Body Cam Explained in Hindi|Hinglish|Movie Spoilers

     Body Cam  Explained in Hindi|Hinglish|Movie Spoilers

Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai.

Aaj me saal 2020 me release huvi police horror film body cam ki story ko explain karunga. Is film ki IMDB rateing hai 5.3 out of 10. iske director hai Malik Vitthal and writer hai Richmond Riedel.

Film ki kahani Los angeles sheher ke police department ke upar hai. Starting me ham officer Kevin ko night petroling me dekhatein hai. Vo thoda stress me tha as aaj hi ke din public ne police ke brutality ke khilaph protest kiyaa tha. Night me vo ek wan ko rokataa hai jo bina license plate ke chal raha tha. Kevin driver par chillakar bahar aane keliye kehetaa hai, uske upar gun taanataa hai. Later ek lady wan se dar kar baahar aati hai, suddenly koyi unknown entity officer Kevin par hamlaa kartaa hai use uthakar uske car par phenkataa hai.

12 hours pehele officer Renee active duty par vaapas aayi thi. use kuch din keliye suspend kiya gaya tha as usne ek civilian par bina pravocation hamla kiya tha. Usne apane bete ko ek accident me khodiyaa tha jiske grief se vo juja rahi thi. Renee ko Police chief Kesper ek rookie officer Danny Holledge se miltaa hai jo uska naya partner tha. late night Renee and danny ko officer kevin ke paas jaane ka order miltaa hai as vo respond nahi kar rahaa tha. Kevin ka car damage huvaa tha, uspar blood stains the, uske teeth bahar pade the. Car ke laptop me renee ko kevin ka body cam footage miltaa hai jisme clearly koyi uspar hamlaa kar rahaa tha.

America me jab bhi Police petroling par jaatein hai tab unke khandhe par ek body cam hotaa hai . Vo unki sab movements ko live record karke unke laptop me save kartaa rehetaa hai. Ye transparency keliye banaayi gayi chiza thi.

Us footage me Renee ko vo Wan and vo lady bhi dikhatein hai. Later rene and danny ko officer kevin ka body upar lataka huva miltaa hai.

Later sabhi officers site par aatein hai, Renee us footage ke baare me chief kesper se keheti hai. Jispar vo surprise hokar kehetaa hai car ke laptop me koyi footage nahi hai. Laptop full damage huvaa hai. But Renee apane wan waali theory par kaayam reheti hai.

Later us wan ke lady ke pants par lagi logo se Renee ko ye pataa chaltaa hai ki vo logo ek hospital ka hai. Taneesha Branz naam ki ek lady vahan par ek nurse thi aur vohi us wan ko chalaa rahi thi.

Renee and Danny is case ko aur investigate karne lagtein hai, vo taneesha ke ghar par jaatein hai jo 6 mahine se viraan padaa tha. ghar ke under check karne lagtein hai, achanak kayi saare cockroaches Danny ke upar girtein hai. vahan par hame vo entity phir dikhataa hai jo renne par hamlaa karne aarahaa tha. But renee in time ghar se bahar aati hai.

Later renee taneesha ke baare me aur search karti hai. uska 14 saal ka betaa DeMarco Branz city crime me maaraa gayaa tha. Uska killer abhi pakada nahi gayaa tha.s

Town ke dusari aur taneesha ek grocery shop me late night chizen kharidane jaati hai. Usi time two local thief us shop me ghuskar owner ko harass karne lagtein hai, taneesha ko bhi harass karne lagtein hai. Inme se ek prank ka shokin tha toh sab kuch apane mobile par record kar rahaa tha. Shop ke bahar officer Roberts and officer Birke taneesha ki wan ko dekhatein hai, ye Renee ki description se miltaa tha jispar number plate bhi nahi tha. Vo vahaun back up keliye call kar ke shop me aatein hai.

Officers ko lagtaa hai ye inkai wan hogi isliye vo unpar gun tankar puchane lagtein hai. Ek chor panic me officer Brike par goli chalaakar taneesha ko hostage banaataa hai. Jaise hi taneesha par hamlaa hotaa hai shop ke lights apane aap flicker hokar off hotein hai, vo chor havaa me levitate hotaa hai and andha dhun goli chalaane lagtaa hai. Is shoot out me shop owner and dusara chor maare jaatein hai..

officer Robert andhere me bache huve chor ko dhundane lagtaa hai, kuch pal baad vo uske saamne hi upar se girtaa hai. Vo tadaparahaa tha, uski khopadi ko crush kiya gaya tha. Vo marte time robert ke piche dikharahi entity ki aur isharaa kartaa hai. Dekhate hi dekhate officer robert ka face ek plastic bag se dhakjaataa hai. Use piche se koyi khincharahaa tha, robert mudakar andhadhun firing kartaa hai but use vahan koyi entity dikhayi nahi detaa. Later ham chor ke mobile me ek video record hote dekhatein hai jisme robert ka galaa havaa me hi koyi dabaa rahaa tha. Is sab ke beech taneesha chup ke se bhag jaati hai.

Later Renee and Danny investigate karne shop me aatein hai, wan ab bhi vahin park tha. Ye dono sab ki dead bodies ko dekhakar vo dar jaatein hai. Renee ko us chor ka mobile miltaa hai jise vo churaaleti hai. Later police officers us wan ki VIN number ko check kartein hai. Vo wan local church ke pastor ka tha jo kuch din pehele hi chori hogayaa tha. Police ki yahan ye theory thi. Un do choron ne hi us wan ko churaayaa tha, unhine officer Kevin ko bhi maaraa tha, jab officer roberts and brike wan ko yahan park huva dekhatein hai tab investigate karne shop me aaye. Shoot out huva and sab maare gaye. Renee is theory se satisfied nahi thi as vo jaanati thi ki ye wan ek lady ka hai.

Next day Renee medical examiner se milti hai jo kehetaa hai ye normal shoot out ka case nahi hai. Sab ki daanth ko ukhada diyaa gayaa tha. Renee examiner se five minutes maangati hai, vo akele me dead bodies ko check karnaa chahati thi. Vo us chor ki finger prints ko match karke phone ka lock kholati hai. Use vahan vo video miltaa hai jisme sab kuch record huvaa tha. Raat ko baar baar us video ko dekhane par use bhi vo black entity dikhataa hai.

Next day officers ke funeral me Renee officer Dario se milti hai, Dario ne Demarco branz ka case handle kiyaa tha. Dario kehetaa hai Demarco ko mujhe street par maraa huva padaa tha, shayad kisi gang ke member ne use maaraa hooga. Renee later Danny ko dekhati hai jo clearly itane saare death se stressed tha. Vo phir se alcoholic horaha tha.

Next day Renee us church ke pastor se milne jaati hai jiska vo wan tha. Vo usase keheti hai vo wan chori nahi huvaa tha balki usni ne use taneesha ko diyaa tha. Pastor ab sachhayi explain kartaa hai. Taneesha ka beta Demarco ek achha bachha tha, vo church dusare bachhon ko help kartaa tha and vo deaf tha. Uska and gang ka dur dur se naataa nahi tha. Pastor kehetaa hai uski death ke baad taneeshs tut gayi, vo off the gird rehene lagi hai. Pastor renee ko taneesha ka address detaa hai jo ek old factory me tha.

Renee ko us location par demarco par likhi kayi saari articles miltein hai. Officer kevin, roberts, brike, danny, kespar ke upar cross se nishan kiyaa gayaa tha.Rene dar kar Danny ko pharun milne aane keliye keheti hai , danny maan jaataa hai but nahi aaataa. Later Renee hi danny ke ghar jaati hai jo open tha use danny ki lash bath room me miltaa hai . Usne suicide kiyaa tha. renee grief me rone lagti hai, use danny ka suicide note miltaa hai jisme usne sorry likha tha. Use ek flash drive bhi miltaa hai jisme uski body cam footage tha.

Do hafte pehele Danny, Dario, roberts and kevin ke saath petroling par tha jahan unhein ek gang war ki news milaa tha. Vo site par aakar sabko warn kartein hai. Usi location se Demarco apane ghar jaarahaa tha , kyunki vo deaf tha use police ki warning samajh nahi aataa. Vo apane raaste jaane lagtaa hai, Dario Demarco ko gang member maankar uspar goli chalaataa hai. Matlab black kid hai toh gang member toh hogaa hi. Pure racist beheviour. Jab unhein pataa chaltaa hai ki ye bachha beheraa hai and gang ka member nahi toh bhi use nahi bachaate. Officer Dario kehetaa hai yadi ye bachha bach gayaa toh fake encounter me vo log phas jaayenge. Isliye vo Demarco ka gala ghot kar maar daaltaa hai, use ordinary city crime ka label detaa hai. Baaki police officer danny ko bhi chup karaatein hai as in vo new rookee tha.

Renee ab usi old factory par jaakar police chief Kespar ko vahan bulaati hai, sab kuch explain karti hai. Kespar ye sab pehele se hi jaanataa tha and usne hi is case ko dabaayaa tha. Usi time officer Dario bhi vahan aataa hai , renee se footage maangataa hai, jab renee dene se manaa karti hai uspar vo goli chalataa hai. Renee ne bullet proof vest pehenaa tha isliye use chot nahi lagtaa.

Suddenly taneesha bhi vahan aati hai jo inki baaton ko chup ke se sun rahi thi, vo kespaer se keheti hai tumhe bhi mera betaa nahi chodega. Aur yahan khultein hai asali pattte. Vo black enity jo sab police officers ko maar rahi thi vo aur koyi nahi balki Demarco ka hi ghost tha. Vo apane mauth ka badalaa lerahaa tha. Demarco kespar ko mar mar kar uski daanthon kobhi nikaal detaa hai.

Isi beech renee and taneesha Dario se chupkar factory me bhagtein hai jahan dario bhi unka picha kartaa hai. Later Demarco ka ghost dario par buri tarah hamlaa karke use darda naak mauth detaa hai. Iske baad Renee station ko inform karke back up bulaati hai, us footage ko sab se share karti hai. Vo ambulance me baita kar hospital jaarahi thi tabhi use Demarco and uske bete ka ghost normal form me dikhataa hai. Implying ki undonoko ab peace milgaya hai, vo afterlife keliye ready hai. Officer Renee court me Chief Kespar ke khilaap gavaahi deti hai jisase use jail ki sajaa hoti hai. Boom and ye film yahin end hotaa hai.

Toh ye thi film Body cam ki kahani, story straight forward hai. Ye US ki Police brutality, systemic racism and grief me struggle ki kahaani hai. Suspense se bhara film hai. Kaaphi achha hai.



NEXT : The Curse of Audrey Earnshaw            PREVIOUS : SOMETHING THE LORD MADE

Post a Comment

0 Comments