30 coins ( part 1 ) Explained in Hindi|Hinglish|Movie Spoilers

      30 coins ( part 1 )  Explained in Hindi|Hinglish|Movie Spoilers

Is article  ke  kuch parts  ko famous hindi horror youtube channel @HauntingHolly me use  kiya gaya hai , yadi aap video de khana chahatein hai toh vo page  ke end me hai.

mein recently HBO Europe me release huvi horrror dram series 30 coins ko explain karunga. Show ke intro me ham God Ke bete jesus Christ ka crucifixion dekhatein hai jahan Judas ne unhein betray kiyaa tha. Uske liye roman authorities ne use 30 silver coins innaam me diyaa tha. Crucifixion ke baad Judas ko sab log gaddaar kehene lagtein hai jiske guilt me vo suicide kartaa hai. Uske haat se 30 coins girtein hai jispar hi ye show based hai.


1st Episode ki starting switzerland me hotaa hai jahan ek old gunman ek bank par aataa hai. Andhha dhun firing karke vahan ke ek locker ko lutataa hai jisme Judas ka ek silver coin tha. Strangely is aadami par goliyon ka asar nahi horahaa tha as use darzanon goliyan lagi thi. par phir bhi vo zindaa tha. Later ise ham ek priest ke saath dekhatein hai jo isase vo coin letaa hai. Coin dete hi vo aadami mar jaataa hai as vo possessed state me tha.


Ab story spain ki ek small town Pedraza me start hotaa hai jiska Mayor Paco tha. Uski wife ka naam Merche tha jo ek meat processing factory ki owner thi. Yahan par ham Elena naam ki ek vetrinarian ko dekhatein hai jo ek cow ki delivery kar rahi thi. jahan cow owner Alonso, uski wife carman, town ka paagal ladaka antonio and baaki log bhi the. Baahar baarish ke saath tez havaein bhi chal rahi thi isliye Elena kuch pal keliye cow shed ki door ko close karne jaati hai. Vaapas aakar delivery karti hai. But shockingly cow ke pet se bachadaa nikalne ke bajaaye ek human baby nikaltaa hai. Isase Elena and baaki log danga rehe jaatein hai. Vo log delivery ke video ko mayor Paco ko dikhatein hai. Paco bhi ise dekhakar shock me tha hai, use ye supernatural lagtaa hai isliye us baby ko lekar town ke priest ke paas jaataa hai.


Is town ke priest ka naam father manuel vergara tha jo haali me italy se aayaa tha. Ye thoda controversial priest tha, vo boxing kartaa tha, shooting kartaa tha, rationalism me believe bhi kartaa tha and occupationally gaali bhi detaa tha. Father Vergara video ko dekhakar kehetaa hai ye altered hai jab elena door close karne gayi tab kisini bachade ko nikaala hoga and uske place me baby ko rakha diya hoga. Isme supernatural kuch nahi hai pure human crime hai. Koyi apani baby ko dispose karnaa chahataa hai. Paco ka shak un cow owners par jataa hai but unke khilaaph koyi pakka evidence nahi tha.


Later vo Jesus naam ke ek aadmi ke ghar jaatein hai jiski beti trini kayi din se school nahi gayi thi. Vahan par unhein ye pataa chaltaa hai ki trini pregnant hai hai and vo baby uska nahi hai. us video ko carefully dekhane par Paco ka shak ab pagal ladaka Antonio par jaataa hai.


Antonio church me tha jahan Vergara use chori karte huve pakad letaa hai, Antonio kehetaa hai purane priest mere achhe dost the, mujhe aapko ek secret baat bataana hai. Vo church me bani ek secret bunker ko dikhataa hai jise nazi’s se bachane keliye banaaya gayaa tha.


Later us raat Antonio church tower chadataa hai, bell bajaane lagtaa hai, uske haat me vo baby tha jise vo upar se phenkana chahataa tha. Vergara and Elena upar chadakar use rokane jaatein hai, Antonio kehetaa hai ye baby normal nahi hai, evil hai, ye father vergara ke paapon ka natijaa hai. Elena antonio ko somehow convince karke uske haath se baby ko leleti hai. Yahin par Antonio vergara se kehetaa hai mai ye sab tumhare liye kar rahaan hoon, vo upar se kud jaata hai and seriously injured hotaa hai. Niche Paco ko antonio ke body se exorcism ka ek book miltaa hai, elena ko ek box miltaa hai jisme silver coin tha. Jise vo chupaaleti hai.


Later hospital me antonio vergara se kehetaa hai father vo thumhe follow kar rahein hai, jab tak unhein vo nahi miltaa vo aapko nahi chodenge. Paco ko pataa chaltaa hai father Vergara ek exorcist tha jisne exorcism karte time ek ladake Giacomo ko maar daala tha. Iske chekkar me vo jail bhi gaya tha.


Elena ab apne paas ke coin ko Vergara ko dikhakar puchati hai ki kya ye uski hai. Vergara use kehetaa hai vo coin exorcism karte time Giacomo ke haat se nikalaa tha. Vo joot boltaa hai ki iska koyi importance nahi hai. Vo elena ko coin vaapas kartaa hai. Later Elena Alonso ke ghar us baby ko dekhane jaati hai jo strangely bada hogaya tha. Ek hi din me vo 8 saal ke bachhe ki tarah dikha rahaa tha. Alonso ko ye abnormal lagtaa hai, uski wife carmen is bachhe ko lekar kaaphi posessive hogayi thi and vo some sort of demonic possession me bhi aagayi thi. Usne ek talisman ko bamaayaa tha jise hamesha apane paas rakhane lagi thi.


Alonso carmen ki behavior se darkar us bachhe ko maarne jaataa hai but carmen use hi maar daalti hai. Later elena and poco bhi vahan aatein hai aur vo unpar bhi hamlaa karti hai. Poco ko pakadkar use ultaa latakaati hai. Elena police and vergara ke saath aati hai jahan carmen vergara ko dekhakar keheti hai, tum hamse nahi bach sakte, ham tumhara picha nahi chodenge. Tum kisi bhi town me chupo ham tumhein dhunda lenge. Clearly yahan carmen possessed thi, vo sab par hamalaa karne lagti hai. Police officer panic me uspar goli chalaakar maar daaltaa hai. Ambulance me paco and carmen ko legaane lagtein hai.


vergara and elena us bacche ke room me jaatein hai jahan sirph uska skin tha, vo bachha ceiling phadakar bhag gayaa tha. Elena ko kuch samajha me nahi aataa ki aakhir kaar yahan kya horahaa hai. Ambulance me carmen phir zindaa hoti hai, vo merche and paco par hamlaa karne lagti hai. Ambulance par ek six legs waala creature hamlaa kartaa hai jisase ambulance ka accident hotaa hia. Carmen is creature ko apana betaa keheti hai, vo use pakadkar apane saath lejaataa hai.


Udhar church me vergara apane weapon vault me se kuch bullets ko nikaaltaa hai, tabhi carmen vahan aakar usase vo coin vaaps maangane lagti hai. Jab use ye pataa chaltaa hai ki coin Elena ke paas hai toh vo uspar bhi hamlaa karne jaati hai. Elena secret bunker me chupi thi. vergara holy water me bullets ko dubokar, prey karte huve saari ki saari bullets ko carmen par fire kartaa hai. Is sab ko dekhakar Elena ko shock lagtaa hai, jaise hi vergara carmen ki body ko lekar jaataa hai tabhi vo creature vahan aataa hai. Elena par hamlaa kar ke usase vo coin maangane lagtaa hai. paco elena ko phone karke kehetaa hai carmen ki talisman ko destroy karo, as us creature ki jaan usi me thi. Jaise hi elena us talsiman ko thodane lagti hai vo creature bhi bhag jaataa hai. Is sab se elena sadme me thi, vo ye sab baat vergara ko bataati hai but vo nahi maanataa. Vo usase coin vaapas maangataa hai but elena use vo nahi deti as vo jaan chuki thi ki ye coin koyi normal coin nahi hai. Vo in death isaki study karnaa chahai thi. Vergara ne carmen par asali goliyan nahi chalaayi thi balki fake waali chalaayi thi, taaki vo behosh hosake. Unko holy water me isliye duboyaa tha taaki use lage ki holy water uski possession ko kill kar rahi hai. Yahin par episode one end hotaa hai.


Toh basically vergara ko exorcism karte time ek coin milaatha jise giacomo naama ladake ne hell se churaayaa tha. Ek powerful cult sabhi 30 coins ko collect kar rahi thi, unke paas pehele se hi kuch coins the. Ek coins powerful magical objects thi jisase spell casting, mind control ,reality bending, jaise supernatural abilities milti thi. Yahi cult vergara ko daraa rahe the.


Episode two ki shuruvaat ek mahine baad hotaa hai jahan Elena roque naam ke race course owner keliye kaam kar rahi thi. Ye town ka amir aadami tha. Vo uske ghodon ka doctor thi. Yahan Elena ka husband do saal se missing tha jiske baare me kisi ko kuch pataa nahi tha. Ek raat town ke kids chill karne keliye Ouija board game khelane lagtein hai. Ouija ek prakar ka spirit based board game hai jahan ghosts se directly communication kiyaa jaataa hai. In bachho ke game me giacomo ka ghost aataa hai, jo italy ke greeta se tha . jahaan se father vergara bhi aayaa tha. Game ke dauraan achanak black out hotaa hai, ek player sole gaayab hoti hai. Sole ki mom ka death kuch mahine pehele hi suicide se huvaa tha.


Police and paco sole ko town me har jagah dhundane lagtein hai but vo kahin nahi milati. Sole ki ek friend elvira se elena ko ye pataa chaltaa hai ki game me unhone Giacomo ki ghost ko invoke kiyaa tha. Giacomo ka naam sunte hi elena ka shak father vergara par jaataa hai as giacomo usi aadmi ka ghost tha jo exorcism me maaraa gayaa tha. Vergara sole ki disappearance se apane aap ko alag kartaa hai as ye pakka evidence nahi tha.


Usi raat Elviraa ko sole ke phone se ek call aataa hai jahan vo keheti hai mujhe baahar nikaalanaa hai toh game ko phir se khelo. Kids phir se game khelane lagtein hai jahan elana bhi shamil hoti hai. Is baar game ke zariye elena ko ek message miltaa hai, hame hamaari coin dedo. Yahan pal bhar ke liye elena ko kuch cardinals dikhatein hai jo in coins ko collect kar rahe the. Ye vahi cult ke members the. Phir se black out hotaa hai and sole vaaps aati hai.


Vaaps aane ke baad sole normal nahi thi , vo kuch pal keliye possessed ho jaati thi. Use logon ke chehere ke paas ek auraa dikhane lagaa tha jisase unki marne ki date pataa chaltaa tha. Sole ek old man se keheti hai ki vo aaj hi marne vaala hai and strangely vo adami usdin marjaataa hai. Next day vo apane room me hi suicide karne jaati hai jise father vergara, elena, poco aakar bachatein hai. Sole father vergara se keheti hai vo mere mind me hai, mujhe pareshan kar rahein hai unhein jo chahiye vo de do. Cult uski mind ko control karke vergara ko daraa rahe the.


Next day evening sole possess state me vergara ke ghar par aati hai, vo chaku se apane cheek ko kaat kar keheti hai yadi hame vo coin nahi milaa toh ham is ladaki ko maar denge. Vergara sole ko lekar elena ke ghar jaata hai, vahan vo coin dhundane lagtaa hai. Jab elena and roque ghar par aatein hai tab sole saara blame vergara par daalati hai. Roque sole ki haalat ko dekhakar vergara par hamlaa karne jaataa hai but sole uspar hi chuku se maarati hai. Clearly sole possession me thi, cult uske zariye elena ke ghar ko havaa me udaane lagtein hai. Father vergara ko ye baath samajha me aataa hai and vo sole ko shant karne lagtaa hai. Finally sole shant hoti hai, apane possession se bahar aati hai. Elena roque ko hospital lejaati hai. Yahan par episode two end hotaa hai. Clealy yahan kuccch evil cardinals the jo cult ke members the jise vo coin chahiye tha, vo town ke maasum logon ko torture karke vergara and elena se coin lenaa chahate the. Unke paas kayi saare coins the isliye inki super natural powers bhi bad gayi thi.


Episode three ke starting me ham ek henchman ko new york me dekhatein hai, vo ek Jewish jewelry owner ko maarkar uske collection me padi coin ko leletaa hai. Udhar pedzara town me paranormal activities badane lagi thi. Town ke ek aadami thomas ke ghar par ek old mirror tha jisme ek book dikhane lagaa tha. Jo asaliyat me nahi tha but mirror me dikharahaa tha. Elena uske greek naam ko pehechaan jaati hai jiska meaning gospel of judas tha. Gospel of judas ek imaginary book hai jise vatican church recognize nahi kartaa, uski copy sirph online me milsakti hai.


Father vergara us book ki history explain kartaa hai. Christianity ke ek cult ke log ye maanatein hai ki Judas ne jesus ko dhoka nahi diyaa balki jesus ke kehne par hi usne aisa kiyaa. Uske dhoke se hi jesus suli par chada and later teen din baad uska punar janma huvaa. God all powerful hai isliye use dhoka dena naamumkin hai, god ne hi use aisa karne keliye kahaa tha taaki logon ka vishwas uspar atuut ho. but vatican church is logic ko nahi maanataa isliye Judas aaj bhi badanaam hai. Vo cult jo is logic ko maanatein hai use order of cainites kehetein hai.


Later vergara us mirror ko check karne jaataa hai, puri raat usi ghar me rehetaa hai. Paco ne vahan cctv lagaayaa tha jiske ek video frame me ham dusare father vergara kobhi dekhatein hai. Order of cainites devil ke saath the jise vo evil nahi maanate the. Iske baare me hame aage pataa chalega. un ki power bad gayi thi, vo ab kisi ko bhi zinda kar sakte the. Is mirror ko unhone ek portal me convert kiyaa tha. Vo log ab father vergara ko kidnap karke uske place par ek fake vergara ko real world me bhejatein hai. Is pure switching ke time cctv off tha isliye paco and elena is fake vergara ko pehechan nahi paate.


Later ye fake vergara order of cainites ke baare me in paco and elena ko aur detail me explain kartaa hai. World me garibi, bhukamari, dieases , war , atrocities jaise sab evil hai, jise GOD kabhi nahi rokataa. matlab bure log ya evil bhi god ke hi devine plan ka hissa hai. Simple language me kahe toh maanlijiye ye world ek movie hai, jisme hero hotaa hai, villan hotaa hai, supporting characters hotein hai. Insab ko writer ne likha hai aur director direct kar raha hai. Aise hi GOD ek supreme writer director hai jisne good and evil ko banayaa hai, unki action ko direct kar rahaa hai.

Cainites duniyaa me evil ko baadhatein aayein hai as a contribution to god’s divine play. Vo god ke banaye huve villan hai. God sirph good nahi hai balki evil bhi hai. Cainites centuries se asthithva me hai, vo vatican me rehetein hai, church ke cardinals hai, bishops hai, priest hai. Inka ek secret church hai jisme ye Vatican church ke opposite kaam kartein hai. Jaise christian powerful relics me belief kartein hai vaise hi cainites ka bhi relics hai. Vo objects jisne jesus ko dard diyaa tha, like suli pe lage keel, roman solidger ki khanjar jisase usne jesus par hamlaa kiyaa tha. Finally judas ki 30 coins, jis kisi ke paas bhi ye 30 coins aajaatein hai vo jesus ki tarah hi powerful banjaataa hai. nepolian ke paas three coins thi, hitler ke paas five thi. Isliye vo great dictator bane. Ye fake vergara Elena se us coin ko vaapas maangataa hai.


Yahan par vergara full confidence me sab kuch explain kar rahaa tha jisase elenaa ko thoda shak hotaa hai. As original vergara hamesha self doubt me rehetaa tha. Jab elena coin dene jaati hai toh notice karti hai ki vergara ka watch ultaa chal rahaa hai, seconds ki sui anti clockwise me ghum rahi hai. Use yakin hotaa hai ki ye fake hai, vo us par hamlaa karke apane clinic me chup jaati hai. Uske saath paco bhi tha.


Fake vergara town ke sabhi logon ko mind control karke unse elena ke clinic par hamlaa karvaata hai. town ke sabhi log uske evil spell me aagye the, isme merche bhi shamil thi.


udhar elena and paco bhagakar thomas ke ghar jaatein hai, vahan elena gospel of judas ki book ko mirror par phenkati hai toh usme opening khultaa hai. Ye dono uske under jaatein hai. us place me aise aur bhi mirrors the jo basically portals the, jisase dusare deshon ko jaya jaa saktaa tha. ek mirror vatican me khultaa tha jahan order of cainites ka chief cardinal Fabio Santoro tha. Vahan baaraa aur cardinals the jinke paas bhi ek ek coin tha , meaning inke paas already 13 coins the.


Original father vergara yahan bandhi tha, Elena in sabko dekhakar dar jaati hai as usne inko Oujia game me bhi dekha tha, vo and paco in cardinals ko apna coin dikhakar distract kartein hai. vergara bhagkar mirror ko thodkar vatican se bahar aataa hai. Teeno log vaapas thomas ke ghar aatein hai jiske baad vo mirror gayab ho jaataa hai. Original vergara vaapas aate hi fake vegara reality se gayab ho jaataa hai. Later Elena is coin se dar kar use bridge se nadi me phenkati hai. Yahin episode three end hotaa hai.


Episode four ke starting me ham dekhatein hai order of cainites ko ek aur coin miltaa hai, ye coin ek ancient jesus ki statue me chupaaya gaaya tha. Town ke sabhi log is baat se hairaan the ki aise kaise sabne milkar elena ke clinic ko thoda. Vo clearly isko ek abnormal event maanrahe the jiskaa jawab vo Mayor Paco se chahate the. Paco ki wife Merche keheti hai town me jo kuch bhi ajeb horaha hai vo father vergara ke aane baad hi horaha hai isliye un sab k ek normal priest ki demand karni chahiye. Sabi log isase sehemat hokar resolution pass kartein hai.


Is episode me hame father vergara, cardinal fabio santoro and inke friend father sandro ki back story dekhane ko miltaa hai.ye teeno 1990 me seminary college me friends the. Ye teeno demonic posssession ko lekar curious the, use systematically study kaarnaa chahate the. Iskeliye Santoro ne ek aadami ko kaida kiyaa tha jo claim kartaa tha ki vo devil ka agent hai. Uska naam angelo tha. Angelo kehetaa hai GOD good hai and evil bhi hai. Usine evil ko bhi create kiyaa. devil and uske angles ko heaven me evil phelaane ka kaam diyaa gayaa tha but over the time good and evil angles me ladayi shuruhuvi. Devil haargaya and GOD ki hi ek creation hell me apane baaki fallen angles ke saath chupgaya. Sadiyon se devil world me evil ko spread kartaa aarahaa hai kyunki GOD ne use isi kaam keliye banaaya tha. But vatican church is theory ko accept nahi kartaa, vo mis information spread kartein aayein hai ki GOD sirph good hai. Evil nahi.


Sandro ko is aadami ki baatein fake lagti hai isliye use prov karne keliye, angelo apane much se aag ugaltaa hai. Jo sandro ko jalaati hai. Angelo kehetaa hai yadi koyi GOD ki sachhayi jaanana chahataa hai toh unhein pehele devil ko join karnaa hogaa. Vo hell ki ek door ko open kartaa hai .Fabio santoro ko ye logic thik lagtaa hai. Tab vo peheli baar order of cainites ko join kartaa hai. Basically is organisation ka moto tha vatican church ko ukhad phenkanaa, uske jagah ek aise church ko establish karnaa jahan devil ka izzat ho. Ise puraa karnekeliye ye 30 coins zaruri tha jisase pure world ke logon ka mind control kiya jaasaktaa tha. Yahan Devil ke demons bhi is cult ka madad kar rahe the.


Father Sandro presently vatican ke ek jail me tha. jahan pain hotaa hai vahan demons aatein nahi the, vo santoro se bachane keliye vahan tha. ab Father vergara usase milke uske saath horahi saari events ko explain kartaa hai. Sandro use syria me chupane ka advice detaa hai as vahan war ke karan pain bahut tha. Later vergara pope the holy father se milkar unhein cainites ke baare me explain karne jaataa hai. vahan Pope ke assistant ke taur par cardinal fabio santoto ko dekhakar use shock lagtaa hai. ab Order of cainites ki infiltration upar tak hogayi thi.


Idhar town me cainites ki ek witch ek scarecrow par witchcraft karke use jindaa karti hai. Elena and rokue is town ko chodakar jaarahi thi tabhi paco uske paas aakar kehetaa hai, tumhara husband vaapas aagayaa hai. Isi ke saath episode 4 yahin end hotaa hai.

Video link : 

Tags : Hindi Story, Hindi spoilers, Hollywood film ki kahani,film ki story, hinglish, hinglishxyz


Next : Part 2        Previous : The curse of Audrey Earnshaw

Post a Comment

0 Comments