Skip to main content

Saint Maud Explained in Hindi | Hinglish | Movie Spoilers

    Saint Maud Explained in Hindi|Hinglish|Movie Spoilers

 50 States Of Fright ( Part 5 ) | Movie Spoilers | Hinglish Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai.

Aaj me saal 2021 me release huvi ek british psychological horror film ko explain karunga jiska naam hai saint maud. Is film ke writer director hai Rose Glass. Is fim ki IMDB rateing hai 7.1 out of 10.

Film ki shuruvaat katie naamak ek nurse ke saath start hotaa hai jo ek hospital me shock me baiti hai. CPR dene ke baavajood bhi vo patient ko bachaa nahi paayi as ek dead body uske saamane thi.

Next ham Katie ko uske one room house me dekhatein hai jahan uska naam ab Maud hai. vo ek palliative nurse thi yaani vo terminally ill patients ki dekhabaal karti thi. Vo apane naye job par jaane se pehele prey karti hai as in vo deeply committed believer thi. I mean really committed.

Kuch der baad vo apane naye care house par aati hai jahan use Amanda Kohl naamak ek dancer and Choreographer ka dekhabaal karnaa tha. Amanda ko cancer huvaa tha stage 4 Lymphoma of spinal column. Maud Amanda ke pichale nurse se puchati hai ki Madam Amanda kaise hai to nurse keheti hai vo thoda mean hai . Yaani neech swabhav ki hai. Maud Amanda ko apana introduction dekar regular kaam start karti hai, davaayiyan dena, khana banaana ,khana khilaana, bath karvaaanaa, exercise karvaanaa etc. ye stay in job tha toh Maud Amanda ke ghar me hi reheti thi.

Amanda famous dancer thi, usne dancing ke upar kayi saare books likhi thi jise maud free time me padati hai. Amanda ek atheist thi, God yaa higher power me bilkul bhi vishwas nahi rakhati thi. Vo akele reheti thi uska koyi family nahi tha. Shayad divorcee thi. Heavy smoker bhi thi.

Ek raat Maud casual walking par jaarahi thi tabhi ek adami amanda se milane aataa hai. Maud jab walking se vaapas aati hai toh dekhati hai vo adami and amanda kisi baath par lad rahein hai. Amanda thoda drunk bhi thi. Night me sote time Amanda maud ke saath chatting karne lagti hai puchati hai vo kitane saalon se ye kaam kar rahi hai, isase pehele usne kahan kaam kiyaa tha aur yahi job kyn. Palliative nurseing ek emotionally chalenging job hai isliye vo curious thi. Maud keheti hai mai saal bar pehele hospital me nurse thi, ek saal se is job par hoon. Maine palliative nursing isliye chunaa kyunki mujhe GOD ne kaha. Mai recently convert huvin hoon, mujhe GOD ki awaz sunaayi detaa hai, mai usko feel kar sakti hoon. Ye sab sunkar Amanda ki curiosity aur bhi badati hai.

Ab Maud ko lagne lagtaa hai ki GOD ne use Amanda ki soul ko bachaane keliye hi chunaa hai, ye hi uski asali maksad hai. Maud roz Amanda ko faith me vaapas laane ki koshish karne lagti hai, Amanda bhi religious hone ka naatak karti hai. Basically Amadna ek intellectual artist thi, kuch aise intellectual log apane aap ko sab se hoshiyaar samajh kar innocent logon ka majhak udaatein hai. Unke believes ka majhak udaatein hai, Amanda bhi yahi kar rahi thi. But iska effect Maud par alag hi horahaa tha, vo isase khush thi, kabhi kabhi khusi me trance state me chali jaati thi. Iske kayi scenes hame film me dekhane ko miltein hai.

Ab inke ghar Carol naamak ek lady regularly aane lagti hai, Amanda ne use intimacy keliye hire kiyaa tha. Haan Amanda Gay thi. Kuch din baad inke status ko observe karne ke baad Maud Carol ko warn karti hai ki uska yahan aanaa thik nahi hai. Ye Amanda ke soul ki salvation keliye thik nahi hai. Vo use bhagaa deti hai. Carol bhi thoda religious thi toh vo maan jaati hai.

Ek regular walking me Maud ko uske former friend Joy identify karti hai, use vo Katie kehekar bulaati hai. Vo dono catch up kartein hai jahan Maud keheti hai ki vo ab bhi nursing kar rahi hai. Ise sunkar Joy thoda surprise hoti hai, puchati hai ki kya tumhaare employer ko tumhari history maalum hai. Jab Maud ispar haami bharati hai toh Joy use vo apani contact number dekar touch me rehene keliye keheti hai.

Kuch din baad Amanda ab apane birthday par ek party host karti hai jahan uske saare friends aatein hai. yahan Amanda Maud ko apane devoted monotonous life ko chodakar, life ko enjoy karne keliye kehe rahi thi. vo sab ke saamne maud ke faith ka mock karti hai, sab ko keheti hai kaise usne carol ko bhagaaya. Amanda ki is behavior se Maud ko gussa aataa hai, vo sab ke saame Amanda ko chataa marti hai. Jisase uski job chali jaati hai.

Amanda ki faith isase tuta jaati hai, usne GOD ko defend kiyaa tha, devoted life jiyaa tha but phir bhi use GOD ne aise haalat me rakha diyaatha. Use lagtaa hai GOD ne use reject kiyaa hai. Ab uski job chaligayi thi, vo phir se lonely hogayi thi, life me purpose nahi tha.

Ab vo faith ko chodakar bindaas jine ka decide karti hai, pub jaakar anjaan logon ko intimacy ka service dekar unse money leti hai. Vo ek friends ke team ko join karne jaati hai but vo use reject kartein hai. Ek intimacy service ke duraan Maud ko uske past ke ek memory haunt kartaa hai. Ye film ke opening ka scene hai jahan vo CPR kar rahi thi but vo fail hokar patient mar gayaa tha.

Maud ko ab har jagah alag alag voices sunaayi de rahi thi, visions dikharahe the. Vo clearly mansik taur par unstable thi, ek scene me ham use havaa me levitate hote huve bhi dekhatein hai. Vo clearly self harm mode me chali gayi thi, ek scene me vo insab ko rokane keliye apaane boot me ek nukile slippers ko daalkar walking par jaati ahi. Ohhhh that hurts, really hearts. Maud apana self control kho chukhi thi.

Maud ek din Amanda ki nayi nurse se milti hai, usase casual baatein karke Amanda ke baare me jaanti hai. Use pataa chaltaa hai ki ye nayi nurse and Amanda ki relationship kaaphi achhi hai, Amanda khush hai. Ye sab jaankar Maud me jalan ki bhavana paidaa hotaa hai.

Usi raat Maud ek supernatural event ko experience karti hai, use apane room ke cross se deep voice me ek awaz sunaayi dene lagti hai. Vo kisi foreign language me thi but somehow Maud use understand karkahi thi. Maud ko lagtaa hai ye GOD ki awaz hai. Jahan GOD kehetein hai , My child time nazdik aarahaa hai, tum he jaldi hi salvation milne waalaa hai, I am proud of you, tum jaanati ho ye world ek illusion hai tum hamesha se hi ek higher power se judanaa chaahti thi , isliye ek aakhari test ko paar karo, vo test kya hai tum jaanati ho, iske baad tum hamesha mere saath rahogi. Shanti se. Maud is supernatural event se emotional hokar task accept karti hai.


Next morning Maud saint jaise dress pehenkar, rosary beeds pehenkar apane task keliye ready ho rahi thi, tabhi uske puraane friend Joy uske room par aati hai. Joy use pichale incident keliye maaphi maangati hai, vo use madad karne aayi thi , vo baatein karte hi reheti hai but Maud window ke paas khadi rehekar use sunane ki naatak karti hai. Yahan Maud ko aasamaan me circular cloud formation hotaa dikhataa hai , vo phir se trance jaise state me chali gayi thi. Kuch pa baad Maud Joy ko aane keliye thanks kehekar use ghar se bheja deti hai.


Ab raat me Amanda ke ghar jaati hai jab uski nurse ghar me nahi hoti, Amanda se milti hai. Yahan par Amanda pure tarike se weak hogayi thi, apane aakhari dinon me thi. Amanda Maud ko dekhakar keheti hai, I am really sorry Maud, maine tumhare saath behad hi mean way me bartaav kiyaa. Maud keheti ha koyi baat nahi GOD ne mujhe yahan bejhaa hai, vo tumhe maaph kar denge, vo kind hai, bas ek baar tumhe unse prey karnaa goga. Maud ab apane bottle se holy water ko Amanda ke sar par lagaa kar prey karne lagti hai jispar Amadna use rokati hai. Vo ab bhi bhi ek atheist thi and vaise hi marnaa chaharahi thi, uska belief atheism me pakka tha. Vo Maud se keheti hai Maud,GOD real nahi hai, vo tumhaara bhram hai, maine tumhara majaak udaane keliye kayi baar GOD ko feel karne kaa naatak kiyaa tha, tum ek akeli ladaki ho tumhe help chaahiye.

Maud ye sunkar shock lagtaa hai, vo rone lagti hai tabi Amanda ek devil me convert hokar Maud ko gaali dene lagti hai, use uthakar patakdeti hai, devil kehetaa hai tumhaara faith weak hai, tumhe GOD nahi milega tumhe mai lelunga. Maud is sabko dekhakar gusee me us devil par scissors se hamlaa karke use maar daalti hai. End me hame Amanda ki dead body dikhati hai jime scissors the.


Maud ab apane ghar vaapas aati hai. Next morning use lagaa usne GOD ka kaam kardiyaa hai, devil ko maar diyaa hai ab vo GOD ke paas jaane keliye ready hai. To phir se apane saint waali dress pehenti hai, ham uske shoulders par angles ke wings ko dekhatein hai. Vo beech par usi place par aati hai jahan upar cloulds me circular formation tha. Maud ke haath me acetylene ki can thi jise vo ab sab ke saamane apane upar chidakati hai, ek lighter jalaakar apane aap ko aag lagaati hai. Glory to GOD keheti hai ek foreign language me. Beach par aaye baaki log ab hame uske saamne jhukate huve dikhatein hai. End me pal bhar keliye hame Maud ki chillane ki awaz sunaayi detaa hai. And Boom Film yahin end hotaa hai.

Toh ye thi Film Saint Maud ki kahaani. Toh ending kaaphi confusing hai. Film me Katie ek nurse thi jo clearly ek trauma se jujrahi thi, first scene me hi hame dikhayaa jaataa hai ki katie ne ek patient ko khodiyaa hai. vo very fast CPR kar rahi thi, jisase patient ke chest ki ribs tuta jaataa hai and vo mar jaataa hai. Is incident ke baad Katie ne apana job khodiyaa, vo mentally unstable hone lagi, apane aap ko sambhalne keliye usne religion ki aur mudaa. Film me kahin nahi dikhayagaya hai ki Maud ne kisi church ko officially join kiya ho, Yahan aisa lagtaa hai Maud ka GOD ke prati connection personal tha, vo akele apane room me pray karti thi, use jo sahi lagtaa tha use GOD ki ichha maanati thi.


Clearly vo schizophrenia se juja rahi thi, jahan hallucinate honaa, images dikhayi denaa, ajeb tarike se awazein sunaayi denaa, behavioral disorder and extreme case me toh imaginary log real me dikhana bhi shamil hai. Aise case ko hamne the beautiful mind film me bhi dekha hai, jahan mathematisian Jhon nash extreme schizophrenia se juja rahe the. Film Me Maud in sab lakshanon ko GOD ka advice maanti hai, isiliye ko Amanda se pehele baar me keheti hai, mujhe GOD ki awaz sunaayi detaa hai, kabhi vo mere ander hotaa hai and kabhi baahar. Jab bhi use lagtaa tha ki usne GOD ko please kiyaa hai toh vo trance jaise state me chali jaati thi.

Film ke end me use lagaa ki vo saint ban gayi hai and sab log uske saamne jhuka rahein hai but reality me vo aag se jal rahi thi, isliye vo chillati hai. Film ko Maud ke schizophrenia angle se dikhayaa gaya hai, vo amanda ko devil ke roop me dekhati hai jo ki asal me ek normal sick lady thi. Yahan aisa lagtaa hai writer sukshm way me ye kehenaa chaharaein hai ki religion ko blindly follow karnaa bhi ek type ka mental disorder hai. Logon ko religion me bhi apana dimaag use karnaa chahiye. Varnaa log iska galat phayada utaa saktein hai. Isliye Kar Max ne religion ko opium of the masses kaha tha. Yaani logon ka sasta nasha. Film me yadi Maud officially kisi church ko join karti toh use help shayad mil saktaa tha but usne aisa nahi kiya.


Finally film kaaphi achhi hai, ye aap ko daraati hai, suspense me rakhati hai.

Previous : Hunter Hunter     Next : Money Monster


Tags : Tags : Hindi Story, Hindi spoilers, Hollywood film ki kahani,film ki story, hinglish, hinglishxyz




Comments