Skip to main content

The Funeral Home | Explained In Hindi | Hinglish

    The Funeral Home | Explained In Hindi | Hinglish

Is article ke kuch parts ko famous hindi horror youtube channel @GhostSeries me use kiya gaya hai , yadi aap video dekhana chahatein hai toh vo page ke end me hai.

Aaj me saal 2020 me release huvi ek Argentenian horror fil the funeral home ki story ko explain karunga. Is film ki IMDB rateing hai 4.6 out of 10. iske writer director hai Mauro Ivan Ojeda.

Film ki kahani ek funeral home me set hai jiska owner tha bernardo hai. Vo ek mortician tha yaani shavon ko antim sanskaar keliye ready karne waala aadami. Ye funeral home kaaphi bada tha isase juda huva hi bernardo ka ghar tha jahan vo apani parivaar ke saath rehetaa tha. Uske wife ka naam Estela hai, Estela ka ek beti thi jiska naam Irina tha. Bernando Estela ka second husband tha, uske first husband ka death ho chukaa tha. Irina Bernando ki step daughter thi. Irina ke dadi zinda thi jo usase pyar karti thi. Estela and dadi ke risthe thik nahi the, use lagtaa tha ki vo Irina ki custody chahati hai. Estela ka first husband abusive tha.

Film ki starting me ham ek invisible entity ko dekhatein haijo aadhi raat ko ghar me ghoom rahaa tha, vo sabi ke room ka chakkar maarkar ek closed bed room par aataa hai. Ye bed room Bernardo ke marehuve dad salvador ka tha, vo kayi mahine se close tha jahan dhul mitti har zagah phehala padaa tha. Vo salvador ke bed par jaakar sojaataa hai. Is ghar ke washroom par ek message likha tha raat me ise use karnaa manaa hai.

Is ghar ke aangan me kayi ghosts the jinke baare me bernardo and family jaanate the. Ghosts inko pareshaan nahi kartee the as unse bernardo ki family shaman Remona ne ek deal kiyaa tha. usne ghosts ko ghar ke angan me rehene keliye jagaha diyaa tha, unki boundary ko ek red line se fix kiyaa tha. Raat me ghar ke ek washroom ko use karnaa manaa tha. Shayad ye ghosts keliye washroom ho tha!! LOL. Khair Iske baare me hame aage pataa chalega.

Ghar ke bahar ek portable washroom tha jise barnardo and family raat me use karte the.

Next morning bernardo ek lady ki body ko prepare kartaa hai and unki family ko handover kartaa hai. Raat me dinner ke baad bernardo ko ghosts se ek message miltaa hai jahan use cycle stand ke paas aane keliye kahaa gaya tha. Vo cycle stand boundary line ke paar tha. Bernardo vahan jaataa hai and ham clearly ek ghost ki foot steps ko uske aur aate huve dekhatein hai. Bernardo and is ghost ka achha relationship tha, use vo ise apani beti ki tarah maanataa tha.

Raat me Irina washroom keliye utathi hai jahan vo entity ab uske room me hi aagayaa tha. Use dekhakar vo dar jaati hai and bina awaz kiye so jaati hai. Next morning vo ye baat apane mom se kehekar is ghar ko chodakar jaane ki baat karti hai. Bernardo kehetaa hai vo remona se phir se baat karegaa as usne kahaa tha ki ghosts unke ghar me nahi aayenge. Aagan me re rahenge. Irina Bernardo ko dad ke taur par nahi dekhati thi balki ek old man ki tarah dekhati thi. Vo is ghar ko chodakar apane dadi ke yahan rehenaa chahati thi but Estela aisa nahi chahati thi. Estela keheti hai ghosts ya sprits kisi ko pain nahi dete balki insaan hi dusare insaan ko pain detein hai.

Real me Estela bhi is ghar me rehene se darti thi but bernardo ke alaava uske paas koyi aur option nahi tha. Uska first husband abusive tha. jiske trauma se vo mentally weak ho chuki thi. Yahan vo somehow survive kar rahi thi. Irina is ghar me isliye ruki thi as in use lagtaa tha ki uske real dad ka ghost bhi yahin hai. vo usase milne ek din zarur aayenge. Usne bachapan me hi apane dad ko khodiyaa tha.

Is ghar me ek aur baat ajib ye thi ki salvador ke perfume ka smell har din aataa tha. Uske marne ke baavajud bhi. Estela ko lagtaa tha ki salvador bhi ghost bankar yahin rehene aayaa hai. Matlab aangan me nahi ghar me rehene aayaa hai.

Now raat me ghar ke lights flickr hone lagtein hai jahan Bernardo jakaar ghosts se baat karne lagtaa hai. Use lagtaa hai ye cycle stand waala friendly ghost hai. Uske liye vo ek doll gift detaa hai, vo ghost bhi thanks dad kehetaa hai.

Is Raat Irina dar gayi thi vo bahar washroom janaa nahi chahati thi isliye vo ghar me bani washroom ko use karne lagti hai. Kuch pal baad washroom ka handle aapne aap move hotaa hai,daravani sounds aane lagtein hai. Irina panic me Estela and Bernardo ko call karti hai but koyi nahi utatha. Vo washroom se pharun bhagati hai jahan use salvador ke room me se do hands dikhatein hai. Vo Estela ke paas jaakar chillakar use utaathi hai, vo apane dadi ke yahan jaane lagti hai. Estela and Bernardo use samjhakar subah tak rukane keliye kehetein hai. Ab ham ek ghost ki haath ko dekhatein hai jo ek blue ball ko utatha hai.

Bernardo ab raat bhar jaagane lagtaa hai, use vo ghost ab gaaliyon vaalaa daraavana message dene lagtaa hai. use Main door ke baahar teeno casket dikhatein hai jise kisine vahan rakha tha. Later use ek aur message bhi dikhataa hai jo red colur me likha tha. Please help its not me. Yaani ghar me ek dusara ghost aayaa tha jo bernardo ko pareshaan karne ke saath saath baaki friendly ghosts ko bhi tang kar rahaa tha.

Next morning Irina apane dadi ke ghar rehene jaati hai, vo ek belle dancer thi, usne kyi trophies jiti thi. Unme se ek tropy estela usase maang kar yaad ke taur par rakha leti hai. Us raat bernardo phir se friendly ghosts se contact karne jaataa hai but use koyi javab nahi miltaa.Estela raat ko ghar ke bahar ki washroom ko use karne jaati hai, jab vo ander thi tab washroom hilne lagtaa hai. Uska door lock hotaa hai, uspar ek kate huve murge ki mundi girti hai. Estella chilaane lagti hai, kuch der tak under hi band hojaati hai. Later washroom ka door khuljaataa hai. Is sab se vo behad dar jaati hai.

Next morning vo and bernardo shaman Remona ko bulaatein hai. Remona ghar ka ek chakkar lagaakar, sab kuch observe karkar sham ko ek ritival karne ka decision leti hai. Isme vo ek circle banaati hai jisme fire start karti hai, kuch chanting karne lagti hai. Use ghar me huve events ki visions aane lagtein hai. Vo dekhati hai estela uske sasur Salvador ko ghar me rakhana nahi chahati thi. Unhein ek old age home me shift karnaa chahati thi. Isliye usne ek subah khud hi gas on karke uska ilzaam salvador par lagaa diyaa. Bernardo ko kayi ladies chod ke chaligayi thi isliye vo estela ko ab khona nahi chahataa tha, vo uske behekaave me aakar apane pitaa ko old age home bhejataa hai. Jaane se pehele salvador ghar ke aangan me kuch chizen chupaataa hai. Ghar se jaane ke kuch din baad hi salvador marjaataa hai.

Remona Bernardo se keheti hai salvador ghar se nikaale jaane se kaaphi dukhi tha,jab maine first time ghosts ke saath deal kiyaa tha tab maine ek behad hi low level ke ghost ko notice kiyaa tha. Vo deal me interested nahi tha. Isliye maine precaution ke taur par raat me ghar ke washroom ko use na karne ki salaah dithi. But mai galat thi vo low level ka ghost nahi tha, usne mujhe trick kiya tha. Vo ek demon hai. Salvador ne hi use is ghar me rehene ka permission diyaa tha. Salvador ghar se nikaale jaane se behad dukhi tha, usne is demon ko estela and Irina ko maar daalne ka kaam diyaa tha. Jaate time uske liye knifes bhi chupaaya.

Jab marne ke baad salvador ka ghost vaapas is ghar me aayaa, use pataa chalaa ki vo demon sab ko maar daaleya. Including bernardo. Isliye vo ghar ke aangan ke friendly ghost se milkar demon ko rokane lagaaa but successful nahi huvaa. Sab ghosts ab khatm hogayein hai. Sirph ek hi bachaa hai. Matlab ghar me estela ko jo salvador ka perfume aarahaa tha vo isiliye tha as uska ghost ghar me hi tha.

Remona aage keheti hai itane dino tak demon ne aap ke saath khelataa rahaa hai, vo aapko daraa rahaa tha. But aaj raat vo aapko maardaalegaa isliye hame pharan Irina ko yahan laanaa hogaa . Vo baahar safe nahi hai. Estela dadi ke ghar jaakar Irina ko phir se funeral home par laati hai. Irina yahan rehena nahi chahati thi isliye vo dadi ko whatsapp karke use lejaane keliye keheti hai.

Remona ghar me ek circle banaakar use chanting se protect karti hai. In teenon ko ek kaada pine keliye deti hai jisase vo demon inko possess nahi kar saktaa tha. Kaada matlab rituval se banaayagaya paani. Sabhi log usi circle me hi raat bitaane lagtein hai. Demon ke paas aaj raat tak ka hi time tha.

Kuch der baad Remona sense karti hai ki demon ghar se chalaagayaa hai. Irina ko uske real dad ka ghost dikhataa hai jise dekhakar vo khush hoti hai. Uske dad use bulaatein hai toh Irina circle ko chodkar jaati hai. Ye vohi akela low level ghost tha jo ghar me abhi bhi tha. Irina apane room par aakar apanr dad ke ghost ko gale lagaati hai. Remona Irina ko circle me na hote huve dekhakar use awaz lagaati hai, use uske room me hi rehene keliye keheti hai.

Kuch der baad Irina ke dadi funeral home par aati hai jise us demon ne possess kiyaa tha, iskeliye hi vo ghar se bahar gayaa tha. Demon aakar chaaku letaa hai, first vo remona par hamlaa kartaa hai, baad me estela and Barnardo par hamlaa karke unko caskets me band kartaa hai. Remona tadapate huve ghar se baahar jaakar vahan par bani circle me jaati hai.

Irina apane room me se hi sab kuch sunrahi thi, vo bhi ab niche aati hai. Estela ko casket me dekhakar rone lagti hai as vo vahin par mar rahi thi. Vahan Irina ke naam se bhi ek casket tha jo empty tha. Demon jisne dadi ko posess kiyaa tha vo ab phir se aakar Irina par hamlaa karne lagtaa hai, Estelaa apai aise haalat me hi use rokane jaati hai. Irina dar kar baahar bhagakar vahan ke washroom me chupati hai. Demon washroom par hi chaku se andha dhun hamlaa karne lagtaa hai. Remona marte time kuch chanting karke demon ko bhagaane lagti hai. Chanting se demon bhagane lagtaa hai but vo dadi ko bhi maar daal taa hai. Remona bhi marjaati hai.

End me sirph Irina hi bachati hai and vo washroom se baahar aati hai. Boom film yahin end hotaa hai.

Toh ye thi the funeral home ki story. Ye film kaaphi achhi hai , ye atmospheric horror film hai. story line me bahut si kami hai but direction and cinematography achha hai. Ye aapko real me daraati hai.

Bernardo ne ghar me jis ghost ko bachhi samajhakar doll khelane ko diyaa tha vo demon hi tha. Vo friendly ghost hone ka naatak karke uska majaa lerahaa tha. Later hame red colour me help me its not me ka jo message dikhataa hai vo actual me friendly ghost ka tha jo cycle stand ke paas rehetaa tha. Demon ne sab se pehele aangane ke ghosts ko maar daalaa, uske baad salvador ki ghost ko and finally estela and bernardo par aattack karne aayaa. Vo khoon ka pyasa tha.

Moral of the story is apane bujurgon ko ghar se mat nikaalo, ya unhe dukha mat do. Varnaa vo apane grief me aisa kuch karenge jinse aap ke problems slove hone ke bajaay badha jaayenge.

Film me barnardo se kayi ladies ne shadi karke chod diyaa tha as koyi uske dad ke saath rehenaa nahi chahate the. Uske dad salvador bhi ghosts se baatein kartein hai jo kisi bhi normal mahila ko normal nahi lagaata tha. Estela ne isiliye unko dhoke se ghar se baahar bhejaa jiska parinaam ye huva. Yadi estela, bernardo and salvador baitke baat karte toh aisa problem paida nahi hotaa. Khair film toh thik thak hai.




Comments