Hotel Leke Explained in Hindi | Hinglish

   Hotel Leke Explained in Hindi | Hinglish  

Aaj me recently release huvi south korean film Lingering ki story ko explain karunga. Ise film ka south korean naam hai Hotel Leke. Is film ke writer director hai Yoon Een kyoung. Is film ki IMDB rating hai 5.3 out of 10. ye film kaaphi confusing hai, yahan sub plots, flashbacks hai jo story ko tedaa banaati hai . 

Film ki shuruvaat raat me hotaa hai jahan khoon se lat pat ek lady beech raaste par chal rahi hai. Aisa lagtaa hai vo kisi se dar kar bhag rahi hai. Use ab bus stop ke piche kisiki parachayi dikhati hai jise dekhakar vo jaadiyon me chupati hai. Baad me koyi use vahin maardetaa hai.

Ab kahani ek foster care department me start hoti hai jahan yoo mi naam ke ek ladaki hai. Usase kaha jaataa hai ki uski ek step sister hai Ji-Yoo jise use ab adopt karnaa hogaa. Ji-yoo ke dad abusive tha isliye foster care department ne bachhi ko apane kabje me leliyaa tha. Yoo-Mi ki maa Yoon Hee ka death paanch saal pehele huvaa tha. usne do shadiyan ki thi aur dono divorce me badal gayi thi. Ab Yoo-Mi sirpf 21 saal ki ladaki thi jo abhi job dhunda rahi thi. Vo pehele toh resposiblity lene se manaa karti hai, Ji-Yoo ko orphanage me bhejane ki baat karti hai. Yahan par Yoo -Mi apane mom ko dislike karti thi as in vo uske prati responsible nahi thi.

Foster care officer keheti hai Ji-Yoo thoda natakhat bachhi hai, vo joot bolti hai and hamesha shaitaniyan karti hai. Aise bachhon ko special care ki zarurat hai. Orphanage me aise bachhon ka adoption rate kam hai. Yoo-Mi naa chahate huve bhi Ji-Yoo ki custody leti hai. Ab use lekar apane mom ki ek purani friend kyung sun ke paas jaane lagti hai jise vo aunti keheti thi. auntie ek hotel chalaati thi jahan Yoo-Mi ki mom reheti thi and kaam karti thi. Ye 5 star hotel town ke bahar ek farm house me tha.

Jab car me yoo-mi hotel ko aarahi thi tab road me use ek lady white dress me walk karte huve dikhati hai. Kuch dur drive karne ke baad phir se vahi lady use busstop kepaas dikhati hai jise hamne first scene me dekha tha. Yoo-Mi us lady ko back mirror me dekhati hai tabhi us lady ki head niche girti hai and vo gaayab hoti hai. Yoo-Mi dar kar car rokati hai aur us lady ko dhundane lagti hai. Vo lady use usi jhadiyon ke piche phir se dikhati hai par check karne par vahan sirph ek maraa huva reven bird rehetaa hai. Yoo Mi ko kuch samajha me nahi aataa and vo apane raaste hotel ko jaati hai.

Hotel me auntie indono ka welcome karti hai. Seasonal break ke chalte ab hotel empty tha jahan sirph aunti aur ek drunkyard waitress Ye Rin reheti thi. Yoo-Mi and autie kuch casual baate kartein hai and Yoo Mi aunti ko Ji-Yoo ko rakhane keliye thanks keheti hai. Bachapan me Yoo-Mi yahin rahaa karti thi aur auntie uski dusari mom jaise thi. Aunti ka beta Sang-Woo and Yoo-Mi dono achhe dost the jo ab austrelia me pada rahaa tha.

Bachhi Ji-Yoo is bade se hotel me akele khelane lagti hai aur vo room 405 ke paas jaati hai jahan koyi uskeliye nursery rhyme gaataa hai. Ek glass ball apane aap ludakar uske paas aataa hai. Implying ki yahan kuch toh pranormal hai. Yoo-Mi ab room 405 me jaati hai jo basically uski maa ki room thi. Yahin par usne suicide kiyaa tha. Bachapan me Yoo Mi ne vahan kuch toys ko chupaayaa tha jo aparently ab bhi vhaaan thi. Aunti ne us room ko chuvaa nahi tha as in vo chahati thi ki Yoo-Mi ek din aakar vahan rahe aur hotel ko sambhale. . Yoo-Mi ab apne toys ko Ji-Yoo ko khelane deti hai.

Yoo Mi ab ek dusare kamare me apana bag unpack karti hai. Uska yahan ek do din rehekar Ji Yoo ko settle karne ka plan thaa. Baad me vo apane regular life ko lautane vaali thi. Ji yoo ab sabhi bachho ki tarah hide n seek khelane keliye zidda karti hai. Yo Mi bhi uska man rakhane keliye khelane lagti ahi. Ji Yoo jaakar chupati hai and Yoo Mi use dhundane lagti hai. Dundate dhundate vo hotel ke basement me jaati hai. Idhar Ji-Yoo ek dress trolly ke piche chupi thi jab vo dress hataakar jhankati hai toh use ek lady ke pair dikhayi detein hai. Jab vo bahar aakar dekhati hai toh ek waitress ki dress me ek nayi lady khadi thi. Ji Yoo use pehechaan nahi paati aur vahan se bhagane lagti hai.

Yoo Mi basement check karti hai vahan koyi nahi hotaa par use phir se vahi white dress waali lady ki parachayi dikhati hai. Jab vo light on karve dekhati hai toh vahan koyi nahi hotaa. Raat ke dinner me aunti Yoo Mi ko Ji Yoo ke saath amusement park jaane keliye keheti hai as bachapan me use vo park bahut pasand tha. Dinner ke baad Ji Yoo sofaa par hi sogayi thi toh Yoo Mi use utaakar apane room me me lejaati hai. Hum upar dekhatein hai ki ek black parachayi indono ko hi dekharahi thi.

Next morning auntie apana hobby artificial rose flower banaarahi thi tabhi local police officer Oh Seok Hyeon vahan aataa hai. Vo auntie ka friend tha jo uske liye healthy food parcel laayaa tha. Auntie uska introduction Yoo mi se karati hai tabhi use ek urgent message aataa hai. Officer Oh kehetaa hai ek north korian defector lady unke ilaake me missing hai yadi vo unke hotel pass dikhi toh use inform kare. Vo us lady ki ek sketech choda jaataa hai.

Baad me Yoo Mi Ji Yoo ko lekar amusment park jaati hai jahan Ji yoo kayi saari jolly ride me part leti hai. Ye dono kuch quality time spend kartein hai. Ghar aane ke baad Ji Yoo phir se khelane keliye zidda karti hai toh Yo Mi ab aankha micholi khelane lagti hai. Apane aankha par pattti baanda kar Ji Yoo ko dhundane lagti hai. Tabhi use ek lady ki shadow dikhati hai and nest scene me hum Yoo Mi ko use bus stop par dekhatein hai. Charo aur andheraa hai and vo white dress waali lady bhi vahan hai. Clearly vo lady ab Yo Mi ko haunt kar rahi thi. Yo Mi ab dar jaati hai and agale scene me hum use ek sofa par ninda se utathe dekhatein hai. Implying ki khelte khelte vo so gayi aur uske sapne me use vo lady dikhi. Yo Mi is sab ko seriously nahi leti as vo hotel se jaane hi vaali thi.

Vo ab Ji Yoo ko dhundane lagti hai tab use drunk waitress Ye Rin milti hai. Ye Rin keheti hai tumhe us bachhi ko lekar yahan nahi aana chahiye tha. Ye place haunted hai. Isiliye sab staff yahan se bhag gaye hai. Mujhe room 405 ke bahar ek waitress dikhi thi. Mujhe laga naya staff hogaa par jab maine us room ko check kiyaa vahan koyi nahi tha. Par room ke tv ke reflection me mujhe us lady ki ghost saaf saaf dikhi. Vo usi aurat ka ghost hai jisne vahan suicide kiyaa tha. Vo detail me bataane jaati hai ki vo lady kaise mari par Yoo Mi use rok deti hai. Use apani mom ke baare me kuch bhi sunana nahi tha. Tab Ye rin ko pataa chala hai ki ye usi ghost ki beti hai toh vo apane nashe ke haalat me jor se hasne lagti hai.

Baad me Yo Mi ko ek doll tuti huvi milti hai and vo Ji Yoo ko daantkar puchati hai ki usne use kyun toda. Ji Yoo keheti hai maine nahi todaa vo lady ne thoda jo mom ki room me reheti hai. dekho vo tumhare piche hai and muskuraa rahi hai. Yo Mi ko ye sab Ji Yoo ka joot lagtaa hai aur vo use daatati hai. Waitress Ye rin ab nashe ke haalat me basement me jaati hai jahan use ek lady ki awaz sunaayi detaa hai. Vahan blood paani ki tarah beherahaa tha.

Raat me Yoo Mi auntie se keheti hai vo divorce ke baad apane mom se ek baar milne aayi thi. Tab vo ek bus stop ke paas khadi thi uski haalat behad kharab hochuki thi. Maine tab usase kaha tha ki mai unse ab kabhi milna nahi chahati hun aur mujhe phone karke mat bulaavo. Usi raat unhone suicide karliyaa tha. Yahan par huvaa ye tha ki Yoo Mi ki maa ka dusara divorce bhi hochuka tha. Vo akele baby Ji Yoo ke saath reheti thi and depression se juja rahi thi. Vo kuch pal hosh me reheti aur kuch pal hosha nahi reheta. Yoo Mi apane mom ko dislike karti thi as in unhone kabhi uska responsibility thik se nibhaya nahi tha. Isliye jab unki haalat behad kharab huvi thi tab yoo Mi ne unka saath choda diyaa tha. Tab vo 16 saal ki bachhi thi. Yoo Mi ko ab iska apasosa tha par haalat badal gaye the.

Ab raat me yoo mi Ji yoo keliye ek letter likhakar hotel se chali jaati hai. Raste me use auntie ka ek call aataa hai jahan vo keheti hai Ji Yoo Missing hai. Uske saath waitress Ye Rin bhi missing thi toh police officer Oh ko lagtaa hai ki usni ne use kidnap kiyaa hoga. Yoo Mi ab tension me Ji Yoo ko dhundane jaati hai. Vo amusement park me bhi dhundane jaati hai jahan use kayi baar Ji yoo ek waitress dress waali lady ke saath dikhati hai. Jab vo us jagah ko jaati hai tab vo vahan nahi rehete kayi aur dikhati hai. Tension me Yoo Mi ek aankha se andhe ek ladake se bhi takaraati hai. Auntie ab vahan aakar Yo Mi ko shaant karti hai aur use phir se hotel lejaati ahi.

Hotel me jab Yoo Min utati hai tab use Ye Rin dikhayi deti hai. For some strange reason vo Yoo Mi ki dress me thi aur vo keheti hai mai galat thi. Us lady ne suicide nahi kiyaa tha. Mai ab sab jaanti haun. Itana kehekar vo apane room ko jaati hai. Yoo Mi uska pichaa karti hai toh uske room me uski laash latakti huvi milti hai. Jise dekhakar yoo mi hil jaati hai. Baad me police aakar us body ko vahan se le jaane lagtein hai tabhi Yoo Mi ke kandhe par koyi haat rakhataa hai. Use lagtaa hai ye auntie hai par uski auntie uske saamne officer Oh ke saath khadi hai. Yoo Mi is sab paranormal ghatanaavon se dar kar kaampane lagti hai aur police ke questions ko thik se answer nahi karti. Officer Oh ko ab Yoo Mi par hi shak hotaa hai as suicide ke time hotel me sirph vo akeli thi. Ye baat vo agale din police station me phir do rahaataa hai. Yoo Mi ko bina permission town chodakar jaane par paabandi lagtaa hai.

Station se vaapas aate time Yoo Mi ko vo ek aankha vaala ladaka phir miltaa hai jisase vo kal takaraayi thi. Vo kehetaa hai ki use bhi vo bachhi ek lady ke saath dikhi thi as in vo ek medium tha. Use ghost dikhate the aur vo unse baat bhi kar saktaa tha. Ab Yoo Mi use lekar hotel aati hai jahan vo apani patii nikalkar dusare aankha se dekhane lagtaa hai. Vo ladaka yoo mi ko basement me lekar jaataa hai jahan vo ghosts se kehetaa hai, right keliye ek baar tap karo wrong keliye do baar tap karo. Vo puchata hai kya tum yahan rehete ho? Kya bachhi tumhare paas hai? Kya tum yahan mare the? Kya tumhara murder huvaa tha?. Is sab keliye ghost ek baar tapping kataa hai. Ghost ab us ladake ke stick se ek drawing banavaata hai jise dekhakar vo ladaka keheta hai, ye mera bas ka nahi hai. Jai se hi vo bhagane lagtaa hai ghost uspar hamlaa karke use havaa me utaatha hai. Uske gale ko dabaakar niche phenkataa hai. Tab Yoo Mi and is ladake ko kati huvi laady ka sar dikhata hai jise dekhakar dono hotel se bhagatein hai. Vo ladaka Yoo Mi se kehetaa hai Ji Yoo shayad mar chuki hai and use bhi ab hotel chodakar jaana chahiye.

Par Yoo Mi kahin nahi jaati. Uske room me use phir se vahi drawing usake bedroom me bhi dikhayi detaa hai. Baad me vo usi bus stop vaali jagah par jaati hai jahan use ab Eun kyung naam ki ek ladaki ki missing poster milti hai. Aparently vo paanch saal se missing thi. Ab Yoo Mi , Eun kyung ke ghar par jaati hai jahan uske dada ji the. Dada se Yoo Mi ko ek shocking baat pataa chaltaa hai. Uski auntie Eun kyung ko piano sikhati thi aur usne ek piano use donate bhi kiyaa tha. Auntie ka beta Sang Woo foreign se lauta kar aayaa tha par uski mental condition thik nahi thi. Auntie ne uske treatment keliye kayi jagaha try kiya par kuch asar nahi huvaa. End me Saang Woo ne hotel me hi suicide karliyaa tha.

Ab hotel ke piche ke ek room me police ko vo north korean defector lady kim yeon sil ki body milti hai. Usne bhi yahan suicide kiyaa tha aur for strange reason Ye Rin ke body se jis type ka rope milaa tha usi type ka rope yaahn bhi miltaa hai. Ye baat officer Oh ko strange lagtaa hai.

Yoo mi ab hotel aakar usi basement me jaati hai jahan use first time ghost dikha tha. Use vahan ek secret door miltaa hai jiska raastaa auntie ke ek room me khultaa tha. Ye room ek scerect room tha jiska dusara entrance hotel ke reception ke paas tha. Ab officer Oh auntie ka reception par wait kar rahaa tha tabhi vo door apane aap khultaa hai. Officer bhi ab us door se auntie ke room par aataa hai. Aur yahan par khultein hai asali patte. Room me Yoo Mi ko Sang Woo ki body mili thi jise mummy ki tarah preserve kiya gaya tha. Officer Oh Yoo Mi par gun taankar arrest karne jaataa hai tabhi indono ko Ji yoo ki wall par bang karne ki awaz sunaayi deti hai. Us wall ke piche officer ko kayi saare dead bodies milti hai jisase Yoo Mi dar jaati hai. Tabhi vahan par auntie aakar officer ko injection dekar behosh karti ahi.

Auntie Yoo Mi ko us type ke rassi me baandati hai jo Ye Rin and kim yeon sil ke body se milaa tha. Implying ki undono ne suiside nahi kithi balki auntie ne hi unko maar daalaa tha. Yahaan par auntie clearly pagalaagayi thi yaa dementia ka shikaar huvi thi. Use lagtaa tha ki uska betaa abhi bhi zindaa hai. Jis kisi ne bhi uski body ko burry karnaa chaaha tha usko auntie ne maar diyaa tha. Auntie ne pehele apani student Eun kyung ko bus stop ke paas maara kyunki vo hotel se sang woo ki body ko dekhakar bhaag rahi thi. Yoo Mi ki maa Yoon Hee ne use marte huve dekhaa tha par vo kuch nahi kar paayi. As vo bhi depression se juj rahi thi. Use bhi hosh aate jaate rehetaa tha. Jab agale din Yoon Hee police ko inform karne gayi tab auntie ne use bhi maar diyaa and use suicide bataa diyaa.

Yoo Mi ko ye sab sunkar shock lagtaa hai as usne hamesha apani maa ko galat samajha tha. Auntie ab Yoo Mi ke haat ke nason ko kaatati hai taaki vo bhi bleed karte huve mar jaaye. Vo use apane bete ke mummy ke saamne bitaati hai as another mummy for company. Thodi der baad Yoo Mi ko hosh aataa hai aur use kuch aawazein sunaayi detaa hai. Uski rassi bhi apane aap khulti hai. Yoo Mi ab auntie par hamla karke Ji Yoo ko chudaati hai. Ye dono vahan se bhagane lagtein hai tab isa baar donon ko unki maa ka ghost dikhayi detaa hai. Auntie abhi bhi zinda thi toh vo phir se Yoo Mi par hamlaa karne aati hai par isbaar Yoo mi use maar daalti hai.

Dono behene car me bhagane lagti hai aur yoo mi akhari baar apani maa ki ghost ko good bye veheti hai. Vo ab Ji yoo ki full responsibility leti hai. Hotel me marte huve auntie ko saang woo uske paas aate huve dikhataa hai jo clearly indicate kartaa hai ki vo dementia se hallucinate kar rahi thi. And Boom film yahin end hotaa hai.

Toh ye thi film Lingering yaa Hotel lake ki kahaani. Ye ek behetareen atmospheric horror, suspence cum thriller film hai. Iski set design, music, direction and acting sab badiyaa hai. Film ki story bas confusing hai, kayi saari sub plots, back story audience ko confuse kar degi. Yahaan par north korean defector kim yeon sil ko auntie ne hi sharan diyaa tha. Use usi room me rakhaa tha jahan vo mummy thi jab police officer use dundate hotel aataa hai tab yeon sil vahan se bhagane lagti hai. Use lagaa police uski madad karegi but auntie ne apane raaz ko chupaane keliye use bhi maar daala. End me Yoo Mi ki maa Yoon Hee ki ghost ne hi use chudaya and use bhi dikhane lagi. Through out film Yoon Hee ki ghost hi warn kar rahi thi but Yoo Mi ko kuch samajha me nahi aaya. Auntie ke room me jo bodies mili thi shayad vo staff ki hongi as unhein iske baare me pataa chalgaya hoga.

Ye film aapko genuine tarike se daraayegi, kaaphi saare jump scare bhi hai. Aap iska comparison the shining se mat karnaa as ye utani achhi bhi nahi hai. Vo ek classic horror hotel film thi and shayad rahegi bhi.



Post a Comment

0 Comments