Skip to main content

Black Water Explained in Hindi|Hinglish|Movie Spoilers

Black Water Explained in Hindi|Hinglish|Movie Spoilers

Is article  ke  kuch parts  ko famous hindi horror youtube channel @HauntingHolly me use  kiya gaya hai , yadi aap video de khana chahatein hai toh vo page  ke end me hai.

Film ki starting me ham teen logon ko dekhatein hai jo christmas ki holidays ko enjoy karne keliye ek crocodile park ko jaatein hai. Inkaa naam tha Adam, uski wife Grace and grace ki choti behen Lee. Ye log Crocodile park par puraa din bitaatein hai, vahan bade bade crocodiles ko paas ke river pond se laya gaya tha. Ye river pond kayi kilometers tak pehelaa huvaa tha jiske under trees se bhara jungle tha. Raat me ye teeno ek hotel me rukatein hai jahan next morning inka plan fishing par jaane ka tha.

Morning me ek local guide Jim in teenon ko pond me fishing karne keliye lejaane lagtaa hai. Uska boss Berry already ek tourist group ke saath gayaa huvaa tha. Yahan par grace and Lee ki baaton se hame ye pataa chaltaa hai ki grace pregnant hai. Ye baath usne ab tak adam ko nahi bataayaa tha , vo sahi time ka wait kar rahi thi. Jim ek pocket gun ko saath me lekar in teenon ko river ka tour karaane lataa hai. Ye log boat me nature ko enjoy kartein hai, photos letein hai. ek place par rukakar vahan fish pakadane lagtein hai but inhein koyi fish nahi miltaa. Isliye Jim inko aur aage lejaataa hai.



Kuch der baad adam ke fishing rod par ek machali phas jaati hai, sabi log khusi se dekhane jaatein hai tabhi boat jor se hilane lagtaa hai. Rod par machali nahi balki ek magarmachha phasaa tha. Vo inki boat par hamala karke use hilaane lagtaa hai. Sabi log paani me gir jaatein hai, adam dar kar kehetaa hai magaramachha hai bhago bhago. Vo panic me grace ko ek ped par chadaataa hai, Lee use kahin nahi dikhati. Grace ko ab Jim ka dead body float hotaa huvaa dikhataa hai, dur se vo magarmachha phir se Adam ki aur aaraahaa tha. Grace adam par chillakar use upar aane keliye keheti hai. Adam pharun upar aataa hai.



Ham dekhatein hai ki boat palat gayaa tha, uske niche hi Lee thi, vo ab swim karke upar aati hai. Vo magarmachha ab lee ki aur hi aarahaa tha. Ise dekhakar grace lee ko boat par chadane keliye keheti hai. Jaise hi lee chadati hai vo magarmachh vahan aakar boat ko phir se hilaane lagtaa hai, lee ko giraane lagtaa hai. Lee ne boat ko kas kar pakadaa tha isliye paani me nahi girti, adam ab us magarmachh ko distract kartaa hai. Kuch der baad vo magarmachh vahan se chalaa jaataa hai. Vo jim ki floating body ko lejaane lagtaa hai.



Ise dekhakar grace keheti hai vo magarmachh ab chalaagayaa hai, yahi sahi time hai Lee ko bachaane ka. Vo lee ko boat par lagi rassi ko unki aur phenkane keliye keheti hai. Lee rassi ko adam ki aur phenkati hai, adam use pakadkar rassi ko khinchane lagtaa hai, boat paani me atak gayaa tha isliye vo aage naahi aataa. Grace and adam dono milkar koshish kartein hai but phir bhi boat aage nahi aataa. Ise dekhakar grace Lee ko hi swim karke unki aur aane keliye keheti hai. Pehele toh Lee manaa karti hai but baad me himmat karke unke aur aati hai. Vo bhi ab pharun ped par chadkar bhetjaati hai. Use pair me chot lagaa tha.



Ab teeno sochane lagtein hai ki aage kya kanaa hai. Grace keheti hai hame kuch der yahin wait karnaa chahiye, Jim ko dhundate huve uska boss berry yaahn zarura aagegaa. Ye log wait kartein hai ghnte do ghane hone ke baavajud bhi koyi nahi aataa, vo magarmachh ek aur round maar kar chalaa jaataa hai. Ab adam boat ko palat kar usme hi vaapas jaane ke baare me kehenaa lagtaa hai. But grace and lee ko ye risky lagtaa hai. Kyunki paani me utarte hi vo magarmachh vaapas aasaktaa tha. Tabhi Lee frustration me jor jor se help , help chillane lagati hai, grace bhi chillati hai but us sunsaan nadi me unki baat ko sunane waala koyi nahi tha. Vahan par machhar bhi inhein pareshaan kar rahe the, inke paas ke ek mobile phone bhi paani me girne ke vajhaha se dead hogaya tha.



Ab grace keheti hai is river me har jagaha ped hi ped hai, ham ek ped se dusare ped par chadkar is place se dusare place tak jaasaktein hai. Bas hame ek baar jaakar check karnaa hogaa ki ye ped kahan tak hai. Grace ab check karne jaati hai as adam ka chasama gir gayaa tha jiske bager use thik se dikhayi nahi detaa tha. Lee ke pair me chot lagi thi. Isliye grace khud hi check karne jaati hai, ped se ped kud kar check karti hai. Thodi dur jaane par 100 meters ka gap tha jinhe unhein swim karke hi paar karnaa tha. Uske aage phir pedon ka series tha. Ye idea bhi workable nahi tha as magarmachh us gap me kabhi bhi aasaktaa tha,vo inse tez swim karsaktaa tha. Grace vaapas aane lagti hai, use vahan jim ka kaan float hotaa huvaa dikhataa hai jisase vo dar jaati hai.



Vapaas aakar saari baat adam and Lee ko bataati hai. Adam dusara koyi option na hone ke kaaran phir se boat ko palatne ki baat kartaa hai. Isbaar vo donon ko convince karke paani me utartaa hai, swim karke boat ke niche jaataa hai, taakat lagaakar use palataa hai. Sab kuch thik chal rahaa tha tabhi vo magarmachh pani ke niche se adam par hamlaa kartaa hai. use paani me khinch letaa hai. Grace and lee upar se chillane lagtein hai but adam jaachukaa tha. Vo magarmachh adam ki body ke saath upar aataa hai and use vahan se lejaane lagtaa hai.


grace and Lee dukhi hokar rone lagtein hai, kuch time tak upar hi wait kartein hai. Later niche aakar boat ki rassi ko khichane lagtein hai but vo unse todhi dur par tha. Grace ped ke dusare theni se rassi ko lene jaati hai tabhi vo magarmachh paani me se nikalkar havaa me kudate huve grace ko pakadne ki koshih kartaa hai. Grace isase aur dar kar is idea ko bhi chod deti hai. Vo adam ki float hote huve body ko dekhakar rone lagati hai. Use is baat ka afasos tha ki usne adam ko pregnant hone ki baath nahi bataayi.



Ye dono ped par hi wait karne lagtein hai, raat hotaa hai. Raat ke time me vo magarmachh adam ko khane lataa hai, jiske sound se grace ko aur bhi jyada dukha hota hai. Agale subha grace mentally tut chuki thi, vo sadme me thi. Lee use motivate karke us apane hone waale bachhe ke baare me sochane keliye keheti hai. Adam ki aakhari gift ko bachane ki baat karti hai. Unka boat ab float hokar thoda dur chalaagayaa tha. Isliye Inhein paani me swim kake hi ustak pahunchanaa tha. Ye log paani me utarkar aage badhane lagtein hai tabhi vo magarmachh unke saamane hi paani me se nikaltaa hai. Vo grace par hamlaa karke use niche khinchane lagtaa hai. Lee bhi puri taakat se grace ko khinch kar use phir se ped par laati hai. Grace ke pair par kaaphi chot lagaa tha, bahut saara khoon beherahaa tha. Lee aapne dress ko phdakar usko grace ke leg par baandati hai, uski bleeding ko rokati hai. Jisase bleeding toda kam hotaa hai.



Thodi der baad Lee ko rescue boat ki awaz sunaayi detaa hai, vo use dekhakar help help chillane lagti hai. Ped se ped kudkar unhein apani awaz lagaati hai. Boat ke engine ke sound me rescue workers ko Lee ka awaz sunaayi nahi detaa. Tabhi vo magarmachh phir se grace ke paas aagaya tha, grace halki halki bleed karrahi thi isliye vo magarmachh uske niche hi ghat lagaa rahaa tha. Lee use apani aur distract karke vaapas grace ke paas aati hai. Phir uske pair ko kas kar baandati hai. Kuch der baad jab vo magarmachha chalaa jaataa hai tab lee grace se phir boat ki aur jaane ki baat karti hai. Grace use jaane se rokane lagati hai but koyi aur option na hone ke kaaran Lee pani me utarti hai.



Isbaar swim karke boat me chadati hai, boat me padi paani ko nikaalne lagati hai. Is sab shor se vo magarmachh phir boat ki aur aataa hai, is baar vo bhi boat me kudkar Lee ko pakadane lagataa hai. Lee panic me paani me kudati hai jahan vo magarmachh use follow karke use pakad letaa hai. Use pakadkar ek kinaare laakar phenkataa hai jahan already Jim ka aadha kata huva body tha.



Ek do ghante behosh rehene ke baad Lee ko hosh aataa hai, uske pet par chot lagaa tha as vo us magarmachha ke pet me tha. Hosh me aate hi Lee Jim ke jeb se gun ko leti hai, use paani me clean karke test fire karti hai. Vo gun chalrahaa tha. Ab vo jim ki haath ko bait ki tarah use karke use paani me splash karne lagti hai. Pani ki shor ko sunkar vo magarmachha vaapass aataa hai , vo lee par piche se hamlaa karne lagtaa hai. Lee phir se paani me girti hai but isbaar vo magarmachhpar par goli chalaane me kaamiyaab hoti hai. Vo magarmachha vahi marjaataa hai.



Lee ab vaapas grace ke paas aati hai but jyada khoon behene ke kaaran grace vahin par mar chuki thi. Lee grace ko pakad kar rone lagti hai, uski body ko niche utaar kar boat me chadaati hai. Baad me dono boat me baitakar jaane lagtein hai.
Film yahin end hotaa hai.



Toh doston ye thi film black water ki kahani. Ye story ek true event se inspired hai. Saal 2003 me Australia ke teen teenagers aise hi river tour par gaye the. Jahan unka boat pani me palatgaya tha. Vo nadi ke us section me gaye the jahan tourist ko jaana manaa tha. Unke ek friend ko magarmachh me khaliye tha but baaki do friends ped par hi 22 ghante baite the. Later rescue team ne umhein bachaayaa tha. Is film se ye seek milti hai ki kisibhi nayi tourist place ko jaane se pehele uske baare me research karnaa behad hi zaruri hai. Yadi aapko is film ki real story ko aur detail me padhana hai to mai iski link niche description me dedunga . Ummed kartaa hoon aapko ye video pasand aayegaa. toh Mai aapse miltaa hoon agali video me.





Previous : 30 coins                         Next : the wax mask

Comments