Skip to main content

50 States Of Fright ( Part 1 ) | Movie Spoilers | Hinglish

50 States Of Fright ( Part 1 ) | Movie Spoilers | Hinglish

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj se me saal 2020 me release huvi 50 states of fright naam ke ek horror anthology series ko explain karunga jo basically short stories hai. is series ke do seasons Quibi streaming platform par release huvi thi. Is series me hame america ke 50 states ke fifty different urban legends, folklore and scary stories dekhane ko milengi. Har states ki stories alag alag hai isliye sabhi episodes bhi independent hai. Is series ki overall IMDB Rateing hai 6.5 out of 10. different episodes ko different logo ne likha hai and direct kiyaa hai.

First three episodes me ham Michigan state ki horror story dekhatein hai. Is episode ke writer director hai Sam Raimi. Is story ko andy naamak ek worker narrate kartaa hai jo dave naamke ek craftsman ke farm par kaam kartaa tha. Is farm me dave maple trees se syrup extract kartaa hai and red oak trees se red wood extract kartaa hai. Isase vo handmade furniture banaataa tha. Dave and uski wife heather high school se couple the. Dave heather se kaaphi pyar kartaa tha. Vo dekhane me behad khoobasurat thi but heather thodi kharchili bhi thi. Vo dave ki budget se jyada kharch karti thi, gold ornaments use behad pasand the.

Ek sham Dave and heather ek dinner party keliye jaane waale the. Andy kisi kaam se us din work par nahi aataa toh Dave heather ko help keliye kehetaa hai. Basically vo ek oak tree ko kaatne waalaa tha jahan heather ko tree se jude rassi ko kas kar pakadanaa tha. Heather rassi ko pakadkar khadi hoti hai tab lakadi ke ek chotaa tukada rassi ke pully me phas jaataa hai jise ye dono notice nahi karte. jab dave tree ki trunk ko finally kaatataa hai tab pully me lakadi ke tukade ke karan rotation hotaa hai. Puraa tree dusare taraf girne ke bajaaye heather par girtaa hai. Heather ki haath tree me phas jaati hai and vo bleed karne lagti hai. Dave shock me, koyi aur alternative nahone ke kaaran heather ki haath ko axe se kaat detaa hai.

Is accident ke baad heather mentally tuta jaati hai, use lagtaa hai vo beautiful nahi hai, perfect nahi hai vo hamesha udaasa rehene lagti hai. Dave use ek prosthetic arm laakar detaa hai jise vo badsurat kehekar inkaar karti hai. Dave uskeliye ek beautiful prosthetic design kartaa hai jise dekhakar heather khush hoti hai. Us arm ko gold me banaane keliye zidd karti hai, Dave apani financial conditions ko dekhate huve bhi maan jaataa hai. Ghar gidavi rakhataa hai, tractor bejataa hai but golden arm banaataa hai. Finally heather ki mental health improve hoti hai, ko khushi se rehene lagti hai.

Kuch mahine baad winter aataa hai jahan doctors heather me pulmonary gold disease ko detect kartein hai. Uske golden arm se gold skin ke through leach hokar heather ko slowly poison kar rahaa tha. Ye terminal tha yaani heather ki bachane ki ummed nahi thi. Heather arm ke saath hi daphan honaa chahati thi, isliye vo dave se promise bhi leti hai. Basically vo death me bhi perfect dikhanaa chahati thi, gold se too attached thi. Dave agree hokar heather ko uske golden arm ke saath hi burry kartaa hai.

Kayi mahinon ke baad US economy great recession me chali jaati hai, hand made furniture's ki market khatm hojaati hai. Dave andy ko afford nahi karpaataa, house par liye loan amount bade jaarahe the, Dave ab financially broke tha. Pareshani me jyada drink kartaa hai tabhi use yaada aataa hai ki heather ki grave me goldan arm hai, vo as a last measure use lene jaataa hai.

Heather ki grave khodakar uski arm lene jaataa hai but vo arm body se baahar nahi aataa. Vo apane axe se use kaatane jaataa hai tabhi heather ki ankha khulti hai jaise use warn kar rahi ho. Dave thoda dar kar uski ankha band kartaa hai, uske haath ko kaatkar golden arm letaa hai. Jaise hi uski flashlight heather ki ankha par padati hai tab heather ki ankhen phir se open hoti hai. Dave dar me kaampate huve apane ghar ko bhagataa hai.

Jaise si vo ghar aataa hai paranormal activities start hoti hai, ghar ke baahar tez havaa behene lagtaa hai. Dave main door lock karke aataa hai toh heather ki ek photo niche girti hai. Jisme vo axe lekar khadi thi, ghar me kayi types ki sound aane lagtaa hai and heather ki photo achanak badal jaaati hai. Baad me tez hava se main door khultaa hai, heather ki soul apane dead body ko possess karke apana golden arm lene vaapas aayaa tha. Dave bhagakar apane room me chupataa hai jahan heather puchati hai mera golden arm kahan hai, tumne kahaa tha tum use mere saath hamesha rakhoge. Dave bed par chaadar odakar kaampa rahaa tha, vo dinaa soche golden arm vaapas kartaa hai. Golden arm milte hi heather vahaan se chali jaati hai. Jab Dave apani chadar nikaal kar dekhataa hai tab heather achanak uspar axe se hamlaa kar kar uske galye ko kaat deti hai. Iske baad ham heather ki body dave ke saath usi bed par dekhatein hai.

End me Andy kehetaa hai police ke officially records ke mutaabik kisiko nahi pataa ki dave ko kisne maaraa . But town ke sabhi logon ko pataa hai dave ko kisne maaraa. Is incident ke baad hamne heather ki body ko uske golden arm ke saath hi daphanaayaa as she wanted. Sab ko us gold ke baare me pataa hai but kisi me himmat nahi hai ki jaakar lele. Iski ke saath ye story end hotaa hai.

Next three episodes me ham Kansas state ki story ko dekhatein hai. Is story ko ek small town ki sheriff ek reporter ko narrate kar rahi thi. Starting me ham single mother susan and uski beti amelia ko dekhatein hai jo road trip par hai. Amelia susan ke beech takaraav hai as amelia apane dad se close thi jo mar chuke the. Susan apani beti ke karib aanaa chaharahi thi but amelia use vo mauka nahi derahi thi. Susan road side ek bill board dekhati hai jispar duniyaa ki sabse badi ball of twine ka add tha. Susan amelia ko cheer up karne keliye us town me jaati hai.

Town me jaati hai susan ko racism ka saamana karnaa padataa hai jahn ek aadami puchataa hai ki vo log kahan se hai. As they americans ki tarah nahi dikharahe the. Baad me town ki sheriff susan ko welcome karti hai, susan and vo chat karne lagthein hai and amelia akele hi ball of twine dekhane jaati hai.

Basically ye ball of twine ko dore se banaayaa gayaa tha jo ab ek tourist attraction tha. Ise Greg Cawker naam ke ek aadami ne 1954 banaana start kiya tha, ise banaane keliye use 20 saal lage, iski weight 10 tons thi and height 14 feet thi. Mr Cawker ne ise apane do bachho ke yaad me banaayaa tha. Ye sab history amelia pad rahi thi tabhi use ball se kayi saare bachhon ki awazein sunaayi detaa hai. Amelia curiosity me apane kaan ko us baal par lagaati hai tab hame uske piche ek haatha dikhayi detaa hai. Baad me us jaise kayi saare haath amelia ko ball ke under khinch letein hai.

Baad me Susan amelia ko dhundate huve baal ke paas aati hai but use vo kahin nahi milti, sirph uska ear phones miltaa hai. Susan panic me amelia ko dhundane lagti hai. Vo town ke sabhi logon se puchati hai but koyi kuch nahi kehetaa. Finally vo sheriff se ek search party organise karne keliye keheti hai.

For strange reason Sheriff Stallings is case ko coolly lekar keheti hai, seach party se inkaar karke susan ko office me wait karne keliye keheti hai. Vo baahar jaakar baaki officers se kuch discuss karkr unke saath susan ke paas aati hai. Vo do officer susan ko kas kar pakadatein hai jahan sheriff apane muh se ek smal ball of twine ko ugalti hai. Jo dekhane me dil ki tarah dhadakarahaa tha. Vo susan se keheti hai amelia ab sirph tumhari nahi hai, vo badal gayi hai, tumhe use dekhana hai toh tumhe bhi badalanaa hoga.sheriff forcefully us ball ko susan me much me daalti hai.



Isase susan choke karne lagti hai, vo niche ground par girti hai, vo undono officers par achanak hamlaa karke sheriff ke face par bhi marti hai. Sheriff ke face se khoon nikalne ke bajaaye twine nikalti hai yaani is town ke log twine se bane zombies se convert hogaye the. Susan vahan se bhagakar dusare room me apane aap ko lock karti hai, apane throat se us twine ko nikaalkar maar daalti hai. Vahan par emergency axe lekar sabhi pollice officers par hamlaa karti hai, sheriff ki haath pair kaat daalti hai. Sheriff tadapate huve keheti hai bachhe akele hai isliye hamne aisa kiyaa tha. Susan ko ab pataa chalgayaa tha ki amelia usi ball of twine me hai. Baad me ham sheriff ki body phir se judate dekhatein hai as in wolverine in x mens.

Us ball of twine ke saamne town ke baaki zombies bhi khade the jo susan ko rokane jaatein hai. But susan determined thi vo ek ek kar ke sab par hamlaa karke finally us ball tak pahunchati hai. Uspar lagaataar hamlaa karke use open karti hai.uske ander kayi saare bachhon ke trapped soul the jo susan ko grab karne lagtein hai. Finally susan ko amelia dikhati hai jo behosh thi. Uske bagal me do aur dead bodies thi jo basically Mr Cawker ke bachhe the. Ye ball of twine unka kabra tha. Susan amelia ko lekar baahar jaane lagti hai tabhi twine phir se apane aap seal hone lagtaa hai. amelia ko hosh aataa hai , vo susan se chipak kar keheti hai tum mujhe lene aaye. Amelia susan ko accept karti hai. Ab ball of twine bhi full seal hogayaa tha jise dekhakar susan apana fate accept karti hai. Sheriff ab vahan aakar keheti hai isme darne ki koyi baat nahi hai , aur bhi log aayeinge.

Kuch din baad susan and amelia officially missing the jis ke news ko cover karne keliye ek reporter sheriff ke paas aayi thi. Sheriff use ek dusari story sunaati hai, susan and amelia ball of twine ko dekhane aaye the, jahan amelia kuch pal keliye kho gayi thi, town ke sabhi logon ne use dundha par vo nahi mili. End me vo ball ke paas hi mili. Iske baad vo dono is town se chalegaye. Basically sheriff joot bolkar us reporter ko ball of twine dekhane lejaati hai. Yaani uska bhi sacrifice. Yahin par ye story end hotaa hai. Aap ko bataadoon reality me duniya ka largest ball of twine kansas state ke cawker city me hai. Ye 49 feet chuda hai, 10 tons isai weight hai, ye ek tourist attraction hai.

Hope ki ye short stories aapko pasand aayaa hogaa. 

Previous : Equinox        Next : Part 2

Comments