apane aas paasa swachata rakhenge. Man mailaa hai toh gandagi baahar bhi dikhati hai. Godown jaisa ghaa isi kharab man ka example hai.

Edna ko pataa tha ki vo bhul rahi hai isiliye usne sabhi keliye note’s banaakar chipakaayaa tha. Vo bhul bhulaiyaa, consciousness ki haalat ko dikhaata hai kaise dementia ke log apane hi mind me trap ho jaatein hai.Har din. Chati par kaala dhabaa slow progression ko dikhata hai, dementia ek din me nahi aataa , dhire dhire aataa hai. Par dada ki kahani is bimaari ki anuvamshikata ko dikhataa hai. Aaakhir me ye bimari Kay ko bhi aane vaali thi, isliye uske pita par bhi dhabba nantaa hai. End me Edna ko ek daravana devil ko taur par dikhaya gaya hai. Ye pateint’s ki mind ki haalat hoti hai, completely blank, kuch bhi yaad nahi reheta. Log aksar aise old people ko shaitan ki tarah ek problem maankar, Unse dur bhagtein hai. Unka dekhabaal nahi karte. Moral of the story ye hai apane bujurgon ka khayaal rakhiye, unka saath mat chodiye. Film me horror aur social message ko achhe se mix kiya hai. Ye ek propper horror film hai.


Tags : फिल्म की कहानी ,स्टोरी इन हिंदी,Hindi Story, Hindi spoilers, Hollywood film ki kahani,film ki story.

Comments