Skip to main content

Something The Lord Made in Hinglish Hindi


Something The Lord Made in Hinglish | Hollywood movie in Hindi




" Something the lord made " ek  inspirational film hai jo Dr.Vivian Thomas ki jivani kehati hai. kaise  sirf high school tak padhe ek aadami ne medicine ke field me apana anmol yogdaan diyaa. 

Film ki kahani shuruhoti hoti hai, 1920's ke dashak me. Us daur me , America me rang bhed ( racism ) apane charam par tha. young Vivian Thomas ek under construction building me, carpenter ke taur par kaam kar rahaa tha. vo ek high school student tha aur college jaana chahataa thaa , college ke tution fee keliye vo kaam kar rahaa tha. uske pitaaji bhi carpenter the aur unse hi usne kaam sikhaa thaa. Ek din uske supervisor, uske paas aakar, usdin ka mazduri dekar kehetein hai ki tum kaam toh achha karte ho lekin mujhe baaki workers ko bhi support karnaa hai, unki family hai, tumhaari nahi. Vo use kaam se nikaal detein hai.

Ab Vivian ka ek friend use ek naye job ke baarein me bataataa hai jo Dr. Alfred Blalock naamak ek young surgeon ke lab me hai. Dr. Blalock Vivian se  kehetein hai 

Dr Blalock : hum is lab me medical research kartein hai, paas ke dog house se dogs ko laatein hai, pehele unpar experiment kartein hai , unki conditions ko study kartein hai aur apani result publish kartein hai. tumhe lab ko roz clean karna hoga, dogs ko time par khana khilaana hoga aur unhe walk karvaana hoga basically  hame ek saphali karmachaari chaahiye. 

Vivian us job ko accept kartaa hai. Ab Vivian lab me kaam karte karte vahan par rakhi saari medical ke books ko padane lagtaa hai, usne high school bhi ab complete kar liyaa tha lekin college jaane keliye ab bhi uske paas paise nahi the isliye vo lab me apana kaam jaari rakhataa hai. Dr Blalock bhi, ab uske interest ko notice kartein hai, aur use encourage kartein hai. carpenter hone ke kaaran uske haath bahut majboot the, isliye Dr Blalock use experiments ke procedures ko sikhatein hai. Vivian bhi badi nistha se sab kuch sikhataa hai. kuch mahine me vo lab ke pure experiments ko apane aap hi karne lagtaa hai aur saari results ko note kartaa hai. 

Vivian isibich Carli naamak ladaki se shaadi kartaa hai.  uski life achhi chal rahi thi  tabhi, September 29 1929 ko America ka stock market crash hota hai aur great depression shuru hotaa hai. Vivian ne  jis bank me apana puraa paisa rakha thaa vo duba jaata hai , uski  saath saal ki mehenat mitti me mil jaati hai. uska college jaane ka plan bhi ab khatm hogaya tha. Vivian ke pitaa, bhai Harold aur baaki family members use support kartein hai. 

Agale kayi saalon tak Vivian Dr Blalock ke lab me kaam kartaa hai aur practically vohi saara experiments ko conduct kartaa rehata hai. Dr Blalock ko Vivian ki knowledge aur skills par pura bharosa thaa, isliye vo supervision ka kaam karte the. Vo Vivian ko white coat detein hai jiska matlab hai ki vo ab ek saphayi karmachari nahi balki ek lab technician hai. 

Dr Blalock ke shock treatment ke upar kigayi research medical field me kaaphi useful saabit hotaa hai. 1941 ke pearl harbour ke attck ke baad America ab officially WW2 me jaataa hai. war me blood loss ke kaaran shock me gaye soldiers ko treat karne me Dr Blalock ki research kaam par aati hai. Dr Blalock ko ab  America ke famous medical research hospital, Jhons Hopkins me chief of surgery ka job miltaa hai. Vo aur Vivian ab nashville se Baltimore jaatein.

Baltimore thoda cosmopolitian thaa, mehengaayi bhi jyada thi. Vivian aur Carli ko is bade shehar me adjust hone me thoda pareshaani ho rahi thi. Baltimore us samaya racism keliye badnaam thaa. Dr Blalock aur Vivian jab front door se hospital me jaatein hai aur vahan ke hall of fame me rakhi sabhi mahaan doctors ki photos ko dikhakar use Vivian ko explain kartein hai. vahan par , Jhons Hopkins jisne hospital start kiya, Sir Willium Osler, father of American medicine, Willium Halstead etc ki photos thi.

 Tabhi vahan se sequrity kehetaa hai ki kaale logon ko front door se aanaa manaa hai. Dr Blalock use samjhaane ki koshish kartein hai par, saphal nahi hote.  Viivian apne 1st day par, apana white coat pehankar jaataa hai toh sabhi log hairaaan hotein hai. ab tak Jhons Hopkins me kaale log sirph cleaning ka kaam karte the, vahan par koyi black doctor nahi tha, naahi black technisians. Vivian 1st un official black lab technician tha, kyunki usake paas lab technician ki degree nahi thi isliye hospital uska Job categary " clearner " hi rakhati hai. uska payscale bhi 3rd class hi hotaa hai , jaise baaki cleaners ke tarah.

Carli, Vivian se compalint karti hai ki Baltimore expensive hai, vahan par use aur bachhon ko adjest hone me mushkil roraha hai. Vivian kehetaa hai Dr Blalock ko kayi saare hospitals se offer mili thi par unhone manaa kardi, kyunki vo hospitals use rakhana nahi chaahate thee. Jab maine kaam shuru kiyaa tha toh mai sirph ek  saphayi karmachari thaa, aaj me desh ke sabse bade hospital ke chief surgon ka lab assitant hun. Isliye hame is opportunity se khush hona chahiye. Vo thoda aur paise kamaane keliye, apane apartment me plumbling kaa kaam bhi karne lagtaa hai. Dr Blalock ke parties me waiter ke tor par bhi kaam karne lagtaa hai. 

Aise hi ek party ke dauraan Dr Blalock ki mulaakat Dr Helen Taussig se hoti hai. Dr Helen pediatrician thi aur usnke paas kayi saare bachhon ke case the jo " Blue Baby Syndrome" se pidit the. Blaue Baby Syndrome se effected babies ka colour blue hojaata hai . Hemoglobin pure body ke cells ko oxygen ko pahunchaane kaa kaam kartaa hai. jab blood me hemoglobin kam hotaa hai toh skin colour blue hone lagtaa hai. Hemoglobin ki kami ka main reason hai , blood me oxygen ki kami. Blue Baby Syndrome se effected bachhon ka heart defected hotaa hai yaani unka heart by birth normal nahi hotaa. 

Aasaan bhasha me kahyein toh ek normal heart me 2 main parts hai. left side aur right side aur donon ko ek membrane alag alag rakhati hai.Heart body mai blood ko pum kartaa rehetaa hai. Body se aake vaala saara blood 1st right part me jaataa hai, vahan se pump hoke lungs ko jaataa hai. jab hum naak se oxygen ko inhale kartein hai to vo lungs ko jaata hai. lungs me oxygen blood ke under jaata hai aur lungs se jaane vaali blood, heart ke left part ko jaataa hai. heart ke left part se blodd pump hoke pure body me jaataa hai. ye prakriyaa lagaataar chaltaa rehetaa hai. 


Blue Babe vale babies me heart defect main taur par 4 reason se hotaa hai. unme se important hai left aur right ko alaga rakhane vaali membrane me ched ( hole ) hona. Jab left-right ke beech hole hotaa hai toh blood ka thoda part right side se lungs ko jaane ke bajaay, left side jaata hai. aur left side se body me. right side se aanevaala blood me oxygen nahi hotaa, jab aisa hi blood left side se pump hoke body ke alag alag parts me jaataa hai toh , pareshaani shuru hoti hai. Body ko pura oxygen nahi miltaa aur skin blue hone lagtaa hai. Aise babies ka life span sirpha kuch mahine yaa kuch saal hi hotaa hai. 

Dr Helen, Dr Blalock ko apana naya research isi vishaya par karne keliye force karti hai. 1940 tak medical field ka ye maanana tha ki heart par koyi bhi surgery nahi ki jaasakti.  kyunki kisi bhi surgery keliye heart ko 3 minute se Jayda rokana hoga tab tak patient mar jaataa hai. Dr Blalock is nayi mushkil ko accept kartein hai. 

Dr Helen ko ek blue baby ka naya case aaya tha. Mr and Mrs Sexon ki baby bachhi. uska pura body blue hogaya tha aur uske paas zayda time bhi nahi tha. Ab Vivian aur Dr Blalock apana kaam karne lagtein hai. 1st vo ek healthy dog me blue baby effect ko lane ki koshish kartein hai baad me uske results ko dekhakar uska ilaaja dhundane ka plan tha. 1940's me America WW2 me thaa, sabhi hospitals me injured soliders ki operations ki case bahut jayda thi. Dr Blalock isme busy hogaye aur reseearch ka pura bhar Vivian par pada. 

Vivian ab Dr Helen ke labs me rakhi blue baby, bachhon ki hearts ko study karne lagaa. blue baby conditions ek natural heart defect tha use dogs me repeat karna aasaan nahi tha. lagbhag 7 mahine baad aur 200 dogs par un successful operation karne ke baad vivian ko saphalata milti hai. Vivian koyi veterinary doctors nahi tha , usne nayi medical instruments ko invent kiya, nayi surgical techniques ko invent kiya, roz 12-13 hours kaam kartaa tha. Dr longmore jo Dr Blalock ke resident tha, vo ab Vivian ko ye naye surgical procedure sikhanekeliye kehetaa hai. 

Isi beech Vivian ka bhai Harold Thomas, usse milne aaataa hai. Vivian ko apane case ke baarein me bataataa hai. usne US supreme court me education board ke khilaph case kiya tha. education boad white aur black teachers ko ek samaan salary nahi derahi thi. uska lawyer legendary Thurgood Marshal the jo baad me US ke supreme court ke 1st black judge bane. 12 saal tak Harold ne us case ko ladaa tha aur ab uski judgement aanaa tha. Harold , Vivian se kehetaa hai ki use is deadend job ko chodkar nashiville vaapas aanaa chahiye. 

Ek din hospital me Vivian ko saphayi karmachari se pataachaltaa hai ki usaki job classification aur salary utani hi hai jitani baaki saphayi workers ki hai. Vivian gusse se Dr Blalock se kehetaa hai ki vo ek lab technician ka kaam kar rahaa hai , isliye use usi hisaab se salary aur rank chaahiye. varna vo job chod degaa.Vivian ke paas official degree nahi thi. Dr Blalock hospital ke chairmen se baat karke usi salary badaane ki koshish kartein hai, chairmen koyi college graduate ko rakhane ki salaha detein hein. par Dr Blalock ko Vivian hi chaahiye tha kyunki uska experience sab se Jayda thaa, isliye hospital saare rules ko nazarandaaz karke Vivian ko lab technician ke taur par officially hire kartein hai. 

Ab Dr Blalock blue babies ko treat karne keliye ek naya method adopt karne keliye kehetein hai. Heart ke left side se, oxygenated blood jo pure body me jaataa hai, uske thode hisse ko vaapas heart ke right side ko bhejane ka plan tha. Systemic artery ko pulmonary artery se jodana tha, ek shunt ke sahare. isase heart ke right side se jaydaa blood lungs ko pump hoga aur body ko Jayda oxygen milegaa. Vivian ab dogs par ye treatment try kartaa hai. kuch din ke mehenat ke baad vo is par saphal hotaa hai. Dr Blalock ko vishvaas nahi hotaa ki such me unhone blue baby ki treatment dhundliya hai. Vo us treated dog ko check kar ke kehetein hai " Vivian, kya tumne ye kiya hai? aisa lagtaa hai jaise bhagawaan ne kiya ho , something the lord made". 

Dr Blalock aur Vivian apani saari research Dr Helen ko bataatein hai. Ab teenno ek dusare dog par ye operation karke result ko confirm karte hein. Is baar Dr Blalock operation kartein hai, Vivian unke bagal me rehakar step by step procedure  explain kartaa hai. Isbaar bhi results positive aataa hai aur ab vo teeno Saxon baby par operation karne ko ready hotein hai.

Dr Blalock Mr aur Mrs ko apane research ke baarein me baataatein hai aur usase judi risk ki baarein me bhi. Vo dono sochane keliye time maangatein hai. Vo church ke priest se salaah maangkar aur koyi aur alternate option na hone ke kaaran , operation keliye ready hotein hai.

Dr Blalock ke resident doctors Dr longmore aur Dr Cooly operation me assist karne keliye ready hotein hai. Hospital ke chairmen aur baaki doctors operation ko dekhane keliye aatein hai. Vivian Dr Blalock aur Dr Helen ko all the best keheke chalaajaataa hai. Operation table par sab kuch ready tha, Dr Balllock start karne hi vaale the magar unka confidence kamjor hone lagtaa hai. Vo Dr Longmore ko Vivian ko OT lekar aane keliye kehetein hai. 

Dr Longmore aakar kehetein hai hospital administration Vivian ko aane nahi derahe kyunki vo doctor nahi hai. Dr Blalock gusse me OT se baahar jaakar, public mic me Vivian ko OT me aane keliye order detein hai. Jab Vivian aataa hai toh Dr Blalock use OT me unke bagal me khade hokar step-by-step procedure ko explain karne keliye kehetein hai. Vivian bhi aisa hi kartaa hai, pure oeration ko explain kartaa hai. Jab Dr Blalock heart ke left side ko right side se connect kartein hai toh baby ka skin colour blue se pink hotaa hai. room me sabhi zor zor se hasane lagtein hai. Ye duniya ka 1st successful heart  operation tha. Sabhi log Saxon ke parents, hospital ke doctors, staff, chairmen Khushi se celebrate kartein hai. 

Dr Blalock Vivian ko usaki adbhut skill par badhayi detein hai. News papers me aur TIME magazine me is ka article chaptaa hai. photos chapatein hai,saara credit Dr Blalock, Dr Helen aur unke assistant doctors ko diya gaya tha. Vivian ka naaam kahin par bhi nahi tha kyunki vo doctor nahi tha aur vo ek black tha. Vivian ki wife Carli use santvaana deti hai. 

Hospital me Blue Baby cases ki bharmaar lagjaati hai, Vivian aur Dr Blalock saikadon operations kartein hai. Duniyabhar ke doctors is nayi heart surgery ko dekhane aatein hai. Dr Blalock aur blue baby operation ke samman me rakhi ek white colour party me Dr Blalock sabhi logon ka aabhar maantein hai  jisane us operation ko successful banana keliye madad kiya tha. vo Vivian ke prati aabhar vykta nahi karte. vo party sirph white logon keliye tha. isliye vivan vahan par waiter banker chupke se saara program dekhata hai. use buraa lagtaa hai ki itane saalon tak Dr Blalock keliye kaam karne ke baad bhi unhone use vo izzat nahi nahi di jo vo chahate the. 

Agale din Vivian apana gussa Dr Blalock se kehekar apani job se resign kartaa hai. Dr Blalock kehetein hai ki vo use public me samman nahi kar sakte kyunki vo white only program tha, America me har jagah racism hai, iskeliye vo zimmedar nahi hai. duniya black logon ka shoshan karti hai par vo use badal nahi sakte. Vo Vivian ko rokane ki puri koshish kartein hai par Vivian nahi maanata.

Ab Vivian Morgon Medical College me officially doctor ki degree paane keliye apply kartaa hai par age baar hone ke kaaran use admission nahi miltaa. Vo ab medical representative ka kaam karne lagtaa hai. Baaki Black doctors jinko Vivian ki story maalum thi vo use protsaahit kartein hai. 

Vivian aur Carli apane parents se milne Nashville jaatein hai. Vahan par uska bhai Harold bhi aaya tha. kuch quality time bitaakar Vivian, Carlie se kehetaa hai ki mera man abhi bhi us lab me hi hai. mai ne zindagi bhar sirpha vohi kaam kiya hai, mai koyi aur kaam nahi kar saktaa. isliye me apana puranaa kaam phir se lelunga.

Vivian Jhons Hopkins me Dr Blalock se mil ke maaphi maangataa hai aur kehetaa hai ki uski life is job ke bina adhuri hai. isliye use uska job phir se chaahiye. Dr Blalock Khushi se use vo job detein hai. 

Kahani 20 saal aage badati hai. saal he 1964, America me civil right movement apani charam par tha. Dr Martin Luthar King ne black logon ki basic rights keliye , racism kilaph andolan kar rahe the. dhire dhire racism har jagah se jaa raha tha. Ab hospital me Vivian ko front door se aane diyaa jaataa thaa aur security use salute bhi karta tha. Vivian ab hospital ke sabhi labs ke director tha aur young traine doctors ko surgery sikhaata tha. Dr Blalock ki health bhi ab naazuk thi, vo wheel chair par the. 

Ek din Dr Blalock Vivian se mil kar itane saalon tak usaki paksh me dat kar khada na hone keliye maaphi maangatein hai. Unhone ne kabhi bhi racism ke khilaph nahi bolaata uske liye bhi vo maaphi maangatein hai. Dr Blalock ki photo bhi ab Hospital ke " Hall of Fame " me thi. Kuch din baad unki bhi death hoti hai. 

1976 me Jhons Hopkins university Vivian ko honorary doctorate , " Doctor Of Laws " ki padavi detein hai. Kyunki Vivian ek official doctor nahi tha isliye vo 37 saal tak chief surgical instructor  ke taur par kaam kiya. Dr Helen, Dr Longmore, Dr Cooly aur hospital ke chair men Uske retirement se pehele uskeliye ek sammaan samaarambha rakhatein hai. vahan par uski ek portrait ka anaavaran kartein hai. Hospital me Dr Blalock ke portrait ke bagal me hi Dr Vivian ka portrait lagtaa hai. 

Dr Vivian Thomas ki death  1985 me hotaa hai. Aaj unka naam duniya ke sab se best surgery instructors me hotaa hai. unke naam se scholarship chaltaa hai. is film ko kayi saare awards bhi mile.   





Tags : hollywood movie in hindi,new hollywood movies,hollywood film, hollywood movie,hinglish movies,hollywood movies 2020,new movie

Comments

Popular posts from this blog

Invictus फिल्म की कहानी | स्टोरी इन हिंदी | Hindi Story

Invictus फिल्म की कहानी | स्टोरी इन हिंदी | Hindi Story  इन्विक्टस 2009 मे आई अमेरिकन-सौत्फरीकन बाइयोग्रॅफिकल ड्रामा फिल्म है , जो 1995 मे, साउत आफ्रिका मे हुवी रग्बी वर्ल्ड कप मॅच की कहानी कहेती है. कैसे एक स्पोर्ट देश को जोड़ सकता है, कैसे एक स्पोर्ट दुश्मनों का दुश्मनी मिटा सकता है, कैसे एक स्पोर्ट देश की डिप्लोमसी मे काम आसकता है. साउत आफ्रिका मे अपार्थाइड  यानी रंग भेद 1948 मे अफीशियली शुरू होकर 1990 मे ख़त्म हुवा. साउत आफ्रिका मे इस दौरान वाइट और ब्लैक लोगों केलिए अलग अलग क़ानून थे, काले लोगों का शोषण किया गया था. इसका एक लंबा खूनी इतिहास है. नेल्सन मंडेला ने इसके खिलाफ आंदोलन  किया था इसलिए उनको 1963 मे ज़िंदगी भर केलिए जैल मे डाल दिया गया था. 1980’s  के दशक  मे जब साउत आफ्रिका पर आर्थिक पाबंदियां  लगने लगे तब वहाँ की सरकार  आफ्रिकन नॅशनल कॉंग्रेस (ANC ) से रंग भेद  को ख़त्म कर ने केलिए बातचीत शुरू की. ओलंपिक्स  ने भी 1964 से 1988 तक साउत आफ्रिका को बैन  किया था. ICC  और अन्या काई सारी स्पोर्ट ऑर्गनाइज़ेशन्स ने भी उनको बैन किया था. उनमे से एक था इंटरनॅशनल

50 Morning Affirmations in Hindi, Positive Affirmations Hindi

हमारे कार्य  हमारे जीवन को बनाते है, उन कार्यों को नियंत्रित करता है हमारा मन. यदि मन शुध है, तो हमारा जीवन भी शुध होगा.मन के विचारों पर काई सारी चीज़े प्रभाव डालते है,जैसे की दिमाग़ का सेहत , फिज़िकल फिटनेस,खान पान और हमारी मान्यताएं. अफर्मेशन्स का संबंद इसी मान्यताएं  या विश्वास से है. अफर्मेशन्स एक छोटे से वाक़या या स्टेट्मेंट्स होते है जो आपको पॉज़िटिव थिंकिंग करने मे मदद करते है. ये कुछ ऐसे वाक़या होते है, जिसपर आपका मन पहेले विश्वास नही करता,क्यूंकी उसका अर्थ आपके मन के लॉजिक पर खरा नही उतरता.  लेकिन जैसे हम अपनी फिज़िकल बॉडी को ट्रेन कर सकते है वैसे ही अपने मन को भी ट्रेन कर सकते है. जब हम रोज़ इन वाक्यों को दोरहाने लगते है तो धीरे धीरे हमारे सूक्ष्म मन मे इनके अर्ता शामिल होने लगते है. जब भी कोई विचार आपके  सूक्ष्म मन  मे शामिल होता है तो आपका , जागरूक मन भी उसपर बेझीजक यकीन करलेता है. ये बात पॉज़िटिव और नेगेटिव दोनो विचारों केलिए अप्लाइ होता है. जब आप पॉज़िटिव विचारों का प्रॅक्टीस करते है तो रिज़ल्ट पॉज़िटिव ही होता है. बच्चे अपनी मा के हर बात को सही मानते है क्यूंकी उ

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the