Skip to main content

30 coins ( part 2 ) Explained in Hindi|Hinglish|Movie Spoilers

      30 coins ( part 2 )  Explained in Hindi|Hinglish|Movie Spoilers

So episode five me father vergara cardinal santoro ke kabje me hai, use ek jail me lock kardiya gaya hai. Santoro ko coin chahiye tha jika pataa vergara nahi derahaa tha. Isliye santoro ab uski dream me ghuskar usase information lene lagtaa hai. Ye bhi some form of black magic tha. Dream me ham dekhatein hai vergara and santoro bachhe hai, vo cards game khelrahein hai, game ke dauran santoro vergara ko trick kartaa hai jisase use ye pataa chaltaa hai ki coin ab elena ke paas hai.

Idhar town me us witch ne jis aadami ko jinda kiyaa tha vo Elena ka missing husband Mario tha. Elena ab usase police station me milti hai and khush hoti hai. officially Mario short term memory loss se juja rahaa tha use do saal ki koyi bhi baat yaad nahi thi. Mario ka is tarah town me aana sab ko ab normal lagtaa hai, ye news Jesus naam ke aadami tak bhi pahunchataa hai. Jesus vohi aadami tha jise hamne first episode me dekha tha. Vo ye khabar sunkar panic me aajaata hai.

Udhar jail me father sandro kobhi ek dream aataa hai jisme vo vergara ke dream me tha. Yani donoka dream ek hi tha, vergara use angle of death ka ek card detaa hai jo uska location tha. Vatican me castle saint angelo naam se ek famous ancient castle hai jise 135 AD me banaaya gayaa tha. Ye castle hi order of cainites ka secret head quarter tha. Uske kuch parts ko museum ke taur par use kiyaa jaataa tha jisme vatican church se judi objects the. Usme se ek object sphere of Longinus bhi tha, ye vohi bhala tha jisase roman sainik ne jesus christ par hamlaa kiyaa tha. 30 coins ki tarah ye bhi ek powerful magical relic tha jo world war two ke time me hitler ke paas tha. Ab Father sandro is castle me chupke se ghusataa hai.

Later Santoro vergara ko jail se nikaal kar use apane order se milaataa hai. Yahan par sabne white colour ki dress pehenaa tha, ultaa cross pehenaa tha jo symbolize kartaa hai ki ye traditional church ke opposite me hai. Tabhi vahan father sandro aataa hai jise ye log pakad letein hai. Later Santoro vergara ko apane head quarter ka tour karaataa hai, uske paas ancient books, gospels ki collection thi jise church ne ban kiyaa tha. Pichale thisa saal se vo inhein collect kar rahaa tha. Bible ke mutaabik jab jesus christ ka janma huvaa tab purva disha se teen wise men aaye and kuch gifts diye. Santoro kehetaa hai actually me vo gifts teen books thi, books of miracle. Jise padkar hi jesus ne miracles ki thi. Meaning ki ye spell books thi. church sadiyon se jhoot boltaa aarahaa hai, sirph jesus nahi uske jaise miracles koyi bhi kar sakataa hai. Santoro kehetaa hai Isi books se maine ab tab saare paranormal activities ki hai, like mind control, reality alteration, witchcraft, monster creation. Etc. Vo vergara ko ab officially order of cainites ko join karne keliye kehetaa hai. But vergara pehele sandro se milnaa chahataa tha.

Udhar town me jesus Elena ke ghar par jaakar Mario ko dhundane lagtaa hai, vahan firing kartaa hai. Jab Paco and police officer aakar use confront kartein hai toh kehetaa hai Mario asali nahi hai. Kunki use maine hi do saal pehele accidentally use maar daalaa tha. Maine hi uski body ko burry kiyaa tha. Aaj jo koyi bhi aayaa hai vo asali nahi hai.

Vergara and santoro sandro se milkar use bhi saari baatein bataatein hai.Sandro highly religious tha, vo santoro ki baat nahi maanataa kehetaa hai tum jhuote hai. Tum pope ko hataakar khud pope banana chahate ho, ye political power ki baat hai. tumhari saari theory Nonsense hai. Santoro use prove karne keliye use havaa me uthakar patak detaa hai showing ki usme bhi miracles karne ki powers hai. Santoro vergara ko ek dagger dekar sandro ko maarne keliye kehetaa hai but vergara santoro par hi hamlaa kaar detaa hai. sandro ke saath bhagane lagtaa hai. Santoro in donau ke piche phir se ek monster bhejataa hai jo finally sandro ko maar daaltaa hai. Vergara some how castle se bach kar bhag jaataa hai.

Paco and police ko jeses ke bataaye huve place par hi mario ke body remains miltein hai. Elena and fake mario ab is town ko chodakar jaarahe the jahan beech me hi mario elena par hamlaa kar ke usase coin maangataa hai. Elena ko tab sachhahi maalum padtaa hai but vo kuch nahi kar paati. Vocoin ko nadi me phenkane ki baat bataati hai.Mario kehetaa hai coin apane owner ke pass vaapas jarur aataa hai, vo ab uske saath bridge se kudane lagtaa hai. Usi time me paco and police vahan aakar elena ko bachaa letein hai. Fake mario gaayab hotaa hai.

Police officer laguna ko kuch samjha me nahi aataa but vo paco ki baat maankar case ko dabaataa hai. Next day elena apane real husband mario ki remains ko proper way me burry karti hai. Roque ek fish restorent me khana khane jaataa hai jahan fish ko katane se pehele use customer ko dikhaya jaataa tha. Jab waiter Roque ki fish ko kaatataa hai toh uske body se vohi coin bahar aataa hai jise elena ne nadi me phenkaa tha. Roque use rakha letaa hai. Episode 5 yahin end hotaa hai.

episode 6 ke starting me ham father vergara ko syria me dekhatein hai jo vahan santoro se chupkar reherahaa tha. Jahan pain hotaa hai vahan santoro ki powers weak ho jaataa tha, syria me civil war ke karan pain hi pain tha toh vergara safe tha. Elena Roque ek saath paris me rehe rahein lagi thi. Paco and marche ke rishte bhi kharab horahein the and paco agale election ladane se manaa kartaa hai.

Spain ki capital madrid se do senior police officers Maria and christina aatein hai as is town me recently crime badgayaa tha. Ye dono police officer laguna se charge letein hai. First vo jesus ke case me interested the as usne parason raath hi Elena ke ghar thod phod kiyaa tha. Jaise hi ye teeno jesus se puchataach karne jaatein hai , jesus panic me aakar shoot karke suiside karletaa hai. Mario ko maarane ke guilt me vo depressed hogaya tha.

Later cainites ke haunch men father lagrange ko ham paris me dekhatein hai. Ye vohi father tha jo cainites keliye coins collect kar rahaa tha. First episode ke first scene ki tarah hi yahan bhi ham use ek old aadami se milte huve dekhatein hai. Father lagrange uspar ek magical locket daalkar use apane saath lejaataa hai.

Paris ki ek hotel me Roque and Elena dinner karrahe the jahan Roque elena ko surprise dete huve vo coin detaa hai. Coin ko dekhate hi elena ghabaraa jaati hai, Roque se puchati hai ki use vo kahan se milaa, use dispose karne keliye keheti hai. Tabhi usi time vo old aadmi vahan aakar inpar hamlaa karne lagtaa hai. Shoot out hotaa hai jisme Roque bhi mara jaataa hai. Later hotel ke security staff us old aadami ke locket ko nikaalkar use maar daaltein hai. Elena is sab me bach jaati hai jahan vo coin phir use miltaa hai. Meaning ki coin somehow vaapas uske paas aagaya tha. Cainites ke paas already 29 coins thi and ye hi aakhari coin tha.

Udhar siriya me siriyan armed guards vergara ko pakad kar use kaid khane me band kartein ha. uska vahan aane ka asali maksad puchatein hai jab vergara unhein kuch nahi bataataa toh use maar daalne ka decision letein hai. Elena paco ko phone karke Roque ke baare me bataati hai. Paco and Elena in sabi paranormal activities ke chalte karib aarahe the. Merche ek business women thi jiska interest business and politics me jyada tha. Isliye Paco and uska rishata bhi tut jaataa hai. paco apana ghar chodakar hotel me rehene lagtaa hai.

Episode ke end me ham angelo ko is town me aate huve dekhatein hai jo apane aap ko naya priest kehetaa hai. Vo father vergara ke place me aayaa tha. Town ke logon ne naye normal priest keliye petition daalaa tha ye uska hi natijaa tha. Town ke logon ko priest ke badale devil ka agent milaa tha.

Episode 7 ki starting me ham father vergara ko syria me pray karte huve dekhatein hai. Angelo new priest ke chalte Roque ka funeral conduct kartaa hai. Paco and marche oficially divorce lene jaatein hai jahan paco marche ko apana sara wealth de detaa hai. Jisase marche aur dukhi hoti hai. vo paco ko hamesha pyar karti thi but paco use ab sirph business partner ke taur par dekha rahaa tha.

Syrian armed guards father vergara and uske jaise do aur kaidiyon ko execute karne lejaarahe the. But somehow vo unse fight karke vahanse bach nikaltaa hai.

Senior police officer maria and christina elena ke husband ka case open karke uske haddion ko forensic lab me bhejatein hai. Report aane par vo officer laguna ko arrest kartein hai , unse explanation mangatein hai. Lagunaa jesus, mario se judi saari baat bataataa hai, kehetaa hai ye town cursed hai.

Idhar town me old witch swear lines me black magic ki powder daalti hai. Meat plant me jaakaar meat ko lutati hai jise vo witch craft karne me use karti hai. Angelo bhi town ke chaaron aur ek black paste ko daal rahaa tha, ye ek kismka ancient curse tha jo town ke logon ko bahar jaane se rokane keliye tha.

Later that night town ke swear lines se thick white fog aane lagtaa hai jisase visibility khatma hotaa hai. Paco, marche , police kisi ko samja me nahi aataa ki aakhir ye kaise horahaa hai. Paco ek emergence meating bulaataa hai jisme vo cainites ke baare me sab ko explain karne jaataa hai. Tabhi vahan angeleo bhi aataa hai jiske saath hi paco ki tabiyat bhi bigadane lagtaa hai. Angelo sab se kehetaa hai ye fog normal hai as kisi factory se koyi normal gas leak horahaa hogaa. Sab ko morning tak wait karne keliye kehetaa hai. Tabhi antonio vahan aakar sab se kehetaa hai ye aadami devil hai isaki baath mat maaniye. Koyi uski baat ko nahi maanataa as sab ko lagataa tha ki antonio pagal ladaka hai.

Officer laguna fog ko dekhakar police station se bhagane lagtaa hai, maria and christina uska pichaa kartein hai. Town ke edge par laguna ke car ka accident huvaa tha as ageloo ki powers se town ke chaaro aur ek invisible wall ban gayaa tha. Later angeleo marche se kehetaa hai tumhari ye small town history ka hissa hone waala hai, yahan ek important event hone waala hai, iskeliye kuch logon ka marnaa zaruri hai. Agali subha town ke sabhi log church me the jahan achanak aag lagjaati hai, merche and kuch log bach kar baahar aatein hai but baaki log marjaatein hai. Ye log jo mar gaye the vo religious log the isliye hi angelo ne unhein maar daalaa tha. Jo bach gaye the vo sinners the jise angelo ab apane naye church me shamil karne vaalaa tha. Isi town me order of cainaites apana new world order banane waale the.

Isi beech Elena vaapas town me aati hai, vo sidhe paco se milne jaati hai jahan uske and merche ke beech fight hotaa hai. Merche use maarkar use behosh karti hai, uske paas se coin ko lekar use angelo ko de deti hai. Later father vergara bhi town par aatein hai. Yahin episode end hotaa hai.

Final episode ke shuruvaat me ham paco, elena and vergara ko town ke beech me guns ke saath dekhatein hai jo angelo se fight karne keliye ready the. Angelo inpar ek big monster se atttack kartaa hai jiska samnaa ye teeno milkar bhi nahi kar paate. Later haarkar town ke under ground tunnels me chupjaatein hai. Ye log yahin par pandra din tak rehetein hai. Upar town me fog bhi gaayab hotaa hai, town ke sabhi sinners ab angelo ke influence me the, vo roz uske church jaate the. Marche bhi church jaati thi but angelo ke influence me nahi thi. Zinda rehene keliye church ko follow karne ka naatak kar rahi thi.

Father vergara paco ko church se saint ambrose ka ek holy relic laana keliye kehetaa hai jisase unko upar horahi acitivies pataa chal saktaa tha. Paco chruch me jaakar blood of ambrose ki relic ko churaataa hai, town ke maps ko letaa hai and marche se chupkar milne bhi jataa hai. Use apane saath aane keliye kehetaa hai but marche manaaa karti hai as vahan elena thi.

Paco and elea ke karibi se vo tut gayi thi, use paco chahiye tha isliye vo paco ko hi rukane keliye keheti hai. But paco nahi suntaa . Later marche us witch ke paas jaakar paco ki aadhi khayi huvi bread deti hai jisase vo witch elena par curse karti hai. Vo merche ko ek pin needle deti hai jise elena par daalana tha. Is curse se paco and elena hamesh keliye alag hone vaale the.

Paco under ground me aakar vergara ko saari chijein detaa hai, vergara ambrose ki blood ko apane aakhon par and ek kabutar ke sar par bhi daalataa hai. Ambrose ek pure saint the jiske blood me bhi magical powers thi. Ab us kabootar ko aasamaan me udayaa jaataa hai jisase vergara ko sab dikhane lagtaa hai. Order of cainaites cardinal fabio santario ka wait kar rahe the as vo ab cult ka official pope banane vaala tha. Isaki taiyaari jor se chal rahi thi. Har jagah dead bodies se sajayagayaa tha as death evil ka symbol tha. Yahan ke khatarnaak set design sach me daraavane hein.

Merche ko paco ka pata ab maalum hogayaa tha isliye vo vahan aakar Elena par hamlaa karti hai. Uske under us cursed needle ko daalati hai, jise pharun baad hi elena behosh hoti hai, uski body bhi gayab hota hai.

Later ham santario and uske followers ko is town me aate huve dekhatein hai jahan town ke uskaa swagat kartein hai. Vo dark pope banane keliye ready hotaa hai. Uske mukut par 30 coins the. Vergara and paco bhi under ground lines se bahar uske isi building me nikaltaa hai. Paco ko elena us old witch ke paas milti hai jahan vo witch makadi ki roop lekar uspar hamlaa karne aati hai. Indono me kaaphi fight hotaa hai, finally paco use maarkar elena ko uthakar is town se bhagane lagtaa hai.

Father vergara santorio ko rokane jaataa hai jahan angelo use apani asaliyat bataa taa hai. Asal me angelo hi devil tha, usi ne gaicomo ko roop lekar father vergara ko vo coin diyaa tha. As vo jaanataa tha ki verggara strong aadmi hai, vo coin ko safely rakhega. Judas ke death ke baad devil ne most of the coins ko churaaliyaa tha and unhein apane paas hell me rakha tha. But coins powerful relics thi jo vahan rehena nahi chahati thi. Isliye sadiyon se kayi coins hells se earth par vaapas aayi thi. Devil ko ek strong aadami chahiye tha jo insab ko use karke uski philosophy ko aage badaya. like jesus jisne god ki philosophy ko aage badayaa tha. Angelo vergara se kehetaa hai tum mere banaye huve Judas ho, tumne meri madad ki and tumhe pataa bhi nahi chalaa.

Later santario sphere of longinus se father vergara par hamlaa karke use marne keliye chod detaa hai. Vergaraa god ko prey karne lagtaa hai. Town ka pagal antonio ko aage aane vaale events ki visions aati thi jisase log confuse hokar use paagal keherahe the. Usne logon se kaha tha ki angelo devil hai but kisine uski baat nahi maani. Vo ab town officer laguna ko bachakar town ke edge ke paas laataa hai use saari story bataataa hai.

Fabio santario pope ki tarah dress karke apane aapko nayaa dark pope ghoshit kartaa hai. Father vargara ki body par saint ambrose ka blood tha. Isliye usme life phir se aane lagtaa hai, vo apni kabutar ko control karne lagtaa hai. Usase santario par hamlaa karke use distract kartaa hai, later sphere of longinus ko nikaalkar santorio par attack karke, building se uske saath kud jaataa hai. niche girte hi dono mar jaatein hai and 30 coins bhikar jaatein hai.

Coins jaate hi order of cainaites ke follwers par lagi speel bhi end hotaa hai and vo log khud coin lene tut padatein hai. Aapas me ladane laagtein hai. Ek coin Maerche ke paas bhi aataa hai jise vo chupaa leti hai. Later vo and cardinal lagrange car me baita kar is town se bhag jaatein hai. Clearly yahan devil ka plan fail hotaa hai as santario 30 coins weild karne keliye laayak nahi tha. Ham angelo ko ek asian man ke taur par shape shift hote dekhatein hai.

Order of cainaites ki end ke saath town ke sabhi logon par lagi mind control spell ka bhi end hotaa hai. Invisible waal bhi hat jaataa hai. Paco elena ko lekar dusare town ke ek hospital ko jaataa hai. End me ham devil ko time square par dekhatein hai. Yahin par episode 8 end hotaa hai.

Toh ye thi 30 coins ki shandaar series. Mujhe toh ye series kaaphi achhi lagi, thodi lambhi hai but behetaeen hai. Music, set design, CGI and plot detail ise suspenseful banati hai. Sabhi actors ne badiya kaam kiyaa hai.

Yahan par devil earth par apana church chalaanaa chahataa tha jiske liye 30 coins zaruri tha. Father vergara use rokane me isliye kaamiyaab hotaa hai as usne end tak apani faith ko nahi chodaa tha. Season two me hame elena, paco , merche ki kahani dekhane ko milegi jahan shayad merche in coins ko collect karne lagegi. Ummed kartaa hoon aapko ye series pasand aayaa hogaa.

Tags : Hindi Story, Hindi spoilers, Hollywood film ki kahani,film ki story, hinglish, hinglishxyz

Comments