Skip to main content

50 States Of Fright ( Part 2 ) | Movie Spoilers | Hinglish

 50 States Of Fright ( Part 2 ) | Movie Spoilers | Hinglish

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

50 states of fright series me hame america ke 50 states ki urban legends, folklore and scary stories dekhane ko milengi. Har states ki stories alag alag hai isliye sabhi episodes bhi independent hai. Is me states Oregon and Minnesota ki story ko explain karunga.

Episode 7 and 8 me hame Oregon state ki ek urban legend ki kahani dikhaya jaataa hai jise ek young taxidermist explain karti hai. Taxidermist ek art form hai jahan dead animals ki skin ko nikaalkar uske under fillers bhare jaatein hai. Animals ko realistic banaayajaata hai, aise animals ko log decorative’s ki tarah ghar me, office me, hotel lobbies, ithadi jagaha use kartein hai.

Is story me ham sebastian klempner naam ke ek taxidermist ko dekhatein hai jo apane masterpieces keliye famous tha. Ek barphili snowfall ke raat sebastian apane workshop me kaam kar rahaa tha. vo apane poject deer ko complete kartaa hai tabhi uske door par ek knock hotaa hai. Door par ek customer aayaa tha jise sebastian closed kehekar bhagaane lagtaa hai. Customer persist karke kehetaa hai tumhe ise dekhana chahiye. Uske car ke niche ek animal aakar margaya tha jiski body volaayaa tha. Vo us body ko dikhakar kehetaa hai maine apane zindagi me aise animal ko nahi dekha hai, pataa nahi kya hai. Us animal ke lambe naakhun the, strong teeth the. sabastian ko bhi pataa nahi lagtaa ki ye kaun sa jaanwar hai.

Ye dono animal ki corpse ke shop me laatein hai jahan sebastian examine karke kehetaa hai, iska kuch nahi ho saktaa. Ye beyound repair hai. Vo customer corpse ko megan bloom naamak dusare ek taxidermist ke paas lejaane ki baat kartaa hai. Jo actually vo young lady thi jo is story ko narrate kar rahi thi and vo Sebastian ki competitor thi. Megan ka naam sunkar sebastian job accept kartaa hai, kehetaa hai jo megan karti hai vo taxidermist nahi hai, vo taxidermy ki art ko bigaad rahi hai, uske haath se taxidermy honaa death se bhi battar hai. Vo customer khush hokar chalaa jaataa hai.

Sebastian us corpse ko clean kartaa hai, uski skin ko nikaaltaa hai, apani anatomy book me iske baare me dhundane lagtaa hai. ab us skin ke ander fillers daalata hai, do artificial eyes bhi daaltaa hai. Final figure ko dekhakar vo dang rehe jaataa hai as in vo ek Sasquatch tha. Sasquatch ka scientific naam hai homo sapien cognatus ye lupt hogaye early apes ki category me aane waale jeev hai. Jo sebastian ke saamne tha vo ek baby Sasquatch tha. In Sasquatch ke baare me sebastian apane ek anatomy book me padane lagtaa hai tabhi door par loud bang hone lagtaa hai. door par vohi customer tha jaise hi sebastian door kholataa hai ek gaint Sasquatch us aadami ki skull ko crush kartaa hai. Jise dekhakr sebastian workshop ke ek room me chup jaataa hai.

Ye Sasquatch us baby Sasquatch ki maa thi, vo workshop me aakar thod phod karti hai, apane bachhe ki body parts ko dekhakar chillati hai. Sad hokar vaapas jaane lagti hai, tabhi sebastian ko apane hide out baahar aakar us jaint ko baby Sasquatch ki body detaa hai. Pehele toh vo use dekhakar khush hoti hai.vo baby Sasquatch ki body abhi settle nahi huvaa tha, artificial eyes thik se chipake nahi the toh vo pop up hokar niche gir jaatein hai. Mommy Sasquatch ab gusse me sebastian par hamlaa karke use maar daalti hai.

End me Mogan keheti hai pura community Sebastian ki untimely death se shock huva. Vo ek respectable taxidermist tha. Baad me ham Sebastian ki hi ek life size body ko mogan ke workshop me dekhatein hai. Yaani mogan ne uska taxidermy kiyaa tha binaa uske consent ke. Sasquatch ko big foot bhi kehetein hai. Folklore ke mutaabik aise animals canada and northen american ke jungles me paaye jaatein hai. Kayi log ise dekhane kaa daavaa kartein hai but ab tak ye sirph davaa hi rahaa hai. Iske koyi pukhtaa evidence nahi hai.

Episodes 9, 10 and 11 me hame ek aur northern state minnesota ki urban legend ki kahani dekhane ko miltaa hai. Do police officers Mr lundstrom naam ke ek truck driver ko interrogate kar rahe the. Driver daraa huvaa tha vo kehetaa hai route no 99 par 4 ghante se traffic jam tha, mujhe delivery karne me late horahaa tha isliye maine island me se shortcut liyaa. Mai is raaste par dinme bhi nahi ataa, yahan ki sabhi stories maine suni hai. Ab hame iski back story dikhayi jaati hai.

Grey cloud island ke Woods ke bejon beech do masked senior student chaar newbie students ko ek wan se utaartein hai. Ye dono senior high school students kappa club ke members the jo in chaaron ki personality check karne aaye the. Newbies ko kappa club me shamil hone keliye ye ek task detein hai, chaaron ko raat bhar paidal chalkar island ke starting point ko jaanaa tha. Iskeliye do raaste the ek road waala jisase 4 ya 5 ghante lagane waale the , dusara island ke woods se hokar tha jo travel time ko aadha kartaa tha. Ye grey cloud island haunted hone se infamous tha jahan ki aabaadi behad kam thi. Chaaron ke paas mobiles,flash lights yaa map kuch bhi nahi tha, sirph inko binaa dare island ko cross karnaa tha. Isake baad do no seniors apane wan me chale jaatein hai.

Ab chaaro log chotaa raastaa chuntein hai jahan ek ek karke sabhi log yahin ki urban legend ke baare me kehetaa hai. Ek island ko native indians ki burrial land kehetaa hai, dusara yahan ek headless woman ghumane ki baat kartaa hai. Tisara ek pick up truck ke baare me kehetaa hai jo logon ko kuchalate huve jaataa hai. Chautha ek earth hole ke baare me keheta hai jo apparently hell ki 8th gate hai.

Ab in chaaron ko white dress me do log dikhatein hai jo mashal lekar ek barn me jaarahe the,inko lagata ye do log unke vahi senior hai, ye pura task ek majak samajhakar ye log usi barn me ghusate hai. Vahan inke liye koyi welcome party nahi hoti balki vahan ek ladaki ko chain se bandha gayaa tha. Uske much ko bhi metal cover se dakhadiyaa gayaa tha. Inhein kuch samajh me nahi aataa, ye log us ladaki ki madad karne jaatein tabhi ek bada hatta katta aadami vahan aataa hai. Usne bhi metal helmet pehenaa tha. Peter us aadami se confront karne jaataa hai toh vo aadami bina kuch kahe ekdam, ek dagger ko, peter ke sar ke aar paar nikaaldetaa hai. peter instantly vahin marjaata hai, vo aadami baaki students par hamlaa karne aataa hai but blood spillage ke kaaran vo philsal kar niche girtaa hai. Baaki student apane shock, panic and dar me pharun us par hamlaa kar ke , use uski dagger se maar daaltein hai. Later vo us ladaki ko lekar vahan se bhagane lagtein hai. Kuch der baad white dress me ek lady aati hai jo dikhane me warrior jaisi thi, vo open chains ko dekhakar students ko dhundane lagti hai.

Ye teen student and vo ladaki woods me bhagane lagtein hai, ek bade se earth hole par aakar rukatein hai. Jo kaaphi wide and deep tha. Dusare seen me ham un do seniors ko dekhatein hai jo apane wan me baitakar music sun rahe the. Tabhi uske samne kisiki movement dikhataa hai, head lights chalu hote hi ham usi warrior lady and uske saatiyon ko dekhatein hai. Ye log seniors ko maar daaltein hai.

Woods me teeno students ko ek ghar dikhataa hai jisme ek old lady akele reha rahi thi, ye log unke ghar zabardasti ghuskar help maangatein hai. Brandan shanti se sab kuch explain kartaa hai, old lady us chained ladaki ko dekhakar dar jaati hai. Vo keheti hai ghar me guns nahi hai, self protection keliye sirph pepper spray hai. Ab Robbie ghar ke phone se police ko phone karne jaataa hai, brandan bolt cutter dundane basement me jaataa hai. Ashley us ladaki ko lekar guest room me rukataa hai. Old lady ab sab keliye tea banaane lagti hai, gas par tea pot rakhakar vo Robbie ke paas jaati hai. Robbie 911 ko dial kar kar wait kar rahaa tha, tabhi achanak ye old lady robbie par piche se hamlaa kar ke uske gale ko kaat deti hai. 911 ko operator ko joot bolti hai ki uske grandson ne majak keliye ye kiyaa hai.

Brandan ko basement me kayi saare axe dikhatein hai jo warrior lady ke paas the , yahan aisaa lagtaa hai ye old ek retired warrior hai.ab Ghar me lights chali jaati hai, chained ladaki wall par tangi ek potrait ko dekhati hai jisme ye warrior cult devil jaise dikhane waale creatures se fight kar rahe the. Robbie andhere me ashley and brandan ko dhundane lagtaa hai, kitchen me jaakar tea pot off kartaa hai. Jaise hi vo mudataa hai tab old lady uspar pepper spary chidakar use bhi maarne jaati hai. But this time chained ladaki piche se aakar old lady par hamalaa karti hai, vo use kitchen knife se maar daalti hai. Baad me ashley brandan ko basement se nikaaltaa hai jahan old lady ne use lock kiyaa tha. Ye log Robbie ki dead body ko dekhatein hai. Ghar ke dur kayi saare cult members mashal lekar inke tarah hi aarahe the, jise dekhakar ye teeeno back door se bhagatein hai.

Warrior lady inka pichaa karne lagti hai, dur se hi vo apane axe ko robbie par phenkati hai jo uske sar par lagtaa hai. Ye bhi instantly martaa hai. Brandan panic me usladaki ko lekar road ki aur bhagataa hai. Road par ye Mr lundstrom apane truck se jaahare the, brandan unke saamne aakar lift maangataa hai, jab mr lundstrom manaa kartaa hai vo vo jabardasti unke pick up truck par chadataa hai. Warrior lady apana axe phenkati hai but vo miss hotaa hai. Ye dono bacha kar nikaltein hai.

Finally truck me brandan us ladaki ki metal helmet ko nikaaltaa hai. Vo ladaki smile karte huve apane nuile daant dikhati hai, vo ek creature me convert hokar brandan ko kaat khati hai. Truck se jump kar kar woods me bhagati hai.Driver Mr lundstrom ye sab dekhakar dar jaataa hai. Police station me vo yahi story officers ko kehetaa hai. Officers uski baat se surprise na hokar kehetein hai zyadaatar time koyi demon hotaa hai, puraane indian settlers ne yahan limestone ki minning karte the but tabhi unhone hell ki 8th gate ko open kar diyaa. Island ke earth hole se kayi saare creatures baahar aatein hai, island ke log unhein hunt kartein hai. Police officer Mr Lundstrom se puchatein hai ki kya unhone ye baat kisi aur ko toh nahi kahi. As officers and island ke log ise secret hi rakhanaa chahate the. Most probably officers Mr lundstrom ko bhi maar daaltein hai.

Grey cloud Island haunted hone se infamous hai. 2010 me yaahn sirpha 307 log reha rahe the. Yahan par ghost stories itane hai ki koyi yahan aanaa nahi chahataa. Yahan 1800 tak indian trides rahaa karte the, inka yahan ek cemetry bhi hai. Karib do hazaar saal se bhi indians tride yahan the. Lekin aaj kal nahi. Yahan log kehetein hai farmer indian chiefs ki souls green lantern ko lekar ghumatein hai. Cemetry ki paas kayi aawaz sunaayi dene ka daava bhi kayi log kartein hai. Kayi log ek woman ki baat kartein hai jo raat ko yahan ghumati hai. In shorts yahan kayi ghostly stories hai.

Previous : Part 1   Next : Part 3

Tags : Hindi Story, Hindi spoilers, Hollywood film ki kahani,film ki story

Comments