The Call Explained in Hindi | Hinglish | Movie Spoilers

  The Call Explained in Hindi | Hinglish | Movie Spoilers

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj me ek thoda different movie explain karne jaarahaanu hoon. Film ka naam hai the call aur ye ek korian thriller movie hai. Iske writer director hai Lee Chung Hyun. Iski IMDB rateing hai 7.2 out of 10.yahana par mere hisab se kul 8 timelines hai aur unke different effects hai. jo plot ko confusing and complicated banaatein hai.

Film ki shuruvaat 28 years old kim seo yeon ke saath hotaa hai jo apane estranged mom Eun ae se milne jaarahi hai. Ise me timeline 1 kahungaa. Uske mom ka ghar rural area me tha. Raaste me use unke family friend Seong Ho car me lift detaa hai. Vo ek strawberry farmer tha. Seo yeon ne apane mobile ko train me khodiyaa tha isliye vo Seong Ho ka phone temporally borrow karti hai. Uske mom ke ghar par ek puraana unused land line connection tha jise ab vo activate karti hai.Ab us phone par ek call aataa hai jahaan ek ladaki young sook baat karti hai. Seo yeon use wrong number kehekar kaat deti hai.

Baad me vo apane mom se milne hospital jaati hai jahan uske mom ko brain tumer huvaa tha. Yahaan par Seo yeon apane mom ko like nahi karti thi aur indono ke rishte achhe bhi nahi the. Next day vo apane dad ke grave ko visit karti hai. Yahaan par ye death date november 27 1999 tha. Ye ek important scene hai. Raat me young sook phir se phone par us ghar ka address correct bataakar puchati hai ki kya vo sun hee ka number hai. Seo yeon phir se wrong number kehekar phone kaati hai. Baad me hame ab seo yeon ke leg par ek burn mark dikhayi detaa hai. Vo ab aadhi raat ko ek awaz ke shor se utajati hai dekhane par ek painting wall se niche giraa tha. Jab vo check karti hai toh use us wall ke piche seediyon mil thi hai. Vo ek hidden basement ka raast tha. Us basement me seo yeon ko ek dairy miltaa hai jo young sook ka tha. Usme kayi saare rituvals ke procedures the. Vahan ek ladaki ka photo bhi tha.

Next day seo yeon seong ho ko vo photo dikhakar puchati hai ki ye kaun hai? Kya vo ek shaman thi. Seong ho kehetaa hai ye young sook hai aur uski maa ek shaman thi jo unke aane se pehele is ghar ke care taker thi. Raaste me use Sun Hee naamak ek store dikhataa hai jo uske ghar ke paas hi tha. Phone par young sook yahan connect karnaa chaarahi thi par vo seo yeon ke ghar par lag rahaa tha.

Yahaan par huvaa ye hai young sook saal 1999 me usi ghar par reherahi hai jahan 2019 me seo yeon reharahi hai. Somehow inke beech ek phone call lag gayaa tha. Raat me seo yeon ko phir phone aataa hai jahaan young sook chikha rahi thi, mom mujhe jalaakar maar daalegi. Ab 1999 me young sook ko uski mom real me seediyon par jalane jaati hai jiska dhunvaa ab physically 2019 me seo yeon ko dikhataa hai. Seo yeon ye sab dekhakar kuch samajha me nahi aataa.

Next day november 18th ko seo yeon young sook ko call karke keheti hai mujhe tumhara dairy milaa hai, tumhaara photo bhi, ye thodaa ajeeb lagega par aisa lagtaa hai hum dono ek hi ghar par hai. Par alag alag times par. mai 2019 se bol rahi hoon. Ab Young sook ko lagtaa hai ye wrong no hai aur jaise hi vo phone cut karne jaati hai seo yeon keheti hai, aaj gimpo airport par ek plane crash hoga.

Hame ab 1999 me young sook aur uski mom dikhayi detein hai jahan young sook ko uski mom ghar par hi rakhati thi. Vo uski adopted mom thi. Young sook yahan mental hospital me bhi rehekar aayi thi implying ki vo mentally normal nahi hai. Young sook ko tv se ab plane crash ke baare me pataa chaltaa hai jisase vo shockingly surprise hoti hai.

Next three days ye dono phone par casually baatein kartein hai jahan young sook keheti hai meri mom crazy hai, use lagtaa hai mera future dangerous hai isliye vo mujhe kisise milne nahi deti, ghar par lock kar ke rakhati hai. Seo yeon keheti hai mere dad 20 saal pehele ek fire accident me mar gaye the jo clearly meri mom ki galati thi. Yahan par ye dono apane apane moms ko hate karti thi isliye inki bonding achhi hoti hai.

Ab 1999 me seo yeon aur uske mom dad usi ghar ko purchase karne aatein hai jahaan young sook rehe rahi thi. Yahaan seo yeon sirph 8 saal ki bachhi thi. Young sook ab family ko dekhakar surprice hoti hai aur chupke se adult seo yeon ko call lagaati hai. Call me seo yeon apane dad aur khud ki 20 saal pehele ki awaz sunti hai jisase vo kaaphi emotional hoti hai. Baad me young sook keheti hai mai tumhare dad ko bachaavoongi.

Ab november 27th ko young sook apane ghar se chupke se bhagati hai aur city jaati hai jahan currently seo yeon apane mom dad ke saath rehe rahi thi. Vahan cooking gas ko leak hokar ek dhamaakaa honaa tha jisme seo yeon ke dad marne vaale the. Ab Young sook kitchen me chup ke se jaakar gas off karti hai jisase 2019 me seo yeon ka reality badaltaa hai. Uska ghar change hotaa hai, uske paas mobile phone apane aap aataa hai, uske baal lambe hotein hai, uske legs par burn ka mark chalaajaataa hai. is reality me uske dad Mr Kim zindaa hotein hai. Yaani past me kigyai badalaav future ko effect kar rahi thi. Me is time line ko timeline 2 kahunga.

Seo yeon 20 saal baad apane dad ko zinda dekhakar emotional hoti hai as vo bachapan se hi apane dad se close thi. Yahan par ek scene dikhaya jaataa hai jahan young sook 1999 me apane room ke wall me ek hand ki drawing carve karti hai. jo instantaneously 2019 me seo yeon ko dikhataa hai. Yaani yahan par timeline real time me tha. Timeline har pal change hosaktaa tha. Ye ek important moment hai jiska importance end me pataa lagegaa.

Is reality me seo yeon kaaphi khush thi par young sook ka life change nahi huvaa tha. Us par uski mom ab bhi rituvals kiyaa karti thi. Ab aise hi ek voilent rituals me young sook ki mom ko kayi saare futures ki images dikhatein hai jisase vo dar jaati hai. Is rituval ke dauraan phone on tha jisase seo yeon ab young sook ki chikhane chillane ki awaz ko sun leti hai.

Next day vo apana ghar ka address internet par search kar history jaane ki koshish karti hai . jahan use ye pataa chaltaa hai ki young sook aaj marne vaali hai. Uski mom ko police ne murder keliye arrest kiya tha. Aparently vo black magic se mental illness ko treat kar rahi thi but jab vo fail hogaya tha toh usne young sook ko hi maar daala tha. Seo yeon ab dar kar ye baat young sook ko bolti hai. Ye baat somewhere in decembar me hai as ek scene me calender par 3rd december ka date dikhataa.( time stam 37:47 ) Agale reality ko me timeline 3 kahunga.

Young sook ab ghar me chupati hai jab uski mom use chaaku se maarne aati hai toh vo uspar hi hamlaa karti hai. Vo chillakar puchati hai mujhe kyun maar rahi ho, maine kya kiyaa hai. Mom keheti hai tumhaara future baaki logon keliye dangerous hai, kayi saare log marne vaale hein. Yooung sook ab uski shaaman beliefs se uub chki thi aur vo finally use fire extinguisher se maar daalti hai.

Young sook ab first time free thi toh bindaas ghumati hai, apane liye new dress leti ha. Idhar 2019 me old seong ho seo yeon ke ghar par kuch strawberry fruits lekar aataa hai. bagal me ham Christmas tree ko dekhatein hai implying ki ye Christmas eve hogaa. Yaani december 24th. Ab 1999 me bhi young seong ho strawberry ke fruits lekar young sook ke ghar aataa hai. Ghar me kuch der baad usko young sook ki mom ke body parts fridge se miltein hai jisase vo dar jaataa hai. Vp hadabadi me police ko call karne lagtaa hai par call seo yeon ko lagtaa hai. Seo yeon phone par seong ho ki awaz pehechaan jaati hai. 1999 me young sook ab seong ho ko bhi maar daalti hai as in use sachhayi maalum pad gayaa tha. Jaise hi seong ho martaa hai 2019 me reality phir se badalti hai jahan seong ho ki farm 20 saal pehele hi close hogaya tha. Ab is reality ko mai timeline 4 kahunga.

Ab seo yeon daudakar police station jaati hai aur seong ho ke baare me puch taach karne lagti hai. Ek middle age officer puchataa hai tum 20 saal pehele mare aadami ke baare me kyun jaananaa chahati ho. Vo apane cupboard se 1999 ka apana personal dairy nikaaltaa hai jime saare details the. Vo kehetaa hai seong ho ko young sook naam ke ek lady serial killer ne maara tha jiskeliye vo ab life time jail me hai.

Ab ek flashback dikhayaa jaataa hai jahan ye officer young tha, vo young sook ke ghar jaakar enquire kartaa hai. Use yahan first time shak hotaa hai. 2019 me seo yeon young sook ko phone par confront karti hai, use keheti hai vo life time keliye jail jaarahi hai. Young sook ko ye sunkar shock lagtaa hai as in vo abhi abhi toh apani mom ki jail se baahar aayi thi. Vo seo yeon ko history study karke jail jaane se rokane ka upaay dhundane keliye keheti hai. Par seo yeon manaa karti hai vo ek murderer ko help karnaa nahi chahati thi. Isase young sook gussa hokar revenge paalti hai as usne seo yeon ke dad ko bachaayaa tha par seo yeon favor lautaa nahi rahi thi.

Ab 1999 me phir se bachhi seo yeon aur uske dad ghar dekhane aatein hai. Isbaar young sook bachhi seo yeon ke saamne uske dad ko maar daalti hai. 2019 me seo yeon apane dad ke saath driving sikharahi thi tabhi nayaa reality start hotaa hai. Yahan par uske dad phir se gaayab hotein hai aur me is reality ko timeline 5 kahunga.

Seo yeon rote huve vohi puraane ghar par aati hai jahan vo ab ek khandar bangayaa tha. Par landaline chaalu tha. floor par pick up the phone seo yeon likhaa tha. Ab seo yeon phone utaathi hai aur chillati hai, puchati hai tum ne mere dad ke saath kya kiya. Young sook keheti hai maine favour kiyaa tha use vaapas liya bas. Ab tum mere saamne baite ho, mai tumhe ek ghante ka time deti hoon yadi usme mujhe answers nahi mile to mai tumhe bhi maar daalungi. Ab yahaan par young sook ne bachhi seo yeon ko chair se baanda kar rakha tha.

Seo yeon ab internet pe research karne lagti hai kuch der baad vo ek jagah ka address deti hai. Use thika 5 pm vahan jaane keliye keheti hai. Ab young sook thik 5 pm us address ko jaati hai jahan ek bada gas dhamaka hotaa hai jisase vo injured hoti hai. Basically ye ek gas accident ka spot tha jahan Seo yeon young sook ko bhejakar use maarana chahati thi. Briliant idea indeed. But ye plan fail hotaa hai aur young sook bach jaati hai.

Seo yeon ko pataa tha ki vo murder weapon knife police ko kaise milaa tha. Vo knife ek junk collector se police ko miltaa hai jisase unhone fingerprints nikaalkar young sook ko pakada tha.

Ab young sook ghar par aakar bachhi seo yeon ko torture karti hai uspar boiling water dalti hai jisase 2019 me seo yeon tadapane lagti hai. Uske pet aur legs par burns ke nishan dikhatein hai. Young sook keheti hai uski mom uske ghar aarahi hai yadi vo use correct address nahi degi toh next time vo use maar daalegi. Seo yeon ab bhakar police station jaati hai, forced entry karti hai aur us officer ke cuboard se uski dairy churaati hai. Use padakar vo correct information paas on karti hai. Young sook ko apana knife miltaa hai jise vo jalaati hai. Ye sham ka time tha 5 PM ke kuch der baad. Isike saath 2019 me reality phir se change hotaa hai jise me timeline 6 kahunga.

Is baar uska ghar ek normal house ke jaisaa hi tha but renovated tha. Ye house middle age young sook ka tha. Is timeline me vo jail nahi gayi thi aur vo apane 1999 version se phone par baat kar rahi thi. Phone par vo keheti hai tum aaj mar sakti ho. ( time stamp 1:28:43 in film)

1999 me Eun ae police station jaati hai aur apane husband aur beti ka missing complaint darj karaati hai. Time tha 7. 38 pm .Officer ko young sook par shak tha toh vo uske saath enquire karne keliye usi ghar ko jaataa hai. Apana saaraa movements dairy me likhate jaataa hai. Ghar par young sook jhoot bolti hai ki vo log ghar par aaye the but baad me chalyegaye. Officer ghar ko check karne keliye insist kartaa hai aur check kartaa hai. In Mean time Young sook aaram se tv dekhati thi jahan time ab 12 o clock hotaa hai aur date 1st jan 2000. new millennium ki eve par ye officer duty karhaa tha jo appreciable chiza thi.

Idhar 2019 me seo yeon is ghar me phone ko dhundane lagti hai aur use vo usi basement me miltaa hai. 1999 me Eun ae aur officer ghar par check kartein hai aur unhein bachhi seo yeon kahin nahi milti. Vo usi phone ko utakar apane husband ko call karne jaati hai but as usuaval call 2019 me seo yeon ko lagtaa hai. Seo yeon use mom kehekar bulaati hai aur pharun vahana se nikalne keliye keheti hai. Eun ae ko ye wrong number lagtaa hai and next scene me hi young sook officer par hamlaa karke use maar daalti hai. Eun ae phone ke saath dar kar bhagati hai , ek room me apane aap ko lock karti hai.

2019 me ab middle age young sook us basement me aati hai aur seo yeon par piche se hamlaa karti hai. close up shot me usake gale ke paas ek chot ka nishan bhi dikhataa hai. Young sook keheti hai tum aur me alag nahi hai, tum bhi jhoot bolti ho. Tumhare dad ki death tumhare wajah se huvaa tha. Tumhi ne gas ko on kiyaa tha , but police ke saamne apane mom par aarop lagadiya. Ab Indon me fight hotaa hai jahan finally seo yeon bhagakar ek room me apane aap ko lock karti hai. Isake paas bhi ab phone tha.

Eun ae phone par help maangati hai jisaka jawab dete huve seo yeon use room me padi kisibhi cheez se young sook ko maarne keliye keheti hai. Ab 1999 me young sook bachhi seo yeon ko room ke bahar rakhati hai jisi awaz sunkar eun ae baahar aati hai. Ab eun ae aur young sook ke beech fight hotaa hai jisme eun ae ko kayi jagah chot lagtaa hai. End me eun ae young sook ao lekar railing se kudati hai. jahan se gir kar dono behosh hotein hai. Ab yahaan khulne start hotein hai asale patte.

Railing se niche girte hi 2019 ka reality badaltaa hai aur vo ghar phir se khandar bantaa hai. Is reality ko mai timeline 7 kahaunga. Ab seo yeon ghar se bhagakar hospital jaati hai jahan uski mom nahi thi. Police station se bhi use us ghar ke owner ke baare me use kuch pataa nahi chaltaa. Baad me vo apane dad ke graveyard jaati hai jahan death date december 11 tha. Ab yahan achanak seo yeon ki mom aati hai aur seo yeon ko apana mobile switch off karne par datati hai. Hame yahan uske haath par, chati par chot ke nishaan dikatein hai implying ki usene apane beti ko bachane keliye tagadi fight ki thi. Vo dono ab us graveyard se jaane lagtein hai. Beech raaste me eun ae reality se gaayab hoti hai. End credit scene me hame dikhaya jaataa hai ki young sook railing se niche gir kar mari nahi thi vo abhi bhi zinda thi. Final scene me hum seo yeon ko us basement me chair se banda huva dekhatein hai jahan vo chillati hai. Boom film yahin end hotaa hai.

Toh ye thi film The Call ki story. Mai jaan taahun end kaaphi confuseing hai par let us understand. Timeline 5 ke end me young sook apana knife jalaati hai tab sham ka wakt tha. Lets say 7. 38 PM. Jab euan ae officer ke saath uske ghar aati hai tab time raat ke 12 baje tha. Kyunki timelines simultaneously change ho rahe the toh 7.38 se lekar 12 ke beech middle age young sook 2019 me zinda thi. vo usi ghar me reheti thi. Is 4.5 hour ki window me vo phone karke apane younger self ko keheti aaj hai tum mar sakti hao. Kuch bhi ho jaaye phone mat kaatana. 12 baje ke baad young sook aur eun ae ke beech fight hotaa hai aur middle age young sook reality se gaayab hoti hai. Ghar phir se khandhar bantaa hai.

Reality se gaayab hone ka matlab ye nahi hai ki vo insaan mar gayaa tha. Young sook railing se girne ke baad bach jaati hai aur us ghar se bhagati hai. Kyunki usase pehele eun ae bhi bach gayi thi aur usne bachhi seo yeon ko lekar bhagi thi. Police ab any time vahaan aasakti thi. Isliye young sook ne agale 20 saal tak us ghar ko abundant kiya . Isliye 12 baje ke baad vo ghar phir se khand har bantaa hai.

12 baje se pehele seo yeon ne black sweater pehenaa tha lekin jab reality change hotaa hai uska sweater blue colour ka hotaa hai. Next day jab vo police station par enquire karne jaati hai tab time subaha ka 7:36 am tha. Yaani vo graveyard scene 1st jan 2020 ko huvaa tha. eun ae ka reality se gaayab hone ka answer hai ki agale din yaani 1st jan 2000 ko young sook ne use maara hogaa. Vo bhi morning ke 7.36 am ke baad. Jai se vo 2000 me use maarti hai 2019 me reality change hotaa hai . Ise me timeline 8 kahunga . End me middle age young sook seo yeon ko kidnap karti hai aur use usi basement me lock karti hai.

Timeline 4 me seo yeon ke dad ka murder Christmas ke baad huvaa tha par tombstone par death date december 11 tha. Iska reason hai young sook ne unhein december 11 ke din maaraa tha. Young sook ko first time uski mom ne chaku se maar daalti hai yadi use bachanaa hai toh future se use phone call aanaa zaruri tha. Timeline 8 me young sook zinda thi aur vohi apane ghar se apane past version se baat karti rehati thi. Usni ne hi phone karke apni mom ke baare me bataayaa tha, seo yeon ke mom dad ko maar daalaa tha taaki vo us ghar ko kharidn sake. Istarah young sook timeline 8 me bina seo yeon ke madad se bhi zindaa thi

Film ki sab se badi plot hole mujhe ye lagi ki police officer ko station se ghar aate aate char ghante lag gaye. Maana ki new year eye hai traffic hogaa par char ghante. Ye toh kuch jyada huvaa.

End me kahe toh Ye movie ek master piece hai aur ise samajhanaa aasaan nahi hai. Film ki plot line, visual effects, dialogues sab badiyaa hai. Kyunki Film ki ending young sook ke victory ke saath hotaa hai isliye ye ek happy ending nahi hai. Shayad iska second part bhi aasaktaa hai jahan young sook ka anth dikhayi de.





Post a Comment

0 Comments