Skip to main content

Rasuk Explained in Hindi | Hinglish | Movie Spoilers

Rasuk Explained in Hindi | Hinglish | Movie Spoilers 

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj me 2018 me release huvi ek indonesian horror film rasuk ki story ko explain karunga. Is film ki IMDB rateing 5.1 out of 10 and ise direct kiya hai Uday Fox ne. Film ki story ek indonesian author Risa Saraswati ji ki book Rasuk par aadharit hai.

Film ki kahani Langgir Janaka naam ki ek ladaki ke voice over ke saath start hotaa hai jo ek white bridal dress me hai. Vo ek pahad ke choti par hai. Vo apane perceived kharab life ke baare me explain karte huve keheti hai, jab mai choti thi tab mere dad ek accident me gusargaye. Mere maa ko lagtaa tha ki mai hi uskeliye zimmedaar hoon toh vo hamesha mujhase chidati thi. Mujhe hate krti thi. Mai bhi tab se use hate karne lagi thi. Mere maa ne Om Udin naam ke aadami se dusara shadi kiyaa aur usase use Bakula Berneo naam ka beta huva. Om udin ek achha aadami hai par mujhe vo pasand nahi hai.mere dad ka jagah koyi nahi lesakta.

Mere teen aur khas friends hai. Lintang, Sekar and Francisa unki life perfect hai. Unki family use behad pyar karti hai aur vo hamesha khusa reheti hai. Unhein dekhakar mujhe hamesha jalan hotaa hai. Voiceover ke baad vo apane dad ka naam jor jor se chillane lagti hai.

Ab Langgir apne friends ke saath hai jahan Lintang ab Singapore ko jaane ki taiyaari me hai. Vo vahan jaane se pehele ek baar apane doston ke saath ek trip par jaanaa chahati hai. Vo apane uncle ke new resort villa karma rinjani ke baare me bataati hai jo 10 acad me forrest ke beech hai. sabhi log jaane keliye exited the but as usual Langgir apane inferiority complex ke chalte manaa karti hai. Inke group ka nick name putri sejagat tha meaning hai.

Langgir ab apne fourth friend abhi manyu se milti hai jiska aaj 22nd birthday tha. Abhi manyu in chaaron ka best friend tha aur vo hamesha Langgir ko ek achhe dost ki tarah support kartaa tha. Vo hamesha usase kehetaa tha ki uski life me use jo milaa hai usme use khush rehena sikhana chahiye. Uske teeno friends ko uska phikarh hai vo use unki friendship ko neglect karna nahi chahiye. Langgir ke life me yahi ek insaan tha jise vo like karti thi par usko express karne se darati thi. Vo sabke prati apane feelings ko chupaake jirahi thi jisase life me khush nahi thi. Vo ab abhimanyu ki baat maankar trip par jaane keliye ready hoti hai. Use bhi aane keliye keheti hai par abhi manyu ko prior engagements the isliye vo manaa kartaa hai.

Langgir ab apane ghar jaati hai jahan use uske step dad se ek compass gift me miltaa hai. Uske step dad ne use trip keliye diyaa tha jise dekhakar vo as ususal naaraz hoti hai. Vo thak gayi thi toh so jaati hai and sapane me use uske real dad dikhatein hai. Vo use dekhakar rone lagti hai, unhein jor se gale lagaati hai. Tabhi hum dekhatein hai ki uske dad zombie ki tarah emotionless the aur unke piche se ek haath aakar ab uspar hamlaa kartaa hai.

Isi ke saath Langgir dar kar utati hai aur use apane step brother bakula ki rone ki awaz sunaayi detaa hai. Vo uske room me jaakar uspar chillakar chup karaane jaati hai par vo babay aur jor jor se rone lagtaa hai.

Ab Langgir apane mom and step dad ki ghar bechane ki baat ko chupke se sunti hai aur apane mom par bhadakati hai. Vo keheti hai aap ye ghar nahi bech sakte, yahan me paidaa huvi thi, ye mere dad ka ghar hai. Yahan mere memories hai. Uski mom use pragmatic hone ka advice dete huve keheti hai bakula ke baad ab necessities bad gayi hai isi me sab ka bhalaa hai. Langgir ab gusse se ghar se chali jaati hai.

Agale scene me hum Lintang ko uske dad ke saath dekhateih hai jo use kuch medicines aur inhaler detein hai. Baad me chharon friends resort villa keliye nikaljaatein hai. Resort ke paas bridge tut gayaa tha toh inki wan vahi ruk jaataa hai. Ab ye sab paidal jungle ke raaste jaane lagteien aur first important kaam kartein hai, ista keliye selfie lena. Tabhi hame inke piche white dress me ek girl dikhati hai. inggrid ke pair ko thokar lagtaa hai aur usaka water bottle kahin gum hojaata hai.

Kuch der baad inhein ek black magic offering place miltaa hai jise dekhakar inko ajeeb lagtaa hai. Ye aage badatein hai aur inhein aur ghum phir kar vahi offering place par aajaatein hai. Strangely fransisca ka bottle vahin tha. Sab ko lagtaa hai kisine use vahaan rakha hogaa aur vo aage badatein hai. Ab raat hoti hai par ye abhi jungle me hi the. Unhein ab ek ghosala dikhayi detaa hai jo band tha. Jab Langgir uske under torch daalkar dekhati hai toh use ek ghost dikhayi detaa hai jisase vo dar jaati hai. Vo vahan se dar kar bhagati hai aur baaki bhi unska pichaa kartein hai.

Ab vo white dress waali lady insabo dikhati hai , vo apana naam kulaama saari keheti hai. Vo keheti hai ki vo yahin paas me reheti hai aur vo chharon ko villa tak lejaati hai.villa par caretaker cicep in sabhi ka welcome kartaa hai aur kehetaa hai unka friend unchaaron ka intazaar kar rahaa hai. Aparently yahan abhi manyu insako surprise denaa chahataa tha toh vo binaa bataaye vahan aagayaa tha. Yahan par Inggrid sabko ye bataati hai ki abhi manyu and vo ab relationship me hai aur vo uska boyfriend hai. Ise sunkar Langgir ko dhakka lagtaa hai aur vo gusse me apane room ko chali jaati hai. Room me vo inggrid ko kosati hai, sekar use shant karne ki koshish karti hai par Langgir apane gusse me use room me lock karke chali jaati hai.

Abhi manyu ab use rokane jaataa hai par vo nahi rukati. Vo villa se baahar road se ghar jaane lagti hai par phir se vo raasta bhatak jaati hai. Use ab phir se vo ghost dikhataa hai jise dekhate hi vo bhagane lagti ahi. Vo niche khayi me girti hai aur uske pair par chot lagtaa hai. Use vahan ab ek kabra dikhata hai. Aparently uspar kumala saari likhata aur vo do saal pehele ka tha. Iska matlab yahan saaph hai ki kumala saari ek ghost hai aur vohi ghost bankar langgir ko ghosale me dikhithi. Yahan par ab langgir ke muh me kuch keede ghusatein hai implying ki use kumala ne possess kar liyaa hai.

Ab abhi manyu langgir ko dundataa huvaa aataa hai jise bhi kumala haunt karti hai. Uske bike ka accident karvaake use behosh karti hai. Ab vo villa me baaki logon par attack karne lagti hai. Pehele vo inggrid ko possess karti hai. Usa ke baalon ko jaise taise kaat deti hai. Hamm good bye insta post. Niche haal me sikar aur Lintang baat karrahe the. Sekar keheti hai langgir hum teeno se jalti hai ause lagtaa hai uski family perfect nahi hai. Par use nahi pataa ki mai ek foster child hoon. Mere real parents ne mujhe dustbin me phenka diyaa tha. Mujhe adopt karne waale parents ko bachhe nahi the toh unhone muje rakha liyaa. Vo ab rone lagti hai. Tabhi indono ko inggrid ki chillane ki awaz sunaayi detaa hai jahan vo chaku se suicide kar rahi thi. Ye dono use pakad kar rokatein hai aur confuse hotein hai ki yahan kya horahaa hai.

Forrest ke raaste se jaate kuch villagers ko abhi manyu behosh dikhataa hai jise vo apane saath lejaatein hai. Ab villa me lintang astama attack se gir jaati hai aur heavy breathing karte huve apane inhealer ko dhundane lagti hai. Tabhi kumaala ka ghost aakar use possess kartai hai. Ab Lintang ek chaku se sekar par attack karti hai jise chudaane inggrid bhi aati hai. In teeno ke beech haathaa paayi hoti hai. Yahan par kuch excellent ghost action scenes hame dikhayi deta hai. Yahaan Sekar aur inggrid ke haath par chot lag jaataa hai. Care taker aakar lintang ko rokataa hai aur uske kaan me halke se kehetaa hai ye ladaki thik nahi hai. Dusari hai abhi yahaan se jaavo. Tab kumala possession se chalijaati hai. Cecep ab sekar se kehetaa hai lintang ko ek free sprit ne possess kar liyaa tha, usne use ab bhagaayaa hai toh vo vaapas nahi aayega. Jab sekar lintang keliye medicines lene jaati hai tab use pataachaltaa hai ki lintang ko brain tumer hai. Vo singapore operation keliye jaane waali thi. Usne bhi ye baat sabse chupaayi thi, apane best friend ko khone ke gum me sekar aur inggrind rone lagti hai.

Ab abhimanyu village ke ustadji ke ghar par utatha hai jahan ustadji use turanth us villa ko khali karne keliye kehetein hai. Vo ab kumala saari ki back story explain kartein hai. Kumaala sari ek shaman Rudi ki beti thi. Vo apane wife rosita ke saath forrest me ek ghosale me rehetaa tha. Kumala ko ek din kuch workers ne sexually assalt kartein hai. Vo grief ke maare suicide karti hai. Beti ke mauth ke dukha me shaman rudi pahad par jaakar black magic sikhataa hai. Jise rasuk sukma kehetein hai.

Rudi ne apane beti ki soul ko vaapas laayaa, us soul keliye ek physical body dhundane laga. Uske wife rosita ne use rokane ki koshis kiya par uske baad se vobhi laapataa hai. Ek mahine pehele meri bet annisa par first possession ka hamlaa huvaa. Thankfully caretaker cecep time par aakar use possess hone se rok diya. Uske agale din cecep ki body river ke paas mili. Rudi ne hi cecep ka murder kiyaa hai.


Ab ye sab sunkar abhi manyu ko shock lagtaa hai, use pataa chaltaa hai Rudi hi ab villa me cecep ban kar reharahaa hai. Vo ab ustadji ke saath villa ko jaataa hai. Ab Sekar langgir ko dhundate huve forrest me jaati hai. Vo Rudi ko langgir ki body ko uthake lejaate huve dekhati hai. Rudi ab uspar chaku taankar keheta hai ye meri beti keliye perfect body hai, isme gussa hai, badala lene ki chahat hai. Sekar isase dar jaati hai aur chillati hai. Rudi ab use dekhakar uska pichaa kartaa hai.sekar bhagkar ek cabin me jaati hai jahan use ek lady chain se bandhi huvi dikhati hai. Vo lady keheti hai ki vo kumala saari ki maa rositaa hai aur rudi ne use baandakar rakha hai.


Ab langgir apane possessed state me villa par aati hai. Vo inggrind aur lintang par chaku se hamla karne jaati hai. Yahan par phir se ghostly fight hotaa hai. Lintang langgir ko chillakar possession se baahar aane keliye keheti hai. Ye kuch action scene memorable hai. Cabin me rudi sekar par hamlaa kartaa hai jiska jawab dete huve vo use ek lakadi se maarti hai. Baad me rositaa ko chudaakar uske saath bhagati hai.


Udhar villa me ustadji and abhi manyu bhi aatein hai. Ustadji chanting karke langgir ko rokatein hai taaki baaki log us town jaasake. Kumala ne ab langgir ko possess karliyaa thaa and vo ab unsabhi se badala lene jaati hai jo langgir hate karti thi. First vo town jaakar uske ghar ko buy karne aaye aadami ko maar daalti hai. Baad me vo baby bakula ki aur jaati hai.


Idhar forrest me sekar injured rositaa ko lekar aarahi thi tabhi phir se rudi uspar hamlaa kartaa hai. Is baar sekar mauka nahi chodati uspar usiki chaaku se lagaataar hamlaa karke finally use maar daalti hai.


Ab langgir apane mom par hamlaa karti hai uskaa galaa dabaane jaati hai. Jab uska step dad use chudaane aataa hai tab uspar bhi hamlaa karti hai. Baad me vo bakula ke room me jaati hai. Aur yahan khultein hai asali patee.


Ab ustadji baaki logon ke saath vahaa aakar aggressively chanting kartein hai. Jisase kumala ki ghost tadapane lagti hai. Uski maa rositaa bhi ab vahaan aakar use langgir ko chodane keliye keheti hai. Use shant karke langgir ko possession se mukt karne keliye convince karti hai. Ultimately vo chali jaati hai. Par yahaan langgir ko ab bhi hosh nahi aayaa tha. Ustadji kehetein hai ki kamula ne langgir ki soul ko aazkd kardiyaa hai. Aisa lagtaa hai ki langgir apane body me aana nahi chahati.


First scenem me jo hum langgir ko white bridal dress me dwkhatein hai vo uski soul ko represent kar rahaa tha. Uski voiceover uski thinking ko. Vo apane life me sabse hate karti thi, uska first love abhi manyu bhi ab usase door chalaa gayaa tha. Isliye vo us pahad me chadkar suicide karrahi thi meaning uski soul body se jaana chahati thi. Use ab sabki wake up wake up kehekar chillane ki awaz sunaayi detaa hai uske saath hi uske dad ki awaz bhi sunaayi detaa hai. Uske dad use suicide karne se rokakar jaagane keliye kehetein hai. Ab hame langgir ke muh se saare keede bahar jaate dikhayi detein hai implying ki uski soul ab vaapas uske body me aagayaa hai.


Is haadase ke baad use use family and friends ki yehemiyat maalum padataa hai aur sabse sorry kehekar sab ko apanaati hai. Apane stepdad ko dad bulaati hai aur bakulaa ko god me leti hai. Agale scene me hum lintang ko singapore keliye ravaane hote dekhatein hai jise ye friends khusi se vidaa karteein hai. Boom isi ke saath film yahi end hotaa hai.

Toh doston yethi film rasuk ki kahani. Rasuk ka loose meaning hai possession. Ye film 1983 me aayi hollywood horror film the evil dead jaisi hai with indonesian culture. Kuch kuch similarities hai par story behad badiyaa hai. Yahan par film ki set design, costume design, direction and dialogue badiyaa hai. Jump scares bhi jo aapko real me daraayeingi.


Film ki main plot naarajagi par hai. Yahaan par langgir sab se naaraj thi, use apani family imperfect lagtaa tha. Vo pane past ko chodana nahi chahati thi, aage badanaa nahi chahati thi. Yahi emotions ko apane under dabaakar jine so ek gussewaali, sab me kami dhundane waali sad young girl ban gayi thi. End me use apani galati ka yehesas hotaa hai aur aage badati hai.


Yahan par iske group bhi kam nahi thi vo sabhi bhi apane feelings ko lekar frank nahi the. Sab ne sab se kuch na kuch chupaayaa tha. Yahi baat sekar bhi villa me keheti hai. Baat karein indonesian dhutaraastra rudi vi toh vo sirph apani beti ki putri moha me pagalaagayaa tha. Vo bhi apane past ko chodana nahi chahataa tha . Isliye usne aisa extreme step liya. Shayad usne indian dhurtaraastra ki putra moha ke message ko whatsaap me nahi padaa hoga.




Comments

Popular posts from this blog

50 Morning Affirmations in Hindi, Positive Affirmations Hindi

हमारे कार्य  हमारे जीवन को बनाते है, उन कार्यों को नियंत्रित करता है हमारा मन. यदि मन शुध है, तो हमारा जीवन भी शुध होगा.मन के विचारों पर काई सारी चीज़े प्रभाव डालते है,जैसे की दिमाग़ का सेहत , फिज़िकल फिटनेस,खान पान और हमारी मान्यताएं. अफर्मेशन्स का संबंद इसी मान्यताएं  या विश्वास से है. अफर्मेशन्स एक छोटे से वाक़या या स्टेट्मेंट्स होते है जो आपको पॉज़िटिव थिंकिंग करने मे मदद करते है. ये कुछ ऐसे वाक़या होते है, जिसपर आपका मन पहेले विश्वास नही करता,क्यूंकी उसका अर्थ आपके मन के लॉजिक पर खरा नही उतरता.  लेकिन जैसे हम अपनी फिज़िकल बॉडी को ट्रेन कर सकते है वैसे ही अपने मन को भी ट्रेन कर सकते है. जब हम रोज़ इन वाक्यों को दोरहाने लगते है तो धीरे धीरे हमारे सूक्ष्म मन मे इनके अर्ता शामिल होने लगते है. जब भी कोई विचार आपके  सूक्ष्म मन  मे शामिल होता है तो आपका , जागरूक मन भी उसपर बेझीजक यकीन करलेता है. ये बात पॉज़िटिव और नेगेटिव दोनो विचारों केलिए अप्लाइ होता है. जब आप पॉज़िटिव विचारों का प्रॅक्टीस करते है तो रिज़ल्ट पॉज़िटिव ही होता है. बच्चे अपनी मा के हर बात को सही मानते है क्यूंकी उ

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the

Antrum Explained in Hindi | Hinglish | Movie Spoilers

 Antrum Explained in Hindi | Hinglish | Movie Spoilers x This article is used by  famous hindi horror channel @ Ghost Series for ma king a video. Please do subscribe and share Ghost Series YT channel. Here is the video     Toh kya kisi film ko dekhane se aap mar saktein hai. kya koyi film cursed ho sakati hai? Iska javab aaj jo film me explain karane jaarahaahun usame hai. Film ka naam hai Antrum the deadliest film. Is film ke writer aur director hai David Amito aur Michael Laicini. Is film ki IMDB rating hai 4.9 out of 10. Film ki starting isaki history ke saath hotaa hai. Hame kuch experts warn karate hein hai ki ye deadliest film ever made kyun hai. Mai bhi firstly aapko ye warning explain karunga phir film explain karunga. Taaki yadi koyi apane safety keliye video end karna chaahe to kar sake. Cinema ke shuruvaat se hi film makers ne horror, devil,saitan, religion, ghost jaise kayi topics par horror films banaayi hai. Par vo sab sirph films thi entertainment keliye, kisine bhi