Skip to main content

The Come Play Explained in Hindi | Hinglish | Movie Spoilers

The Come Play  Explained in Hindi | Hinglish | Movie Spoilers

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Toh aaj me is saal Halloween par release huvi ek behetareen horror film come play ki story ko explain karunga.Is film ki IMDB Ratein hai 6 out of 10 aur iske writer director hai Jacaob Chase. Ye film 2017 me aayi short horror film Larry se inspired hai. Discription me uska link hai vahan se use aap dekha saktein hai.

Film ki shuruvaat ek 8 – 9 saal ke bacche Oliver ke saath hotaa hai jo ek non verbal autistic bachha hai. Austistic bachhe vo hotein hai jinka brain development normal bachhon se different hotaa hai. Ye ek developmental disorder hai jahan bachhe atak atak boltein hai. Janma se kych varshon tak sirpf ishare se hi baat kartein hai. Dusaron se nazar milaane se dartein hai.normal bachhon ke saath kelane me ruchi nahi rakhate. Abnormally apane haath, ungali aur body ko hilaate rehetein hai jisase unko relax feel hotaa hai. Yekahii word ko baar baar repeat karte rehetein hai.

Hayan par Oliver gunga nahi tha par uske bolne ki capacity abhi bhi develop nahi huvaa tha. Yo sirph humming kar saktaa tha, chilla saktaa tha par words bol nahi saktaa tha. Isliye vo dusaron se baat karne keliye mobile me ek text to speech aap ka use kartaa tha. Ab Oliver apane mobile par SpongeBox SquarePants cartoon dekharahaa tha, back round me hum uske parents ko fight karte huve suntein hai. Ab ek mysterious creature Oliver ko uske phone ke through observe karta hai. Aadhi raat ko Oliver utatha hai vo apane mom dad ke room me jaaata hai jahan sirph uski mom Sarah thi. Dad Marty niche sofa me kharate se soraha tha. Oliver kitchen me se juice lekar apane room me sone jaataa hai tabhi uske mobile par ek notification aataa hai.

Vo ek children story thi jiska naam misunderstood monsters tha. Ye ek creature Larry ke baare me tha jo akelaa tha aur dost banaana chahataa tha. Jaise hi Oliver first page padata hai uske room ke, corridor ke sabhi light apane aap band ho jaatein hai. Corridor se kisike aane ki awaz sunaayi detaa hai. Oliver panic me door lock kartaa hai par ek creature daravani sound karte door kholane lagtaa hai. oliver chillane lagtaa hai. Ab uski mom vahan aakar use shata karti hai. Oliver mobile me likhaker kehetaa hai yahan koyi hai , yahan koyi hai. jise uski mom bachhe ka buraa sapna samajhakar ignore karti hai.

Yahan par Oliver aapane Dad Marty se close tha aur usase communicate kartaa tha, Sarah se vo eye contact bhi nahi kartaa tha. Ab School ke field me teen ladake Byron, Mateo and Zach , Oliver ko bully kartein hai, use Moaner Boner keheke gaali detein hai. school me mobile phone use karna baaki bachhoo keliye banned tha, par Oliver use kar saktaa tha. Isliye ye bachhe Oliver se jalate the. Ab Byron Oliver par attack karke uske phone ko field me phenka detaa hai. Oliver ab panic me phone dundane jaataa hai par use vo nahi miltaa. Vo apane nervousness me tantrums karte vahin circles me ghumne lagtaa hai. Austistic bachhon ka nervousness par aisa karna common hai.

Sarah ab Oliver ko uske regular doctor ke paas lejaati hai jahan doctor keheti hai use communicate karne me time lagegaa, vo sarah ko oliver ko uske umra ve bachhon ve saath jyada time spend karwaane ka advise deti hai.

Marty ek parking garage attendent tha jiske paas ek distance measurment keliye ek laser instument tha. jo bataata tha ki koyi vastu use use karne vaale se kitane duri par hai. Aaj Marty ko parking lot me ek left over box milaata hai. jiske under ek ipad tha. Jise hi vo use on kartaa hai uske cabin ke lights flicker hokar band hojaata hai , door apane aap open hotaa hai aur tez havaa chalne lagtaa hai. Jisase uske cabin me padi papers uda kar baahar jaatein hai. Jab Marty lights ko phir se lagaarahaa tha toh hum backround me dehatein hai sabhi udkar gayi papers apane aap hi hava me ek creature ke roop me jood gayi thi. Vo creature ab Marty ko hi ghoor raha tha.

Ab Marty Oliver ko ipad gift kartaa hai. Marty aur sarah apane difference se alag rehene ka decide kartein hai aur Marty ghar chod kar jaataa hai. Oliver apane room me snap chat on karke crepy face filters try kartaa hai jahan achanak use uske face ke balag me ek dusara face bhi dikhataa hai. Lekin reality me vahan sirph vo akelaa tha.

Next morning Oliver ipad par type kartaa hai ki kya dad chale gaye?. Tabhi ipad par misunderstood monsters ka notification phir se aataa hai. Ipad ab apane aap bolne lagtaa hai jahan Larry kehetaa hai mai tumhara dost banana chahataa hun. Oliver isase dar kar kaampane lagtaa hai aur us ipad ko apane room ke closet me band kartaa hai. Baad me sarah usase keheti hai aaj tumhare kuch friends hamare ghar khelane aur sone aarahein hai. Unke saath enjoy karna.

Ab Byron ki mom Jen Byron, Mateo aur Zach ko Oliver ke ghar chodane aati hai. Khelane ke baad jab bachhe so rahe the toh oliver humming ka sound kar rahaa thaa. Closet ke dekhakar. Yahan use us ipad se aur in bachhon se donon se dar lag rahaa tha. Oliver ke sound se baaki bachhe nahi sopaate aur Byron closet kholkar dekhataa hai vahan kya hai. Vahan rakhi ipad utaatha hai jahan par ab vo story phir se flash ho rahi thi. Byron story padane lagtaa hai. Larry ko ek friend chahiye. Larry lamba hai, patala hai aur pila hai. Larry us world se hai jo tum nahi jaante. Larry tumko ek window se watch kartaa hai jo tumhare world ko usase jodataa hai. Larry chahataa hai tum puri story padho taaki vo windows indono worlds ke beech ek door bana sake. Byron ko ye kuch samajh me nahi aataa hau tabhi ghar ve sabhi light apane aap phoot jaati hai. Bachhe ab chillane lagtein hai aur unhein room ke kone se kisiki awaz sunaayi detaa hai. Oliver ab ipad ke camera se dekhataa hai toh use vahan ek creature dihayi detaa hai. Vo hi Larry tha. Vo normal aankhon ko nahi dikhataa tha par ipad ke camera se dekhane par dikhataa tha. Ab sabhi bachhe bhi Larry ko dehatein hai jahan Byron hoshiyaari maarte huve kehetaa hai kone me koyi nahi hai. Ye sab joot hai. Vo aage Vi story padataa hai. Laary jaanataa hai ki tum akele ho. Tumhein ek sachha dost chaahiye. Toh kya tum larry ke dost banoge?. Ab vo kone me jaataa hai aur kehetaa hai dekho yahan koyi nahi hai. Tabhi Larry uske saamnevaale table ko move kartaa hai aur use utaakar uske gale ko dabaane lagtaa hai. Baaki bachhe ab shock me chillane lagtein hai toh Sarah vahan aati hai. Ye teeno bachhe apane parents ke samane Oliver par ilzam lagatein hai. Kehetein hein usine ne Byron ko maaraa.

Vahan par use Jen ka phone aataa hai jahan vo bolti hai Byron ne do din se kuch bolaa nahi hai, khana nahi khaya hai. Sarah and Oliver Byron se miltein hai jahan Byron kehetaa hai mujhe oliver ne nahi balki Larry ne maaraa tha. maine Larry ko mehasus kiyaa hai, vo meraa gala dabaarahaa tha. Sarah is sab se tension me aati hai aur apana saara saaman lekar Marty ve ghar jaati hai. Vo saari story Marty ko explain karti hai jise vo seriously letaa. Vo use uska hallucination mantaa hai.




Jab Marty light repair kar rahaa tha tab Oliver distance measuring instrument se khelane lagtaa hai. Use open space me point kartaa hai toh instument use 50 feet ka distance dikhataa hai. Realiaty me vahan koyi nahi tha. Achanak vo distance 50 se kam 40, 30,20,10 hokar 3 feet ho jaataa hai. Abhi bhi vahan koyi nahi tha par instrument dikharahaa tha. Oliver apane paas ke elastic sticking band ko hava me phenkhataa hai toh vo havaa me hi chipk jaataa hai implying Larry vahan hai. Kyunki Larry normal eye ko nahi dihataa tha toh vo ab bhag kar ipad se dekhane jaataa hai.

Marty use keheta hai vahan koyi nahi hai, vo khud camera me dekhataa hai. Ab yahan par Larry usi cabin me tha, Jaise Marty mudataa hai Oliver ko Larry hava me utaataa hai. Ise ab Marty camera me glass ke reflection me dekhataa hai aur dar kar Oliver ko lekar vahan se bhagtaa hai.

Ghar me Oliver ek drawing ke sahare Marty aur Sarah se kehetaa hai Larry parallel world me hai jo is world ka photocopy hai. Vo yahan light ke sahare transit kartaa hai. Ab vo teeno us ipad ko tod detein hai.

Ab school me Byron Oliver se miltaa hai Puchataa tumhare mom ne kaha ki tum mere friend nahi banana chahate kyun ? Oliver kehetaa hai ye joot hai maine aisa nahi kahaa. Ab kayidin pehele Oliver ne Byron ko mukka maaraa tha jisase inki moms ke beech jhagada hogaya tha. Sarah ne tab Jen se joot bolaatha ki Oliver Byron ka dost banana nahi chahataa. Tab se Byron Oliver ko bully kar rahaa tha. Ab Byron aur Oliver phir se achhe dost bantein hai.

Next night phir se marty ke cabin me Larry va story uske phone par aataa hai jahan Larry is baar dhamki detaa hai jo koyi bhi use friend lene se rokegaa use vo chodegaa nahi. Ab cabin apane aap lock hotaa hai aur cabin ve aaspaa ke locality ka lights off hojaataa hai. Marty glass todkar car me bhagne lagtaa hai toh Larry bhi usva pichaa kartaa hai. Jaise jaise car aage badataa hai vaise street lights off hoti jaatiein hai. Ab Larry Marty ke phone se baahaar aakar car me bait jaataa hai jisase Marty darjaataa hai aur car ka accident hotaa hai. Yahan par Larry ek physical creature hone ke saath saath electricity me chaltaa thaa, jahan jahan powe hotaa taa vahan se vo baahar aataa tha. Mobile, laptops, tv, tablets se communicate kartaa tha.


Sarah ko ab Marty ka news miltaa hai jahan vo Hospital me unconscious tha.Use yakin tha iske piche Larry hi hai aur tabhi tv screen me ek message Finish th Story flicker hone lagtaa hai. Jab Sarah manaa karti hai toh tv par ending flash hotaa hai jahan par Larry ek bachhe ka haath pakada huvaa hai aur use apane world me lejaa rahaa hai.Sarah ab ghar ke tv, laptops, mobiles, tablets ko ghar ke baahar phenkati hai , ghar ke bulbs ko nikal phenkati hai. Ab Larry unke ghar me aataa hai. Is baar vo clearly ek creature ke roop me dikhataa hai jo shayad yahan par audience ke convenience keliye aisa dikhaya gaya hai. Varna larry normal eyes ko nahi dikhata.

Sarah aur Oliver ab ek bed ve niche chup jaatein hai, jahan Oliver likhakar kehetaa hai tumne ne joot bolkar mera friend mijhase chinliyaa. Jisase is sabki shuruvaat huvi. Sarah bhi ab maaphi maangati hai. Larry ab unke bed ke upar tha jab Oliver suddenly field, field, field chillane lagtaaa hai. Larry ab inpar hamlaa karne lagtaa hai. Oliver apane baseball bat se room ke sabi blubs ko todataa hai aur electricity kaat detaa hai. Larry vahin aasaktaa tha jahan electricity hotaa tha jahan electricity nahi tha vahan vo nahi aasaktaa tha. Ab ye dono ghar se bhagakar school ke field me jaatein hai jahan chaaron aur power nahi tha.

Ab film me hamne dekha hai Byron ne Oliver ke phone ko isi field me kahin phenkhaa tha, jo chaltaa huvaa phone thaa. Ab Larry us phone me se aataa hai aur indono par phir hamlaa kartaa hai. Is baar Larry ko utaakar lejataa hai. Oliver ko ab samjha me aataa hai ki vo Larry se jeet nahi sakte toh vo uske saath jaane keliye apana haath aage badaataa hai. Tabhi Sarah vahan aakar apana haath aage kar kar vo Larry ke saath jaane lagti hai. Oliver ab Sarah ke ankhon me dekhakar rone lagtaa hai, jisase Saarah khush thi. Peheli baar Oliver ne use dekha tha. Sarh ab Laary ki world me jaati hai.

Marty ab Oliver ko doctor ke paas regularly lejaataa hai jahan Oliver apana speech improve kar rahaa tha. Ab yahan par Sarah officially missing thi as Marty sab ko such nahi bataa sakataa tha.

Oliver ab school me Byron aur Mateo se miltaa hai jahan teeno aapas me promise kartein ki aaj se hamesha vo dost raheinge. Kabhi akele nahi raheinge.

Ab raat me Oliver lights ko phir se flicker karte dekhataa hai aur apane room se niche aataa hai. Marty Oliver ko hava me ghumte , haste dekhataa hai. Jab vo phone ve camera se dehataa hai toh vahan par Sarah ka ghost tha jo Oliver se khelrahi thi. Marty ab khushi se rone lagtaa hai. Boom yahin par film end hotaa hai.

Toh ye thi Come play film ki story. Isme the Babadook ki kibes hai. Yahan par ek parallel world ka creature tha jo electricity ko transit ke tur par use kartaa tha. Vo Screens se hamari duniya ko dekhataa tha jise vo windows kehetaa tha. Use ek friend chahiye tha jise vo apani world me lejaanaa chahataa tha.Yahan baat ye thi log apane ichha se uske saath aanaa chahiye tabhi vo le jaasak taa tha. Film me hum dehatein hai use Oliver ko kidnap karne ka mauka kayi baar milaa par usne kidnap nahi kiya. Balki use force kiyaa usve saath aane keliye. Larry ne Oliver ke parents ko , friends ko haunt kiyaa taaki oliver ki unse judi attachment khtma ho jaaye aur vo khud ba khud uske saath chale. Uski is master plan ko sarah ne bigaad diyaa. Sarah ne use promise kiya ki vo uski dost banegi toh Larry man gaya.



Comments

Popular posts from this blog

Invictus फिल्म की कहानी | स्टोरी इन हिंदी | Hindi Story

Invictus फिल्म की कहानी | स्टोरी इन हिंदी | Hindi Story  इन्विक्टस 2009 मे आई अमेरिकन-सौत्फरीकन बाइयोग्रॅफिकल ड्रामा फिल्म है , जो 1995 मे, साउत आफ्रिका मे हुवी रग्बी वर्ल्ड कप मॅच की कहानी कहेती है. कैसे एक स्पोर्ट देश को जोड़ सकता है, कैसे एक स्पोर्ट दुश्मनों का दुश्मनी मिटा सकता है, कैसे एक स्पोर्ट देश की डिप्लोमसी मे काम आसकता है. साउत आफ्रिका मे अपार्थाइड  यानी रंग भेद 1948 मे अफीशियली शुरू होकर 1990 मे ख़त्म हुवा. साउत आफ्रिका मे इस दौरान वाइट और ब्लैक लोगों केलिए अलग अलग क़ानून थे, काले लोगों का शोषण किया गया था. इसका एक लंबा खूनी इतिहास है. नेल्सन मंडेला ने इसके खिलाफ आंदोलन  किया था इसलिए उनको 1963 मे ज़िंदगी भर केलिए जैल मे डाल दिया गया था. 1980’s  के दशक  मे जब साउत आफ्रिका पर आर्थिक पाबंदियां  लगने लगे तब वहाँ की सरकार  आफ्रिकन नॅशनल कॉंग्रेस (ANC ) से रंग भेद  को ख़त्म कर ने केलिए बातचीत शुरू की. ओलंपिक्स  ने भी 1964 से 1988 तक साउत आफ्रिका को बैन  किया था. ICC  और अन्या काई सारी स्पोर्ट ऑर्गनाइज़ेशन्स ने भी उनको बैन किया था. उनमे से एक था इंटरनॅशनल

50 Morning Affirmations in Hindi, Positive Affirmations Hindi

हमारे कार्य  हमारे जीवन को बनाते है, उन कार्यों को नियंत्रित करता है हमारा मन. यदि मन शुध है, तो हमारा जीवन भी शुध होगा.मन के विचारों पर काई सारी चीज़े प्रभाव डालते है,जैसे की दिमाग़ का सेहत , फिज़िकल फिटनेस,खान पान और हमारी मान्यताएं. अफर्मेशन्स का संबंद इसी मान्यताएं  या विश्वास से है. अफर्मेशन्स एक छोटे से वाक़या या स्टेट्मेंट्स होते है जो आपको पॉज़िटिव थिंकिंग करने मे मदद करते है. ये कुछ ऐसे वाक़या होते है, जिसपर आपका मन पहेले विश्वास नही करता,क्यूंकी उसका अर्थ आपके मन के लॉजिक पर खरा नही उतरता.  लेकिन जैसे हम अपनी फिज़िकल बॉडी को ट्रेन कर सकते है वैसे ही अपने मन को भी ट्रेन कर सकते है. जब हम रोज़ इन वाक्यों को दोरहाने लगते है तो धीरे धीरे हमारे सूक्ष्म मन मे इनके अर्ता शामिल होने लगते है. जब भी कोई विचार आपके  सूक्ष्म मन  मे शामिल होता है तो आपका , जागरूक मन भी उसपर बेझीजक यकीन करलेता है. ये बात पॉज़िटिव और नेगेटिव दोनो विचारों केलिए अप्लाइ होता है. जब आप पॉज़िटिव विचारों का प्रॅक्टीस करते है तो रिज़ल्ट पॉज़िटिव ही होता है. बच्चे अपनी मा के हर बात को सही मानते है क्यूंकी उ

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the