Skip to main content

Jessie Explained in Hindi | Hinglish | Movie Spoilers

       Jessie Explained in Hindi | Hinglish | Movie Spoilers

Aaj me amezon prime par recently release huvi telagu horror cum mystry thriller film Jessie ko explain karunga. Is film ke writer director hai Ashwini kumar V and iski IMDB rateing hai 6.9 out of 10. yahan par ghost possesion ki unique concept dekhane ko milegaa. film ki kuch questionable logic ko maine end me explain kiyaa hai, isliye film ko end tak zarur dekhana.

Toh film ki shuruvaat ek car accident ke saath hotaa hai jahan ek ladaki mar jaati hai. Next scene me hum self proclaimed ghost hunters ki ek team ko dekhatein hai jo ek haunted mansion Victoria house ko jaarahe the. Is team ke members hai shalini,Joe, Abhi and mojo. Raaste me in logon ko sameera naam ki ek ladaki dikhati hai jisase ye address maangane lagtein hai. Sameera victoria house ke naam sunkar thoda surprice hoti hai aur keheti hai uske permission ke bager vo vahaan nahi jaasakte.

Sameera keheti hai mai us house ki owner hun, philhaal me germany me reheti hun aur kal hi india aayi hoon. maine do sisters ko vo ghar rent par diyaa tha. lekin unke death ke baad haunted house ke rumors start hogaye. kayi saalon se use bechane ki koshish kar rahi hun par rumors ke chalte koyi use kharid nahi rahaa hai. Vo ab in ghost hunters se ek deal karti hai. Vo commission dene keliye ready roti hai yadi ve ye prove karenge ki vo house haunted nahi hai. sameera in sab kolekar saath Victoria house jaati hai.

Baahar se ye house ek khandar jaisaa thaa.Ghost hunters team apana equipment lekar ready hotein hai jahan shalini Joe ko ek EMF meter deti hai. Yaani eletro magnetic force meter. Jab bhi koyi ghost aas paas hotaa hai toh ye meeter uski field ko detect kar letaa tha. Ab time tha sham ke saade che baje.

Shalini camera me place ka intoduction deti hai aur ye log swimming pool se start kartein hai. Swimming pool ek dum gandaa tha, kichad har jagaha tha, par uske bechon beech ek chair tha jo clean tha. Shalini puchati hai , yahan par koyi hai kya? Yadi koyi hai toh sign do. Abhi is session ko record kar rahaa tha par yahan inko koyi sign nahi miltaa.

ye sab ghar ke under jaatein hai for strange reason under house clean tha. Electricity nahi thi par har jagah candels jal rahe the. Abhi ko yahan khoon lagaa huvaa ek sandel miltaa hai. Sab log ghar ke rooms ko check karne jaatein hai jahan unhein ek potrait dikhataa hai. Ye vo do sisters ki photo thi par unka face blur hogayaa tha. Dining table par inlogon ko fresh fruits and khana dikhataa hai. Kitchen me bhi gas stove on tha aur cooker chadaa huvaa tha. ( Rasode me kaun tha ? Bhoot thaa , LOL ). shalini phir se house me sign puchati hai par ab bhi use koyi sign nahi miltaa.

Ye log ek dusare room me jaatein hai jahaanke wall par daraavani drawings thi. Ab inlogon ko ghar me aaye huve teen ghante hogaye the par sign nahi milaa tha. Yahi baat ab shalini camera me bataane jaati hai tabhi uske piche ka door apane aap band hotaa hai. EMF meter me reading full dikhataa hai.

Ye log phir se us room me jaatein hai jahaan inhein window ke paas ek small teddy bear doll dikhataa hai. Window se sabhi log baahar dekhatein hai tabhi abhi ko, uske camera me ek black ghost dikhata hai. Vo ghost swimming pool ke chair par baitaa tha aur uske haat me ek bada red teddy bear doll tha. Baaki log bhi camera me ise dekhatein hai and agale hi pal me in sab ke saamne usi room me vo bada teddy bear doll dikhataa hai. Vahaan par kisi ke foot steps bhi the. Insab se ye log thodaa dar jaatein hai. Sameera keheti hai niche tv on hogayaa hai aur hame shayad agala clue vahein milegaa.

Ab niche jaakar shalini camera me bolti hai yahan paranormal activites ke kayi saare evidence mile hein. Tabhi abhi ke saamne black ghost phir aataa hai aur vo isbaar camera me record hojaataa hai.baad me tv apane aap chalu hotaa hai jahaan hame ab ek flash back dikhayaa jaataa hai.

Date tha 24th Jan 2013. Two sisters Jessie and Amy ek restaurant me baite hai. Amy ne jessie ka bag car me hi choda diyaa tha isliye jessie check karne jaati hai. Vahan vo bag missing tha. Jessie ko lagtaa hai bag chori hogayaa hai as in car ki window open tha. Jessie Amy ko daantati hai as us bag me uski id card, credit card, driving liecence , mobile sab kuch tha. Vo ab police me complaint karti hai.

Baad me vo Amy ko lekar victoria house aati hai jo uska ghar tha. Amy puchati hai ham yahaan kyun aayein hai? Ye kiska ghar hai ? Aur tum mujhe amy kyun keharahi ho. Jessie amy ki koyi baat sunane ki mood me nahi thi aur inke beech thoda jaghada hotaa hai. Ghar ke under jaane par Amy apana room pehechaan nahi paati vo aise behave kar rahi thi ki first time us ghar me aarahi ho.

In donon ko ghar me aakar do din ho jaatein hai aur jessie ko apana bag ab tak nahi milaa tha. Vo breakfast ke time Amy se keheti hai use urgently Rajev se baat karni hai isliye vo ek naya mobile purchase karne jaarahi hai. Rajeev ka naam sunkar Amy thoda surprise hoti hai. Yahaan par Amy ki dress ko gaur se dekhiye ye important hai. Jessie ke jaane ke baad Amy ghar par Rajeev ki phone number waali dairy dhundane lagti hai jo Jessie ne backup ke taur par rakha tha. But yahan shocking ye tha Amy ab bilkul Jessie ki tarah dikharahi thi, hoo ba hoo. Uska face badal gayaa tha and use Rajeev ka number bhi mil jaataa hai. Vo apane chupaaye huve mobile se call karne jaati hai tabhi door bell bajataa hai.

Amy door open karti hai, saamne inspector Ramesh Narayan the. Ramesh pine keliye paani maangakar kehetaa hai hame aap ka khoyaa huvaa bag mil gayaa hai. Jaise hi Amy paani laane jaati hai Jessi vahaan aakar Ramesh se bag leti hai. Vo keheti hai ye mera bag nahi hai kisi aur ka hai. Aap galat bag lekar aayein hai. Amy Ramesh ko paani deti hai jahan uska chehera phir se normal hogayaa tha. Ramesh ko thoda shock lagtaa hai aur vo jessie se ek minute wait karne keliye kehetaa hai. Gaadi se ek dusara bag laakar detaa hai jise Jessie apana bag keheti hai. Vo ramesh ko thanks keheti hai jahan ramesh apana card dekar chalaa jaataa hai.

Raat me Jessie apane boyfriend Rajeev ko phone lagaati hai par rajeev use pehechaan nahi paataa. Indono ke beech thoda fight hotaa hai. Next morning Rajeev Jessie ko phone karke sorry kehetaa hai. Usne ab us doctor ke paas ek appointment fix kardiyaa tha jiske paas Jessie jaana chahati thi. Doctor se milkar Jessie keheti hai, meri sister Amy 25th November 1987 ko paidaa huvi. 18 saal hone ke baad uski body reverse me badane lagi physically and mentally. 16 saal hone ke baad vo ruka gayi. Ab nahi vo bad rahi hai yaa ghat rahi hai. uski body and mind 16 years ki hai jahan uski real age 25 years hai.

Doctor ko ye sunkar hasne lagtaa hai aur Jessie ko seriously nahi letaa. Jessie amy ki kayi saare photos, videos deti hai as evidence par. Doctor amy ka full body scan kartaa hai aur reports normal hi aataa hai.Vo photos, videos ko photoshop me banaaya huvaa kehekar Jessie ko clinic se bheja detaa hai. .

Baad me Rajeev Jessie ko ghar chodataa hai and koyi aur doctor ko consult karne ka idea detaa hai. Raat me Jessie apane laptop me kuch kaam kar rahi thi tabhi use Amy ki pukaarne ki awaz sunaayi detaa hai. Check karne par Amy puchati hai ki usne use kyun bulaayaa? Jessie keheti hai maine tumhe nahi tumne mujhe bulaayaa tha. Yahaan par Amy ajeeb se behave kar rahi thi. Jessie jab vaapas aati hai tab uska laptop ab chair par tha.

Ab use phir se Amy ki pukaarne ki awaz sunaayi detaa hai, isbaar Amy keheti hai mere bed ke niche koyi hai, please check karo. Ab Jessie check karti hai vahan bhi ek Amy thi jo keheti hai mere bed ke upar koyi hai check karo. Jessie isase behad dar jaati hai aur check karne par bed par koyi nahi hotaa. Ab achaanak ek haath Jessie ko bed ke niche kheench letaa hai.

Next morning Jessie apane bed par utati hai jahan uske legs par fingers ke nishaan the. Use kuch samajha me nahi aataa ki yahaan kya ho rahaa hai. Amy ab normal behave karti hai, aaj fishing jaane keliye zidda karti hai. Jessi uski demand maanti hai, ye dono puraa din fishing karke enjoy kartein hai. As indian movies me gaana toh honaa hi chahiye isliye ye sab hame ek gaane ke sahaare dikhayaa jaataa hai.

Raat me Jessie Amy ko dinner keliye bulaane jaati hai, jahan use ek sketch book miltaa hai. jisme daraavani drawings thi. Dinner ke time vo amy ko aise sketches na karne keliye keheti hai jisase amy bhadak jaati hai. Vo phuran gussa hokar ajeeb tarike se jessie par chillakar chalijaati hai.

Next morning Jessie ko Amy bath tub me unconscious milti hai, aisa lagtaa hai vo suicide karnaa chahati ho. Jessie use baahar nikaal kar Rajeev ko phone lagaati hai. Rajeev bhi ab Amy ki room ko check kartaa hai jahan daraavani drawings waal par thi, room pani se flodded tha. Vo ab ek psychiatrist ko consult karne keliye kehetaa hai.

Jessie ke ghar psychiatrist Dr Aradhya aati hai vo case ko study karke Amy se akele me consult karne ki baat karti hai. Jessie use Amy ke room ko bhejati hia, kuch time baad Dr Aradhya dar kar kaampati huvi baahar aati hai. Vo keheti hai Amy human nahi hai, agar jaan pyari hai toh pharun yahan se nikal jaavo. Vo ghar se bhagane lagti hai tabhi Amy uska raasta rokakar keheti hai Dr Aradhya kal apane ghar se baahar mat nikalna varnaa maare jaavoge.

Jessie ki pareshaani aur bad jaati hai use samajha me nahi aarahaa tha ki amy ke saath kya ho rahaa hai. Raat me Jessie ko phir se Amy ki pukaarne ki awaz sunaayi detaa hai aur is baar Amy use swimming pool me unconsciously tairate huve milti hai. Is sab se vo behad dar jaati hai.

Next morning inspector Ramesh Jessi ke paas aakar kehetaa hai Dr Aradhya ki car accident me death hogayi hai. Unke car par hame ye drkwing mili hai. Kyunki last time vo tumhare ghar par aayi thi toh do you know anything. Jessie us drawing ko identify karti hai as use Amy baar baar draw kar rahi thi. Vo bolne jaati hai par Rajeev use roka detaa hai. Vo inspector ko joot bolkar bheja detaa hai.

Jessie kitchen me Rajeev keliye coffee banaane jaati hai tab fridge me use Amy possessed state me dikhati hai. Jise dekhakar vo chillane lagti hai, jab Rajeev aakar check kartaa hai toh fridge normal hotaa hai. Ab indon ko Amy ke room se loud sound sunaayi dene lagtaa hai check karne par isbaar Amy clearly possessed thi. Vo possessed state me Jessie par hamlaa karne aati hai . Jessie ab keheti hai hame doctor ki nahi exorcist ki zarurat hai.

Jessi aur Rajeev ek professional exorcist ko dunkar use ghar par lekar aatein hai. Exorcist first time Amy ko check karke Rajeev ko ek dairy detaa hai. usme exorcism karne ka procedures aur vo sab items likhe the jo Rajeev ko laane the.

Next day Rajeev sabhi items ko laataa hai aur exorcist apana kaam start kartaa hai. Ek table par amy ko Jessie ke saamne bitaatha hai. Rajeev ko Jessise ko chair se baandane keliye kehetaa hai. Raajev jessi ko baandkar uske muh kobhi baanda detaa hai. Jessie ko samajha me nahi aataa ki kya ho rahaa hai as possessed toh Amy thi. Vo shor machaane lagti hai.

Exorcist chanting karne lagtaa hai, apane haath ko Jessie ke sar par rakhakar use Amy ki aur dekhane keliye kehetaa hai. Jessie jab dekhati hai toh Amy uske jaise hi dikharahi thi, vo vo Amy nahi thi jo vo jaanti thi. Excorcist kehetaa hai ye tumhari sister nahi hai, ye tumhari body nahi hai. Mirror me Jessie apana cheheraa dekhati hai and use vo pehechaan nahi paati. Exorcist apane glass ball me use vahi car accident waala scene dikhataa hai jise hamne first scene me dekhaa tha.

Jessie ki ankhen ab black hoti hai aur vo exorcist ki baat nahi maanti. Exorcist chanting karne lagtaa hai, Rajeev bell bajaane lagtaa hai jisase Jessie chillane lagti hai. Aur yahin par ye scene cut hotaa hai.

Ye sab ek back story thi jo ghost hunters team tv par dekharahe the. unhein bhi kuch samajah me nahi aataa. Jessie kun thi, uske jaise dikhane wali lady kun thi, amy ka kya huva. Shalini ab phir se ghar me ghosts se yahi savaal karti hai. Yahan Sameera ko achaanak pita par tez dard hotaa hai check karne par vahan I Dont know likha tha.

Sameera keheti hai ghar ke drawer me Rajeev and Inspector ka number hogaa hame unhein contact karnaa chahiye. Shalini ab ispector Ramesha ko phone lagaati hai aur Jessie ke baare me puchane lagti hai. Ramesha unhein phaarun vahaan se jaane keliye kehetaa hai. Shalini ab forcefully insist karti hai as professional ghost hunters unhein ye jaanane kaa curiosity hai. Ramesh again warn karte kehetaa hai aap log truth handel nahi kar paayeinge.

Ramesh ab victoria house aataa hai aur back story bataata hai. Aur yahaan khultein hai asali patte. Exorcism ke agale din hum Jessie ko ek naye ghar par dekhatein hai. Vahan Dr Aradhya thi jo jessie se apanaa naam puchati hai. Yahaan jessie apanaa naam Shruti keheti hai. Yahan par uski twin sister Amrutha, Ramesh, Exorcist and Rajeev bhi the. Yahan par shurti hi jessie thi and Amrutha hi amy thi.

Yahaan Ramesh Shuruti ko saari kahaani kehetaa hai. Mai jan 26th ke subah station par gayaa. Vahaan ek chor ki pitaayi horahi thi. Usne two sisters se ek bag churaayaa tha, sisters ne apana address Victoria house likhavaayaa tha. Do din pehele yaani 24th janavari ke subah 6 baje victoria house me rehenewaali two sisters ki death ek car accident me huvaa tha. Ek sister ke boyfriend Rajeev ne bodies ko cremate kiyaa tha.

Ab usi house me rehenewaali sisters ne subha saade aata baje missing bag ka complaint bhi darj karaayaa tha. Ye baat thodi ajeb thi. Station par road accident me milaa ek bag bhi tha, jiske id par naam jessie tha. Chor se mile bag me id name Shuti tha. Mujhe tab se hi shak huvaa ki kuch na kuch to gadabada hai. Maine jab house me bag lautaane gayaa tab twin sisters ko dekhakar surprice huvaa. Vahaan par jo ladaki apane aap ko jessie keherahi thi usne chor se mile bag ko identify nahi kiyaa. Balki accident spot se mile bag ko apana kaha. Mujhe vahin amrutha ka help me vaala sign dikha isliye maine apana card jesssie ko diyaa.

Baad me maine Rajeev and amrutha ko contact kiyaa aur saara story pataa chala. Shruti and amrutha hyderabad se is sheher aarahe the jahan beech me unhone Jessi ki car accident site ko dekha. Uske turanth baad hi jessie ki ghost ne shuti ko posses karliya. Lekin ghost ko pataa nahi tha ki vo body uski nahi hai balki dusari ki hai. Use amrutha Amy jaise dikhati thi isliye vo use lekar victoria house aayi. Ab Shruti ke body se jessie ki ghost ko nikaalana tha.

Hamne ne ek exorcist ko contact kiya aur puri story explain kiya. Jessie boot pret me maanti nahi thi toh pehele use yakin dilaanaa jaruri tha ki bhoot hotein hai. Isliye first Rajeev ne doctors se fake apointment fix kiyaa. Amrutha possessed hone ka naatak karne lagi, Dr Aradhya ne bhi naatak kiyaa, room me daraavani drawings lagaayi , har tarike se Jessie ko daraayaa. Jab vo convince hogayi tab exorcism karke jessie ki aatma ko tumhare ke body se nikaala. Shruti ko sab sunkar shock lagtaa hai. Ghost hunters team ko bhi shock lagtaa hai as ye unka first real experience tha.

Ab sameera achanak gaayab hoti hai. Sab log sameera ko dhundane lagtein hai. Ramesh puchataa hai sameera kaun hai. Abhi kehetaa hai vohi ladaki jo aapke bagal me baiti thi itani der, is ghar ki owner. Ramesh ab in sab ko jessie ke room lejaataa hai jahan ek potrait tha. Vo puchataa hai kya yahi sameera hai, jab sabhi log haami bhatein hai tab Ramesh kehetaa hai, yahi Jessie hai. Hame ab pharun yahaan se jaanaa hogaa warnaa maare jaayein ge. Is ghar me aane vaale 80% women missing hai, yahan ke rumors such hai, Jessie haunt kar rahi hai.

Ab ghar me achaanak sabhi items girne lagtein hai, tez havaa chalne lagti hai, sabhi log ghar se bhagane lagtein hai. Baahar aakar dekhane par shalini and Joe ghar par hi trap ho gaye the. Ramesh ke manaa karne ke baavajood Abhi and Mojo apane friends bachaane phir se ghar ke ander jaatein hai. Ramesh bhi unke saath jaataa hai as vo ek police offer tha, logon ko bachaana uska kaam tha.

Ghar ke under ab Jessie ne Joe ko possess kiyaa tha aur use shalini Amy lag rahi thi. Vo wall par ek message likhati hai leave or die. Chalejaavo varnaa maare jaavoge. Abhi abhi shalini ko dhundane lagtaa hai isase jessie gusse me ek ek karke sab ko maar daalti hai. Ramesh bhi usi ghar me trap ho jaataa hai. Film ki end me hame Jassie black dress me usi chair par baite huve dikhati hai. Boom Film yahin khatma hotaa hai.

Toh ye thi film Jessie ki kahaani. film ek psychological thriller and horror ka mixture hai. Indono ko achhe se mix kiyaa gayaa hai jisase ye ek unique genere bantaa hai. Cinematography bhi badiyaa hai. Lights, sound and atmospheric horror elements aapko daraane me kaamiyaab hotein hai. Backround music keliye waterphone instrument ka use huvaa hai jo india me pehelibaar hai. Film ki sab se badi strength iski complicated plot hai jo film ko unique banaati hai.

Baat kare film ki khamiyon ki toh logic kayi jagah thik nahi baitatha. Film me Jessie ka accident 24th Jan ko morning 6 o clock ko huvaa tha. Inspector Ramesh Jan 26th ko victoria house aataa hai.matlab do din tak 25 saal ki Amrutha kisi aur ke ghar par, apane wired tarike se behave karne waali sister ke saath rehe rahi thi. Use pataa nahi chalaa ki kuch toh gadabada hai, strange. Baad me use pataa chaltaa hai ki uski sister possess hogayi hai phir bhi vo uske saath fishing par jaati hai. Hammm boot ke saath fishing. Finally Jan 26th ke morning sabhi police officers republic day parade me hotein hai, chahe state capital ho, district capital ho, tehesil ho har jagah ek republic parade ground hotaa hai. Vahan officers ki duty hoti hai. Film ki date kuch bhi hosaktaa tha. Well overall ye ek badiyaa film hai.



Comments