Stucco Explained in Hindi | Hinglish

 Stucco Explained in Hindi|Hinglish

Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai.

Toh doston aaj me Stucco naam ke ek short horror movie qo explain karne jaarahaa hoon Ye puri short film youtube par hai jiski link description me hai. Is film ki IMDB rateing hai 5.8 out of 10. iske writer director hai Janina Gavankar and Russo Schelling. Ye short film metaphorical horror film hai isliye first me story bataavunga then iski real meaning.


Film ki shuruvaat me ham ek lady ko dekhatein hai jo apane ghar me hi thi. Film me lady ka koyi naam nahi hai but IMDB par J likha hai, toh mai is lady ko J hi kahunga. Yahan par J mental health issues se jujrahi thi, use agoraphobia huvaa tha. Yahan agoraphobia ek anxiety disorder hai. Isame logon ko apane aaspaas ki jagah safe nahi lagata. Aise log jab Open places, bus, trains, shopping malls yaa severe cases me ghar ke bahar bhi jaate hai tab unhein panic attack aane lagtaa hai . Inka BP badataa hai, heart rate tez hotaa hai, saans lene me bhi dikkat aane lagta hai. Akasar aisi condition kisi traumatic event ke karan paidaa hotaa hai. J yahan aise hi condition se juja rahi thi aur hamesha ghar me hi rehene lagi thi.


Toh J ko ham early morning dekhatein hai jahan uske haath par chot lagaa tha. Vo first aid lagaarahi thi tab use uske naye boyfriend ka phone aataa hai. Jise mai yahan O kahunga. O kehetaa hai tumhara ex boyfriend aaj mere office aayaa tha, use hamare baare me sab pataa chalgayaa hai. Mujhe isase koyi problem nahi hai but vo bahut gusse me tha. J phone ko beech me hi kaat deti hai jahan usse ab usake ex boyfriend ka voice mail aataa hai. Vo J se sorry kaeherahaa tha and J se milna chaharahaa tha. Yahan mai is ex boyfriend ko X kahunga. Short film me kisi ka bhi naam nahi liyaa gayaa hai isliye naam ka problem horahaa hai.


J ka ex boyfriend abusive tha, use control kar rahaa tha, J is relationship se khush nahi thi. Isliye usne O ke saath affair develop karliya tha. jiski news ab X ko pataa chalgayaa tha. Shayad iske baad J and X ke beech kuch traumatic incident huvaa hogaa jiske chalte J bhagkar apane ghar aagayi. Ye ghar J ne recently kharidaa tha.


Ab ghar me khana khtma hogaya tha to J online order karti hai. Vo apane bedroom ke samane ek painting ko lagaane jaati hai. Jaise hi vo keel thokati hai dewaar me ek hole banjaataa hai. J ko lagtaa hai us dewaar ke piche ek empty secret room hogaa jise dewar se dhak diyaa gayaa hai. Ab uska online food aataa hai but J me itanaa bhi himmat nahi tha ki vo door ko kholkar use under lele. Uska agoraphobia itana severe tha ki use door kholane me bhi mushkil aarahaa tha. Vo somehow koshish karke food ko under leleti hai. J ab apane friend ko ek text message bhejati hai jisme us room ke baare me puchati hai. Ghar ke plans maangati hai. Uske friend ne hi use vo ghar bechaa tha.


Us raat J dewaar par lagi us hole ko dekhate sojaati hai and next day jab vo utathi hai toh use halkia sa khansi tha. Vo apane psychologist doctor se skype par baat karti thi jo uske progress se utana khush nahi thi. Vo use personally office aane keliye keheti hai. Vo J ke khansi kobhi notice kati hai aur at least medicine shop tak jaane keliye keheti hai. J bhi ab ready hokar jaane lagti hai but jaa nahi paati. Vo phir se medicines ko online hi order karti hai.


J yahan youtube videos ko dekhakar meditation bhi practice kar rahi thi. Video me guide keheti hai, apane man me ek simhaasan ka kalpana karen, jo shkti ka pratik hai, jo vijaya ka pratik hai. Ham shaktishaali hai, laambhi saans lijiye simhaasan par baitiye aur aaram kijiye. Is sab ke beech medicine aataa hai jise lene J jaati hai. Uska meditation tutataa hai aur vo kabhi bhi use thik se nahi kar rahi thi. J cough syrup ko drinks ki tarah leti hai.


Aaj raat sote time vo hole ko phir se notice karti hai jisase ab ek baal nikaltaa hai. Vo bing par secret room bhi search karti hai. Later vo vahin sojaati hai. Phir aadhi raat ko ham J ko utathe dekhatein hai , back round me I stuck in my fantasy world gaanaa bajane lagaa tha . Ham us dewaar se ek tentacle ko aate huve dekhatein hai jise J jaakar kiss karti hai. Next morning J isi nightmare ke saath utati hai yaani ye sab uska sapanaa tha.


Usdin uska ex boyfriend uske ghar par aataa hai aur daravaaja bajaane lagtaa hai. Vo kaaphi gusse me tha isliye J darvaazaa nahi kholati. Vo mujhe tum nazarandaaja nahi karsakti message ko window par jor se patka kar lagaataa hai. J ab police ko bulaakar complait karti hai aur apane ex se officially break up karti hai. Officer use ghar me camera lagaane ka sujhav deti hai. J ghar me cameras lagaakar apane laptop se connect karti hai.


Ab uska khansi aur badgayaa tha jiskeliye vo jyada cough syrup consume karti hai. Dewaar par bana vo hole bhi ab size me badaa ban gayaa tha. Raat me J ko friend use phone karke keheti hai ghar me koyi empty secret room nahi hai. But J ko vo dewaar uske saamne hi dikharahaa tha. Vo apana bedroom door close karke so jaati hai.


Next aadhi raat ko ham J ko usi deewar ke saamane dekhatein hai jahan vo clearly panic me thi. Uske saamne ek daanth giraa huvaa tha. J apane sabhi daaton ko check karti hai vo apane jagaha the. J ko kuch samajh me nahi aataa aur vo cctv footage check karti hai. Footage me vo dekhati hai ki vo us deewar ke saamne khadi hai, vo apane much se apane body parts ko ugal rahi hai aur use use hole me daal rahi hai. Is sab ko dekhakar use panic attack aane lagtaa hai aur vo pharan hi ghar se bhagane lagti hai. But beech raaste me hi vo decision badalkar apane fear kaa saamanaa karne lagti hai. Ek bade se hatode ko lekar us dewaar ko thodane lagti hai.


Us dewaar ke paar use ek dark room dikhataa hai jisme ek simhaasan tha. Vo simhaasan human body parts se banaaya gayaa tha, bahut saare haath, pair, daanth etc the. unsme se ek haath J ko bulaane lagtaa hai aur J bhi attract hokar uske aur hi jaane lagti hai. Vo aaraam se simhaasan par jaakar baitati hai jahan vo simhaasan uske sar par daatonse bana ek mukut rakhati hai. Kuch pal ke liye J aanad ki anubhuti me khojaati hai. Later vo simhaasan use har taraf se pakadkar uska shoshan karne lagtaa hai. J tadapane lagti hai, apane aap ko chudaane lagti hai. Finally vo us simhaasan se utkar uspar hatode se hamala karti hai.


Next ham J ko uske car ke saamne dekhatein hai jahan usne car par hatodaa maaraa tha. Subah hogayaa tha, vo ghar ke baahar thi. J ko ab peheli baar achha lagane lagtaa hai as first time vo ghar se baahar thi. aur use panic attack aayaa nahi tha. Boom ye short film yahi end hotaa hai.

Toh ye thi film stucco jo kaaphi interesting hai and metaphorical hai. J clearly ek abusive relationship me thi jisase vo bhagana chahati thi. Iskeliye usne affair ka raastaa chunaa jisase uske man me guilt paidaa huva. Jab uske ex boyfriend ko ye baat pataachalaa tho vo J ko traumatize kane lagaa. J usase bhagkar naye ghar me aagayi but uski mental health bigadate hi raha. Vo us deewar ke hole ke roop me prakat huvaa. Asal me vahan koyi hole nahi tha, naahi ko room tha ye sab uske man me paidaa huvaa bhram tha.


Baad me J cough syrup se addict hogayi. Jaise jaise uska health bigadte gayaa vaise vaise hole ka size bhi badane lagaa. Vo hole use traumatize karraa tha. Jo real me J ka uske ex ke saath ki relationship ka partik tha. J ka kissing scene abusive relationship me milane vaali prasangik khushi ka pratik tha. But us time backround music me I live in a fantasy world gaanaa baj rahaa tha. Yaani abusive relationship me khushi ko dhundana ek fantasy hai.


J video me apane body parts ko ugalkar use hole me daal rahi thi. Jo is baat ka pratik thk ki usne apane apane ex boyfriend ko sab kuch diyaa, apana body and mind tak nichavar kardiyaa but phir bhi she was unhappy. Finally vo dewaar todake under jaati hai jahan use vo simhasan bulaarahaa tha. Ye simhaasan uske ex boyfriend ka pratik tha, jo use stock karke use phir se apane life me laana charahaa tha. First J us simhaasan se aatact hokar happiness ko feel karti hai but later vo use torture karne lagtaa hai. Matlab jab bhi koyi apane abusive boyfriend se samajautaa karne jaataa hai, pehele toh use khusi milti hai. But end me parinaam dukhad hi hotein hai. As riston ke foundation hi galat rehetein hai. Isliye J ne us simhaasan ko toddiyaa aur apane mind ko free karliyaa. Moral of the short story ye hai, mental health ek serious issue hai. Take it seriously. Dusari relationship me mutual respect jaruri hai. Tisari agar bandi chodakar gayi toh kabir singh mat bano.


Video : STUCCO (2020) Explained In Hindi | A Woman Finds Strange Hole In The Wall - YouTube


NEXT : 


Post a Comment

0 Comments