Skip to main content

House On Haunted Hill |Explained in Hindi|Hinglish

House On Haunted Hill |Explained in Hindi|Hinglish

Is article  ke  kuch parts  ko famous hindi horror youtube channel @HauntingHolly me use  kiya gaya hai , yadi aap video de khana chahatein hai toh vo page  ke end me hai.

So hey guys aaj me saal 1999 me aayi ek horror thriller film ko explain karunga jiska naam hai house on haunted hill. Is film ki IMDB rating hai 5.6 out of 10.


Film ki kahani start hoti saal 1931 ke ek mental asylum me jiska naam tha Vannacutt Psychiatric institute. Yahan par Dr Vannacutt apane pagal marizon par illegal experiments kar rahaa tha. Aise hi ek experiment ke dauran kuch pagal unpar and uske five staff members par hamlaa kartein hai. Imke beech thodi fight hoti hai, hospital me accidentally aag lagjaataa hai. Sabhi ke sabhi pagal mariz is bhishan aag me jal kar mar jaatein hai. Dr Vannacutt ka bhi murder hotaaa hai but uske five staff bachkar nikal jaatein hai. Baad me is hospital ko band kiyaa jaata hia jiske kuch hisse ko ek residential bunglow me convert kiyaa jaataa hai. Tab se hi ye house haunted hone se infamous hotaa hai, logon ka maanana tha ki vahan mare logon ka ghost hai.

Ab kahani saal 1999 me start hoti hai , Evelyan Price naam ki mahila is haunted house ki story ko news me dekhati hai. Use ye interesting lagtaa hai isliye apana next birthday isi house me celebrate karne ka decision leti hai. Vo apane husband steven Price ko ye baat bataati hai jise ye idea utana achha nahi lagtaa. But phir bhi maan jaataa hai. steven price ek super rich aadami tha jisa amusement park ka business tha. steven and Evelyan ke beech rishte achhe nahi the, vo ek dusare par shak karte the and hamesha jaghadate the. Evelyan ko paison ke saath divorce chahiye tha but iske liye steven ready nahi tha.

Vo Evelyan ki bheji huvi guest list ko phad detaa hai. Apana khuda ka ek list banaakar apane assistant ko bhejataa hai jise party organize karnaa tha. Ham dekhatein hai email me guest list apane aap hi badal jaati hai.

Birthday ke din paanch log is haunted house me aatein hai. Pehele aadami Watson Pritchett tha jo house ka owner tha. Bachapan me vo is ghar me rehetaa tha but dar ke maare uski family vahan se bhag gayi thi. Use pakka yakin tha ki house me ghosts hai. Dusari lady Jennifer Jenzen thi jo apane aap ko ek MNC ki CEO batati hai. Tirasi lady thi Melissa Maar jo ki ek tv actress thi. Chutha aadami Eddie Baker tha jo ek farmer base ball player tha. Last aadami Donald Blackburn naam ka ek Doctor tha.

In sab ko ek email milaatha jisme likha tha ki inko ek raat is house me bitaana hai. Yadi vo usme successful hotein hai toh unhein 1 million dollar inaam me milenge. Isi challenge ke chalte sab log is house me aaye the. Ghar me hum ek modern painting ko dekhatein hai jo hospital ke opening ke samaya se vahan tha.

Kuch samaya baad Evelyan house me aati hai, vo painting ke niche khadi thi tabhi achanak vo upar se uspar girtaa hai. Eddie Evelyan par kud kar uski jaan bachaataa hai jahan glass ke kukade har jagaha thi. Baad me steven sab ko welcome kartaa hai. Evelyan guest ko dekhakar shock hoti hai as vo inko pehechaan ti nahi thi. Vo steven se privately milkar use confront kati hai. steven kehetaa hai maine tumhari guest list ko phad daala tha, maine ek alag list banaayi thi but ye log vo nahi hein. Inko invitation kaise milaa mai nahi jaanataa. steven evelyan par hi email ko hack karne ka izam lagaataa hai.

Baad me steven sabhi mehemaanon ko sachhayi bataataa hai as unhein invitation galati se gaya tha. But phir bhi vo apane promise ko rakhate huve sab ke naam par 1 million dollar ka check banaakar apane paas rakhataa hai. Matlab Unki challenge abhi bhi on thi. Watson ko ye sab thik nahi lagtaa as usane house ko sirph ek din keliye bhade par diyaa tha. Vo apani rent lekar jaane lagtaa hai tabhi house lockdown mode me chalaa jaataa hai. House ke chaaron aur steel doors girtein hai taaki under ka koyi baahar naa jaa sake. Hospital ke time pagalon ko rokane keliye ye security system banaaya gaya tha. Jo apane aap ab active hogaya tha. Watson isase kaaphi dar jaataa hai kehetaa hai house zinda hai, yahan ghosts hai vo badalaa lene keliye hame trap kar rahein hai.

Yahan ham steven ko schecter naam ke bande se chpkar milte huve dekhatein hai. Actual me steven ne house me cctv lagaayaa tha jise schecter monitor kar rahaa tha. Schecter kehetaa hai usne lockdown nahi kiyaa hai , vo apane aap hogayaa hai. steven ka shak ab evelan par jaataa hai.

Ye house cum hospital kaaphi badaa tha, yahan koyi aataa nahi tha isliye viraan padaa tha. Sab ko logataa hai lockdown seteven ne hi kiyaa hai, evelyan ko bhi seteve par hi shak tha but seteve isase inkaar kartaa hai. Ab sabhi log us lockdown ke control room ko basement me dhundane jaatein hai. Evelyan ne ghar me guns ko as a precaution pehele hi rakhavaayaa tha jise eddie ab letaa hai.

basement me hospital me inhein operation theater, saturation chamber, kayi saari kankaal, aur bhi aneka medical equipment miltein hai jo hospital ke the. Vahan ek tutaa huva diwar tha jiske piche khoon ke dhabbe the. yaahan Jennifer eddie se keheti hai uska asali naam Sara wolfe hai and vo kyo Ceo nahi hai.

Basement ek mazi ki tarah kaaphi chudaa tha isliye sab log vahan bhikar jaatein hai. Sara akeli hojaati hai jise eddie ab possessed state me dikhataa hai, vo uska picha karne lagti hai, eddie ek blood se bhari pool par jaakar usme kud jaataa hai. Sara panic me use bachane jaati hai but koyi takat use bhi khinchane lagti hai. Now real eddie jo sara ko dhundaraha tha vo aakar sara ko bachataa hai. Meaning ki sara ko yahan hallucinations hone lage the.

Dusari aur tv actress malisa apane video cam me sab kuch shoot karte huve jaarahi thi. Us camera me use ek operation table par kuch ghosts dikhatein hai. Ghost ab malisaa par hamlaa karke use maar daaltein hai. Malisaa ki chikhane ki awaz baki sabi log suntein hai.sabhi aakar check kartein hai toh melisa ki body missing thi, vahan khoon har jagaha giraa tha. Camera me malisa ka murder saaph saaph dikha rahaa tha.

Is sab se eddie and sara behad hi darkar challenge ko end kartein hai, unhein bas ab kisibhi haalat me baahar jaana tha. steven apane cctv assistant schechter se milne jaata hai but uska bhi buri tarike se murder hogaya tha. Uske tvs par ham Dr Vannacutt ke ghosts ko dekhatein hai. Meaning ki Dr Vannacutt hi yahan sab ko maar raha tha.

Eddie and sara steel ki door ko kholane jaatein hai but vo nahi khulata. tabhi house ke sabi lights flicker hone lagtein hai. Dekhane par Evelyan ko koyi electric shock derahaa tha. Evelyan vahin table par hi marjaati hai. steven ko ye dekhakar gussa aataa hai as use lagtaa hai evelyan ko bache huve logon me se hi kisine maara hai. Vo apane dukha me sab par andha dhun goli chalaane lagtaa hai, eddie and watson use pakadkar saturation chamber me band kartein hai.

Is chamber me Dr Vannacutt schizophrenics patents ko lock karke unhein gol gol ghumaa taa tha, vahan moving images thi jisase mind me illusions create hotaa tha. Baaki logon ke jaane ke baad Blackburn saturation chamber ko shuru kartaa hai jisase steven vahin par ghumane lagtaa hai.Vo hallucinate karne lagtaa hai tab use house ke sabhi ghosts dikhatein hai, vahin par melisaa ka ghost bhi tha. Later steven ise chamber me behosh hokar girjaataa hai.

Eddie and sarah ko Dr Vannacutt ke old office me se ek portrait miltaa hai jisme uske baaki staf members bhi the. Sara ko pataa chaltaa hai aaj is ghar me jo aayein hai vo unhi five bache huve logon ke vanshaja hai. Watson kehetaa hai ghar ke ghosts ne hi steven ki email ko hack karke unhein yahan bulaaya hogaa as house me telephone connection tha. But yahan Dr Blackburn ko kisne bulaayaa tha ye clear nahi tha as vo kisike vamshad nahi tha.
Ham ab Blackburn ko evelyan ko kiss kar ke ek injection dete huve dekhatein hai jisase evelyan phir se zindaa hoti hai. Blackburn ne evelyan ko behoshi ka injection diyaa tha as sab ko lage ki evelyan mar gai hai. Actual me Evelyan and blackburn ka affair tha aur dono ne milkar hi fake death ka plan banayaa tha. Is house me party rakhane ka plan bhi inhika tha, vo baki logon ko daraakar unke haathon se steven ko marvaana chaahte the. Evelyan ab blackburn se keheti hai unlogon ko steven ke prati aur bhadakaane keliye hame ek aur laash chahiye. jisase vo pure tarike se convince jo jaayenge ki ye sab steven hi kar rahaa hai.

Evelyan ab blackburn ko hi maar kar uski laash ko saturation chamber me daalati hai. Vahan pade steven ko bahar nikaalti hai. yahan Evelyan ko sirph steven ka paisaa chahiye tha jiskeliye vo kisi bhi had tak jaane keliye ready thi.

Sara, eddie and watson blackburn ko dhundate huve aatein hai par unhein sirph uska khoon dikhataa hai. Sara ka shak phir se steven par jaataa hai as ghar me un teenon ke alavaa sirph vo hi zinda tha. Kyunki Evelyn ki zinda hone ki baat in teeno ko nahi pataa tha. Ab teeno saturation chamber me check kartein hai, vahan blackburn ki kati huvi mundi latak rahi thi. Teeno ko pakka hotaa hai ki vo khoon steven ne hi kiyaa hai. House me jo kuch bhi horaha hai uske piche steven ka hi haath hai.

Vo gun taankar steven ko dhundane lagtein hai , jab steven hosh me aakar baahar nikaltaa hai sara uspar panic me goli chalaadeti hai. steven goli khakar niche girjaataa hai. Sab log ab phirse baahr jaane ki raaste ko dhundane lagtein hai. Evelyn steven ke body ke paas aakar keheti hai mai real me aisa nahi chahati thi, yadi tum ek simple divorce keliye maan jaate thoh itana bavaal paidaa nahi hotaa.

Tabhi achanak steven apani aankha kholkar evelyan par hamlaa karne lagtaa hai, usne bullet proof vessel pehenaa tha as a protection. Usne hamesha evelyan ki zasusi karvaayaa tha, use uski and blackburn ke affair ke baare me pataa tha. steven and evelyan ke beech ab thodi haatha paayi hotaa hai jahan steven eveyln ko us diwar ke piche phenkataa hai. Ab Us dewaar ke piche se ek kaala parachayi aane lagtaa hai jo evelyan ko apane under samet kar maar daal taa hai. Actually me vo parachayi ghar ke sabhi ghosts ke takat thi jo badala lerahi thi.

steven use dekhakar bhagane lagtaa hai as vo parachayi bhi use follow karti hai. steven ab sara, eddie and wharson se milkar attic par jaane ki baat kartaa hai as use lagataa hai lockdown ka control room shayad vahin hogaa. Attic ko bhagate time whatson parachayi ka shikar hotaa hai, parachayi ke under se ham ab evelyan ki ghost ko dekhatein hai jo clearly sab ko maarana chahati thi.

Attic par steven ko controls miltein hai, vo steel doors ko hataaa taa hai. Eddie and sarah somehow upar se ghar ke baahar jaane me kaamiyab hotein hai. Isme blackburn ka ghost unki madad kartaa hai. but steven ko evlyan pakad leti hai and use bhi maar daalti hai . Isi beech steven ke pocket se one milllion dollar ka check gir kar baahar jaataa hai jo end me sara ko miltaa hai.

Finally eddie and sara bach gaye the aur unhein paise bhi milgaye the. Vo is haunted house ke upar the. Film yahin end hotaa hai.

Toh ye thi house on the hauting hill ki kahani. Basically pati patni ek dusare se nafarat karte the and dono ek dusare ko maarana chaahte the. But steve is hospital se bhage huve staff ka vanshaj the isliye house ke ghosts ne use trick kar ke vahan bulaayaa tha. House ke ghosts ko sirph badala lenaa tha. Blackburn , whatson , evelyan is sab me collateral damage the. Laalach buri balaa hai yadi vo had se jyada ho jaaye toh aapse sabhi galat kaam karvaati hai.


Comments