Skip to main content

Flesh And Blood | Into The Dark | Explained in Hindi | Hinglish

  FLESH AND BLOOD | Into The Dark | Explained in Hindi|Hinglish|Movie Spoilers

yahan me saal 2018 me hulu par release huvi ek anthology series Into the dark ke films ko explain kar rahaa hoon.Toh second film ka naam hai Flesh and Blood jise thanksgiving par release kiya gayaa tha. Iska IMDB rateing hai 6.2 out of 10. iske director hai patrick lussier. Writer hai Louis Ackerman.

Film ki starting me ham Henry, uski wife Rose and inke daughter kimberly ko dekhatein hai jo thanksgiving ko enjoy kar rahein hai. Ye ek happy family tha but ek saal ke under sab kuch badal gayaa tha. Rose ka murder huva tha, Kimberly Agoraphobia se juja rahi thi.

Yahan agoraphobia ek anxiety disorder hai. Isame logon ko apane aaspaas ki jagah safe nahi lagati. Aise log jab Open places, bus, trains, shopping malls yaa severe cases me ghar ke bahar jaate hi panic attack me aatein hai. Inka BP badataa hai, heart rate tez hotaa hai. Akasar ye kisi traumatic event ke karan trigger hotaa hai. Kimberly yahan aise hi condition se juja rahi thi, vo hamesha ghar me hi reheti thi and home schooling leti thi. Uska birthday november 9th ko tha isliye uske aunt jane ne use ek gift package bhejaa tha. Kimberly apane aangan se us package ko lene me bhi struggle kar rahi thi. Door ke bahar jaate hi use severe anxiety ke daure pad rahe the. Isliye vo bina package liye ghar par vaapas aati hai.

Later usaki therapist Dr Saunders aakar use vo package deti hai. Vo usake saath session meeting karne lagti hai . Dr saunders kimberly ke mom ki death ko discuss karna chahati thi. As Kimberly ki mom last thanksgiving ke baad maari gayi thi, unka killer abhi tak pakada nahi gaya tha. Ye hi traumatic incident ne kimberly ka agoraphobia ko start kiyaa tha. Kimberly ko lagata tha ki yadi vo ghar se bahar gayi toh use bhi vo killer maar daalega. vo is par baat karna nahi chahati thi as vo ready nahi thi. Dr Saunders keheti hai tumane apane aap ko is ghar me kaida kiyaa hai, isase bahar nikalne ka ek hi solution hai, tumhe khulkar baat karni hogi. Emotions ko dabaane se anxiety dur nahi hogi.

Later us raat Henry Kimberly keliye ek cake laataa hai, aaj uska 17th birthday tha. Uskeliye ek pendent gift detaa hai. Kimberly keheti hai shayad Dr Saunders mujhe mental asylum bejana chahati hai but henry use samjhataa hai ki vo aise hone nahi dega. Aadhi raat ko Kimberly apane bed par utathi hai, use attic se kuch noice sunaayi deraha tha. Attic me uske dad kuch kaam kar rahe the and vo attic kimberly ke room ke upar hi tha. Vo use ignore karke sojaati hai. Inke ghar ka interiour renovation chalrahaa tha.

Dr Saunders kuch aur sessions conduct karke Henry se puchati hai ki kya kimberly asadharana tarike se bartaav kar rahi hai, gussa, bhram, paranoia yaa kisike taraf violent hai. Henry ne ab tak aise kisi lakshano ko notice nahi kiyaa tha toh vo nNo me javaab detaa hai. But phir bhi Dr Saunders use satark rehene keliye keheti hai.

Next day Kimberly news par ek young girl Sophie taylor ki murder ka news dekhati hai jo kaphi shocking tha. Sophie ne jo pendent pehena tha vaise hi pendent uske dad ne use kal hi gift diyaa tha. Ye ekdam usase miltaa tha. vo dar kar net par check karti hai, vahan use kayi saare missing girls ki information milata hai. Vo apane dad ke room ko check karti hai, use vahan propofol ki ek bottle milta hai, ek sketch book miltaa hai jahan bhayanak images thi. use apane dad par shak hotaa hai but vo confirm nahi thi. Ise confirm karne keliye raat ko apane dad se keheti hai jo pendent usne diya hai vo defected hai. Second hand hai. Use badalane keliye keheti hai. But Henry use taalataa hai , kehetaa hai shop me ye aakhari piece tha, ye itanaa bhi defected nahi hai, achaa hai.

Next day thanksgiving tha. Jab Henry ghar se baahar jaataa hai tab Kimberly attic me jaakar check karne lagti hai. usame accidentally ek hole banaati hai jo uske room me khulataa hai. Attic par use ek jewellery box miltaa hai jisme kayi saare different different jewellery thi. Kuch par blood ke nishan the. Ye shayad Henry ka trophy box hoga, serial killers akasar apane victims se kuch memorabilia letein hai. Kimberly panic me apana saaman pack karke apane aunt jane ke paas rehene jaati hai. But as soon as vo ghar se nikalti hai use panic attack aane lagtaa hai, vo nervous hokar ghar ke under vaapas aati hai.

Raat ko apane dad ko confront karti hai, puchati hai ye sab kya hai. Use Sophie ki photo and pendent bhi dikhati hai. Henry calmly joot bolataa hai , kehetaa hai ye sab Rose ki chijein hai, rose ko ye sab flights me mili thi, usane lost and found ko dene ke bajaye apane paas rakha liya. Yahan rose ek flight attendent thi. But Kimberly convince nahi hoti as Jewellery me blood strains thi . vo use aur confront karti ahi. Henry uspar gusse se chillakar kehetaa hai tum bhi apane maa ki tarah ban rahi ho. Isase Kimberly ko sab se bada shock lagtaa hai vo dar kar puchati hai ki kya aapne hi mom ka murder kiya? Jispar Henry inkar kartaa hai but vo convincing nahi tha. Usine Rose ko bhi maaraa tha as vo ek psycho serial killer tha.

Kimberly shock me apane room ko bhagakar 911 par call karti hai. Itane mahinon se jis aadami se vo dar rahi thi vo usake ghar me hi tha. Henry room ke lock ko drill karke open kartaa hai ,kimerly par attack kartaa hai, kehetaa hai ki yadi vo use police ko bhejeyi toh vo khud bhi is ghar me akele nahi reha paayegi. Dr saunders use mental asylum me lock kardegi. Vo use daraataa hai. Jab do police officer ghar par aatein hai toh Kimberly keheti hai usne galati se phone kiyaa tha, uske dad ne use kuch nahi kiya. Vo sorroy keheti hai. Ek police officer use apana personal number dekar emergency me call karne keliye keheti hai.

Later Kimberly online me propofol ko check karti hai, vo behoshi ka ek davaa tha. Vo convince hoti hai ki henry hi serial killer hai. Henry kobhi pataa chaltaa hai ki kimberly ne uske room kabhi talaashi liyaa tha . Vo gusse me use confront karne jaata hai.Is baar kimberly uspar knife nikaal kar puchati hai kyun? Un sabhi girls ko kyun maar daalaa? sabhi girls mom ki tarah hi dikhati thi isliye? Henry creepy way me kehetaa hai tumhari mom ke paas hamare liye time nahi tha, vo akasar mujhase fight karti thi, hamesha busy reheti thi. Mai usake behavior se tang aagayaa tha. Kimberly mauke ka phayada uthakar ghar se bhagne lagti hai but Henry use pakadkar use propofol ki injection de detaa hai.

Next day use uske room me lock kartaa hai. Vo Kimberly se pyar kartaa tha, use chota pahuchaana nahi chahataa tha. Bas normal family ki tarah jinaa chahataa tha but yahan kuch bhi normal nahi tha. Kuch kaam keliye henry ab ghar se bahar jaataa hai.

ab Kimberly apane room ke upar vaali attic se bhagane lagti hai, usi attic hole me se jise kal usne accidentaly banayaa tha. Attic se nikal kar vo stairs ke piche waali basement chupati hai. Later henry aakar use ghar me dhundane lagtaa hai, use stairs se baahar aane keliye kehetaa hai. Jab vo nahi aati movie the shining ke jack Torrance ki tarah sledgehammer use karke stairs ko todataa hai. Later reciprocating saw machine se floor me opening banaataa hai. Kimberly ko zabardasti bahar nikaaltaa hai. Tabhi Dr Saunders session keliye vahan aati hai. vo kimberly ko phir se daraakar use co operate karne keliye kehetaa hai.

Kimberly Dr Saunders ko tea offer karti hai, tea cup ke niche ek message chupke se rakhati hai. Need help call 911. apane dad ko propofol mixed tea deti hai. Uske is session me henry bhi uske saath tha. Is baar vo dr saunder ke keheti hai aaj me apane mom ke baare me baat karnaa chahati hoon, mai apane mom ke killer ke baare me jaanati hoon, vo ek mentally sick insaan hai, vo logon ka murder isliye kartaa hai kyunki isase use khushi milti hai. Basically vo ek monster and coward hai. Mai ab usase nahi darati.

Dr Saunders is progress se kaaphi khush thi vo agale session me ghar se bahar jaane ki baat keheti ahi. Vo do police officers ne use bhi contact kiyaa tha jiske baare me vo henry se puchati hai but henry use small thing keheke taala taa hai. Ghar se jaate time Dr Saunders ko kimberly ka secret message dikhataa hai jise pad kar vo bhagane lagi hi thi tabhi henry uspar hamlaa karke use mar daaltaa hai. Vo body ko dispose karte karte kimberly par isaka ilzam lagaataa hai. Propofol ke kaaran henry bhi ab behosh hotaa hai. Kimberly police officer ke cell par call karke use aane keliye keheti hai.

Later henry ko hosh aataa hai, vo gusse me kimberly ko maarataa hai. Uspar, khud par and dr saunders ki body par petrol chidaka kar sab ko jalaane jaataa hai. Basically vo panic me pagalaagayaa tha. Vo mentally unstable toh pehele se hi tha but ab voilent hogayaa tha. Use sirph apani family ke saath jinaa tha but ab ye possible nahi tha isliye suiside karne jaataa hai. Kimberly bhagakar attic me chupati hai jahan henry niche aag lagaakar upar aataa hai. Vo kimberly ke hole trap me phaskar uske room me girtaa hai. Vahan aag ki lapatein use gher letein hai ad vo marne lagtaa hai.

Kimberly attic se pole ke sahare niche atti hai , uska agoraphobia chala gaya tha, as uski mind ko pataa chalgaya tha ki ab koyi khatara nahi hai. Later police vahan aatein hai and film yahin end hotaa hai.

Toh ye thi into the dark series ki secod film. Film body horror par banayagaya hai, aapko ye kaaphi connected rakhati hai.mental issue par banayi gayi film hai. jahan ye dikhane ki koshish kiyagaya hai ki kaise ill health crimes ko badhava detaa hai. Kaise serioous mental health ke patients bhi normal life jirahe hotein hai. Unka dark side bhi hotaa hai jise ghar me rehekar bhi koyi nahi pehechaan paataa. Rose ko henry ki ye condition pataa chalgayaa tha isliye vo ghar se dur rehene lagi thi. Shayad vo divorce lekar kimberly ko apane saath lejaana chahati thi isliye henry ne use maar daala.
VIDEO :


NEXT : POOKA - INTO THE DARK

Comments