Skip to main content

Books Of Blood Explained in Hindi | Hinglish | Movie Spoilers

 Books Of Blood  Explained in Hindi | Hinglish | Movie Spoilers

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj me recently release huvi hulu original film books of blood ki story ko explian karunga. Isaki IMDB rateing hai 5.6 out of 10 aur ise direct kiya hai Brannon Braga. Is film ke writer hai Adam Simon . Film ki story 1984 me aayi author Clieve Barker ki book series Books of blood pe aadharit hai. Is series me 6 books thi jo aapko aajkal do volumes me mil jaayeingi. In books me likhi kayi short stories par already films ban chuki hai jaise Rawhead Rex, Candyman, Quicksilver highway,The Midnight meat train,Dread and 2009 me aayi film Book of Blood.

Is film se judi kuch interesting facts ko me film ke end me bataavungaa kyunki asali patte anth me hi khulte hein. so please video ko end tak jarur dekhiye.

Ye film non linear hai aur mainly 3 different stories hai. Stories ki timelines bhi alag alag hai jo end me climax par milati hai. Film ki shuruvaat Mary naam ki lady ke voiceover ke saath hotaa hai jo keheti hai, sab log ek din mar jaayenge, par kayi baar logonka mauth itana shocking hotaa hai vo baaki logon ke saamuhik memory me seal hojaataa hai. Yahan ek place hai jahan ye mare huve log apana story likhatein hai.

Ab first story me hum ek librarian ko dekhatein hai jise Bennet naam ka banda pakadkar paisaa maanga rahaa hai. Librarian ne udhar chukaaya nahi tha toh Bennet use maarne aayaa tha. Ek last attempt ke taur par librarian Bennet ko ek book ke baare me bataataa hai jiski kimat karodon me thi. Bennet use tip keliye thanks bolkar uska galaa kaatataa hai. Baad me apane dost Steve ko is book ke baare me bataataa hai jo city ke Revenmoor ilaake ek ghar par hai. Jispar Steve kehetaa hai vo place toh haunted hai, vahan chernobyl ki tarah kuch ajib huvaa tha, vahan koyi nahi rehetaa. Bennet paise keliye desperate thaa toh vo ise superstition kehekar car ki gps par us ghar ki address ko lock kartaa hai.

Ab Jenna naam screen par dikhayi detaa jise khun se likha gayaa tha. Second story Jenna naam ke ladaki ke baare me hai jo apane parents ke saath ek sea faceing house me reheti thi. Aparently Jenna misophonia mental illness ki patient thi jahan use normal sounds jaise chabaane ki sounds, paani tapakane ki sounds, repetitive sounds se ghabaraahat, jalan aur dard hotaa tha. Uski sunane ki taakat bhi above normal thi jisase vo choti si choti halchal ko bhi sun sakati thi. Doctors ne use medicine prescribe kiyaa tha jisko vo ab nahi lerahi thi , as in vo use inactive aur sunna banaa rahe the. Isliye vo sounds ko block karne keliye hamesha headphones par white noise sunti thi.

Jenna ne ab college me ek ladake ke saath kuch pangaa kiyaa tha jispar uske parents thodaa gusse me the. Vo ab decides kartein hai ki Jenna ko “ the farm “ naam ke institution ko bhej denge taaki uska treatment thik se hosake. Jenna unki plan ko sunleti hai aur aadhi raat ko parents ke safe se paise churaakar ghar se bhag jaati hai.

Jenna ab bus station se Los angles keliye ek ticket leti hai, ab station par ek aadami use hi ghoorane lagtaa hai. Jenna ab pharan hi vahan se nikaljaati hai. Kuch time baad vo adami Jenna ka pichaa karte huve usi bus me chadataa hai jisme Jenna thi. Jenna ab dar kar agale city me utarjaati hai. Aadi raat ka time tha toh vo rukane keliye ek home stay book karti hai. Vahan jaane ke dauraan uska accident ek green car se hote hote nahi hotaa. Raat ke time koyi traffic nahi hoga samjhakar driver dindas gadi chalaa rahaa tha.

Ab hum home stay me teen naye characters se miltein hai. Ellie aur Sam home stay ke owner the. Gavin austrelia se vahan raat bhar rukane aayaa tha. Ellie Ek retired nurse thi jo ab Jenna ko tea offer karti hai. Jenna aur Gavin casual baatein kartein hai aur Gavin apana number detaa hai.

Ab room me sote time Jenna ko wall se koyi sound sunaayi detaa hai dekhane par ek cockroach wall se baahar aataa hai. Ab Jenna ko ek sapana aataa hai jahan vo us aadami ko apane sea facing ghar ke saamne dekhati hai. Jenna ab ninda se utathi hai jahan vo aadmi use phir se room ke window ke baahar dikhayi detaa hai. Usko lagtaa hai ye uska hallocination hogaa par yahn par ek baat ajeb thi. Jenna ab pure taur par catatonic hogayi thi yaani vo hosh me thi par apane body ko hilaa nahi paarahi thi. Agale kuch scene me hum dekhatein hai Gavin Jenna ve room me sex karne ve irade se aayaa tha jise Sam aakar pakadkar lejaataa hai. Baad me Ellie Jenna se criptic way me baat karti hai aur Sam uske body ka measurment letaa hai.

Agali subah Jenna ko ye sab sirph ek nightmare lagtaa hai aur vo vahan se coffee pine coffee shop jaati hai. Vahan par Gavin ko whatsapp karti hai par Gavin ka javab nahi aataa. Ab use phir se vo aadami coffee shop ke bahar dikhayidetaa hai jise dekhakar vo darjaati hai. Vahan se bhagane lagti hai . Vo aadami bhi uska picha karne lagtaa hai.

Jenna ab vaapas stay home aati hai jahan vo apani saari mental illness ki story ko Ellie ko bataati hai. Ellie use kuch dinon tak vahan rukane keliye permission deti hai.

Ab raat me phir se Jenna ko room ke wall se kuch sounds sunaayi detaa hai , isbaar vo wall ke secret opeings ko kholti hai. Use vahan ek aurat diwar par chipkihuvi dekhayi deti hai jo ek zombie jaise thi. Jenaa ekdum panic me aajaati hai tabhi use Gavin ka text message aataa hai. Jenna use 911 ko call karne keliye keheti hai. Asal me Gavin ka phone Ellie ke paas thaa aur vohi Jenna ko text kar rahi thi. Ab Eliie Jenna ko door kholne keliye uske room ke door par bang karne lagti hai. Jenna ab sure thi ki Ellie aur sam khatarnaak hai toh vo room ke door vo kholte hi Ellie par hamlaa karti hai. Jenna vahan se bhagane lagti hai, lekin sabhi door aur windows lock the toh vo ek opening me ghusti hai. Jaise hi vo under jaati hai kayi saari zombies jo diwar par chipke huve the vo uspar hamlaa karne lagti hai.

Ab jenna vahan se bhi bhagti hai par isbaar Sam use pakad letaa hai. Vo donon use kurchi se baandkar apana psycho story explain kartein hai. Ellie keheti hai ki jab mai nurse thi toh maine kayi life support par reharahe patients ko treat kiya tha apane special painkillers aur nutrients se. Hospital ne islie mujhe nikaal diyaa tha. jab Sam ki job chaligayi toh meri beti aur uska pati hame beghar karne vaale the. Isliye maine apana skills use kiya aur unhein permanently zombie banaadiya. Ab hum sab log ek hi roof ke niche khushi se rehetein hai. Ellie keheti hai ki vo Jenna ka pain bhi dur kar degi aur use pain se free karegi.

Pichale raat Ellie ne tea me apana medicine milaayaa tha jisase Jenna catatonic hogayi thi. In donon ne Gavin ko bhi zombie banaa diyaa tha. Basically ye dono budde log pagalaa gaye the aur stay home me rehene aaye sabhi ko maarte the.

Ab Ellie phir se catatonic karne waala injection Jenna ki eye deti hai. Tabhi vo aadami jo Jenna ko follow kar rahaa tha vo stay home par aataa hai. Vo aadami Jenna va hallucination nahi tha balki real aadami tha jo use stock kar rahaa tha. Ab Ellie use ghar ke under bulaati hai kyunki vo jaantaa tha ki jenna phir se vahan aayi hai.

Ab vo aadmi bhi Ellie ko ek story kehetaa hai jahan uska beta Tony jo depression se juj rahaa tha , vo aur Jenna close the. Jab vo margaya tha tab vo Jenna se phone par baat kar rahaa tha. Vo aadami Jenna se isi topic par baat karnaa chahataa tha. Kitchen me Jenna uski saari baaton ko sunti hai aur vo thoda movement varne lagti hai.

Ab Ellie us aadami ke file ko nipataane keliye use tea deti hai jisme phir se vo apana medicine milaati hai. Sam ab piche se aavar uspar hamlaa vartaa hai aur use maar daalta hai. Jab ye log uski body ko thikaane lagaane jaatein hai Jenna kurchi se free hoti hai. Vo rengate rengate kitchein ke window se baahar kudati hai.

Bahar ladakhadhate huve chalkar car hanger me jaati hai jahan ek aur body thi jise woodsaw se kaataa gayaa tha. Vo dar kar Tony ke dad ve car me baitakar bhagane lagti hai par jaise hi vo Sam ko dekhati hai, vo car ke piche waali seat par chup jaati hai. Ab Sam Tony ke dad ko front seat me bitaakhar city se baahar jaane lagtaa hai. Ellie ek dusare car me use follow varti hai. Ek bade se khayi ke paas jaakar ye dono car ko niche giraa detein hai. Jenna bhi car me hi thi vo chikane lagti hai par end me car niche girti hai.

Ab film me third story start hotaa hai aur screen par Miles likhahuvaa dikhayi deta hai. Yahan par Marry aur Simon naam ke do characters hai jahan marry is story ko kuch rich logon ko explain karti hai. Ab yhan par Marry ek professor thi jo paranormal activities ko debuk karne keliye famous thi. Ek din use koyi VCR Cassette degaataa hai jisme ek nude aadami ek closed room me khada tha. Achank uske room me andhera hotaa hai aur uske piche waali wall par kayi saari messages prakat hotein hai. Vo aadami vahin tadapata huva gir jaataa hai. Marry ko is tape ko debunk karnaa tha jise vo seriously na lekar pheink deti hai. Yahan vo nude aadami Simon tha.

Marry ka beta Miles tha jo leukemia se mar rahaa tha. Marry ka ex husband aur Miles ka dad, ek drug addict tha jise Marry last time hospital me dekhane bhi nahi deti .Ab vo apane bachhe ko burry karti hai. Kuch din baad Simon naam ka ek banda use vo tape bhejataa hai aur khud marry se milne aataa hai. Simon Marry se kehetaa hai vo ek medium hai , dead log uske sahare apane messages ko apane reletives ko bhejatein hai.Wall par likhi saari messages dead logon ki hi hai. Naturally Marry uske baaton ko nahi maanti par use expose karne keliye ek session karne keliye ready hoti hai.

Ab Simon phir se ek closed room me nude khada hotaa hai. Room ko close kiyaa jaataa hai. Jaise hi Simon posession ka permission detaa hai room me andhera hotaa hai aur phir se wall par messages prakat hotein hai. Simon phir se tadapataa huva niche gir gayaa tha. Is baar wall me Miles ka message bhi tha jisme vo kehetaa hai mai so nahi rahan hun mommy.

Marry ko kuch samajha me nahi aataa as in usne aisa pehele kabhi nahi dekha tha. Vo Simon ko hospital le jaati hai. Dhire Dhire vo aur Simon close hotein hai aur shadi vartein hai. Ek din sote time miles ki ghost Marry ve paas aakar use chutaa hai. Ek scene me hum Miles ki grave ko dekhatein hai jahan date of death tha April 20 1993. Yaani ye third story 90’s me horaha tha balki pehele do stories 2020 me horahe the.

Ab Marry aur Simon scientifically dead logon ke baare me research karne keliye ek fund raiser meeting organise kartein hai jahan vo ye story rich logon ko bataa rahi thi. Ab is din se pehele din ki ek memory dikhaya jaataa hai jahan Marry apane secretory ko Simon ke saath sex karte pakad leti hai. Simon drink ke nashe me tha toh vo nashe me kehetaa hai ki vo ek Con artist hai. Yaani aisa aadami jo tricks use karke dusare logon ko cheat kartaa hai.

Basically Simon ko Marry ke ex husband ne paise diye the use dhokha dene keliye. Simon koyi medium nahi tha, usne maintenance vaale ko precise time par power cut karne veliye paise diye the. Session ke pichale din usne us room me jaakar Phenolphthalein naam ke chemical se wall par un saari messages ko likha tha. Session ke dauraan jab power gayi thi tab room me chupaayi ammonia sprayer se usne wall spray kiyaa tha. Ammonia ek reacting agent tha toh jaise hi vo Phenolphthalein se milta hai vo message ko visible banaata hai. Simon ko penicillin se allergy tha toh usne uska micro dose bhi liyaa tha jisase vo real me tadapa rahaa thaa. Basically Simon ne pura plan banayaa tha.

Ye sab sunkar Marry ko shock lagtaa hai aur vo Miles ke room me baita var rone lagti hai. Kyunki itane pade likhe hone ke baavjood bhi vo fraud ka shikaar hogai thi. Tabhi Miles ke room ke black board me k message type hone lagtaa hai. Bring him to us yaani use hamare paas lekar aavo. Ab marry ko Miles ka ghost uske bed par sote huve dikhayi detaa hai.

Agale din Simon ghar chodake jaane lagtaa hai par Marry us eye kehekar rok leti hai ki aaj fund raising dinner hai aur vo ab piche nahi hat sakte. Is fund raiser se Simon ko tagada paisa milne vaalaa tha toh vo is medium hone ka acting jaari rakhataa hai. Lekin party me Marry use trick karti hai aur use and baaki logon ko Miles ke room me lejaati hai. Marry sab se keheti hai ki aaj Simon ek live demonstration karega. Simon ko samaj me nahi aataa ki ho kya rahaa hai. Marry ab use nude karke room me lock kar deti hai.

Ab room me achanak kayi saari ghosts aatein hai aur vo ek ek karke Simon ke skin par apana story likhane lagtein hai. Tabhi achaanak pure ilaake ka power off hojaataa hai. Marry ab room ke undar aakar Simon ko shant karti hai. Sabhi rich log ye dekhakar bhag jaatein hai. Actually Marry ka ghar city ke jis locality me tha uska naam hi Revenmoor tha. Jise Bennet ne film ke starting me haunted area kaha tha Chernobyl ki tarah. Ab hum Bennet ka naam bhi screen par khun se likha huva dekhatein hai.

Ab story vaapas 2020 me aata hai jahan Bennet aur Steve apane green car me Revenmoor ilaave ke aur jaarahein hai. Janna ka accident jis car se hote hote nahi hotaa vo indono ki hi car thi. Ab inki car Revenmoor jaate hi kharab hoti hai aur jab Bennett repair varne jaataa hai tab Steve ko uski mom ki ghost back mirror me dikhayi detaa hai. Steve ek trance jaise state me us ghost ka pichaa karte huve ek abundant church me aata hai. Vahan aakar apane gale par gun rakhakar suicide karne ki position me bait jaataa hai.Steve ki is erratic behavior ko dekhakar Bennett ko shock lagtaa hai aur vo Steve ko convince karne jaataa hai par its too late. Steve khud ko goli maarkar suicide kartaa hai.

Bennett ab church se dur bhagane lagtaa hai tabhi uski car apane aap chalne lagti hai . Use daudaate huve Marry ke ghar par laati hai. Marry ka gha ek dum clean aur naye jaisaa tha. Bennett ab book ko is ghar me dhundane lagtaa hai aur dhundate dhundate vo Miles ke room ko aataa hai.

Aur yahan khultein hai asali patte. Miles ke room me Marry thi jo old ho chuki thi aur Simon bhi tha jo vaisaa hi tha jaise 1993 me dikhata tha. Basically Ghosts ne Simon vo maar daalatha aur use ek zombie banaayaa tha. Simon hi Book of Dead tha jispar ghosts aakar apana story likhate the. Originally 1984 ke book me Marry ne ghosts ve saath ek deal kiyaa tha jahan vo Simon un ghosts ki stories ko bataataa tha aur Marry unhe book ke roop publish karti thi. Yahan par bhi shaaya Marry va yahi role thaa par ise explicitly bataaya nahi gayaa hai.

Ab Marry Bennett se keheti hai ki vo pehela insaan nahi hai jo boov of blood ko dhundate huve vahan aayaa ho. Vahan jo bhi aataa hai uski mauth pehele se hi book par likhi huvi hoti hai. Ab vo Simon ke sar par Bennett ka naam dikhati hai. Ab kayi saare chuhein Bennet ko maarne aate hein jisase bachane keliye vo ghar se bhagane lagtaa hai. Ghar ke garden par jaate hi chaaku se chuhon par hamlaa karne jaataa hai par khud hi injured hotaa hai. Baad me injured state me daudate daudate usi home stay me aataa hai jahan Jenna aur Gavin ruke the.

Ab Vahan par Sam Gavin ki file ko nipataane me busy tha, toh Ellie piche se aakar Bennett par hamlaa karve use maar daalti hai. Bennett ki hi body ko Jenna ne car hanger me dekha tha.

Ab agale scene me hum Jenna ko ek hospital me dekhatein hai jahan apparently vo us accident se bach gayi thi. Police unke parents se kehetein hai ki Tony ke dad ne hi Jenna ka pichaa kiyaa tha aur aisa lagtaa hai ki vo Jenna ke sath suicide karnaa chaahataa tha.Ab Parents bhi yahi kehetein hai ki shayad vo Jenna ko Tony ke maut ka zimmedaar maanta hogaa.

Ab yahan par Jenna aur Tony ka back story bataayaa jaataa hai jahan par vo do mentally ill patients relationship me the. Tony ek building ke roof par khad tha aur Jenna apane bed room me thi. Jenna Tony ko phone karke jhoot bolti hai ki vobhi ek dusare building ve roof par hai. Vo highly bakavaas philosophical baatein bataakar bolti hai ki life ek jhoot hai aur death ke baad hi life hai. Tony ek recovering depression patients tha vo kuch soche bager jump kardetaa hai. Staring me maine kahaa tha ki Jenna ne ek kaand kiyaa tha vo yahi tha. Ab car accident ke baad Janna ko apana guilt bardash nahi hotaa , vo ab phir se home stay jaati hai aur voluntarily Ellie ko pain end karne veliye keheti hai.

Sam and ellie Janna ke aanha aur kaan ko seal karke use apane roome me daphanaatein hai. Janna ki mauth vahain hotaa hai aur uska naam bhi book of bloods par likhaa jaataa hai. Film yahin end hotaa hai.

Toh ye thi hulu orignal Books of Blood film. Yahan par three different stories ko khubsurti se milaayaa gaya hai. Is me aapko suspence, horror ,jump scare aur great plot twist dikhayi degaa. Is film ki Premise ye hai ki aap apane fate se bhag nahi sakte. Bennett aur Steve contact killers the aur unki greed se hi unka death huvaa.

Jenna ek mentally ill patient thi jise apana fate samjha me aagaya tha. Usne khud ki galti kabul ki aur aasan death se daravani death ko accept kiyaa. Simon ne apani ghost vaali majaak ka price bhara. Ye film ki story ko pehele castle rock ki tarah series me laane ka plan tha but finally ise feature film me convert kardiya gaya isliye kuch logon ko ye lambi lag sakti hai. But trust me its worth of your time.

Tags : Books Of Blood : फिल्म की कहानी ,स्टोरी इन हिंदी,Hindi Story, Hindi spoilers, Hollywood film ki kahani,film ki story.

Comments

Popular posts from this blog

Invictus फिल्म की कहानी | स्टोरी इन हिंदी | Hindi Story

Invictus फिल्म की कहानी | स्टोरी इन हिंदी | Hindi Story 



इन्विक्टस 2009 मे आई अमेरिकन-सौत्फरीकन बाइयोग्रॅफिकल ड्रामा फिल्म है , जो 1995 मे, साउत आफ्रिका मे हुवी रग्बी वर्ल्ड कप मॅच की कहानी कहेती है. कैसे एक स्पोर्ट देश को जोड़ सकता है, कैसे एक स्पोर्ट दुश्मनों का दुश्मनी मिटा सकता है, कैसे एक स्पोर्ट देश की डिप्लोमसी मे काम आसकता है.

साउत आफ्रिका मे अपार्थाइड  यानी रंग भेद 1948 मे अफीशियली शुरू होकर 1990 मे ख़त्म हुवा. साउत आफ्रिका मे इस दौरान वाइट और ब्लैक लोगों केलिए अलग अलग क़ानून थे, काले लोगों का शोषण किया गया था. इसका एक लंबा खूनी इतिहास है. नेल्सन मंडेला ने इसके खिलाफ आंदोलन  किया था इसलिए उनको 1963 मे ज़िंदगी भर केलिए जैल मे डाल दिया गया था.
1980’s  के दशक  मे जब साउत आफ्रिका पर आर्थिक पाबंदियां  लगने लगे तब वहाँ की सरकार  आफ्रिकन नॅशनल कॉंग्रेस (ANC ) से रंग भेद  को ख़त्म कर ने केलिए बातचीत शुरू की. ओलंपिक्स  ने भी 1964 से 1988 तक साउत आफ्रिका को बैन  किया था. ICC  और अन्या काई सारी स्पोर्ट ऑर्गनाइज़ेशन्स ने भी उनको बैन किया था. उनमे से एक था इंटरनॅशनल रग्बी बोर्ड (IRB ) ( अब इ…

50 Morning Affirmations in Hindi, Positive Affirmations Hindi

हमारे कार्य  हमारे जीवन को बनाते है, उन कार्यों को नियंत्रित करता है हमारा मन. यदि मन शुध है, तो हमारा जीवन भी शुध होगा.मन के विचारों पर काई सारी चीज़े प्रभाव डालते है,जैसे की दिमाग़ का सेहत , फिज़िकल फिटनेस,खान पान और हमारी मान्यताएं. अफर्मेशन्स का संबंद इसी मान्यताएं  या विश्वास से है.

अफर्मेशन्स एक छोटे से वाक़या या स्टेट्मेंट्स होते है जो आपको पॉज़िटिव थिंकिंग करने मे मदद करते है. ये कुछ ऐसे वाक़या होते है, जिसपर आपका मन पहेले विश्वास नही करता,क्यूंकी उसका अर्थ आपके मन के लॉजिक पर खरा नही उतरता.  लेकिन जैसे हम अपनी फिज़िकल बॉडी को ट्रेन कर सकते है वैसे ही अपने मन को भी ट्रेन कर सकते है.

जब हम रोज़ इन वाक्यों को दोरहाने लगते है तो धीरे धीरे हमारे सूक्ष्म मन मे इनके अर्ता शामिल होने लगते है. जब भी कोई विचार आपके सूक्ष्म मन मे शामिल होता है तो आपका , जागरूक मन भी उसपर बेझीजक यकीन करलेता है. ये बात पॉज़िटिव और नेगेटिव दोनो विचारों केलिए अप्लाइ होता है. जब आप पॉज़िटिव विचारों का प्रॅक्टीस करते है तो रिज़ल्ट पॉज़िटिव ही होता है. बच्चे अपनी मा के हर बात को सही मानते है क्यूंकी उनकी सूक्ष्म…

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life.
History Of Hinglish
The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to their culture, religion…