The Body | Into The Dark | Explained in Hindi | Hinglish

  The Body | Into The Dark | Explained in Hindi|Hinglish|Movie Spoilers

Is article  ke  kuch parts  ko famous hindi  youtube channel @CinemaTales me use  kiya gaya hai , yadi aap video de khana chahatein hai toh vo page  ke end me hai.

Aap sabhi ne 50 states of fright ke articles ko kaaphi pasand kiyaa. Uske jaise hi ek aur series ko mai aaj se me explain karunga. Jiska naam hai In to the dark. Ye ek horror anthology series hai jisme kayi saare independent films hai. In films ki theme festivals par based hai. hulu ne ise har major festival se pehele release kiyaa tha. Iske first Season 1 me 12 films hai aur seasson do me 11 films hai. Mai sab ko explain karne ki koshish karunga. Toh first film ka naam hai the body jise halloween se pehele release kiya gayaa tha. Iska IMDB rateing hai 6.3 out of 10.

Film ki shuruvaat me ham ek professional contract killer ko dekhatein hai jiska naam hai Wilkes. Vo Halloween ke raat ek famous rich celebrity ka murder karne hotel me aayaa tha. uske employer use raat ke 2 baje tak body ko laane keliye kehetaa hai. Vo rich aadami ko maarkar uski body ko mummy ki tarah wrap kartaa hai. Vo aadami puri tarah se maraa nahi tha phir bhi vo use wrap karke hotel se ghasitate huve lejaata hai. hotel me aaye sabhi guests ko ye Wilkes halloween ka costume lagtaa hai jispar vo compliment detein hai. As Wilkes ek ne movies me dikhanewaali perfect psycho killer ki tarah dress kiyaa tha. vo dikhane me kaaphi hot bhi tha.

Hotel ke baahar kuch sharaarati bachhon ne sabi logon ke cars par kudaa kachada phenkaa tha, sabke cars ko puncture kiyaa tha. Isme Wilkes ka car bhi shamil tha. Ab teen careless teens Alan Morgan Adams, Dorothy and Nick ek halloween party keliye jaarahe the, unka costume bekaar tha. Alan Wilkes ko body ke saath dekhakar use apane saath party me aane keliye invite kartaa hai. Inko apane frienda ke saamane apana impression jamaana tha. Wikes ko lift chahiye tha as police uske saamne hi thi jise dusare car owner ne bulaayaa tha. Wilkes invitation ko accept karke kehetaa hai mujhe lift chahiye, mai party me jyada time tak nahi rukunga.

Halloween party ko in teens ke rich friend Jack Baker host kar rahaa tha. Vahan kayi saare log behetareen halloween costume me aaye the. Wilkes apane lash ko drag kar ke vahan rakhataa hai jiske saath kayi saare log selfie letein hai. unhein ye prop lagtaa hai.

Party me Wilkes ko dekhakar jack ki ek employee Maggie attract hoti hai, vo uske paas jaakar chat karne lagti hai. Usne Marie Antoinette ka costume pehenaa tha. Aap ko bataadun Marie Antoinette french king Luie 16th ki wife thi jise french log ek evil aurat maante the. French revolution ke baad logon ne uska sar kalam kardiyaa. Uska image french history me aisa hi hai jaise ramayana me manthara ki hai.

Wilkes ko party se jaldi jaanaa tha but teens ko abhi party enjoy karnaa tha. Jack ab sab ko ek secret bunker me lejaataa hai jahan usne exclusive arrangement kiyaa tha. Vahan ye body hilne lagtaa hai, usase kuch awaz aane lagtaa hai. Jack puchataa hai ki kya isame electronics hai? jispar Wilkes kehetaa hai haam lekin vo kharab hogayaa hai. Ek do laat maaro toh thik ho jaaye gaa. Jack excitement body ke chehere par laat maartaa hai toh wrap ke under blood spill hone lagtaa hai. Jise dekhakar sab dar jaatein hai, unhein pataa lag gayaa tha ki ye ek asali body hai and Wilkes ek contract killer hai.

Isake baad Wilkes Nick ko chaku se maar daaltaa hai and car keys maangataa hai, sab ko dhamakaa taa hai ki vo unko bhi maar daalega. Maggie wilkes ki reality ko dekhakar surprise nahi hoti and keheti hai mai aisa kayi saalon se karnaa chahati hoon. uske under bhi serial killer ki feelings thi jise vo surpress karte aari thi. Meaning mentally ye bhi ek psycho hi thi. Vo Wilkes ka help karne lagti hai, vo ek drawer kholati hai jisme car ki keys thi. But Jack ne usme pehele se hi booby trap banaya tha isliye emergency alaram bajane lagtaa hai, halloween ke props girne lahtein hai. Is distraction ka phayad uthakar Jack, alan and dorthy body ke saath bunker se bhag jaatein hai. Wilkes and maggie vahin trap hotein hai.

Jack, alan and dorthy body ko lekar parking garage aatein hai, unke finger prints body par the isliye vo dar jaatein hai. Wilkes ne gloves pehenaa tha. Dorthy police ko bulaane keliye keheti hai toh alan kehetaa hai building ke bahar hi ek police wan stationed hai. Jack bhagakar us police officer ko bulaakar laataa hai, first vo officer inko seriously nahi letaa , usko ye halloween ka majaak lagtaa hai. Jack body ke wrap ko hataa kar uske face ko reveal kartaa hai, vo body ek famous rich man ka tha toh sab use identify kartein hai. Police officer ke shoulder par body cam tha jo is sab ko record kar rahaa tha. Vo puchataa hai ye kisne kiyaa.

Udhar Maggie Jack ke digital lock ke madad se bunker ko kholati hai, ye dono bhi ab garage aatein hai. Jane se pehele maggie jack ka mobile utathi hai.Police Wilkes par gun taankar use rukane keliye kehetaa hai but ye teeno use dekha kar body ke saath bhagane lagtein hai. Yahan thoda confusion hotaa hai jahan officer maggie par goli chalaataa hai jo use chukar chalaa jaataa hai. Later Wilkes officer ko maar daaltaa hai.

Ye teeno ek homeless aadami se uska cart letein hai, jack use paise dekar homeless ness par bhari bhashan detaa hai. Ye teeno behad dar gaye the, binaa kuch kiye ye phas gaye the. Maggie Wilkes ki madad kar rahi thi, use majha aaraha tha, ye uskeliye ek perfect halloween tha as vo apane darkest feeling ko baahar nikaal rahi thi. Vo keheti hai mai un teeenon ko dhun saktin hoon , mujhe ek laptop chahiye. Vo jack keliye ek data analyst thi as in a nerd. Vo Jack ke mobile se alan ko ek whatsapp karti hai. jisme Nick and police officer ke bead bodies ke photos the. Niche caption tha with emojis I KILL THEM YOU HIDE THEM. Meaning Maggie Jack ko murder me phasaarahi thi, ye digital evidence tha.

Is message ko dekhakar teeno aur bhi dar jaatein hai, unke paas option nahi tha, police ke paas jaate toh vo inhen bhi under kardete. Isliye Alan keheta hai yadi body hi nahi hoga toh murder ka evidence bhi nahi hoga, toh koyi kuch prove nahi karega. vo breaking bad ke Mr Walter White se inspiration lekar body ko bleach karne ka idea rakhataa hai. Body ke tukade karke, uspar bleach daalkar, uske fingerprints ko jalaakar finally body ko 1000 deg centigrade par jalaane ka plan tha. Dorthy and Jack ko ye gross lagtaa hai but bina koyi option ke vo ise accept kartein hai.

Udhar Maggie and Wilkes ek bar ko jaatein hai jahan Wilkes ek aadmi ka laptop churaataa hai. Screen me time stamp flash hotaa hai Wilkes ke paas ab sirph sade do ghante ka time tha .Maggie curiosity me wilkes se puchati hai ki usne ye profession kyun liyaa, kya use apane consequence se dar nahi lagtaa. Wilkes kehetaa hai life me hame jo achha lagtaa hai use hame karnaa chahiye , consequence se vo dartein hai jo weak hotein hai. 

Indono psychopaths me chemistry ban raha tha. Wilkes ka employer use phone karke kehetaa hai dead police officer business keliye thik nahi hai, mera body kahan hai, tumhare paas sirph do ghante hai. Wilkes ka employer uspar har pal nazar rakha rahaa tha jisase vo thoda dar jaataa hai. As koyi aur use bhi , kabhi kbhi maar saktaa tha. Maggie Alan ke phone ko hack karke uske location ko dhundati hai, ve log ek hardware store me the. Wilkes maggie ko police officer ke body cam footage ko send karne keliye kehetaa hai jise usne police server se hack kiyaa tha.

Ye teeno ab ek hardware store me ghusate hein jahan ye body ko disintegrate kar rahe the, Alan kehetaa hai 20 million twitter followers ka anth aise nahi honaa chahiye tha. Tab uske mobile par maggie ka video aataa hai jisme vo police officer ke saamne body ke saath khada tha. Ab jaldi jaldi ye log body ko lekar local crematorium ki aur jaane lagtein hai jahan ye body blood leak kar rahaa tha.

Maggie and Wilkes isi blood leak ko follow karte huve crematorium par aatein hai, aage jaane se pehele Wilkes use kiss karke thanks kehetaa hai, us par hamlaa karke use vahain marne chod detaa hai. Very cold heart indeed. Crematorium par security body ko dekhakar in teenon par gun taanataa hai but tabhi piche se Wilkes aakar use bhi maar daalta hai. Ye teen body ke saath building ke under bhagtein hai jahan Jack , Alan and dorathy se bichada jaataa hai. Vo dar kar ek casket me chupataa hai but Wilkes use maarne me kaamiyaab hotaa hai.

Alan and dorathy incinerator room me over ke heat hone ka wait kar rahe the tabhi Wilkes finally vahan aataa hai. Alan uspar hamlaa karke uske gale ko dabaane lagtaa hai but he was no pro. So Wilkes somehow bachkar use chaku se maartaa hai. Dorthy uspar gan se goli chalaane jaati hai jise wilkes ek thick steel plates se rokataa hai. Vo bullet rebound hokar dorathy ke sar par lagtaa hai . Isi ke saath vo bhi maari jaati hai.

Finally Wilkes body ko letaa hai and apane employer ko inform kartaa hai. Tabhi use koyi piche se shoot kartaa hai, uske chest se khoon behene lagtaa hai. Dekhane par vahan maggie thi, vo finally Wilkes par hamlaa karke use maar daalti hai, keheti hai mujhe sirph life me kisiko ek baar maarnaa tha, us urge ko khatm karnaa tha. Isliye maine tumhe help kiyaa. Vo Wilkes ke body ko wrap kar ke ghasitate huve lejaati hai. And film yahin end hotaa hai.

Toh ye thi film the body ki kahani. Toh basically yahan maggie wilkes ko manipulate kar rahi thi, uske under serial killer ke feelings thi jise vo baahar laanaa chahati thi. Iske liye halloween se best din ho nahi saktaa tha. Isiliye jab wilkes nick ko maarataa hai to vo keheti hai mai aisa kayi saalon se karnaa chahati hoon. Vo consequence ke dar ke binaa jinaa chahati thi. Uskeliye Alan, dorothy and jack sirph colateral damage the. Aapne notice kiyaa hogaa ki maggie me marry antoinette ki tarah dress kiyaa tha. Ek version of French History ke mutaabik marry anoinette ne french king Louie 16th ko manipulate kiyaa tha, vo use puppet ki tarah rakhakar khud governmetal decision leti thi. 

French revolution ke dauran usne louie 16th ko surrender hone se rokaa tha jisase laakhon log mar gaye the. Vo monarchy ko chodanaa nahi chahati thi isliye end me french revolutionaries ne use and uske husband ko berehemi se maar daala. Dusare version of french history me marry antointte ek strong feminist leader thi jise french patriarchy ne pasand nahi kiya.

Ye film 82 mins long hai jo script ko bilkul bhi justify nahi kartaa, basically ye ek dark comedy hai. Kayi jagah hilarious moments hai. Utani khas horror nahi hai but one time watch hai.


NEXT : FLESH & BLOOD - INTO THE DARK

Post a Comment

0 Comments