BLOODRIDE EP 1 to 3 Explained in Hindi | Hinglish

  BLOODRIDE EP 1 to 3 Explained | Movie Spoilers

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj me paranormal mini series ke baad ek aur mini series explain karne jaarahaan hoon. Isme bhi 6 episodes hai isliye ye bhi two parts me aayegi. Three episodes per video. Series ka naam hai Bloodride , ye ek norwegian horror anthology series hai jise Atle knudsen aur kjetil indregard ne banaayaa hai. Is series ki IMDB rateing hai 6.6 out of 10.

Series ki har episodes ki huruvaat ek creepy driver ke saath hotaa hai jo ek empty bus me chadataa hai. Jab ye driver apane mirror me dekhataa hai tab suddenly bus me kayi saare log prakat hotein hai. Yahaan hum ek blond lady molly ko dekhatein hai jiske haath se ab khoon behene lagtaa hai. Basically ye sabhi 6 episodes 6 different stories kehetein hai jo 6 logon ki hai. Har episodes ke starting me hame us shaksa ko dikhayaa jaataa hai jiski story vo episode honewaali hai. Matlab first episode Molly ke baare me hai.

Episode ke starting me ham ek journalist ko dekhatein hai jo hartmann finance company ke CEO ka interview lene jaarahaa hai. Kahaani ab 5 saal piche chalti hai jahan Molly apane husband Leon and bet Katja ke saath country house me rehene aayi hai. Vo yahaan khush nahi hai as vo ek city lady thi, usne credit card par excessive loan liyaa thaa jispar ab default hogaya tha. Yaani banks ne is family ke ghar ko takeover kiyaa tha.

Pehele hi din uske naye padosi kopplen family unke paas aakar unhe welcome karte hai. Mrs kopplen ke paas ek black cat tha jise vo hamesha apane saath hi rakhati thi. Molly ke ghar me bhi ek family dog bolt tha.

Agale din pados ke sabhi log Molly ke ghar aatein hai aur uske ghar ke saaph saphayi me madad kartein hai. Molly yaahan ek ajeeb baat notice karti hai sabhi logon ke paas koyi naa koyi pet animal tha. Sabhi log hamesha apane animals se chipke rehete the. Next morning Molly jogging kar rahi thi tab vo do ladies ko woods me jaate dekhati hai. Vo ladies ke do cats the unmese ek lady apane cat ko ek bade se stone par rakhati hai aur chaku se uska gala kaatati hai. Ise dekhake Molly dar jaati hai aur chillati hai. Vo do ladies bhi Molly ko vahan dekhakar surprice hoti hai, vo vahan ki ek famous backstory bataane lagti hai. Vo keheti hai ye puraa ilaaka hazaaron saal pehele vikings ka village huvaa kartaa tha. Us stone par vikings animals and humas ka sacrifice karte the. Isase unko good fortune miltaa tha. Ek din ek local ne apane cancer se bimaar dog ko vahaan par goli se udaayaa aur uske agale hi din unhein lottery lag gayaa. Tabse sabhi locals animals ko paalane lage aur unhe sacrifice karke paise kamaane lage.

Molly us stone ko test karne keliye apane ghar se ek chuhe ko pakadati hai aur use us stone par maar daalti hai. Next vo ek shop me jaakar scratch card kharidati hai jo unfortunately use sirpf 50 krone detaa hai. Molly jaakar un ladies ko confront karti hai jahan ladies keheti hai tagade paise kamaane keliye animals ke saath love deep honaa chahoye. Jitana love jyada hogaa utanaa hi fortune jyada milega.

Molly greed thi city lifestyle ko chodane ke mood me nahi thi. Vo ab apane family dog bolt ko lejaakar us stone par sacrifice karti hai. Baad me ek lottery ticket kharidati hai.

Shyam tak bolt ghar naa aane se katja pareshaan hoti hai, vo apane dad ke saath use dhundane jaati hai par vo use kahin nahi miltaa. Molly ghar me rehekar tv par lottery ka result dekhati hai, use lottery lagti hai par paise kam miltein hai. Bolt ko kharidane me kharch kiyegaye paise se bhi kam. Molly ko udaas hokar rone lagti hai.

Jab leon ghar par aataa hai use rote huve keheti hai mujhase ek galti hogayaa hai. Mai jaanti hoon bolt kahan hai. Vo leon ko lekar stone ke paas aati hai jahan bolt ka corpse tha. Vo full story bataati hai. Leon naturally uspar gussa kartaa hai tabhi Molly rote huve keheti hai, I love you Leon. Vo ab Leon par hamlaa karne lagti hai, vo use hi sacrifice karnaa chaahti thi as in vo binaa paise ke pagalaa gayi thi. Katja bolt ki baat sunkar apane mom dad ka picha karte karte vahan aayi thi. Vo ab apane mom ko rokane jaati hai jahaan Molly uska galaa dabaakar maarne lagti hai. Molly apane self defence me paas me padi patthar se Molly ke sar par maarti hai jisase Molly usi stone par mar jaati hai.

Next scene 5 saal baad ka hai jahan journalist is CEO ka interview lene aayaa tha vo Kajta hi thi. Yaani katjaa apani mom se behad pyar karti thi isliye us stone par usko maarne se uski kismat badal gayaa tha. Toh ye thi first episode The Ultimate Sacrifice.

Next episode hai three sick bothers. Ye Erik naam ke bande ki kahaani hai jise ham bus me baite huve dekhatein hai. Uske kaan se khoon beherahaa tha. Episode ke starting me ham Erik ko ek falt me dekhatein hai jahan uski mom use uska room dikhati hai. Erik teen saal mental hospital me rehekar aayaa tha yahaan vo still recovery me tha. Uski mom job par jaane se pehele keheti hai vo uske dad ki cabin ko becha rahi hai. Erik kb ab me akelaa hai, vo ek puraana photo dekhataa hai jahaa uske dad aur do bhayi the. Ab ghar ka main door bajataa hai jahaan erik photo ko pocket me rakhakar door kholataa hai. Door par uske do bade bhayi otto and george the. Vo erik ko itane saal baad dekhakar khush the, is mauke par party karnaa chahate the. Erik kehetaa hai use loud jagahaon par jaanaa manaa hai as in vo 100% fit nahi hai. But Erik apane bhaiyon ke force me apane dad ke cabin me party karne keliye raazi hotaa hai.

Vo cabin woods ke beech tha aur city se dur tha. Raaste me ek petrol station par vo car ko rokataa hai jahan uski car ek sign board se takaraati hai. Jispar ek ladaki ki image thi. Petrol bharkar, party keliye food and drinks kharidakar erik car me vaapas aataa hai jahaan uske bhaiyion ne ek hitchhiker monika ko lift diyaa tha. Sabhi log cabin par aatein hai, drinks kartein hai, khana khatein hai, dance karne lagtein hai. Erik monika se kehetaa hai vo teeno bachapan me hamesha yahaan aate the jab unke dad zindaa the. Later party thodi wild hoti hai jahaan monika otto ko majak majaak me crazy keheti hai. Jisase otto thoda bhadak jaataa hai.

Later George kehetaa hai Erik ne teen saal mental hospital ke psych ward me bitaayaa tha, hamare dad ke kaaran. Sab ko pataa tha ki vo aadami jine ke laayak nahi hai par kisine kuch nahi kiya. Par erik ne finally kuch kiyaa. Monika ko george and otto ka beheaviour odd lagtaa hai aur vo erik ke saath cabin se jaane lagti hai. Tabhi vo dono bhai indon par attack karke monika ko chair se baandadetein hai.

Udhar ghar par erik ki mom aati hai , erik ko vahan na dekhakar vo bhi cabin ki aur nikal padati hai. Cabin me erik monika ko chudaane jaataa hai jahan ottot use bottle se maartaa hai. george kehetaa hai maine hi apane dad ko maaraa tha aur erik ne uska ilzam apane sar par leliyaa. George ab otto ko monika ao bhi maarne ka order detaa hai as in use bhi ab vo secret pataa chalgayaa tha. Otto knifee se monika ko repeatedly stab kaarke maar daaltaa hai.

Tabhi inke mom cabin par aati hai jahaan otto and george bhag jaatein hai. Vo cabin me akar puchati hai kya huvaa. Erik kehetaa hai otto and geoge ne monika ko maar diyaa hai just like dad. Uski mom use keheti hai yahaan koyi monika nahi hai, otto and george nahi hai, uske dad abhi zinda hai. Bad unhein chodakar chale gaye hai. Vo erik ko chair ki aur dekhane keliye keheti hai jahan petrol pump ka ladaki vaala sign tha. Erik apane pocket se photo check kartaa hai jahan uske dad ke saath sirph vo akelaa tha. Yahaan par erik serious schizophrenia ka patient tha, jab bhi akela hotaa tha use otto and george dikhate the. Just like the movie a beautiful mind ki taraha. Erik ab rone lagtaa hai jahan uske mom use support karti hai.

Mom erik ke saath us petrol station ko vo sign lautaane jaati hai. Jaise hi vo car se jaati hai erik ko otto and george phir se dikhatein hai. vo use car me petrol daal rahi ek ladaki ki aur ishaara karke use uske hi car me maarne keliye kehetein hai. Erik ab apana lighter lekar us ladki ko jalaakar maar daaltaa hai aur khud bhi martaa hai. Isi ke saath episode two end hotaa hai. Clearly erik ek mentally bimaar aadami tha jo aapane dad ke jaaane ke baad udaas rehene lagaa. Usne otto and george ko ek coping mechanism ke tur par develop kiyaa tha. But sadly use uskaa phayada nahi huva. Ye episode first episode ki tarah dramatic toh nahi hai but thik thak hai.

Episode three ka naam hai bad writer. Bas me ham ek ladaki olivia ko dekhatein hai jo apane laptopp me likha rahi thi, jisase khoon bererahaa tha. Starting me hum olivia ko uske boyfriend Marcus ke saath utathe dekhatein hai jahaan Marcus ko ek text message aataa hai. Marcus ke mom ne use kur olivia ko dinner par bulaayaa tha. Olivia ko lagtaa hai Marcus ki mom use pasand nahi karti but Marcus use samjhakar dinner par jaane kelie convince kartaa hai. Marcus and olivia ek pg me rehete the jahaan baaki girls bhi the. Sabhi girls olivia ke achhe dost the.

Olivia ab apane regular writing class ko jaati hai jahan vo Alez naam ke ek middle age man se milti hai vo bhi usi class keliye aayaa tha. Class me ek lady writer keheti hai aapko achhe characters keliye inpiration apane aaspaas se hi milega. Aap jise bhi sab se jyada hate kartein hai use story me daaliye, baad me use maar daaliye. Isase story intense banegi. Story achhi nahi lagi toh aap delete bhi kar saktein hai. Class ke baad olivia Alex se phir takaraati hai jahan vo kehetaa hai usne ek amateur story likhi hai. Par vo use olivia ko nahi dikhataa.

Olivia PG aati hai jahan vo apane roomates ki baaton ko chpke se sunti hai. Vo girls olivia ko bade baap ki bigadi huvi ladaki kehetein hai as in vo olivia ke attitude se pak gaye the. vo log olivia ko picnic me lejaakar maar daalne ka decide kartein hai. Olivia isase dar jaati hai. Ab girls ko pataa chal jaataa hai ki olivia ne unke baaton ko sunliyaa hai. Ek ladaki chaku nikaalti hai. Olivia unpar ubalte huve garam paani phenkar kar ghar se bhag jaati hai.

Ghar ke bahar uska boyfriend marcus use rokataa hai jisase olivia ko lagtaa hai ye bhi unme shamil hai. Vo uspar car ke key se hamlaa karke bha jaati hai.

Bhagate time road par use Alex ki car dikhati hai jo use lift detaa hai. Olivia alex ko saari kahaani explain karti hai toh alex use police station jaane ka idea detaa hai. Isi bech confusion me Alex ke story ke kuch pages ko olivia apane bag me daal leti hai. Police station par olivia wait kar rahi thi tabhi uske room mates vahan use dhundate huvee aatein hai. Olivia unse dar kar chp jaati hai tabhi uski nazar Alex ki story par padati hai. Uske saath jo kuch bhi huvaa tha use Alex ne already likha tha. Yaani jaise jaise Alex story likharahaa thaa vaise vaise Olivia ki life change horahi thi.

Ise dekhakar olivia ko shock hotaa hai use lagtaa hai vo real nahi hai bas story ki ek character hai. Vo ab apane laptop me Alex ke baare me likhane lagti hai. Vo likhati hai Alex ki laptop par ek monster dikhe aur vo uski ungalion ko kaat khaye. Ab sach me Alex ke laptop me hame ek monster dikhataa hai jo Alex ki ungalion ko kaatataa hai.

Baad me olivia Alex se milkar use confront karti hai. Alex use sorry kehetaa hai aur use ek happy ending dene ka vaada kartaa hai. Olivia and Alex ek sushi restaurant jaatien hai jahan unke table ke bagal me teen samurai swords thi.

Alex kehetaa hai maine tumhari story ek fantasy ki tehet likhi thi. Meri wife ek successful writer hai aur use immpress karne keliye hi maine uske class ko attend kiyaa tha. Tabhi olivia notice karti hai teen me se ek samurai sword gaayab hai. Ab Use lagtaa hai shayad koyi aur hai jo undono ke baare me likharahaa hai. Tabhi uska boyfriend Marcus vahaan aataa hai aur Alex ko maar daaltaa hai. Marcus apane mom yaani us writer se puchataa hai iskaa kya kare. Writer use olivia ko bhi maarne keliye keheti hai.

Next scene me ham Annelisse naam ki ek lady ko dekhatein hai jo ye sab story apani laptop me likha rahi thi. Jahan par uska husband barbecue kar rahatha jo bilkul Alex ki tarah dikharahaa tha. Later Annelisse ki beta Marcus and bahu Olivia vahaan dinner keliye aatein hai. Annelisse Olivia ko dekhakar usme barbecue fork ghusaati hai. olivia bleed karne lagti hai, Marcus shock se chillane lagtaa hai. Annelisse keheti hai maine kuch bada nahi kiyaa hai abhi story badalti hoon. Vo apane laptop me story delete krne jaati hai par vo delete nahi hotaa. Isike saath episode end hotaa hai.

Episode three me Annelisse ek writer thi jo apane husband Alex, beta Marcus aur bahu Olivia ko character banaakar ek story likharahi thi. Vo story me itane magna hogayi ki use reality aur fiction me antar nahi samajaayaa. Vo olivia ke apane hatred me khogayi thi. Vo hi bad writer thi.

Post a Comment

0 Comments