Skip to main content

Black Box Explained in Hindi | Hinglish | Movie Spoilers

 Black  Box  Explained in Hindi | Hinglish | Movie Spoilers

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj me amezon prime par release huvi sc fi horror film black box ki story ko explain karunga jo October month me release hone vaal blumhouse horror series ka first film hai. Is film ke saath ek aur horror film the lie bhi release huvaa hai jisaki explanation video ko bhi mai jald hi upload karunga. Blumhouse american film production house hai jisane insidious, Sinister, The Purge, Oculus, The Gift, Split, Get Out, Happy Death Day, Upgrade, Halloween and The Invisible Man. Jaise films ko banayaa hai. Ye low budget quality horror films banaane keliye famous hai.

Is film ki imdb rateing hai 7.8 out of 10 . Film ko direct kiya hai Emmanuel Osei ne joki inka debut film hai. Film ke writer hai Stephen Herman.

Film ki shuruvaat Nolan ke saath hotaa hai jo nostalgic hokar purane videos ko dekharahaa thaa. Tabhi uska mind trance jaise state me jaataa hai jahaan , uske piche se koyi aakaar uska galaa dabaane lagtaa tha. jisase vo tadapane lagaa tha.kuch pal baad uski beti Ava, aakar use jagaati hai aur keheti hai school kelie late horahaa hai. Basically Nolan ki haalat Gajhani ke amir khan jaise tha. Short term memory loss. Ek car accident me uski wife Rachel ki death hogayi thi aur uski memory bhi chali gayi thi. Vo teen din tak comaa me tha jahan doctors ne use brain dead ghoshit kiyaa tha. Kisi miracle ke chalte uski consciousness vaapas aayi thi par amnesia bhi thi. Uski Memory loss progressive thi yaani time ke saath usaki memory aur bhi kharab horahi thi. Vo daily routine bhi ab thik se nahi karpaa rahaa tha.

Yahan par bhi memeory notes ghar ke har jagah thi. Nolan ek soft speaking achha adami tha jo professionally ek photographer tha. Ava usase behad pyar karti thi aur vohi use sab kuch yaad dilaati thi. In donon ka ek serect hand shake code tha jise Nolan roz bhulataa tha. Ab vo Ava ko school chodataa hai aur apane office jaataa hai. Vahan par usaki boss Cathy keheti hai ki magazine ab uski photos me interested nahi hai, as uski work ki quality kharab hogayi hai. Vo use sorry kehekar job se nikaalti hai.

Yahan par Nolan ko Ek Brain researcher Dr Lillian Brooks ka message baar baar aarahaa tha jo uske case me interested thi. Dr Brooks brain dead patients ki brain par research kar rahi thi jise unhone project dream naam diyaa tha. Basically vo brain ko scan karke uski conscious memeory ko data ke roop me extract karne me kaamiyaab huvi thi.

Ab Nolan apane friend Dr Grey se miltaa hai aur apani job ki halat ke baare me bataata hai. Dr Grey usi hospital me kaam kartaa tha jahan Dr Brooks ki research lab thi. Ab Grey bhi use final solution ke tur par Dr Brooks ko consult karne keliye kehetaa hai. kyunki ab saare traditional medical treatments kaam naahi kar rahe the. Nolan ab naa chaahate huve offer accept kartaa hai.

Ab Nolan Dr Brooks se miltaa hai. Dr Brooks keheti hai treatment start karne se pehele ye confirm karnaa jaruri hai ki uski subconsious mind me memories abhi bhi intact hai yaa nahi. Yadi vahan memories hai to use extract karsakte hai. Iskeliye Dr Brooks ab hypnosis session start karti hai. Vo Nolan ko relax hokar ek cursor par concentrate karne keliye keheti hai. Kuch pal baad hum Nolan ko ek black room me dehkatein hai jo uska subconscious mind tha. Kuch pal baad vahan par koyi chiza us par hamlaa kartaa hai jisase nolan dar kar jaaga jaataa hai. Ab vo Panic me Dr Brooks se kehetaa hai maine vahi cheez apne sapane me bhi dekha tha, vo mujhe haunt kartaa rehetaa hai. Dr Brooks keheti hai ye ek good news hai , yadi thume vahan kuch dikha hai toh tumhari memories intact hai. Hum use extract karsaktein hai. Nolan ab kaaphi dar gayaa thaa toh vo bina kuch bole vahan se bhaag jaataa hai.

Ab School ke baad Ava Nolan ka wait kar rahi thi par Nolan use lene nahi aataa. Uski teacher use ghar chodane aati hai. Nolan Ava ko dekhate hi sorry kehetaa hai. School teacher Nolan ko warn varti hai ki aisa tisari baar huvaa hai yadi aaj ke baad phir aisa huvaa toh use majburan child services ko inform karna hogaa. Yahan par child services US Govt ki ek sanstha hai jo orphan bachhon ki, domestically abused bachhon ki dekhabaal karti hai. Yadi unhein lagaa ki parents bachhon keliye dangerous hai toh vo legally aise bachhon ko apane custody me lesakatein hai.

Ab Ava ko khone ke dar se Nolan Dr Brooks ki experimental treatment ko lene keliye ready hotaa hai. Dr Brooks uske sar par EEG head set lagaakar keheti hai, Ye device black box hai, ye tumhaare brain ko scan varega aur data ko is processor me bhejegaa. Processor is data ka 3d reality banaayegaa jise tum is VR head set me dekha sakoge. Jaise hi tumhaara conscious mind sub conscious memory me jaayega vohi 3d reality me dikhayi degaa.

Ab Dr Brooks Nolan ko head set lagaakar hypnosis karne lagti hai. Is bar cursor VR head set ke andar tha. Ab hypnosis start hotaa hai jisme do parts the. First part me hum Nolan ko uski beti Ava ke jaise ek room me dekhatein hai jo uske mind ka safe house tha. Ye safe house alag alag logon keliye alag alaga hotaa hai aur unke basic memories par depend kartaa hai. Ab Dr Brooks Nolan ko warn karte huve keheti hai ki use us room se baahar nahi jaana hai. Yadi vo aisa karegaa toh vo kabhi hypnosis se baahar naahi aapaayega. Vo Nolan ko ek analog watch ko imagine karne keliye keheti hai . jisase vo memories regulate kar saktaa tha. Jaise hi watch ki suyi clock wise me ghumegi memories bhi ek series me aane lagengi. Jaise counter clockwise me ghumaayegaa toh vaapas dekhihuvi memory hi dikhayi degi. Ab Nolan watch ki suvi ko clock wise me ghumaataa hai . 1st memory uski wedding ki memory me tha.

Vo ek church me tha jahan par uski wife , priest aur baaki log bhi the. Jaise hi vo apani wife ko dekhataa hai uska cheheraa blur dikhayi detaa hai. Sabhi logon ka chehera bhi blur dikhayi detaa hai. Yahan par priest ek white tha, chehera blur tha but you can see his skin colour. Ab Vahan par phir se vo chiz jisne uspar hamlaa kiyaa thaa last hypnosis session me vo aane lagtaa hai. Uska koyi shape nahi tha, char legs par chal rahaa thaa aur continuously apani shape ko badal rahaa tha. usne Nolan ki wedding dress jaisaa hi dress pehenaa tha aur vo phir se uspar hamalaa karne lagtaa hai. Nolan panic me watch ko stop karke hypnosis se baahar aataa hai.

Saari baat Dr Brooks ko bataataa hai. Dr Brooks use shant karke keheti hai ki ye brain ka defence mechanism hai jo use roka rahaa hai. Agali baar jab vo kisi ke bhi chehere ko clearly dekhegaa toh usaki memeory vaapas aajaayega.

Ab Nolan Gray se milkar apani progress bataataa hai. Baad me apani wedding photos ko dekhataa hai. Shockingly us photo me priest ek african american the aur uski shadi bhi cgurch me nahi balki open gurdan me huva tha. Matlab yahan par kuch toh gada bad tha. Yaa toh uski memory nakali thi yaa ye photo. Ab vahan par rakhi ek stick se use ek aur memory yaad aataa hai. Agali subha vo Ava ko lekar ek japanese restautrant jaataa hai aur breakfast kartaa hai. Ava se kehetaa hai ki ye restautrant uski mom ka pasandidaa restautrant tha aur vo hamesha yahaan aate the.

Ab agale session me , memory use ek apartment building me lejaati hai jahan par ek bachhi ro rahi thi. Nolan apartment ko identify nahi karpaataa aur uske window se use baahar ek green gate aur ek badasa clock tower dikhataa hai. Nolan ko lagtaa hai ki vo bachhi Ava hogi par uski face bhi blur thi toh use pataa nahi chaltaa. Tabhi use ek dusare lady ki rone ki awaz bhi sunaayi deta hai . Jab vo use dekhataa hai toh uske body par har jagah ghaav the aur chehera blur tha. Ab phir se vo shape shifting cheiz uspar hamlaa karne aataa hai aur isbaar uske gale ko dabaane lagtaa hai. Nolan phir se unsuccessful hokar baahar aataa hai.

Baad me vo Grey se puchataa hai ki kya vo uski wife fight karte the. Kya vo uspar haath utaathaa thaa. Grey use samajhane jaataa hai ki vo ek achha insaan hai , aggressive bilkul nahi hai.

Ab next day Nolan Ava ko lekar city me us apartment ko dhundane jataa hai jise usne memory me dekha tha. Vo apartment clock tower ke saamane tha toh use identify karne me mushkil nahi huva. Apartment me jaate hi use ek memory aataa hai jahan vo sidi se gir rahaa tha. Ab Vo usi ghar ko jaakar door bell bajaataa hai. Ek bachhi Ashley door kholati hai, jaise hi vo andar apani maa ko bulaane jaati hai, Nolan bhi andar ghusataa hai. Vo ghar bilkul vaisa hi thaa jaise usne memory me dekhaa tha. Use panic attack aataa hai aur us bachhi ki maa Mirandaa ko dekhate hi vahan se bhaga jaataa hai.

Ab vo Grey se miltaa hai aur use us apartment ka addresss detaa hai aur kehetaa hai shaayad usne uski wife ko dhokha diyaa hai. Vo uski ek dusari family ho sakti hai. Grey had badi me us address vo apane haath par likhataa hai aur kehetaa hai ki ye mumkin nahi hai. Tum ek streight forward aadami ho. Tum Rachel ko dhokaa nahi de sakte.Vo un memories ko sirph hallucinations kehetaa hai. Yahan par Nolan convience nahi hotaa . Kyunki koyi bhi hallucination itani accurate nahi hoti.

Ab agale session me , jaise hi vo shape sifter aataa hai Nolan uspar hamlaa karke agale memory ko jaataa hai. Is baar vo hospital me thaa aur uski vital below normal thi. Vahan par ab vo clearly Mirandaa ki face ko dekhataa hai. Ab uski saari memory vaapas aati hai. Vo apartment me rone vaali lady Mirandaa hi thi. Us shaadi ki memory me bhi vahi thi. Ab agle scene me hum ek naye character ko dekhatein hai jo Nolan ke safe house me thaa. Is ka naam Thomas tha aur ye Dr Brooks ka betaa tha. Thomas do saal pehele us apartment ke sidhi se gir kar margayaa tha.

Ab Dr Grey un sabhi doctors ki list nikaaltaa hai jisne Nolan ko treat kiyaa tha. Dr Pierre naam ke doctor se Grey ko ye pataa chaltaa hai ki jab Nolan admit huvaa tha tab Dr Brooks ne use apane lab me legayi thi. Lab se aate hi Nolan ko hosha aayaa tha. Ab Grey ko Dr Brooks par suspicion hotaa hai aur unse milne usnki lab ko jaataa hai. Jahan use baad me aane keliye kahaa jaataa hai as in she was busy with Nolan.

Idhar safe house me thomas ko ab Dr Brooks ki awaz sunaayideti hai. Vo panic me unhein mom kehekar bulaataa hai. Dr Brooks ab khushi me rone lagti hai aur Nolan ko hypnosis se baahar laati hai. Ab basically Nolan ki body me thomas ki consciousness aur memeory thi. Thomas ko kuch samajh me nahi aataa ki kya ho rahaa hai. Dr Brooks ab apani saari spooky story explain karti ahi. Vo keheti hai vo sidhi se gir kar brain dead ho gayaa tha. Isliye usne uski brain scan ki aur memory dataa banaaya. Jab Nolan ko laayaa gayaa thaa vo brain dead tha, maine uske brain me tumhari memory implant ki. Brain ek fragile chiza hota hai use adjust hone me time lagtaa hai. Implant ke baad Nolan ki consiousness vaapas aayi aur uski memory loss start huvi. Nolan ki consciousness basically tumhri consiousness thi jo adject ho rahi thi.

Tumhari memory uski mind me trap hogayi thi, use baahar nikaalne keliye nolan ka black box treatment lenaa zaruri thaa. Isliye maine wait kiyaa aur maukaa milte hi tumhe baahar nikaala. Ye first successful brain transfer hai.Thomas ko ye sab sunkar shock lagataa hai. Vo confuse tha ki ab vo kya karegaa. Dr Brooks use milindaa aur Ashliey , ki photo dikhakar keheti hai tumhe dusara mukaa milaa hai ek achha dad banane ka, ek achha researcher bananeka. Jahan tak savaal Nolan ka hai vo toh kab ka marchukaa hai.

Ab Thomas Ava ko lene school jaata hai. Use kehetaa hai ki use kuch dinon keliye uncle Grey ke paas rehenaa hogaa. Jab vo manaa karke zid varne lagti hai toh uspar gusse se chillataa hai. Thomas Nolan se opposite tha, ye aggressive tha, abuser tha aur driven tha. Ab vo Ava ko Grey ke ghar chodataa hai, Grey se bhi sidhe muh baat nahi kartaa. Grey ko lagtaa hai kuch toh gadabad hai.

Vahan se vo sidhe Mirandaa ve paas jaataa hai, vo first use Nolan samjhakar police ko bulaane ki dhamki deti hai. Par use vo Thomas ka college friend kehekar ghar ke andar jaataa hai. Kuch der baad shanti se use saari baat bataataa hai. kehetaa hai vohi Thomas hai. Use apani private baatein detail me bataakar convince kartaa hai. Ab vo ghar ke chaaron aur dekhataa hai uski photo khain nahi thi. Sab kuch badal gaya tha. Vo ab gusse me apani beti se milne jaataa hai toh mirandaa use rokati hai. Thomas gusse me mirendaa ka galaa dabaakar use dur rehene keliye kehetaa hai. Ab mirenda piche se uske sir par maarti hai.

Agale scene me hum Thomas ko Grey ke ghar ke samane dekhatein hai aur uske sar se khun beherahaa thaa. Thomas vahan se bhagne lagtaa hai, car ke glass me use phir se vohi shape shiffter dikhayi detaa hai jise Nolan ne memory me dekhaa tha. Ab Thomas Dr Brooks ke lab jaataa hai aur kehetaa hai ki vo nahi jaanataa ki vo grey ke ghar ke saamane kaise aayaa. Kuch toh gadabad hai. Dr Brooks keheti hai shayad tumhari brain ne tumhe usi jagah vaapas laayaa jo jagaha use safe lagaa. Bilkul black box ke safe house ki tarah. Lagtaa hai Nolan ki difence mechanism ab tumhare consciousness me aagayaa. ab vo Thomas ko black box me jaakar us cheeja ko maarne keliye keheti hai.

Ab grey ke ghar me grey ko Nolan ki digayi addresss yaad aataa hai. Vo use search kartaa hai toh use pataachaltaa hai ki use address me ek apartment hai jo Dr Brooks ke bete Thomas Brooks ka ghar hai. Jo do saal pehele sidhi se gir kar maar gayaa tha. Ab Grey shock me Ava ko lekar lab ko jaataa hai.

Ab lab me Thomas black box ke andar jaataa hai. Is baar vo apane apartment ke room me tha as in ye uski safe house tha. Kuch der baad vo shape sifter vahan aataa hai. Vo door khol kar use andar aane detaa hai. vo shape stable hone tak wait kartaa hai. Final shape ko dekhakar use shock lagtaa hai, vo diffence mechanism Nolan ki subconsiousness thi. Ab Thomas Nolan par hamlaa karke use chaku se maarne lagtaa hai. Tabhi lab me Ava aur Grey aatein hai. Ava jor jor se apane dad ke naam ko pukaarne agti hai. Isase thomas distract hotaa hai use apani mauth ke pehele ki memory dikhayi deti hai. Vo gusse me apani wife Mirandaa ko maar rahaa tha tabhi uski beti Ashley use rokane jaati hai. Vo gusse me use bhi laataa maartaa hai. Ab Mirandaa Ashley ko bachane ke chakkar me Thomas ko dhakhelti hai jo ab sidi se girkar mar jaataa hai. Baahar Ava chilla rahi thi. Thomas ko apani galati yaad aati hai, usko lagtaa hai vo ek achha insaan nahi hai. Isliye vo us safe house ke door ko kholkar baahar chalaa jaataa hai. Nolan ki subconscious mind ab take over karti hai aur vo black box se baahar aataa hai. Is baar Ava se perfect hand shake kartaa hai.

Ab Nolan ava ke sath khushi se rehene lagtaa hai. Mirandaa apane apartment ko chodkar jaa rahi thi. Vo news paper me Dr Brooks ki scandal ke baarein me padati hai. End credits me dikhayaa jaataa hai ki Dr Brooks ke paas Thomas ki brain scan ki back up copy thi jise vo apane brain par downlaod karti hai.

Toh ye thi Black Box Film Vi story. Ye film me horror se jyada sc fi hai. Ye film ko light horror category me daal saktein hai. Ye The Cell, Inception jaise mind bending theory pe aadharit sci – fi film hai. Yahan Nolan ke body me Thomas ki conscious mind ki memory ko scan karke implant kiyagayaa tha. Ek human brain ki storage capacity 2.5 million GB hoti hai jise koyi bhi computer store nahi kar saktaa. Isliye Dr Brooks ne Thomas ke brain ke kuch important memory ko scan karke implant kiyaa thaa. Ye system me virus jaisa tha. Nolan hospital me brain dead state me thaa yaani uski conscious mind kaam nahi kar rahi thi par subconscious mind active thi. Aise haalat me patients saalon zindaa rehetein hai. Iske kayi example hai.

Nolan ki sub semiconscious mind uski conscious mind se lagaataar fight me thi, isliye use shape sifter ke sapane aarahe the. Uski concious mind thomas ki thi jo fully develop nahi huvi thi. Jaise hi usne black box me Miranda ka face dekha vo active hogaya. Any way Ye ek achha light horror sc fi film hai jahan emotional quotient bhi hai.

Tags : फिल्म की कहानी ,स्टोरी इन हिंदी,Hindi Story, Hindi spoilers, Hollywood film ki kahani,film ki story.



Comments

Popular posts from this blog

Invictus फिल्म की कहानी | स्टोरी इन हिंदी | Hindi Story

Invictus फिल्म की कहानी | स्टोरी इन हिंदी | Hindi Story  इन्विक्टस 2009 मे आई अमेरिकन-सौत्फरीकन बाइयोग्रॅफिकल ड्रामा फिल्म है , जो 1995 मे, साउत आफ्रिका मे हुवी रग्बी वर्ल्ड कप मॅच की कहानी कहेती है. कैसे एक स्पोर्ट देश को जोड़ सकता है, कैसे एक स्पोर्ट दुश्मनों का दुश्मनी मिटा सकता है, कैसे एक स्पोर्ट देश की डिप्लोमसी मे काम आसकता है. साउत आफ्रिका मे अपार्थाइड  यानी रंग भेद 1948 मे अफीशियली शुरू होकर 1990 मे ख़त्म हुवा. साउत आफ्रिका मे इस दौरान वाइट और ब्लैक लोगों केलिए अलग अलग क़ानून थे, काले लोगों का शोषण किया गया था. इसका एक लंबा खूनी इतिहास है. नेल्सन मंडेला ने इसके खिलाफ आंदोलन  किया था इसलिए उनको 1963 मे ज़िंदगी भर केलिए जैल मे डाल दिया गया था. 1980’s  के दशक  मे जब साउत आफ्रिका पर आर्थिक पाबंदियां  लगने लगे तब वहाँ की सरकार  आफ्रिकन नॅशनल कॉंग्रेस (ANC ) से रंग भेद  को ख़त्म कर ने केलिए बातचीत शुरू की. ओलंपिक्स  ने भी 1964 से 1988 तक साउत आफ्रिका को बैन  किया था. ICC  और अन्या काई सारी स्पोर्ट ऑर्गनाइज़ेशन्स ने भी उनको बैन किया था. उनमे से एक था इंटरनॅशनल

50 Morning Affirmations in Hindi, Positive Affirmations Hindi

हमारे कार्य  हमारे जीवन को बनाते है, उन कार्यों को नियंत्रित करता है हमारा मन. यदि मन शुध है, तो हमारा जीवन भी शुध होगा.मन के विचारों पर काई सारी चीज़े प्रभाव डालते है,जैसे की दिमाग़ का सेहत , फिज़िकल फिटनेस,खान पान और हमारी मान्यताएं. अफर्मेशन्स का संबंद इसी मान्यताएं  या विश्वास से है. अफर्मेशन्स एक छोटे से वाक़या या स्टेट्मेंट्स होते है जो आपको पॉज़िटिव थिंकिंग करने मे मदद करते है. ये कुछ ऐसे वाक़या होते है, जिसपर आपका मन पहेले विश्वास नही करता,क्यूंकी उसका अर्थ आपके मन के लॉजिक पर खरा नही उतरता.  लेकिन जैसे हम अपनी फिज़िकल बॉडी को ट्रेन कर सकते है वैसे ही अपने मन को भी ट्रेन कर सकते है. जब हम रोज़ इन वाक्यों को दोरहाने लगते है तो धीरे धीरे हमारे सूक्ष्म मन मे इनके अर्ता शामिल होने लगते है. जब भी कोई विचार आपके  सूक्ष्म मन  मे शामिल होता है तो आपका , जागरूक मन भी उसपर बेझीजक यकीन करलेता है. ये बात पॉज़िटिव और नेगेटिव दोनो विचारों केलिए अप्लाइ होता है. जब आप पॉज़िटिव विचारों का प्रॅक्टीस करते है तो रिज़ल्ट पॉज़िटिव ही होता है. बच्चे अपनी मा के हर बात को सही मानते है क्यूंकी उ

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the