Skip to main content

Freaky Explained in Hindi | Hinglish

Freaky Explained in Hindi | Hinglish  

Toh aaj me recently release huvi horror Comedy film Freaky Vo explain karunga. Is film ki IMDB rating 6.9 out of 10 hai and ise direct kiya hai Christopher Landon ne. Inhone hi happy death day jaise hit horror comedy banaayi thi and ye film bhi uski tarah ek badiya film hai.

Film ki shuruvaat wednesday 11th ko hotaa hai jahan chaar teenagers Ginny, Phill, Sandra and Tim, Ginny ke ghar par drinks kar rahe the. Vo log ek notorious serial killer Blissfield Butcher ke baare me baat kartein hai jo aparently 1970’s se crime kar rahaa hai. Jo abtak pakada nahi gaya hai. Ab Tim and Sandra ghar ke under wine bottle laane jaatein hai jagan Tim ko Ginney ke dad ka art collection dikhata hai. Unke paas bahut saare creepy collections the jisme La Dola naam ke ek dagger ko Tim closely observe kartaa hai. Baad me vo wine bottle lene jaataa hai tabhi serial killer Blissfield Butcher vahan aakar uske gale me bottle ko thuskar maar daaltaa hai. Ab vo sandra ko bhi toilet me maar daaltaa hai. Ginny and Phil hook up karrahe the jahan Butcher aakar ab Phil ke sar me tuti huvi tennis racket daaltaa hai. Ginny chillakar and darkar ghar me chupati hai par phir bhi butcher vahan aakar use bhi maar daaltaa hai. Uske body ko wall par latakaakar us La Dola dagger ko churaakar bhag jaataa hai.

Ab Thursday 12th ko ek teenage girl Millie kessler apane bed par soke utathi hai. Vo apani maa Paula and older sister Charlene ke saath reheti thi jo ek police officer thi. Millie ke dad ko gusare huve ek saal hogaya tha jisase in teenon ke rishte me khataas bhi bangaya tha.

Millie ab apane high school jaati hai jahaan uske friends Josh and Nyla the. Ye dono aanewaale homecoming dance keliye kaaphi exited the. Millie keheti hai vo dance keliye nahi aasakti as in use apane mom ke saath kuch kaam hai. Millie ek beautiful girl thi jo apane kam self esteem and sadness ke chalte expressive nahi thi. Apane dad ke death usne khud ko isolate karliyaa thaa.

Ab Millie ko school ke ek popular girl Ryler bully karti hai. Ek woodshop class me class teacher Mr Bernardi Millie ko uska presentation dene keliye kehetein hai jiskeliye Millie abhi ready nahi thi. Mr Bernardi Millie ko class ke saamne humiliate kartein hai jisase Millie ko buraa lagtaa hai. Kyunki us class me uska crush Booker bhi tha. Ab sabhi bachhon ke mobile par Ginny ki murder ka news flash hotaa hai. Ryler ne ispar ek fake condolence insta video bhi banaayaa tha jispar Josh ek funny comment kartaa hai.

Millie school ki footbaal team Beavers ki mascot thi toh raat me ho rahi game me vo mascot dance karti hai. Kyunki team haar rahi thi isliye ek player upset hokar uspar soda can phenkataa hai. Game ke baad Millie Josh and Nyla ke saath ek secret handshake karke unhein bye keheti hai. ab vo apane maa Paula ka wait karne lagti hai as in vo use pick up karne aanevaali thi. Par Paula drink karke pass out hogayi thi toh uski sister Charlene ab use lene aati hai. Jab Millie wait kar rahi thi tab stadium ke lights off hota hai and hame vo Butcher phir se dikhayi detaa hai. Ye Butcher ab Millie par hamla karne aataa hai, use giraakar uspar La Dola dagger daagane lagtaa hai. Tabhi achanak indono ke niche ka zameen ek ancient site me convert hotaa hai. Ab Butcher jaise hi millie ke left shoulder par dagger daaltaa hai uske left shoulder par bhi dard hotaa hai. use bhi pain hotaa hai. Charlene yahan aakar Butcher par goli chalaati hai par vo bhagane me kaamiyaab hotaa hai. Charlene apane sister ko ghar lejaati hai par yahan Millie normal nahi thi.

Ab yahan par Millie and Butcher ki body switch hogayi thi. Butcher ke body ke under Millie ki soul & consciousness thi and Millie ke body ke under Butcher ki soul and consciousness thi. Butcher ab Millie ke body me utatha hai. Vo clearly confused tha par vo panic nahi kartaa. Apane naye body and ghar ko adjust hotaa hai. Millie ab Butcher ke body me utathi hai and clearly panic karti hai. Vo dar kar ghabaraakar apane ghar ko jaane lagti hai. Charlene ne butcher ki latest image ko local news me publish kiyaa tha isliye sabhi log Millie ko dekhakar bhagane lagtein hai. Police ko phone karne lagtein hai.

Butcher ab millie ke bhadakaavu kapade pehenkar school jaataa hai and Ryler usase bhi fake hamdardi jatate huve apane insta keliye ek selfie leti hai. Butcher ab Ryler ko akele me locker room me milne keliye keheta hai. Millie ab apane high school me chupati hai and vahan ek shower leti hai. Millie ko shower lete Ryler dekhaleti hai use Butcher samajhakar panic me bhagane lagti hai. Ye baath vo ab asali butcher ko bhi bataati hai jo basically ek psychopath tha toh vo Ryler ko freezer me band karke chalaa jaataa hai. Jab Millie nahaakar baahar aati hai toh freezer ka alaram beep kar rahaa tha. Jaise hi Millie freezer open karti hai toh Ryler ka body niche girtaa hai and uske tukade hojaatein hai.

Butcher ab wood-shop class me jaataa hai jahan Mr Bernardi phir se use millie samjhakar sabke saamne insult kartaa hai.

Ab Millie Josh and Nyla se milne jaati hai par jaise hi vo use dekhatein hai vo dar kar bhagane lagtein hai. Miliie bhi ab unka picha karti hai, school kitchen me ye dono Millie par, haat me aaye saare chizon ko phekatein hai. Kuch der ke aapasi fighting ke baad Millie apana mascot dance karke dikhati hai. Vo un saare sawaalon ke sahi jawab deti hai jiska answer sirpf millie ko pataa tha. Vo ab apana secret handshake bhi perfectly karti hai jisase josh and Nyla ko yakeen hotaa hai ki Butcher hi Millie hai. Millie ab undono ko dagger ke baare me bataati hai jise josh google karke information haasil kartaa hai. Net se use dagger ka ek image miltaa hi jispar spanish me kuch likha huvaa tha. Ye dono ab apane Spanish teacher se translate karvaatein hai jahan teacher keheti hai yadi switch ko 24 hours me re-switch nahi kiya toh vo original switch permanent hojaayega. Yaani Millie ke paas 24 hours the apane body ko vaapas lene me, jisme se kuch ghante ab nikaal chuke the.

Millie boys bathroom me likhi kuch rude comments ko dekhati hai and apane bare me likhi ek writing ko mitaati hai. Tabhi ek ladaka vahan aataa hai jo Millie ko kayi dinon se bully kar rahaa tha. Ab Millie aapne naye macho body ke chalte use ulta rag karti hai. Vo ladake ko millie Butcher lagtaa hai jisase uski pant gili hoti hai.

Butcher ab wood shop class me jaakar buzzing saw machine ko on kartaa hai. Vo Mr Bernardi par screwdriver se hamlaa kartaa hai, unki body ko sawing machine me daalkar maar daaltaa hai. Ab police ko school me butcher ki sighting ka news milaa tha toh vo check karne aatein hai. Butcher Nyla, Josh , Millie ko dekhataa hai and chillakar police ko bulaataa hai. Police millie ko butcher samajhakar uska picha karne lagtein hai jahan ab ye teeno school se baahar bhagatein hai. Josh ke car me ye ab bhagane lagtein hai jiska picha Charlene karne lagti hai. Use wireless me butcher ka message milgaya tha. Ye teeno ek mall ko jaatein hai jahan vo Charlene ko chakma deke nikal jaatein hai.

School ka official homecoming dance ab cancel hogaya tha isliye sabhi students ek old mill me unofficial dance party rakhatein hai. yahan Butcher football team ke saath enjoy kar rahaa tha jahan Millie ka crush Booker bhi tha. Butcher ab use maarne keliye use seduce karke use akele me lejaataa hai. Footbaal team ke live insta feed se josh ko dance ke baare me pataa chaltaa hai aur teeno old mil aatein hai. Ab Millie yahan butcher and Booker dono par hamla karke unko behosh karti hai.

Agale scene me hum booker and butcher ko josh ke ghar par dekhatein hai jahan butcher chair se bandha huvaa tha. Hosh aane par Millie Booker ko saari story explain karti hai. ek poem bhi sunaati hai jise usne kuch din pehele booker ke locker me daalaa tha. Usne us poem ko anonymously likhatha as in directly kehene me himmat nahi thi. Booker isase convince hotaa hai and vobhi mission unswitch me shamil hotaa hai. Ab Booker, Nyla, Millie police station jaatein hai jahan evidence section me La Dola dagger tha.

Station par jaakar Nyla joot bolti hai ki butcher ne station ke saamne Josh and millie ko kidnap karliyaa hai and vo unhein lekar car me bhag rahaa hai. Charlene ko station se baahar bhejakar vo ab dagger ko churaane lagti hai. Udhar car me Booker admit kartaa hai ki usbhi Millie par hamesha se crush tha. Usme bhi himmat ki kami thi. Ye dono ab kiss karne jaatein hai but later realize kartein hai ki serial killer ki body me karna confertable nahi hoga.

Josh ke ghar ab uski mom aati hai aur Butcher ko chair se baandha huva dekhakar josh par chillane lagti hai. Jab vo use chudaane jaati hai tab tak Butcher ne apani rassi ko kaat liyaa tha. vo chaaku se josh and uski mom par hamlaa karne aataa hai. Ye dono bhagkar apane bed room me chupatein hai jahan koshish karne par bhi butcher door nahi khol paataa.

Butcher ab Millie ka picha karte police station jaataa hai jahan Chearlene Nyla par gun taankar khadi thi. Chearlene ko Nyla par bharosa nahi tha kyunki usne Nyla ko Butcher ke saath car me bhagate huve dekha tha. Ab Millie vapan aati hai jis par Chearlene butcher samjhakar goli chalaati hai. Yahan thoda confusion hotaa hai jiske chalte butcher dagger lekar bhag jaataa hai. Millie chearlene ko uske hi jail me band kar ke, sorry keheke bhag jaati hai.

Old mill me dance party ab jor par thi butcher teen footbaal players ko seduce karke unhein akele me lejaataa hai. Ab jab players enjoy karne keliye aage badatein hai tab vo ek player ka galaa kaatataa hai. Dusare ke sar par bottle maartaa hai and tisare ko saw machine se maar daaltaa hai. Millie and gang bhi old mill aatein hai jahan Booker apane watch me 12 o clock ka alaram rakhataa hai. 12 bajane keliye ab sirph 13 mins hi the usase pehele unko unswitch karna tha varna switch permanent hojaata.

Ab sabhi log butcher ko dhundane lagtein hai par jaise hi butcher inko dekhataa hai vo bhagane lagtaa hai. Nyla and Josh finaly use pakad letein hai , usase dagger chinatein hai. Jaise hi millie uske under dagger daalne jaati hai watch ka alram bajane lagtaa hai as in times up. Ispar butcher jor jor se hasne lagtaa hai jaise vo jeet gaya. Par tabhi millie ko Booker ki ek baad aati hai jahan usne kahaa tha ki vo hamesha apane watch ko five mins aage rakhataa hai taaki har jagah time se jaasake. Ab vo finally butcher par La Dola dagger daalti hai and unka body phir se switch hotaa hai.

Tabhi police bhi vahan aati hai aur butcher par goli chalaati hai. Isbaar use goli lagti hai and vo beshosh hotaa hai. Millie ne apane friends ke help se apana body vaapas paayaa tha jiskeliye vo unko thanks keheti hai. Ab vo Booker ke saath apana first romantic kiss share karti hai.

Butcher ko paramedics ambulance me lejaatein hai jahan uska heart rate kam hote hote flat hotaa hai.

Millie ab apane ghar jaati hai jahan paula and charlene use comfort derahe the. Millie ko ab ek awaz sunaayi detaa hai ho vo butcher kaa tha. Aparently vo abhi zinda tha and in teeno ladies par hamlaa karne aataa hai. Charlene uspar goli chalaane jaati par butcher ne pehele se hi saari bullets ko nikaal diyaa tha. Paula and charlene par hamla karne ke baad vo Millie ko taunt kartaa hai ki uski body weak hai. Millie ab usase keheti hai mujhe bhi tumhare body ka ek weakness maalum hai. Vo ab uske us vaale hisse par jor se kick karti hai jisase vo dard me tadapane lagtaa hai. Pharan hi millie ek tuti huvi wooden piece ko uske pita par ghusaati hai, use jor se kick karke butcher ke body ke aar paar bhejati hai. Jisase butcher finally mar jaataa hai. Boom Film yahin end hotaa hai.

Toh ye thi film film Freak ki story. Yahan par millie apane body me confertable nahi thi. Vo apne dad ke death ki trauma me thi, uski maa bhi apane grief me thi, school girls use bully kar rahe the, boys use reject kar rahe the. Jab uska body swap hotaa hai vo achanak strength ko feel karti hai, vo apani kohi huvi confidence vaapas paati hai, usko bullly karne waale ladake ko sabak sikhati hai and finally apane crush se feeling share karti hai. Film ka main focus yahi hai ki aapko apani mental and physical health donon ko constantly upgrade karte rehena chahiye. Emotional stability se aapka self esteem yaani aatmasamman badegaa jisase aapa confident feel karoge. Jo life ko head on lene me madad karega. End me Millie ne butcher ko isliye maar paayi kyunki vo confident thi.

Body swap par ab isase pehele kayi films aayi hai jaise Freaky Friday, switch, the change up, Big, 13 going on 30 etc par ye sab classic comedy films thi. Ye first slasher horror body swap film hai jahan funny movements ke saath appko horror bhi milega.

Tags : Hindi Story, Hindi spoilers, Hollywood film ki kahani,film ki story



Comments

Popular posts from this blog

50 Morning Affirmations in Hindi, Positive Affirmations Hindi

हमारे कार्य  हमारे जीवन को बनाते है, उन कार्यों को नियंत्रित करता है हमारा मन. यदि मन शुध है, तो हमारा जीवन भी शुध होगा.मन के विचारों पर काई सारी चीज़े प्रभाव डालते है,जैसे की दिमाग़ का सेहत , फिज़िकल फिटनेस,खान पान और हमारी मान्यताएं. अफर्मेशन्स का संबंद इसी मान्यताएं  या विश्वास से है. अफर्मेशन्स एक छोटे से वाक़या या स्टेट्मेंट्स होते है जो आपको पॉज़िटिव थिंकिंग करने मे मदद करते है. ये कुछ ऐसे वाक़या होते है, जिसपर आपका मन पहेले विश्वास नही करता,क्यूंकी उसका अर्थ आपके मन के लॉजिक पर खरा नही उतरता.  लेकिन जैसे हम अपनी फिज़िकल बॉडी को ट्रेन कर सकते है वैसे ही अपने मन को भी ट्रेन कर सकते है. जब हम रोज़ इन वाक्यों को दोरहाने लगते है तो धीरे धीरे हमारे सूक्ष्म मन मे इनके अर्ता शामिल होने लगते है. जब भी कोई विचार आपके  सूक्ष्म मन  मे शामिल होता है तो आपका , जागरूक मन भी उसपर बेझीजक यकीन करलेता है. ये बात पॉज़िटिव और नेगेटिव दोनो विचारों केलिए अप्लाइ होता है. जब आप पॉज़िटिव विचारों का प्रॅक्टीस करते है तो रिज़ल्ट पॉज़िटिव ही होता है. बच्चे अपनी मा के हर बात को सही मानते है क्यूंकी उ

What Is Hinglish

Hinglish is a hybrid language that combines the words from English language with Hindi Language Grammar. The script of the language uses English alphabets with Hindi and English words. The name Hinglish itself is derived from Hindi and English. Its spoken in India, United Kingdom, USA. Initially it was the language of non resident Indians and ABCD's (American Born Confused Desi) but with passage of time and dominance of English as a primary language for school education, a generation of Indians now use Hinglish in their day today life. History Of Hinglish   The Charter Act of 1813 passed by the British parliament in 1813 ended the monopoly of British East India Company and made the way for formal English medium education for Indians. This act also allowed Christian Missionaries to India and propagate Christian values to Indians. British East India company also known as British Raj opposed this idea with force. British Raj advocated that Indians are sensitive to the

Antrum Explained in Hindi | Hinglish | Movie Spoilers

 Antrum Explained in Hindi | Hinglish | Movie Spoilers x This article is used by  famous hindi horror channel @ Ghost Series for ma king a video. Please do subscribe and share Ghost Series YT channel. Here is the video     Toh kya kisi film ko dekhane se aap mar saktein hai. kya koyi film cursed ho sakati hai? Iska javab aaj jo film me explain karane jaarahaahun usame hai. Film ka naam hai Antrum the deadliest film. Is film ke writer aur director hai David Amito aur Michael Laicini. Is film ki IMDB rating hai 4.9 out of 10. Film ki starting isaki history ke saath hotaa hai. Hame kuch experts warn karate hein hai ki ye deadliest film ever made kyun hai. Mai bhi firstly aapko ye warning explain karunga phir film explain karunga. Taaki yadi koyi apane safety keliye video end karna chaahe to kar sake. Cinema ke shuruvaat se hi film makers ne horror, devil,saitan, religion, ghost jaise kayi topics par horror films banaayi hai. Par vo sab sirph films thi entertainment keliye, kisine bhi

The Monster Ending Explained | Movie Spoilers

The Monster Ending Explained | Movie Spoilers This is the transcript of a video from famous Indian horror youtuber @HauntingTube. Please do Subscribe the Channel.     lin k  : The Monster (2016) Explained in 9 Minutes | Haunting Tube - YouTube The Monster, an American-Canadian film, released in 2016 which has been directed by Bryan Bertino. This movie has received 5.4 stars out of 10 on IMDB, it’s 80% fresh on Rotten Tomatoes, and it has a Metacritic score of 69 out of 100. In this video, we will go through the plot of this movie briefly, and then move on to some theories and themes related to it. Since there a lot of flashbacks in the movie, it can be a little confusing for the viewers. So to simplify the explanation, I will give you guys a brief summary of the flashbacks  to set the premise of the movie, after which, we will focus on the main plot. We are introduced to a woman called Kathy in this movie, who has a 10-year-old daughter named Lizzy. Kathy is separated from her husband,

BLOODRIDE EP 1 to 3 Explained in Hindi | Hinglish

   BLOODRIDE EP 1 to 3  Explained | Movie Spoilers Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai. Aaj me paranormal mini series ke baad ek aur mini series explain karne jaarahaan hoon. Isme bhi 6 episodes hai isliye ye bhi two parts me aayegi. Three episodes per video. Series ka naam hai Bloodride , ye ek norwegian horror anthology series hai jise Atle knudsen aur kjetil indregard ne banaayaa hai. Is series ki IMDB rateing hai 6.6 out of 10. S eries ki har episodes ki huruvaat ek creepy driver ke saath hotaa hai jo ek empty bus me chadataa hai. Jab ye driver apane mirror me dekhataa hai tab suddenly bus me kayi saare log prakat hotein hai. Yahaan hum ek blond lady molly ko dekhatein hai jiske haath se ab khoon behene lagtaa hai. Basically ye sabhi 6 episodes 6 different stories kehetein hai jo 6 logon ki hai. Har episodes ke starting me hame us shaksa ko dikha