Skip to main content

The Curse of Audrey Earnshaw Explained in Hindi | Hinglish

The Curse of Audrey Earnshaw Explained in Hindi|Hinglish|Movie Spoilers

Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai.


Aaj ek ek beautiful horror film lekar aayaa hoon. Iskaa naam hai the curse of audrey earnshaw. Halaanki isaki IMDB ratein sirph 4.8 out of 10 hai but ye film ko justify nahi kartaa. Film ko dekhane ke baad kayi logon ko isaki plot thik se samajha me nahi aaya isliye ye ratings hai. Is film ke writer director hai Thomas Robert Lee.

Is film ko achhe se samajhane se pehele aapko america and canada me rehe rahe amish comunnity ke baare me jaananaa padega. Amish ek religious minority community hai jo 19th century me america ko norther germany, netherlands, belgium se migrate huve the. Ye ek highly religious christen community hai jo modern facilities ko use nahi karte. Yaani inke ghar me electricity, tv ,mobile, ac , yaa koyi bhi modern instruments nahi hotein hai. Ye aaj bhi puraane logon ki tarah simple life jitein hai. Travel keliye horse cart ka use kartein hai. Inki population 2.5 lakh hai and ye community me hi shadi kartein hai. 

Modern medical facilities ko use nahi karte, illness ko apane community ke under hi thik kartein hai. Ye rural communities hai, farming and allied business hi inka main source of income hai. Ye zindagi bhar apane communities me hi rehetin hai and rarely travel kartein hai. Inka mother tounge german, dutch and english bol saktein hai. Inke kayi saare traditions traditional vatican catholic church se bilkul alaga hai. Basically ye ek closed minority group hai. Film ki story aise hi ek community par based hai. haalanki film me ye kahin nahi kahaa gayaa hai ki community amish hai par characters ke dress design amish se hi miltein hai.

Film ki shuruvaat ek short explainer ke saath hotaa hai jahan bataaya jaataa hai ki 1873 me kuch villagers Ireland se america ko migrate hogaye. Vahan par apana exclusive community banaaya. World wars huve, scientific knowledge bada but villagers apane traditional religious way of life par adig rahe. Like the mordern day amish community. 1956 me eclipse naamak ek mahaa-maari ka prarambha huvaa. Inke khet apane urvartaa ( fertility ) ko khone lage, paaltu jaanvar bimaari se marne lage. Agatha Earnshaw naamak ek mahilaa ke khet ko chodkar sab ka khet banjar ho rahe the. villagers ko lagtaa tha Agatha witchcraft karti hai isliye unhone use village se baahar nikaal diyaa tha, vo apane ek 17 saal ke beti Audrey ke saath akele reheti thi. Agatha ne Audrey ko eclipse ke dauraan janma diyaa tha and vo hamesha use villagers se bachaake rakhati thi. Film ko char chapters me present kiyaa gaya hai. 1 Incantation 2.Descent 3. fallout 4. Spring . ye char steps Audrey ki evolution ko dikhataa hai.

Now saal hai 1973. Ek desperate villager agatha ke paas trade karne aataa hai, use and uske family ke paas khane keliye kuch nahi tha. Vo Agatha se food trade karnaa chahataa tha but Agatha manaa karti hai, keheti hai uski family uska responsibility nahi hai. Vo us ko khali haath bhej deti hai. Is sab ko audrey chpke se dekharahi thi vo Agatha se puchati hai ki usne use help kyun nahi kiyaa. Vo desparate tha. Yahan Agatha joot bolti hai , keheti hai vo villan hai , un jaise log betiyon ko unke maa se churaatein hai. Isliye use hamesha unse dur rehenaa chahiye. Yahan par Agatha highly possessive thi. Next Agatha kuch food items ko lekar villge ki aur jaane lagti hai, vo cart me Audrey ko chupaati hai.

Village me ek funeral chal rahaa tha, village ke head priest Seamus Dwyer ka potaa Liam mar gayaa tha. Priest Dwyer apane bete Colm and bahu Bridget ko santwaana derahe the. Vo kehetein aapko lagrahaa hoga ki ye dard kabhi end nahi hogaa, ye darkness kabhi end nahi hogaa but hame hope nahi khoni chahiye. Darkness ke baad ummed ki roshani aati hai. Hame God par vishwas rakhana hoga. Tabhi Agatha vahan aati hai. Use dekhakar Colm uspar gussa kartaa hai, use gaali detaa hai, uska beta poor nutrition se margayaa tha. Use Agatha ka vahan se food ko lekar jaaana ek insult lagtaa hai. Vo Agatha ko maar kar puchataa hai ham sab GOD ke prati devoted hai but phir bhi vo tum par meherbaan hai, sab jaantein hai ki tum devil ho. Ab sabhi bhuke villagers Agatha ke food ko lutane lagtein hai, use gaali dene lagtein hai. Priest Dwyer maamale ko sambhalkar Agatha ko uske food item vaapas detein hai, use vahan se jaane detein hai. Audrey ye sab cart me baita kar dekhati hai , use gussa aataa hai.

Yahan par Agatha and uske jaise kayi aur ladies witch craft practice karti thi. Inka ek club tha. Audrey insab ki prime witch thi but abi uske powers development stage par thi. Ye log use ek mission keliye train bhi karrahe the jo Agatha ko pasand nahi tha. Vo audrey ko sirph apane beti ki tarah rakhana chaharahi thi. Audrey ab Colm ke saath huva incident ko sab se share karti hai. Ek witch Colm ko curse karne ka idea deti hai. iske liye Audrey ko Colm ke bete Liam ki kuch khasa chija ko laanaa tha.

Agatha and audrey apane ghar ko vaapas jaane lagtein hai, bich raaste me audrey agatha se Colm ke vishaya par behes karne lagti hai. Uske apane mom ki insult ka badalaa lenaa tha, vo Colm par witchcraft karnaa cahati thi. Tabhi ek aur Villager Mr Bernard vahan aataa hai. Vo first time Audrey ko dekhataa hai, use shock lagtaa hai as kisi ko pataa nahi tha ki Agatha ki ek beti bhi hai. Agatha panic me apane saare food items ko Mr Bernard ko as a bribe deti hai, use ye baath secret rakhane keliye keheti hai. Mr Bernard horror me the vo kuch items ko lekar maan jaatein hai. But Agatha ko yakin nahi tha ki vo use secret rakhenge, vo tension me aajaati hai. 17 saal ka raaj ab khulane waalaa tha. Audrey is mauke ka phayida utakar vahan se bhag jaati hai. Haam teenagers.

Audrey Colm ke ghar ke baahar wait karti hai jab raat ko Colm pikar apane ghar jaarahaa tha tab vo uske saamne behoshi se girne ka naatak karti hai. Colm use aise haalat me dekhakar apane ghar lejaataa hai. Now Yahan hame first chapter Incantation ka messgae dikhataa hai.

Kuch der baad Audrey utakar Colm se baat karti hai, Liam ke baare me puchati hai, uski wife Bidget ke baare me puchati hai. Colm nashe me tha vo kehetaa hai Liam ke baad Bidget hi uska sab kuch hai. Audrey Colm ko sirph apana naam bataati hai, ye nahi bataati hai ki vo kaun hai, kahan se aayi hai. Colm audrey ko sofe par sone keliye kehekar apane room ko jaataa hai. Baad me audrey liam ki ek toy ko lekar khet par jaati hai, us toy ko zameen me gaadate huve Bidget ko curse karne lagti hai. Yahaan ham dekhatein hai ki uske eyes white hogayi thi yaani vo human nahi thi. Raat me some time later ham Bidget vo khet par aakar mitti khate huce dekhatein hai as if she was possessed. Colm use rokane bhi aayaa tha.

Agale subha Audre apane ghar vaapas aati hai, Agatha gusse se use khoob daatati hai. Audrey Agatha ki grip se baahar jaarahi thi. Next morning Bidget khoon ki ulti karti hai, vo week horahi thi, uske behavior me drastic changes thi. Colm Doctor Colm ko bulaataa hai jo Bidget ko check karke kehetaa hai ki vo pregnant hai. Isliye aise mood swings hai. Colm and Bidget ye expect nahi karhae the as kal hi unhone apane bete ko khoyaa tha. Audrey Agatha se keheti hai tum ne itane saal jo kuch bhi kiyaa vo mere protection keliye hi tha, but now tumhe mujhapar vishwas rakhana hogaa. Mai ready hoon. Agatha keheti hai tum ready tabhi hogi jab tumhe scarifice ka matlab samajh me aayega. Maine tumhare liye kayi scarifice kiye hein.

Now Mr Lochlan apane family keliye apane horse ko maarkar uske meat ko lejaataa hai. He was desperate. Now chapter two Decent ka start hotaa hai. Village me mahaa maari bad gayaa tha, animals unknown disease se mar rahe the, fruits sad rahe the, Bruke jo ek veterinarian tha use ye sab un natural lagtaa hai. Audrey ko dekhne ke baad uski mental haalat kharab hogayi thi. Usase pareshan hokar uski wife Deirdre priest Dwyer se help maangati hai. Bruke Dwyer se kehetaa hai maine haal hi me Agatha Earnshaw ki beti ko dekha hai, vo behad hi beautiful creature thi, use dekhane ke baad mere man me ek emptyness aagayaa hai, ek darkness jo mujhe ander se hi weak banaa rahaa hai. Saalon pehele Cludia Baron ne jab rumors udaayaa tha ki Agatha ki ek beti hai toh kisi ne uspar vishwas nahi kiyaa and eventually vo mental illness se mar gayi. Mujhe lagtaa hai mere saath bhi aisaa hi horahaa hai. Dwyer kehetaa hai Agatha ki koyi beti nahi hai, usne khud mujhase kaha tha.

Burke Mr Lochlan ke ghar uske horse ko check karne keliye jaataa hai jahan Uski wife and child mare pade the. Mr Lochlan ne horse meat me poisen milaayaa tha. Iske baad Burke ko ham church praying hall me dekhatein hai jahan uska vishwas faith se udgayaa tha. Vo Priest Dwyer se khehetaa hai tumhaari saari teaching sab bekar hai, baahar akaal hai, logo bhuk se mar rahein hai, sab sad rahaa hai. Vo ab apane gun ko nikaalkar kehetaa hai maine use dekhaata, uski aankhein me ek sukun tha jisne mujhe tumhari aukaat dikhayi. Ab sab ke saamne apane aap ko goli maar kar suiside kartaa hai. He lossed it completely.

Audre agtha se puchati hai ki tumhari legacy kya hai,kya scarifice hi legacy hai. Agatha keheti hai logon ka scarifice unka legacy hosaktaa hai but meri legacy tum ho. Log mujhe tumhare liye yaad rakhenge. Audrey puchati hai ki kya tum mere liye scarife karoge?. tabhi Mr Lochlan Agatha ke ghar aataa hai, vo apane family ke death keliye agtha ko zimmedaar teheraataa hai, vo use confront karke usme maar daalne lagtaa hai. But tabhi Audre uspar piche se hamlaa karke use maar daalti hai. Agatha ko isase shock lagtaa hai, uski sweet little beti ab ek murderer ban gayi thi, in dono ke beech thoda verbal fighting hotaa hai. Agatha keheti hai ki mujhe lagaa tha ki mai ek achhi mother hoon but I was wrong. Vo dono Mr Lochlan ki lash ko dispose kartein hai.

Audrey ke curse se bidget ki health aur bigad rahi thi, vo abhi bhi Liam ke grief me thi. right now use pregnancy nahi chahiye tha vo abortion chahati thi. jo is uber religious community me strictly prohibited tha. Colm bhi abortion ka naam sunkar bhadak jaataa hai. Bidget apane grief state me unke last alive sheep ko maar daalti hai. Yaani audrey ki curse uski mental health kobhi kharab kar rahi thi.

Deirdre priest Dwyer ko confront karti hai, keheti hai usase milane ke baad Burke ki haalat aur kharab hogai. Vo city ke police se ek investigation chahati thi. Priest Dwyer use Agatha ki story explain kartaa hai. Deirdre use vo story verify karne keliye keheti hai. Jab Dwyer Agatha se miltaa hai toh vo phir se use joot bolti hai ki uska koyi beti nahi hai, ye sab rumors hai.

Colm Bidget ko mari huvi sheep ke saath dekhakar shock lagtaa hai vo us sheep ko jalaataa hai. Agatha bhi ek final attempt ke chalte is audrey ko lekar is village ko chodkar jaane lagti hai but audrey adament thi. Vo horse cart me bani apani hidden box ko toda deti hai. Vo kahin nahi jaanaa chahati thi balki sab villegers ko face karnaa chaati thi. Vo agatha ki grip se jaachuki thi. Rebellious teenagers.

Colm ke ghar Bidget ab khud hi aborted karne ki koshis karti hai, but she was unsuccessful, Colm use aakar rokata hai. Baad me uski haalat aur bidati hai uske body par har jagaha black spots dikhatein hai, use tez fewer bhi aataa hai. Doctor ko bhi samajha me nahi aataa ki kya ho rahaa hai. And ye modern doctor nahi tha balki community ka doctor tha jo traditional way se treat kartaa tha.

Raat me Agatha haar maan kar chup ke se is village ko chodakar jaane lagti hai.

Bidget ki news sunkar Priest Colm se milne aataa hai, Colm uska betaa tha as maine bataayaa. Vo Agatha ki beti se judi rumors ko Colm ke saath share kartaa hai jahan Colm bhi uske saath huve baath chit ko share kartaa hai. Vo Dwyer ko audrey ka naam bataa tha hai tab use flash hotaa hai ki bidget ki haalat uske ghar me aane se hi start huvaa.

Deirdre Burke ki gun ko lekar khud hi agatha ke ghar par investigate karne jaati hai, use vahan Mr Lochlan ka body miltaa hai.

Later Audrey priest Dwyer se milti hai, Dwyer use dekhakar shock me puchataa hia tum kaun ho? Tumne meri bahu ke saath kya kiyaa hai? Tumse milne ke baad mere ek follower ne suiside kiyaa? Audrey Dwyer se kuch nahi keheti bas use ghorati reheti hai. Next scene me ham Dwyer ki soul ko ek reality me dekhatein hai jahan kayi saare logon ki souls thi. Audrey iski leader thi. Yahan vo Dwyer ko convince karke uske soul ko apane cult me shamil karti hai. Reality me Audrey ko jo koyi bhi dekhataa tha toh unme ek darkness aajaa tha. Audrey unme udaas bhavana bhar kar unki soul ko capture karti thi. Isiliye Burke ka mental haalat bigadane lagaa tha.

Witch craft ke baaki witchs agatha ko village ke baahar pakad letein hai, use audrey ke paas lekar aane lagtein hai.

Now Colm ke ghar par Bidget apane ill health ke kaaran mar jaati hai.priest Dwyer completely Audrey ke vash me tha, bo bhi khun ki ulti kar rhaa tha, uo sabhi christen prayers bhulane lagaa tha. Deirdre dwyer ko Mr Lochlan ki ring dikhakar keheti hai agatha and uski beti ne use maar daala hai. Maine tumhe agatha ki beti ke saath dekha tha . Vo puchati hai ki kya ho rahaa hai. Tabhi use Dwyer Burke ke shakal me dikhataa hai toh Deirdre dar kar uspar gun taanati ahi. Vo Colm ko bulaati hai. Burke kehetaa hai Bidget mar gayi hai, mujhe ye bardaash nahi horaha mujhe bhi marnaa hai , vo Deirdre ko goli chalaane keliye ukasaatha hai. And panic me Deirdre goli chalaati hai. Yahan basically Dwyer par usne goli chalaayi thi toh vo bhi mar jaataah hai. Ye sab audrey ka trick tha vo hi sab ki jaan lerahi thi. Usine deirdre ko hallucinate karvaayaa tha.

Later audrey and baaki witches agatha ko lekar Colm ke ghar par aatein hai. Colm audre par hamlaa kartaa hai kehetaa hai maine tumhe apane ghra me bulayaa and tumne mere saath aisa kiyaa. Audrey keheti hai ye uske mom ke maarne ka natijaa tha. Agatha keheti hai mujhase pehele kayi witches ne tumhe conceive kane keliye try kiya but vo fail hogaye. Maine term puraa kiyaa, insabko iski jalasi hai. Audrey agatha ko thanks kehekar Colm ko ek offer deti hai. Uske life me use sab kuch vaapas milyega, bidget zinda hogi, uski khet fertile honge yadi. Audrey Colm ko ek knife dekar agatha ka murder karne keliye keheti hai jo Christianity me highest sin hai. Colm puchataa hai tumhara father kaun hai jispar agatha kehti hai koyi nahi . Mai abhi bhi virgin hoon.

Yaani Audrey devil ki beti thi, ye witches devil worshipers the, devil apane influence ko badaane keliye ek child ko earth par bejha tha. Agatha ka kaam devil ke child ko protect karnaa tha taaki vo bade hokar apane mission me saphal ho. Audrey world me evil ko spread karne keliye aayi thi like woman version of anti-christ. Over the years agtaha ko audrey se lagaac hogaya vo use apane beti ki tarah treat karne lagi thi , use apane mission se dur rakha rahi thi. Jab vo fail huva toh vo sab kuch chodakar bhagane lagi. Audrey ne use sacrifice kiyaa kyunki vo uske mission keliye rukaavat thi. Ye uski legacy thi.

Next ham Bidget ko zinda hote huve dekhatein hai, audrey is community ko chodakar baahri duniyaa ko jaati hai. Ek car me lift lete huve. Ab chapter four Spring hai jahan Colm ke khet phir se upajaavu hein. Bidget labour me hai jahan vo ek non human creature ko janm deti hai. Boom film yahin end hotaa hai.

Toh ye thi film the curse of Audrey earnshw ki kahani. Ye film beautiful hai, isaki coustumes, set designs laajavaab hai. Iski story complicated hai kayi saare sub plots hai. Jaise ek mother ki striggle, ek community ka mahamaari ke dauraan faith ke prati struggle, ek teenager ka freedom ke parti excitement. First time film ko dekhane par aapko emptyness lag saktaa hai as plot ki deepness ko samajhana aasan nahi hai.


Tags : Tags : Hindi Story, Hindi spoilers, Hollywood film ki kahani,film ki story, hinglish, hinglishxyz

Comments