Skip to main content

Hunter Hunter Explained in Hindi| Hinglishxyz | Movie Spoilers

Hunter Hunter Explained in Hindi|Hinglish|Movie Spoilers

Film ki kahani Joseph and uski family ke upar hai jo fur trading me hai. Fur trading ek old vanishing trade hai jahan hunters wild animals ko jungle se pakadatein hai. Uske skin ko bechakar paise kamaatein hai. Animals ka fur cloths me , taxidermy me use hotaa hai. Fur coats aaj bhi famous hai. Due to increasing awareness aaj kal log animal products ko kam use kar rahein hai. Isliye Fur trading ab decline par hai.

Joseph ka ek ancestral cabin canada ke ek jungle ke paas tha. harvest season me vo vahan apane wife Anne and daughter Renee ke saath reheta tha. Joseph ek professional hunter tha, uski family teen generation se is business me tha. puraane jamaane me ye ek profitable trade tha. But now its a loss making job. Joseph ki financial haalat kharab thi, vo behad hi poor tha. Animals ko pakadane keliye usne trap lines bhichayaa tha. Renee Joseph se hunting sikharahi thi and Anne ek house wife thi. Anne chahati thi Joseph ye trade chodakar city me koyi aur kaam kare but Joseph ise chodana nahi chahataa tha. Ye uska identity tha, uska life style tha.

Inke ye steady life me tab tufaan aataa hai jab dinner ke dauraan Renee Anne se keheti hai Wolf vaapas aagaya hai, usne trap lines se hamara shikar khayaa and chalaagaya. Wolfs hamesha jhunda me hant kartein hai, 8 to 10 wolfs ki ek pack hotaa hai jo kisibhi large animals ko maar giraane me saksham hotein hai. Lone wolfs aksar old females hoteinn hai yaa new territory ko dhundane keliye aaye huve wolf hotein hai. Wolfs me aise lone way may hunt karnaa rare hai.

Anne ko ye baat pareshan karne lagti hai vo Joseph se keheti hai is baar hame is wolf ko hant karne keliye police ki madad leni chahiye, vo hamare taraf attracted huvaa hai, use sab trap lines maalum hai, vo roz aayega. Anne actually is sab ko chodakar city me settle honaa chahati thi. Renne ko school bejhana chahati thi as home schooling thik se nahi horahi thi. Joseph and Anne ke beech is topic ke upar thoda fight hotaa hai , Joseph kehetaa hai mai us wolf ko pakad lunga.

Next day early morning vo apane traps ko lekar wolf hanting keliye jaane lagtaa hai. Reene bhi uske saath aane keliye zidd karti hai toh use bhi lejaataa hai par ek condition rakhataa hai. Vo apane saath ek walkie takie lejaata hai. Jungle me har tarp lines par meat daalkar jaal bhichataa hai, kuch der use wolf ki fresh tracks dikahtein hai. Vo safety keliye Renee ko vaapas bhejataa hai, use kehetaa hai jaate time yadi koyi bhi awaz dikhe toh bhagana mat, first ek goli chalaavo jo bhi jaanvar hogaa vo bhag jaayega. Renee ke jaane ke baad joseph wolf ki tarah awaz nikaal kar use bulaane lagtaa hai.

Kuch der baad use dur vo wolf dikhataa hai but surprisingly and shocking vo ek human hand ko khaa rahaa tha. Jo ki ek highly unusual baat thi. Ye ek wild jungle tha jahan tourist ka aanaa manaa tha. Joseph uspar goli chalaataa hai but vo Wolf bachakar bhag jaataa hai. Now Joseph us hand ki origin ko dhundane lagtaa hai, jungle ke beech me ek road jaataa tha jise cross karke vo dusari aur jaataa hai. Vahan kuch ped ke upar cross se marking kiyaa gayaa tha meaning ye jungle se road tak aane keliye identification marks the. Joseph un marks ko follow kartaa hai toh use kayi saare young woman ki naked dead bodies milti hai. Yahan ajeb baat ye thi ki vo sab bodies ek circular shape me padi thi.

Joseph cabin par vaapas aataa hai iske baare me kisi ko nahi bataataa, kehetaa hai usne wolf ko shoot kiyaa but vo bachakar nikal gaya. Next day vo apane cabin me padi biggest traps ko lekar hunting par akele jaataa hai.

Anne and Renee as usual nadi ke kinaare apane clothes ko wash kar rahe the tabhi Wolf vahan aakar attack karne lagtaa hai. Anne bhina bhage ground par datakar wolff par jor jor se chilaati hai, wolf ko daraati hai, jaise hi wolf bhagataa hai vo apane rifle ko lekar Renee ke saath cabin me daudakar aati hai. Renee ko cabin me band karke wolf ko hant karne bhagti hai but wolf use kahin nahi miltaa. Wolf ne unke family dog Tova ko khakar bhag gayaa tha. Anne rote huve Tova ko burry karti hai. Joseph us din cabinko vaaps nahi aataa next day morning Anne and Renee ko wolf poop me ek human ring miltaa hai. Yaani Wolf ne human finger ko khayaa tha jisme ek ring tha.

Anne ko dekhakar dar lagtaa hai vo pharun Renee ke saath local police office station ko jaane lagti hai. Joseph ka ek pick up truck tha jise ye log road ke paas park karte the, vo inke cabin se kuch minutes ke duri par tha. Station par Officer Lucy and Barthes incharge the, unhein ek local residence se bear attack ka call aataa hai. Officer Beathes spot par jaakar bear ko maar daaltaa hai, us resident par bhi $500 ka fine lagaataa hai as usne apane wastage ko thik se dispose nahi kiyaa tha. Jisase bear attract hokar khane aayaa tha. Station ko vaapas aate time vo ek car ko bhi dekhataa hai jo jungle ke road me park tha. Uske aaspaas koyi nahi tha.

Sation par officer Lucy Anne se keheti hai jungle unke eelaake me nahi aataa, vo forest department ka area hai, jungle me wolf toh hunt kartein hi hi, ye unka natural behavior hai. Va thoda surprise hoti hai ki Anne and Joseph us jungle me itane saalon se rehe rahe the. Anne keheti hai unke paas hanting ka license hai, joseph ki family teen generation se is business me hai. Par phir bhi police anne ki koyi madad nahi karti.

Anne ab food keliye ek baby deer ko maarti hai jo Renee ko achha nahi lagtaa. As Joseph ne use kahaa tha baby animals ko maarana manaa hai. Renee aapni mom ko deer ki skin nikaalnaa sikhati hai jo use Joseph ne sikhayaa tha. Regularly Joseph hi ye kaam kartaa tha isliye Anne ne ise kabhi nahi sikha tha. Lekin aaj Joseph nahi tha toh use ye sikhana pad rahaa tha. Aadhi raat ko Rene dar kar Anne ko uthane aati hai, use phie se wolf ki awaz sunaayi dene lagi thi. Jab Anne gun lekar check karne jaati hai toh use ek stranger tadapataa huvaa miltaa hai, uspar wolf ne hamla kiyaa tha. Uska naam Lou tha. Anne use cabin me lekar aati hai, uska ilaaj karti hai.

Rene Lou ko dekhakar keheti hai ye ek stranger hai dad ne kahaa tha ki strangers ko cabin me mat laavo. Anne use samajhati hai ki ye aadami pain me hai, yadi uske dad yahan hote toh vobhi yahi karte.

Next morning jab Lou ko hosh aataa hai toh vo kehetaa hai mai ek wildlife photographer hoon, water falls ki images ko lene jaarahaa tha tabhi mera car bigad gaya, jab mai vaapas jaane lagaa mujhe kisi ki awaz sunaayi di, mujhe lagaa koyi help keliye aayaaa hai, mai iss raaste aane laga. Uske baad mujhe kuch yaad nahi hai. Anne keheti hai tumko wolf ne kaataa hai, tumhen jald hi hospital jaanaa hoga, hamara pick up wan yahan se kuch hi minutes ke duri par hai. Vahan tak toh chalke hi jaanaa padegaa. But Lou chalne ki haalat me nahi tha.

Anne and Renee Lou ko ek make shift stretcher me lejaane lagtein hai but Lou use rokataa hai, use pain bahut tha. Vo pain me awaz nikaal rahaa tha jo wolf ko unki aur attract kar saktaa tha. Isliye Anne is idea ko drop kar ke Lou ko cabin me rest karne keliye keheti hai.

Udhar officer Bathes ko phir se usi ghar se ek aur bear attack ka call aataa hai, jab vo vahan jaakar check kartaa hai toh bear chalaagayaa tha. Vo resident and uski girlfriend Officer Bathes ko extra sekurity keliye force kartein hai. Vahan se aate time vo phir se usi car ko vahin dekhataa hai jise usne do din pehele dekhata. Vo is car ke owner ko dhundane lagtaa hai, uske number ko likhakar station vaapas aataa hai.

Anne and renee apane cabin ke saamane lakadiyon ko jalaane lagtein hai as wolfs fire se darati hai.

Bathes city police station me us number ki records ko nikaalne keliye kehetaa hai. Use yahan kuch chiz ajeb lagaa tha, vo car anne ke cabin se 20 minute ki duri par tha, Anne ne jo ring diyaa tha use wolf ne khayaa tha. Station par kayi saare missing women ki photos bhi thi. Bathes kehetaa hai lo lady anne itane saalon se us jungle me rehe rahi hai, aise log aasani se nahi darte par is baar vo dari huvi thi. Aisa lagtaa hai wolf ne kisi ke finger ko khayaa hai. Vo ab detail me check karne keliye walkie talkie saath jaataa hai. Luch use kal subh jaane keliye keheti hai as closeing keliye sirph 1 hour hi baaki tha, but Bathes phir bhi chalaa jaataa hai.

Vo car ke location ke paas aakar vahan se jungle me aage badataa hai, vo usi spot par aaataa hai jahan dead women ki corpse thi. Vo panic me Lucy ko contact karne jaataa hai but Joseph ki bichayi biggest trap me uska pair phas jaataa hai, jab vi niche girtaa hai toh uska ek aur trap me phas jaataa hai. Vo vahin phas jaataa hai.

Idhar Anne ke yahan Joseph ab bhi nahi lautaa tha, cabin se nikale huve use teen din hogaye the, anne visibly worried thi. Uska walkie talkie bhi out of range tha. Next day station par Lucy ko Bathes ke wife ka call aataa hai vo keheti hai vo ghar par nahi aayaa hai. Lucy panic me us car ke location par aakar Bathes ko awaz dene lagti hai. Bathes Lucy ki awaz sunkar apane gun se hava me shoot karne lagtaa hai as a signal. Jab Lucy vahan aati hai toh use shock lagtaa hai, Bathes apane aakhari saans lerahaa tha. Vo panic me Bathes ko hope dete huve keheti hai vo help lekar aayegi, use fight karte rehene keliye keheti hai.


Udhar Anne apane trap lines par phasi ek rabbit ko maarati hai, use Joseph ki kaphi chintaa thi isliye apane walkie talkie ko on karke Joseph ko awz lagaati hai. Is baar use Joseph ke walkie se signal miltaa hai as vo uske walkie ke range me tha. Vo Joseph ko dhundane lagti hai and kuch duri par sadly use Joseph ki body milti hai. Uske sar par goli lagi thi. Jise dekhakar vo jor jor se rone lagti hai. But isli beech ye bhi yaad aataa hai ki usne Lou ko raat ke andhere me yahin se bachayaa tha meaning Lou ne hi Joseph ka murder kiyaa tha. Vo ghabaraakar apane cabin ki aur bhagati hai as Renee cabin par thi.

Anne cabin me chupke se ghuskar Renne ko lekar bhagane lagti hai but tabhi Lou uspa piche se hamlaa kar ke use behosh kartaa hai. Renee room me lock kartaa hai, vo Joseph ke kapadon ko pehenkar apani cloths ko jalaataa hai jisase ek big smoke start hotaa hai.

Officer Lucy apane backup ke saath Officer Bathes ke paas aati hai but it was late, vo mar gayaa tha. Vo log un women ki murder ko investigate karne lagtein hai, big smoke ko dekhakar Anne ki cabin ki aur aane lagtein hai.

Anne ghae me behosh padi thi, jab use hosh aataa hai tab Lou apane wackman me loud music lagaakar uska sexually assult karne lagaa tha. Anne some how pas me padi ek small asnimal trap ko pakadkar use Lou ke chehere par maarti hai. Jab vo pain me tadaparahaa tha toh uspar ek rod se hamlaa kar ke use behosh karti hai. Vo Renee ko check karne jaati hai but Lou ne use pehele hi maar diyaa tha. Ane ne ek hi din me apani family ko khodiyaa tha, vo jor jor se rone lagti hai.

Baad me Lou ke haathon ko ek poll baandi hai, uske wack man ko lagaakar loud music ke saath Lou ki skin ko nikaalane lagti hai. Lou abhi zindaa tha vo chikhataa chillataa rehetaa hai but Anne nahi rukati. Baad me Jab Officer Lucy and baaki police aatein hai toh unke saamne Lou ki skin ko phenkati hai. Vo puri tarah blood me cover thi. Police ko ye sab dekhakar shock lagtaa hai and film yahin end hotaa hai.

Toh ye thi film hunter hunter ki kahaani. Isaki ending kaaphi horrific hai. Mere hisaab se is film ko banaane ka maksad logon ko animal fur ke baare me educate karnaa hosaktaa hai. Ye profession ab decline par hai and ye somewhat cruel bhi hai. Duniyaa ke kayisaare deshon ne ise ban kiyaa hai as isase wild animals ki population kam horahi thi. But candad jaise kuch counties me ye ligal hai jahan animals ka population jyada hai. Mai aapko suggest kartaa hoon ki aap bhi animal products ko kam use kijiye.

Previous : Part 5   Next : Saint Maud



Comments