Skip to main content

Wrong Turn Explained in Hindi | Hinglish | Movie Spoilers

 Wrong Turn Explained in Hindi|Hinglish|Movie Spoilers

Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai.

Aaj me is recently release huvi horror thriller film wrong turn ki story ko explain karunga jo wrong turn film series ka 7th film hai. Is film ki IMDB rateing hai 6.6 out of 10. iske director hai Mike Nelson and writer hai Alan McElroy.

Film ki shuruvaat me Scott Shaw naam ke ek aadami ke saath hotaa jo apane beti Jen ko dhundate huve ek small tourist town par aayaa tha. Jen and uske 5 aur friends 6 weeks se missing the, unka last location yahin ka tha. Ye log appalachian trail me hiking karne aaye the. Aap ko bataadon appalachain trail yaa A. T ek hiking way hai jo 3500 kilometer lamba hai, ye appalachain mountains ko cover kartaa hai. Jungle se bhare in pahadon par hiking karne Duniyabhar se log yahan aatein hai.

Yahan Scott police ko complaint kartaa hai but police chief case ko seriously nahi letaa. Vo local hotel owner se puchataach kartaa hai jisme ye friends ruke the but us owner lady se bhi scott ko help nahi miltaa. Baad me vo local bar me inquire kartaa hai jahan Nate Roades naam ka ek guide kehetaa hai, vo yahan aaye the, sab ke sab akadu the, vo log A T par hiking par gaye the but vaapas nahi aaye. Vahan par jo koyi bhi trail ko chodakar ghumane jaataa hai vo kabhi zinda vaapas nahi aataa, nature vahan brutal hai. Scott phir bhi vahan jaane ka decide kartaa hai as vahan uski beti thi.

Ab kahani six week pehele start hotaa jai jahan Jen and Darius, Adam and Milla, Luis and Garry naam ke six friends Virginia state ke ek small town ko aatein hai. Hotel me check in kartein hai,owner Jen ko warn karti hai, sirph hiking way par hi hike karne keliye kehei hai. as nature vahan kabhi kabhi dangerous hosaktaa hai.

Later ye log bar be drink karne lagtein hai. Yahan Nate inhein apani guide service offer kartaa hai but ye log usase rude way me pesh aatein hai. Later inke car ko ek aadami check kar rahaa tha jispar Adama gusse se baat karke, gaali dekar , empty bottle phenkataa hai. Us raatu jen apane dad ko phone karke apani location bataati hai. Next morning jogging karte time Jen do locals Edith and Ruthie se milti hai jahan Edit locally made wrist bands ko beja rahi thi. Vo ek ko kharidati hai.

Later sabhi friends hiking par jaatein hai, nature ko enjoy kartein hai. Kuch time baad Darius kehetaa hai is jungle me paas hi ek civil war ear ka monument hai hame use dekhane jaana chahiye. Baaki sab agree hotein hai but Jen sure nahi thi, vo trail se bhatakanaa nahi chahati thi but apane boyfriend Darius ke pressure me maanjaati hai. Ye log yahin turn letein hai jo aage chalkar wrong turn sabit hotaa hai.

Ye pahad ke ek slope me hike karte karte jaahare the tabhi ek ped ka lahtta upar se full speed me inki aur girne lagtaa hai. Sab log ise dekhakar bhagtein hai but slope steep hone ke kaaran ek ek karke gir jaatein hai, sab ko chot lagtaa hai. Garry par vo lahtta full momentum se giraatha isliye uski body crush hogayi thi. Uske boyfriend Luis ko ye dekhakar shock lagtaa hai and vo rone lagtaa hai, vo isaki galati Daruis par daalataa hai. Sab log ab vaapas trail ko lautkar help laane ka decide kartein hai, pura din chalkar bhi inhein trail way nahi miltaa. Ye khogaye the. Raat hoti hai and barish bhi hone lagtaa hai isliye ye jungle me hi tent lagaakar camp kartein hai.

Aadhi raat ko Jen bijali khadakane ki awaz se utathi hai jahan use ek black saaya dikhayi detaa hai. Next morning inko pataa lagtaa hai ki ye grave yard me sorahe the. Vahan par ek declaration board tha jiski date thi november 24 1859. niche town me rehe rahe kuch families ne apana pratigya the foundation naamak ek cult ko diyaa tha. Ye us time ki baat thi jab north and south ke states me war hona pakaa tha. Isase bachane keliye kuch families yahan jungle me aakar rehene lage the.

Now insab ki mobile phones chori hogaye the and Milla bhi missing thi. Adam panic me apane girlfriend ko dhundane jaataa hai jahan use Ruthie dikhati hai. Ruthie use dekhate hi bhagane lagti hai as Adam uske piche bhagataa hai uska pair ek trap chain me phas jaataa hai. Jo adam ko khinchakar ek trap hole me giraadeti hai. Baaki friends ise horror me dekhatein hai but kuch kar nahi paateas vo pit kaaphi deep thi.Jen keheti hai koyi hame hunt karrahaa hai, isliye pharun yahan hame yahan se jaakar help laanaa hoga. Vo, Darius and Luis aage badathein hai jahan inhein ek viraan shed dikhataa hai. Vahan par kayi saare hikers ke phones, dress, weapons, and baaki saaman thi. Yaani jo log inhein hunt kar rahe the unka ye waste bin tha.

Later ye do masked men ko dekhatein hai jo adam ko uthakar lejaarahe the, ye log padi weapons ko lekar unpar hamlaa karne jaataa hai. Vo dekhane me creepy toh lag rahe the. Vo do men kisi anjaan language bol rahe the jo inko samjha me nahi aataa. Isi beech adam ko hosh aataa hai and vo panic me vahan padi ek ladaki ke latte se masked men par hamala kartaa hai. Uske sar ko phodakar maar daalataa hai. Kill No 2 . dusara aadami bhag jaata hai

Later milla vahan darte huve bhagakar aati hai, vo morning duties keliye gayi thi tab use ye do masked men dikhe the. Isliye vo dar kar chup gayi thi. Jen ko Adam ka aisa bina vajaha murder karnaa correct nahi lagtaa but Adam justify kartaa hai. Ye log vaapas trail ko dhundane lagtein hai but masked men ek ek karke inko pakadane lagtein hai. Unhone jungle me kayi saare traps bhijaaye the jisme se ek me milla girjaati hai. Us pit ke nukile spikes par gir kar vo marne lagti hai, Adam use dekhakar help karne ke bajaaya bhag jaataa hai. Hamm pyar shayad sirph marne tak hi rehetaa hai. In sab ko vo masked men pakad letein hai.

Next Jen ko ham ek pit me dekhatein hai jahan Edit use food and water deti hai. Later use and baaki friends ko apane village lejaati hai. Ye log foundation ke cult ko belong karte the jo 1859 se isi jungle me rehete aaye the. Vo bahar ke duniyaa se contact nahi rakhate the and bahar ke log yadi idhar aaye toh unhein chodate nahi the. Ye jungle inka ghar tha.

Village ke court me inka trail hotaa hai. Village ka head Vanable ek judge tha. Vo inpar us masked men jiska naam Samuel tha uske murder ka aarop lagaataa hai. Yahan ek aadami Hobbs kehetaa hai mai inlogon ko town se hi follow kar rahaan hoon, ye civilized nahi hai, ye aadami ne mujha par bottle phenkaa tha, muje gaali diyaa tha. Yani adam ne jise car ke paas dekha tha ho yahi tha. Samuel ka bhai Morgan jo marte time uske saath tha , yani vo dusara masked men jo bhga gaya tha, vo detail me explain karke adam ki aur ishara kartaa hai.

Vanable inake saamane laash ko rakha kar puchataa hai ki kya ye sahi hai. Vo sirph Jen ko bolane detaa hai. Jen dari huvi thi vo joot bolti hai keheti hai adam ne nahi maara. But uske piche routhi thi jisne bhi ye dekha tha toh vo adam ki aur ishara karti hai. Adam issab se panic me aakar routhie ko pakada kar use maarne ki dhamaki detaa hai. Unsab ko vahan se jaane deme keliye kehetaa hai. But it was late, routhie apane aapko bachakar adam ko pakadvaati hai. Vanable Adam ko death sentence detaa hai and baaki yon ko joot bolane keliye darkness me daalane keliye kehetaa hai. Yaani ye log inko andha karke jail me thusane vaale the.

Later vanable adam ko usi tarah maarata hai jaise usne samuel ko maaraa tha. Luis ise dekhakar bhagane lagtaa hai but foundation ke use use andha banaatien hai. Jen ek final kosish ke tehet ek offer prapose karti hai, vo and darius yahin life long raheinge and foundation ki madad karenge. Darius renewable energy, community development and sustainable energy field me tha jo is tiny community ko useful bana saktaa tha. Jen apane aap ko ek baby making body ki tarah pesh karti hai. Valable ek condition par maan jaataa hai yadi vo bhagane ki koshih kartein hai toh vo unhein maar daaleinge. Inko foundation ki citizenship detein hai. Vanable Jen ko as a wife accept kartaa hai as uski kife saal phar pehele mar gayi thi. Jen bhi ise accept karke uske saath intimate hoti hai.

Now kahani present me start hoti hai jahan Scott Jen ko dhundate huve hiking par jaanewaala tha. Hotel owner finaly use foundation ki sachhayi bataate huve keheti hai tumhari beti shayad mar chuki hai, yadi tim vahan gaye toh tum bhi maare jaavoge.vo hame pareshan nahi warte and ham unhein. Later Nate and uske friends Scott ko pitakar use town ko chodakar jaane keliye kehetein hai. Police chief is pitaayi ko dekhakar un dekha kartaa hai. Town ke log kisibhi haalat me scott ko bhagana chahate the. But scott nahi maanataa next morning vo akele hike par jaane lagtaa hai.

Finally hotel owner uske saath apane newfew Ed and uske friend cooper ko bhi bhejhati hai as a guide. Ed kehetaa hai jungle me kaayi saare traps hai unse hame bachanaa hai, tabhi cooper aise hi ek pit me girtaa hai jise bachane ke chakkar me ed ka pair trap se lagtaa hai and uspar nukile spikes girtein hai. And both ed and coper mar jaatein hai. Scott akele hi hike kartaa hai but kuch hi time baad pakadaa jaataa hai.

Use ab foundation village laayaa jaataa hai jahan Jen uske saath aane par manaa karti hai. Vanabale use tresspassing keliye darkness ka sajha detaa hai. But aadhi raat ko Jen chupke se scott ke paas aakar use bachane lagti hai, vo darius ko bhi aane keliye keheti hai but vo manaa karataa hai. Routhie Jen and scott ko bhagate huve dekhati hai, unki help karti hai. trial room me chupi ek secret way ko dikhati hai jo basically darkway tha. Jisme foundation ke logone kayi logon ko andha karke kaida kiyaa tha. Ve zombies ki tarah ji rahe the. Luis bhi vahan tha jise Jen mercy kill deti hai. Baad me uspar pehele Edit hamalaa karti hai, later hobbs attack kartaa hai donon ko maar jen maarti hai. Later vo and scott jungle se bhagakar trail way tak aatein hai jahan Nate apane gun and friends ke saath khadaa tha.

Nate scott se kehetaa hai mera bhanjaa isi woods me 6 saal pehele gum hogaya tha, maine tumpar isliye hamlaa kiyaa taaki tum dar kar bhaga jaavo.ye log kisi ko nahi chodate. Tabhi foundation ke kayi saare log inpar hamlaa karne lagtein hai jinhe nate goli se udaadetaa hai. Vo scott and jen ki jaan bachakar use town laataa hai.

Kuch din baad venable and routhie Jen ke ghar aataa hai, Jen ki step mom ko unka new padosi kehetaa hai, scott ko jaanataa hai and business ke silsile se aayaa hai. Jen jab job se ghar aati hai toh venable ko dekhakar shock me aati hai. Vo ab uske bachhe se pregnant thi jise vo bhi notice kartaa hai. Jen smartly apane step mom and brothers ko dusare room me bhejati hai as scott ki business vo hi handle kar rahi thi. Vo vanable se deal karti hai yadi vo uske family ko choda degaa toh vo uske saath chalegi. Venable maanjaata hai and teeno wan me baita kar jaatein hai. Kuch der baad wan ka accident hotaa hai, Jen ne venable and uske villegers ko maar dalati hai. End vo routhie ko lekar apane ghar vaapas aati hai. And boom film yahin end hotaa hai.

Toh ye thi film new film wrong turn ki story. Is film me pehele films ki tarah canibalistic zombies ka role main nahi hai. Yahan par vo sirph ek sub plot hein. Ye basically ye ek slasher cum thriller film hai, story kaaphi simple hai. Ye wrong turn series ke concept dum opposite hai. Film ki costume design, set location, acting badiyaa hai . Film end tak aako suspense me rakhataa hai jab cedits role hotein tab climax dikhataa hai jo kind of cool hai.

VIDEO : 


NEXT :  THE SEVENTH DAY             PREVIOUS : COME TRUE

Comments