Skip to main content

Haunting Latin America ( part 2 ) Explained in Hindi | Hinglish

 Haunting Latin America ( part 2 ) Explained in Hindi|Hinglish|Movie Spoilers

Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai.

Third episode ka naam hai El Molino. Ye story bhi mexico desh me set hai jise ek police officer Rodrigo narrate kar rahaa hai. Rodrigo ke father bachapan me hi gujar gaye the. Vo apane mom ke saath rehetaa tha aur single child tha. Use ghar me aksar ek lady hi awaz sunaayi detaa tha, jo hamesh use bulaati thi. Ek din rodrigo apane mom ko ye baath bataane gaya. tab un donon ke saamane ek holy bible aakar girtaa hai. Matlab use vahan kisine ne jor se patakdiyaa tha. Isase dono darjaatein hai aur pray karne lagtein hai.

Ek baar jab Rodrigo headphone lagaakar jogging kar rahaa tha tab use ek lady ka ghost dikhataa hai. Usne rodrigo ko dekhakar rukane kaa ishaara kiyaa, tabhi ek speeding vehicle rodrigo ke saamne se hi nikal gayaa. Rodrigo tab se daraa daraa rehene lagaa.

Aage use pataachalataa hai ki us lady ghost ka naam El Molino hai. jo uske sheher ka ek famous urban legend tha. Ye legend lagbhag teen so saal puraana tha jab spain ke log first time mexico ko colonize karne aaye the. Legend ke mitaabik El Molino mexico ki native thi aur conchos tribes ko belong karti thi. Uskaa marcos naam ka ek boyfriend bhi tha jo usike culture ka tha. Spain ke military ke ek soldier ko El Molino pasand aayi aur vo uske piche padgaya. Jab El Molino ne use accepat nahi kiyaa tab usne uske saath jabardasti ki. Iske baad El Molino ne nadi me kudkar suicide karliyaa. Legend ke mutaabik El Molino ka ghost aaj bhi hai, use dekhane ka daava kayi logon ne kiyaa hai.

Kuch saal baad ek raat rodrigo apane girlfriend ko ghar chodane jaarahata. Vo thoda thakaa huvaa tha isliye neend me gaadi chalaa rahaa tha. Jaise hi vo us nadi ke paas pahuncha use El Molino ka ghost phir se dikhaa, uske friend ko bhi dikha. Isase rodrigo ki nend aur hosh dono khul gaye aur ye dono vahan se pharan hi bhag gaye. Rodrigo ki girl friend ne use chod diyaa as use lagaa ki rodrigo se ghosts attract hoti hai.

Aage Rodrigo criminology study karke police force ko join kartaa hai. Aise hi regular duty me use ek ghar me phir se El Molino ka ghost dikhataa hai. Use vo building me aane se manaa kar rahi thi. Kuch saal baad rodrigo ek naya ghar kharidataa hai. vahan bhi use El Molino ki awaz aane lagtaa hai. Ghar ke lights flicker hone lagti hai. Kayi saare paranormal activities bhi hoti hein. Is sab se dar kar rodrigo vo ghar Diana naamak lady ko rent par detaa hai. Diana vahan kayi saalon tak aaraam se reheti hai. Usane vahan kuch bhi paranormal experience nahi kiyaa tha.

Ek din radrigo apane wife ke saath diana ko milne aataa hai. Diana is bhoot ki story ko lekar skeptical thi. Use yakin dilaane keliye vo ghar me El Molino ko bulaane lagtaa hai. Itane saalon se vo ye jaan gayaa tha ki vo use hart nahi karegi. Jaise hi Radrigo awaz lagaataa hai El Molino ghar me aati hai, sabhi lights flicker hoti hai. Diana ko bhi El Molino dikhati hai jisase vo bhi dar jaati hai.

Ek raat Radrigo apane do officers ke saath night petroling par tha. Vo open car me khadaa tha tab use El Molino ki awaz phir se sunaayi detaa hai. Is baar vo use warn karti hai, apni gun ko chalu rakhane keliye keheti hai. Tabhi mexican drug cartels unpar chaaro aur se hamlaa kartein hai. Radriogo aur officers fight kartein hai unki death ho jaati hai. Radrigo ka yahan kehenaa tha, shooting ke dauraan use El Molino guide kar rahi thi. usi ne uske life ko bhi bachaya. ye incident uske body cam footage par bhi record huvaa tha jahan clearly radrigo abnormal way se shoot kar rahaa tha. Like being possessed.

Radrigo ka yahan ye kehenaa hai usne hamesha el molino ke presence ko feel kiyaa hai aur ise usne accept bhi karliyaa hai. Episode three yahin end hotaa hai. Basically is episode ka maksat ye kehenaa tha ki sabhi ghosts bure nahi hote, kuch logon ke madad bhi kartein hai. Kayi baar log ye baath nahi samajhate aur darte hi rehetein hai.

Agale Episode ka naam hai Something knocking at the door. Ye story bhi mexico desh se hai jise Diego Ruiz narrate kar rahaa hai. Uske saath uski girlfriend Natalia aur baaki friends hai. Diego ka yahaan kehena hai ki ek ghostly entity hamesha se use pareshaan kartaa ayaa hai. and ab tak uska picha nahi chodaa hai.

Saal 1999 me Diego apane family ke saath ek apartment building me rehetaa tha. Ek subah uske ghar ke uparwaale uncle ne apartment se kud kar suicide karliya. Diego tabhi school ko jaarahaa tha aur usne unki dead body ko dekha liyaa. Use kaaphi shock lagaa aur buraa bhi lagaa as unka beta uska friend tha. Iske baad Diego ke dad ne upar waala ghar ko kharidliyaa. isike saath hi diego ke life me paranormal activities start huvi. Jab firtst time Diego us ghar me gaya tab use ek ghostly entity kaa aabhas huvaa. jo uncle ki corpse ki tarah dikhataa tha.

Vo kayi baar ghar me Diego ko dikha. Ek din jab vo akele tv dekharahaa tha tab tv ka channel apane aap change hone laga, vo tv’s 90’s ka tha. Us time remote vaale tv har jagah nahi the, tv par hi ek knob hotaa tha jise aapko manually change karnaa padataa tha. Diego knob ko rotate hote huve dekhataa hai. Use ghar me kisi ki chalane ki awaz bhi sunaayi detaa tha.

Ek baar jab vo and uski sister tv dekharahe the tab bhi aisa hi huvaa, ek entity aakar uske bagal me baita jisase sofa hilgayaa. Jab tv off huvaa tab screen par uski shadow clearly dikharaha tha. Dono bachhe isase kaaphi dargaye but Diego ke dad ne ise nahi maana. Diego ki health isake baad bigadane lagi, vo sleep paralysis ka shikaar huvaa, use neend thik se nahi aarahaa tha. Hamesha dar me rehene lagaa tha. Uski sister todhe himmatvaali thi jo Diego ki recovery me madad karti hai.

Ab 10 saal baad Diego and uske dad ek dusare apartment me rent par rehene lagtein hai. Uske dad ko cancer huvaa tha, vo chemo par the. Is apartment me aane ke baad Diego ko pataa chaltaa hai ki uske upar vaale ghar me ek suicide huvaa hai. Ye suicide 8 din pehele huvaa tha jab vo is ghar me aayaa tha. Kya ye sirpf ek coincident tha yaa kuch aur ye baat diego ko samjha me nahi aataa.

Ab Usi raat lagbhag 3 baje, koyi diego ke main door ko jo jor se knock kar rahaa tha. Diego ne ghar ke baahar motion censer lagaayaa tha taaki jab bhi koyi aaye pataa chale. But yahan par motion censer blank tha. Diego door ke spyhole se dekhataa hai toh use koyi nahi dikhataa. Use ye ab normal lagataa hai aur vo door ko nahi kholataa. But ghar par knocking lagaataar kayi dinon tak jaari raha. Ek raat gusse me diego door kholataa hai par asusval vahan koyi nahi tha. agali raat knocking main door se uske bed room par shift hogayaa tha. Yaani ab diego ke is ghar me bhi koyi entity aagaya tha.

Saal 2017 me diego ki girlfriend Natalia apane dog ke saath is ghar par rehene aati hai. Use bhi ghar me kabhi kabhi ajeb si awaz sunaayi dene lagata hai. Ek din uska kutaa accidentally paint box ko giraataa hai, jisase paint har jagah phel jaataa hai. Later Natalia ko black paint se latpat kisike foot steps dikhatein hai jo us paint me chalaa tha. She was spooked. Jab sab kuch clean karke vo nahaa rahi thi tab use bhi kisi entity ka presence mehesus hotaa hai. Uske comb ko vo entity havaa me uthakar ghumaane lagtaa hai. Is sab se natalia ki haalt kharab hojaati hai aur vo ye sab Diego ko bataati hai. Diego ko lagaa ki vo use chodkar chalijaayegi but she was in love. Vo use himmat dete huve ghar ko chodakar jaane ki baat karti hai. As Sachha pyar bhuton se nahi dartaa.

Kher diego and family is ghar ko bhi chodakar jaane lagtein hai. Jaise hi vo pack kartein hai unka ghar aur apartment jor jor se hilne lagtaa hai. Actual me vahan ek bhukamp aayaa tha jiski tivartaa 7.1 thi. Saal 2017 me aaya ye bhukamp Mexico desh ke sabse kharanaak bhukamp me se ek tha. Kayi saare buildings giragayi thi, kayi saare log mar gaye the. Is bhukamp ke vazah se Diego ko dusara ghar rent par nahi miltaa as rent prices bad gayi thi. Vo log isi ghar me rhene lagtein hai . aise bhutiya incident par search karne lagtein hai.

Ek raat vo ghostly entity diego par hamlaa kartaa hai, vo kisi dhunve ki tarah dikharahaa tha. Uski do saphed aankhein bhi thi.

Is ghatanaa ke baad diego ne ek exorcist priest ko bulaayaa. Priest ne ghar me har jagah crucifix lagaaye aur holy water se purification bhi kiyaa. Iske baad paranormal activities kam huvi but khatm nahi huvaa. Ek raat aisa smoke ghost Natalia ko bhi dikhaa. Diego ka kehenaa hai vo ghost ab bhi uske ghar me hai aur vo uske dar me hi jirahein hai. Diego ke dad ki death cancer huvaa jiske liye is ghost kohi blame kartaa hai. Use lagtaa hai ghost ne unhein time se pehele hi maar daalaa tha. Aur unki soul kobhi torment kar rahaa hai. Episode four yahin end hotaa hai. Well ye story bhi real hosakti hai as aise stories hamne kayi baar sunaa hai. Shayad isliye log suicide waale ghar ko kharidate nahi hai.

Agale episode ka naam hai the devil dances before easter. Ye story colombia desha me set hai. Emmanuel naam kaa aadami ye story narrate kar rahaa hai. Emmanuel ke saath bachapan se hi paranormal ghatanaayein huvi hai. Bachapan me iske parents bhi separate hogaye the. Aur vo apane naani ke saath rehene chalaagaya. Uski naani ek gypsy thi. ek Romani women.

Jinko nahi pataa unko badaadun romani people lagbhag do hazar saal pehele north india se central asia and europe ko migrate huve. Time ke saath ye latin america bhi pahunc gaye. I think india me inhen banjaare kehetein hai. Inka apana religion jai bhasha aur cultural identity hai. Inki bhasha rajasthan ke marwari language se miltaa hai aur religion Hinduism se. but do hazar saal me isme kaaphi badlaav aayaa aur inka religion ab romani religion se jaanaa jaataa hai.

Emmanuel ki naani ek shaman thi jo paison keliye exorcism karti thi. Vo apane logon ko traditional methods se treat bhi karti thi. Ab Christianity me good Friday ek shok divas hai. Isi din jesus christ ko suli par chadaadiyaa gayaa tha. Is din log aksar ghar par hi rehetein hai aur shok manaatein hai.

Aise hi ek good friday ke din Emmanuel ki naani ne use ghar par hi rehele keliye kahaa. Uska maananaa tha ki good friday ki din devil apana jasna manaataa hai aur vo strong hotaa hai. Emmanuel pehele toh naani ki baat maanataa hai but unke sone kebaad khelane nikal jaataa hai. Uske friends us din khelane nahi aaye the as unke parents ne unhein manaa kiyaa tha.

Ground par Emmanuel ko ek puppy dikhataa hai jiske saath hi vo khelane lagtaa hai. Use lekar ghar par aane lagtaa hai. Raaste me us puppy ka wajhan achanak badane lagtaa hai. Emmanuel use vahin chodakar vaapas apne ghar aane lagtaa hai. Tabhi vo puppy ek bade se bhediya ka roop lekar Emmanuel par hamlaa karne bhagataa hai. Emmanuel ise dekhakar dartaa hai aur peheli phurasat me ghar ko vaapas aataa hai.

Ghar aate hi naani use daantati hai as vo wolf devil tha jo bhediye ke bhesh me tha. Vo bhediyaa unke door par hi bhonk rahaa tha.naani uske saare kapade nikaalkar use ek white dress deti hai aur uspar kuch rituvals karti hai. Jisase us pal keliye vo bhediyaa chalaa jaataa hai.

Agali subah Emmanuel ka white dress ekdum kaalaa padgayaa tha. Uske body se badabu aarahi thi. Ghar me kayi saare keedy rengarahe the. Badabu bhi har jagaha tha. Achhe se clean karne par bhi vo badabu jaa nahi rahaa tha.

Din bitate gaye Emmanuel ko roz kuch na kuch horahaa tha. Skin rashes, fever, bad dreams , delusions etx etc. isase uski helath bigadane lagi. Finally uske dad aakar use apane saath legaye but kuch improvement nahi huvaa. Ek din unhein bhi apane ghar me ek shadow creature dikha jisase vo bhi convince hogaye. Unhone Emmanuel ko church legaye , prayer karvaayi , exorcism karvaayaa. Chizen kuch hat tak kam huvi but fully gayi nahi.

Saal bitate gaye aur Emmanuel apane naani ke paas vaapas gayaa. Unse unki rituvals ko sikhane lagaa. Unka maananaa tha ki negetive energies hamaare bhaya se taakatvar hoti hein. Vo Emmanuel ko apana bhaya ko kaabu me rakhana sikhane lagi. Ab itane saal ke training ke baad Emmanuel ne apane bhaya ko kaabu kiyaa aur use thodi shanti bhi milaa hai. Iski saath episode five bhi end hotaa hai.

Toh doston ye thi true story based horror miniseries Haunted latin america. Sabhi five stories achhi thi, unhein naraate karne ka tarika bhi achha hi hai. As as horror show ye badiya hai. As a true story based horror show mujhe nahi lagtaa. Yahan ke stories me real people nahi hai sabhi actors hai. Stories sach hosakti hein but writers directors ne creative liberty bhi liyaa hi hogaa. Yaadi aap ise sirph ek horror stories ke jaise dekhaein ge toh jyada enjoy karenge.


Comments