Skip to main content

Anything For Jackson Explained in Hindi | Hinglish | Movie Spoilers

 Anything For Jackson Explained in Hindi | Hinglish | Movie Spoilers 

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj me shudder par recently release huvi Canadian supernatural crime horror film Anything for Jackson ki story ko explain karunga. Is film ki IMDB rateing as of now hai 6.4 out of 10 hai and ise direct kiyaa hai Justin G Dyck ne. iske writer hai keith cooper.

Film ki shuruwaat ek old couple Dr Henry Walsh and unki wife Audrey walsh ke saath hotaa hai. Henry ek gynecologist tha aur aaj usase milne ek lady shannon Becker aanevaali thi. Shannon 37 week pregnant thi, uska delivery date agale hafte hi tha. Jaise hi shannon ghar me aati hai ye couple use kidnap kartein hai and ghar ke top room me use kaida kartein hai. Use bed par handcuff se baand kar Audrey keheti hai, please hame maapf kardo, mai aur mere husband ne bahut soch vichar karke ye decisin liyaa hai. Hum tumhe yaa tumhaari baby ko nuksaan nahi pahunchaana chahate. please chikhane chillane ki koshish mat karnaa. Ab Henry neche jaakar ghar ke baahar khada hotaa hai aur Audrey shannon ke muh par lagi patti nikaalti hai. Shannon jor jor se chillati hai par uski awaz niche khade Henry ko sunaayi nahi detaa. Unhone room ko sound proof kiyaa tha jise Henry ab test kar rahaa tha.

Us room me shannon ko ek bachha khelata huvaa dikharahaa tha. Vo ab Audrey se puchati hai ki vo ye sab vo kyun kar rahi hai. Audrey calmly keheti hai hame hamaara potaa Jackson ko vaapas laanaa hai aur sirph ye hi ek raasta hai. Shannon confuse hokar puchati hai kya vo aapka potaa nahi hai jo khelarahaa hai. Jispar Audrey kush hokar keheti hai tumhe Jackson dikha? ye achhi baat hai, vo jaantaa hai ki tum use bachaane aaye ho. Yahaan baat ye thi bachha jackson mar gayaa tha aur uska ghost us room me tha. Audrey ab shannon keliye lunch lene jaati hai.

Henry apane routine ke tarah clinic jaane lagtaa hai,ghar ke baahar use ek worker Rory uske piche padataa hai. Darasal yahan sardiyon ka mausam tha aur snow fall huvaa tha. Snow har jagah pada tha. Rory ne pichale baar bhi snow clear kiyaa tha aur ab phir se karne aayaa tha. Henry ab apane kidnapping ko risk me naadaalte huve Rory ko ghar ke baahar se hi bheja detaa hai.

Audrey shannon ke dateing app me, ek anjaan naalaayak aadami ke saath ek date fix kartti hai. taaki record me aisa lage ki shannon uske saath bhag gayi hai. Baad me vo phone ko destroy karti hai hai.

Ab Clinic me Henry ka ek anxious patient aakar halla machaane lagtaa hai, use pharun hi check up karvaanaa tha. Henry ki secretary keheti hai aaj is time par Shannon Becker ka appontment hai aur vo use cancel nahi karsakte. Hadabadi me Henry use jhoot boltaa hai ki vo Shannon se subah milaatha aur vo aaj aanewaali nahi hai.

Ab hame ek flashback dikhayaajaataa hai jahan Audrey aur Henry ek mare huve Revan bird ke saamne khade hei. Hammm Revan bird again. Audrey apane fingers se blood nikaalti hai aur use us bird par daalti hai. ek old book se latin me kuch chanting kati hai jisase vo revan bird phir se apane aap jindaa hojaataa hai. vo keheti hai book real hai, maine subha se kayi saare birds ko aisehi jindaa kiyaa hai. Hum apane pote Jackson ko bhi aise hi zinda karsaktein hai.

Ab present me Henry aur audrey public library jaate hein jahan use ek guy Ian miltaa hai. Basically ye dono and Ian ek satan worshiping group ke members the jo secretly har hafte library me milte the. Ab sabhi log satanic worship kartein hai.

Ab ek aur flashback dikhayaa jaataa hai jahan shannon routine check up karvaane Henry ke paas aayi thi. Vahan use Henry good news detaa hai jisase shannon pareshan hojaati hai. As vo baby one night stand ka result tha. Henry use abortion ka option bhi detaa hai jise shannon sidhe sidhe manaa karti ahi. Henry ko lagtaa hai ye perfect candidate hai aur record keliye vo uska ek photo bhi letaa hai.

Ab present me Henry aur audrey, shannon ke baby par satanic rituval karne lagtein hai, vo rituvalistic drawings banaatein hai. apane hath ko kaat kar us drawing par blood giraatein hai. Old book se latin me dark lord satan ki chanting karne lagtein hai jisase shannon tadapane lagti hai. unko bhi ab jackson ka ghost dikhataa hai aur pura room paranormal activities se bhar jaataa hai. Unhone ab yahaan ek portal kholdiyaa tha jisase ek demon baahar aataa hai. Jise dekhakar ye dono budhe log dar kar chillane lagtein hai. vo demon ab shannon ko closely observe karke chalaa jaataa hai. Henry ab shannon ka medical examination kartaa hai jahaan vo aur baby dono safe the. Inko lagtaa hai unkaa rituval sahi gayaa hai par yahan maamlaa alag hi hogayaa tha.

Next day Henry sokar utatha hai jahaan use ek lady bresh karte huve dikhati hai. Use lagtaa hai vo audrey hai par jaise hi vo piche mudati hai henry kaampane lagtaa hai. Vahan par vo ek old lady ka ghost tha jo portal se aayaa tha. Vo ghost slowly slowly henry ki aur badane lagti hai jisase henry chillane lagtaa hai. Later real audrey use shant karti hai.

Ab Shannon officially missing thi jise officer Bellows investigate kar rahi thi. Vo Henry ke clinic aakar pucha taach karti hai jise Henry phir se vohi joot boltaa jo usne apane secretary talia ko bataayaa tha.

Ab Audrey ko ghar ke main door par ek small girl, Halloween costume pehenkar trick or treat puchati hai. Trick aur treat halloween par honewaala ek custom hai jahan bachhe ghat ghar jaakar treats maangatein hai. Ab yahaab Halloween toh nahi tha isliye Audrey us girl ko daantakar bhagaadeti hai. Yahan vo girl ek ghost thi jo later use ghar ke har room me dikhane lagti hai. finally vo 12 feet ka lamba aakar lekar audrey ko Haunt karne lagti hai. Is sab se vo dar kar chikhane chillane lagti hai aur uske paas vo white costume aataa hai.

Later shannon apane room me so rahi thi tabhi uske bed ke niche se ek ghost prakat hotaa hai. Vo lagaataar shape shift kake daraawani sounds nikaal rahaa tha. Is sounds se shannon jaag jaati hai aur ghost ko dekhakar chillane lagti hai. Yahan par use bed se baandaa gayaa tha isliye vo bhag bhi sakti thi. Vo ghost ab uske pet par hamlaa karke uske baby ko possess karne ki koshish kartaa hai jisase use chot lagti hai. Tabhi Audrey bhi vahaan aati hai and ghost ko dekhakar chillati hai. Vo ghost ab ispar hamlaa karne aataa hai. audrey bhagate huve Henry se takaraati hai aur vobhi ghost ko dekhataa hai. Baad me ghost apane aap gaayab hotaa hai.. Henry shannon ko treat karke kehetaa hai kuch toh gadabad huva hai aur iskeliye hum google bhi nahi kar sakte.

Next day Rory phir ghar par aataa hai use paise ki tangi thi toh vo Henry ke manaa karne par bhi kaam start kartaa hai. Kuch der baad Audrey Henry se keheti hai ghar me kayi saare ghost hai aur mujhe lagtaa hai jackson yahan nahi hai. Henry use himmat dete huve bolta hai Jackson yahin hai, hum apana rituval finish karenge, mexico jaayenge aur ghar ko jalaadende ghosts ke saath. Tabhi Rory baahar se chillakar Audrey se kehetaa hai Henry sahi bol rahaa hai, jackson ghar par hi hai. Vo tumhaare paas vaapas aarahaa hai. Itanaa bolkar vo apana sar snowpiecer me daaltaa hai jisase uska deadly end hotaa hai.

Henry aur Audrey ko ye dekhakar shock lagtaa hai, henry ab Rory ki body ko dispose karne jaataa hai jahaan use Officer Bellows ka phone aataa hai. Use leads nahi milrahe the isliye vo ab Henry ke ghar further investigation karne aanevaali thi.

Ghar me shannon Audrey se puchati hai ki kya baby ke birth ke baad use vo maar daalenge. Tum log apane beti ki ghost ko kyun nahi summon kar rahe hai. Audrey keheti hai car accident me Jackson on the spot margaya tha lekein meri beti semi comatose brain dead state me chali gayi. Hamne use confertable rakha, uska achhe se dekhabhal kiyaa par vo apane bete ke grief se baahar aahi nahi paayi. Usne suicide karliya. Vo jackson ke binaa jinaa nahi chahati thi. Shannon ko ab lagtaa hai ye do old couple apana sab kuch gavaan chukhein hai isliye unhone ne devil ke saath deal kiyaa hai. Vo ab Audrey se sahaanubhuti jataate huve ek deal prapose karti hai. Vo keheti hai yadi vo log use zindaa chodenge toh vo jackson ki maa bankar hamesha keliye uske saath rahegi aur ek baby ko maa ki zarurat toh mamesha rahega. Audrey ko firstly ye genuine nahi lagtaa par phir bhi vo us offer ke baare me Henry se baat karne ka vaada karti hai.

Ab Henry Rory ki body ko dispose karke apane ghar aataa hai, use vahaan police ki car dikhati hai. Vo daudakar shannon ke room ko aataa hai jahan officer Bowells uspar gun taanti hai. Usne Audrey par pehele hi handcuff dalaa tha ab vo Henry ko bhi arrest karne jaati hai. Tabhi shannon uske hand cuffs ko kholane keliye shor machane lagaati hai. Jaise hi officer Bowells uske aur mudati hai vo possessed hojaati hai aur aapne hi gun se khood ko shoot karleti hai. Yahaan par aisaa lagtaa hai jo bhi ghar ke under aataa hai use satan maar rahaa tha. Henry ab officer Bowells ki body ko bhi dispose kartaa hai aur apane church ke member ian ko ghar par bulaataa hai.

Vo ian ko saari baatein bataate huve vo book detaa hai jise usne jerusalum jaakar purchase kiyaa tha. Use bechane waala usase chutkaaar chahataa tha and vo book 1000 se bhi old tha. Jisme kayi saare languages me, ascents me satanic verses likhi thi. Ian vo dono vo verse dikhatein hai jiska use unhone first rituval me kiyaa tha. Ian kehetaa hai unhone Surgat ko invite kiyaa hai jo hell aur hamaare duniya ke beech ke gate ka gate keeper hai. Tum logo ne jackson ke ghost ko invite karne ke bajaaye sabhi ghosts ko open invitation bhejaa hai isliye vo sab yahaan hai.

Ian ab shannon ko dekhakar kehetaa hai yadi jackson vaapas chahiye toh satan se trade karnaa hogaa. Soul ke badale soul. Baby ke maa ko marnaa hogaa. Hum kal subha final rituval karenge iske badale mujhe 10000 dollar chahiye aur book ko mai hi rakhunga. Ab Vo room ke door ke paas salt daalne keliye bhi kehetaa hai taaki baaki ghost under naa aasake. Yahaan par Ian ko dekhakar lagtaa nahi tha ki vo koyi satanic export hai rather ek jobless, moneyless, looser hai.

Ab raat me Henry aur Audrey shannon ke room me hi sotein hai jahan shannon apane deal ko henry se bhi keheti hai. Henry kehetaa hai us din vo car audrey chalaarahi thi. Vo is trauma se baahar aane keliye ready hi nahi hai, use apana potaa har haalat me chahiye. Maine use samjhane ki kayi baar koshish ki par vo nahi maani. Mai usase behad pyar kartaahun, pyar ke khatir maine devil se deal kiyaa hai. Vo Shannon se sorry maangataa hai par shannon use maaf nahi karti. Tabhi uske saamne achaanak officer Bowells ka ghost aataa hai aur phir se khud par goli chalaakar use haunt kartaa hai.

Udhar ghar par Ian loud rock metal music lagaakar book ko pada rahaa tha jahaan uske mom use baar baar disturb kar rahi thi.

Next morning ian aur henry ghar ke chaaro aur rituval se judi kuch saamaan daaltein hai. Ian yahaan par apane mom ko kosate huve kehetaa hai use meri importance ab pataa chalegaa. Henry ko ek aur church member Yolanda ka missed call aataa hai jise vo ignore kartaa hai.

Shannon is whole time apane hand cuffs ko chudaane ki koshish karte reheti thi par saphal nahi huvi thi. Aaj vo ek haat ke hand cuff khol leti hai aur khud par paani daalkar water broke hone ka naatak karne lagti hai. Ab Audrey Henry aur Ian ko bulaati hai aur Ian apana ritual start kartaa hai. Room me aate time Ian ke pair se salt line distrub hotaa hai jisase baaki ghost ab vahaan aasakti thi.

Ian chanting karte karte possess hone lagtaa hai jahan shannon apana natak chaalu rakhati hai. Henry ko ab Yolanda ka phone aataa hai jahan vo keheti hai Ian me kal raat apane mom ka murder kiyaa hai, police use dhunda rahi hai. Jaise hi audrey shannon ke paas aati hai vo uske gale ko pakadkar use dabaane lagti hai. Henry ko use release karne keliye keheti hai as vo jaanti thi ki Henry audrey keliye kuch bhi karegaa. Henry ab uske dusare haath, ek pair ki hand cuff kholataa hai tabhi Ian uspar hamlaa karke use violently rokataa hai.

Audrey ab choot jaati hai aur Ian se sirph jackson ko vaapas laane keliye keheti hai. Vo shannon ko bachaana chahati thi. Ab Ian Audrey me chaku ghusaakar use maar daaltaa hai. Vo ab apana khoon Henry aur Audrey par chidakataa hai aur chanting karne lagtaa hai. Chanting ke baad kehetaa hai ab shaitaan dharati par aayegaa, tum jaise useless logon ko apana gulaam banaane. Tabhi Shannon apana last cuff kholkar Ian par chaku se hamlaa karti hai. ghar ke baaki ghost ian ko possess karletein hai.

Shannon par bhi shapeshiffter aatack karne aataa hai jispar Henry hamlaa kartaa hai. Vo Shannon se maaphi maangakar ghar se bhagane keliye kehetaa hai tabhi uske body se ek demonic hand baahar aataa hai. Shannon ghar se bhagati hai aur raaste me use ab saare ghost dikhatein hai. Ab ek demonic entity henry ke body se baahar aataa hai. Shannon Henry ke car me bhagati hai aur use bhi vo demonic entity road cross karte huve dikhataa hai. And Boom isi ke saath ye film end hotaa hai.

Toh ye thi film Anything for Jackson ki story. Is film me grand parents apane grief se tut gayi thi. Audrey car drive kar rahi thi jiska accident hogaya tha jisme unhone apane pote and eventually apane beti ko bhi khodiya. Apane beti ke mauth ke baad audrey ne apana sanity khodiya aur satanic cult join karli. Henry being a doctor uske mental health ko jaantaa tha par he was helpless too. Uska bhi duniya me audrey ke alaava koyi nahi tha. Pyra aur grief ye aise emotions he jo aapse kuch bhi karvaa saktein hai. Shannon yahaan par in old couple ai pain ko mehesus karti hai aur genuinely help karne ki koshish karti hai. Har action ka consequence hotaa hai aur kayi baar vo consequence aapke imagination se bhi baahar hotaa hai. Dono couple ne pura plan kiyaa tha reverse exorcism karke apane pote ko vaapas laane ka but result ye huva. jo kaam aapko aataa nahi use kabhi nahi karnaa chahiye as in end deadly bhi ho saktaa hai.

Comments

  1. This information is so useful and informative which you have shared here. It is beneficial for beginners to develop their knowledge. It is very gainful information. Thanks for share it. Love spell to bring my ex back

    ReplyDelete

Post a Comment