Are You Afraid Of The Dark ( Part 1 ) Explained in Hindi|Hinglish

 Are You Afraid Of The Dark ( Part 1 ) Explained in Hindi|Hinglish

Is article  ke  kuch parts  ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo page  ke end me hai.

Is article me mai Are you afraid of the dark ki season do ko explain karunga. Is season me kul che episodes hai. Is series ki IMDB rating 7.1 out of 10 hai. And is season ka naam hai curse of the shadows.

Toh is Series ki kahani ek coastal shehar me set hai, fishing yahan ka main business hai aur ek zamaane me yahan ek working light house bhi tha. but ye light house ab viraan padaa tha. Series ki shuruvaat me ham Conner Stevens naam ke ek ladake ko dekhatein hai. Vo sardo magic shops se naam ke book ko churaataa hai. Baad me vo viran pade light house me jaakar séance karne lagtaa hai, book se kuch chanting kartaa hai. Tab ek shadow creature vahan aakar uspar hamlaa kartaa hai jise log the shadow man kehete the. 

Conner usase backar bhagane lagtaa hai but shadow man use pakadkar lejaataa hai. Is sheher me ek urban legend cum curse famous tha. jiske mutaabik yadi bachhe raat ko light house ke pass gaye toh shadow man unhein pakad lega. Kayi saalon se kayi bachhe yahan par laapataa huve the. Cornner high school ke the midnight society ka leader tha, jisme Luke, Hanna,Gabby and Jai members the. Ye sabhi bhi horror stories ke fan the aur midnight society club me scary stories sunaate the.

Next morning Luke ke mobile par conner ka aata miss calls the. Luke conner se milne uske ghar jaataa hai jahan uske dad the. Vo ek hafte keliye fishing par jaarahe the and vo kehetein hai conner shayad subah subah hi school chalaa gayaa hai. Matlab jab vo uthe tab conner ghar par nahi tha, unhone yahan assume kiyaa tha ki vo school chalaa gayaa hai. Aage Luke school me Jai and hannah se miltaa hai but unhone bhi aaj conner ko nahi dekha tha. Luke and Conner kushti class me the but Conner ne aaj yahan bhi bunk maaraa tha. 

Aadhi raat ko Hannah apane weekly midnight society meeting ko attend karne jaarahi thi. But use uska chota bhai Seth rokataa hai, vo use bhi uske saath lejaane ki zidd karne lagtaa hai. Hannh keheti hai midnight society bachhon keliye nahi hai, vo use trick karke ghar se chup ke se bhagati hai. Yahan par seth magic trics ka fan tha, vo internet par sardo ke videos dekhakar trics sikhataa tha.

Midnight society ke weekly meeting par bhi conner nahi aataa isase Luke toda pareshaan hotaa hai. Yahan Gabby keheti hai usne teen din pehele Conner ko dekha tha jo dar me kahin bhag rahaa tha. Yahan hame ek flshback dikhayaa jaataa hai jisme Conner Luke ke ghar sham ke time aayaa tha. Vo luke ko apane saath woods me aane keliye request kartaa hai but Luke uspar agree nahi kartaa. As last time is tarah bina bataaye jaane par luke ke parents ne use tagada punishment diyaa tha.

Hannh ab Conner ki social media pages ko dekhati hai. Ek photo me Conner ki piche hame shadow man ki image tha. In kids ko lagtaa hai Conner isase hi dar kar bhag rahaa tha. Next day vo sab Conner ki locker ko kholatein hai jahan kuch strange books thi. Vo books curses and rituals ke upar tha jise Conner ne Sardo Magic Mansion shop se kharida tha. Ye teengaers aage us shop owner Sardo se milne jaatein hai jahan Seth bhi chup ke aagaya tha. Vo midnight society join karnaa chahataata but ye teenagers use hamesha bachha kehekar bhagaarahe the.

Kher Shop me Sardo kehetaa hai Conner ek chor hai, usane raat ko shop me ghuskar mera ek kimiti book churaayaa hai. The book of shadows. Sardo sab ko cctv footage bhi dikhataa hai jisme clearly Conner chori kar rahaa tha. Video me ye bhi dikhataa hai ki conner back door se bhaga tha. Aur shop ka main door apane aap open bhi huvaa tha. Luke video ko slow motion me chalaataa hai to vahan par clearly the shadow man dikhayi detaa hai. Ise dekhakar Sardo bhi dar jaataa. Vo in kids ko woods ki curse yaa legend ki story sunaane lagtaa hai.

Saalon se kayi bachhe jungle me gum hotein aayein hai. Unhe the shadow man ne leliyaa hai. Raat me vo ghumataa hai, tab vo ilaaka uska hotaa hai, vo gumane vaalon ko agavaa karke unke souls ko light house me rakhataa hai. Yaahn ham ek aur flashback dekhatein hai jisme ek bacchi zoey hide and seek kel rahi thi. Ek din vo is jungle me chupati hai tab se use the shadow man haunt karne lagtaa hai. Ek din use uthakar lebhi jaataa hai.

The midnight society ke in teenagers ko ye story scary nahi lagati. Unko ye sirph ek afvah lagtaa hai. Vo sab ab light house ke paas Conner ko dhundane jaatein hai. Sunset ko abhi teen ghante ka samaya tha. Jai apani mobile par sunset keliye alaram rakhataa hai, usdin seunset 7:58 PM ko tha. Matlab raat ke aatha baje sunset?. In teenagers ko ye ajib nahi lagtaa aur phir bhi aage badatein hai. Kuch dur baad inko ek spot dikhataa hai jo pichale seasson ke midnight society ke spot jaisa hi tha. Yahan par ek revan bird Jai par hamla karke use giraa detaa hai. Damm reven bird again. Seth bhi ab inko follow karte huve jungle me aayaa tha jise dekhakar Hannah use daantai hai.

Luke light house ke paas jaakar Conner ko dhundane lagtaa hai. Itane me Jai ka alaram bajane lagtaa hai, even though ye sab sirph das minute hi chale the but phir bhi sunset ka time hogaya tha. Time ki speed yahan alag thi jisase bachhe kaaphi confuse hotein hai. Jai bhagkar Luke ko vaapas chalane keliye kehetaa hai aur sabhi kids bhagane lagtein hai. Bhagate time Luke ko conner ki bag dikhati hai jise vo utaatha hai, tab uske pair ko ek shadowyi chiza rokati hai. But somehow vo baaki kids ki tarah sunset se pehele jungle se baahar aatein hai.

Later us raat luke Conner ki bag ko check karne jaataa hai tab uske ghar me paranormal activities hone lagataahai. Tv apane aap band hotaa hai, lights chali jaati hai and vo shadow man vahan aakar Luke par hamlaa kartaa hai. Yaani vo ab in teenagers ko bhi hunt karne lagaa tha. Uske area me time alag se chaltaa tha isliye usne bacchon ko trick kiyaa tha. Bacche actuval me sunset ke baad bhi jungle me hi the. Unpar bhi ab ye curse yaa shap lag gayaa tha. Yahin par episode one end hotaa hai.

Episode two ki shuruvaat Luke ke ek daravane dream ke saath start hotaa hai.jisme vo aur Conner raat me light house jaatein hai. Vahan jaate hi Conner light house ke under trap hojaataa hai. Use shadow man possess kartaa hai, Conner kehetaa hai tum mere saath nahi aaye isliye usne mujhe pakad liyaa. Ab Shadow man luke par bhi hamlaa kartaa hai tabhi vo ninda se jaagataa hai. Uske shoulder par hamle ka nishan tha.

Ab school me luke baaki friends ko Conner ka backpack dikhataa hai jisme ek list tha. Ise vo clues kehetaa hai. Ab In sab ko inki teacher class bunk karne keliye daatane lagti hai but ye sab unse joot boltein hai. Inke school me kal glow dance naam ka ek dance program honaa tha. Ye teacher se kehetein ham iskeliye hi class bank kiye hai.

Next luke and hannh Conner ke ghar me chori se ghustein hai. Conner ke room me har type ka lights tha jise dekhakar luke surprice hotaa hai. Hannh Conner ke laptop ko check karti hai jo password se lock tha. Luke ko bhi ye password maalum nahi tha. School hour ke baad luke sab se apani kal raat vaali dream share kartaa hai jise sunkar hannh bhi apni dream share karti hai. Use bhi kal raal ek dream aayaa tha. Dream me vo apane bed par sorahi thi aur bilkul bhi hil nahi paarahi thi. Tab uske room me koyi shadow figure aataa hai aur uske upar chadane lagtaa hai. Later vo iske dar me hi utathi hai. Gabby and Jai ko ye dono incidents sirph bad dreams hi lagtaa hai. Ye log shadow man ko ek fake legend hi maanate the.

Raat me ham Jai ko uske room me comics padate huve dekhatein hai. Jahan achanak uske comics vo aur uska room aajaata hai. Uske ghar par hi based ek story banaya gaya tha. Jai thoda darkar us story ko follow kartaa hai jo use basement me lejaataa hia. Basement jo box tha vaise hi ek box uske comics me bhi tha. Comics me us box ke under se shadow man ki haat baahar aarahaa tha. Meaning shadow man ab jai ko bhi haunt karne lagaa tha.

Jai darkar kal ke sunset time ko check kartaa hai. Kal ka din actually twilight ka din tha, twilight ke din surya shkithija ( horizon ) ke niche hone ke baavajuud bhi dhimi sunlight hotaa hai. Yaani sunset ke baad bhi kuch time keliye roshani reheti hai. Isiliye uska mobile aata baje ka sunset dikha rahaa tha jo twilight sunset tha. Real sunset toh pehele hi ho chukaa tha.

Shadow man ab gabby ko bhi haunt karne lagtaa hai , vo uska picha karne lagtaa hai. Hannh and seth ke ghar me unpar bhi hamlaa kartaa hai. Jai sabhi ko video call par real sunset ki baat kehetaa hai. Ab sab ne shadowman ko dekhaliyaa tha isliye sab dare huve the.

Luke aaj ke din kushti ke class keliye late gayaa tha, isliye use detention milaa tha. Vo school me rukhakar sab players ki kapade dhorahaa tha and akelaa tha. Shadow man ab uspar bhi hamalaa karne aataa hai toh luke school se bhagane lagtaa hai. Gabby apane mom ki car ko churaakar sab ke saath luke ko bachaane in time aati hai. Shadow man ab clearly sabko follow kar rahaa tha. Sabhi kids ab Conner ke ghar jaatein hai and solution dhundane lagtein hai.

Kuch der baad shadowman vahan bhi aataa hai, vo saare lights ko off karke kids par hamlaa karne lagtaa hai. Andhere me kisiko kuch dikhayi nahi detaa as shadow man seth ko lejaane lagtaa hai. Hanna and luke set ko rokatein hai but shadow man powerful tha. Tabhi jai uspar torch chalaataa hai jisase pain me chillakar bhag jaataa hai. Uske jaate hi Room me light phir se aataa hai ab sab ko maalum pad gayaa tha ki Conner ne room me itane saare lights kyun lagake rakha tha. Use bhi shadowman haunt kar rahaa tha.

Sabhi bachhe ek ek light ko lekar shadow man se fight karne lagtein hai, Jai uspar ring light se hamlaa karta hai, seth light orb se hamla kartaa hai. Yahan par shadow man aaj keliye haar maan kar chalaa gayaa tha but inpar lagaa curse abhi gayaa nahi tha.

Is sab ke baad luke ko Conner ka basebaal dikhataa hai jisme bhi uska kaaphi interest tha. hanna Conner ke favorite player ka naam as a password try karti hai toh laptop khul jaataa hai. Conner missing hone se phele kisi JUNE MURPHY naam ke girl ke baare me search kar rahaa tha. Vo 1996 ki student thi and accidentally mar gayi thi. Conner séance conduct karne ke baare me bhi search kar rahaa tha. Basically vo JUNE ke ghost ko bulaakar usase baat karnaa charahaa tha. Usne ek list banaayaa tha jo uske backpack se luke ko milaa tha. Hamne already First episode ke first scene me Conner ko light house me séance karte dekha tha. Matlab vo séance karne ke baad hi shadow man ka shikaar huvaa tha. Episode two yahin par end hotaa hai.

Episode three me bachhe June Murphy ke baare me search karne lagtein hai. Henna ko pataa chaltaa hai ki vo light house keeper ki beti thi jo 1996 se mar gayi thi. Jai ko library me saal 1996 ka year book miltaa hai jisme june bhi thi. Gabby apane old teacher Mrs Schaffner se milti hai jo 96 me June ke classmate thi. Mrs Schaffer keheti hai June ek achhi ladaki thi jo tragically mar gayi thi.

Ab sabhi kids phir se sardo ke paas jaatein hai as unhein ab séance karnaa sikhanaa tha. Sardo iskeliye ek condition rakhataa hai. use the book of shadows vaapas chahiye tha jo light house ke pass ke ghar me tha. As Conner ne usase us book ko churaakar vahan jaakar séance kiyaa tha. Sardo kehete hai tum log toh pehele se hi cursed ho, isliye asaani se vahan jaasakte ho. Bachhe uski condition ko maan jaatein hai.

Sardo sabko séance sikhane lagtaa hai, kehetaa hai séance keliye candles, ghost ki photo, ghost keliye gift aur ek circle chahiye. Sabhi ko séance end hone tak circle me hi rehena hogaa. séance ke teen rule hai. Pehela ghost ko izzat se bulaavo, dusaraa circle se kabhi baahar matt jaavo and tisara séance khatm hone kebaad ghost ko goodbye kaho. Sardo in bachho ko ek phantom light bhi detaa hai. Ye bin bulaaye aaye buri aatmavon ko indicate karne keliye tha. Sardo ye bhi kehetaa hai séance ko vahan conduct karnaa chahiye jahan ghost ki strength jyada ho. Vo in kids ko the book of shadows ko naa padane ki warning bhi detaa hai. A us book se hamesha evil hi hotaa aayaa hai.

June light house owner ki beti thi jiska ghar light house ke bagal me hi tha. Isliye sabhi bachhe vahan séance conduct karne ka decide kartein hai. Ab seth bhi aakar inke saath chalne lagtaa hai as uske upar bhi curse tha.

Sabhi kids raat me june ke ghar jaakar séance conduct kartein hai. June inhein contact karke apane memories dikhane lagti hai. 96 me vo aur uske dad light house ke keeper the. City ke mayor ne public pressure me aakar light house ko band karne ka decision leliyaa tha. June iske khilaaph awaz uthakar signature jamaa kar rahi thi. Vo six signature short thi. end me unhein light house ko close karnaa hi padataa hai. June ke dad light house ke chavi ko samundar me phenkane jaatein hai but vo ek ped ke phaskar latakane lagtaa hai. Later usraat first time sheher me light house ka light nahi jaltaa isase June ko kaaphi buraa lagtaa hai. Vo khud se hi chaavi nikaalne jaati hai and accidentally upar clif se girjaati hai.

June ke death se uske dad kaaphi vichalit hotein hai, vo book of shadows ke sahaare June ko vaapas laane jaatein hai. Unka ye prayaas backfire kartaa hai aur the shadow man unhein possess kar letaa hai. Tab se vo raat me ghumane vaale sabhi logon ka shikaar karne lagaa tha. Sabhi kids ab June ko good bye kehekar séance se baahar aatein hai.

Idhar light house par ab the shadow man vaapas aagayaa tha aur vo sab ko haunt karne lagtaa hai. Yaahn par panthomm light bhi jalne lagaa tha. Luke kehetaa hai conner ko bhi june ke flashbacks dikhi hongi isiliye usne the books of shadows ko churaayaa. Shayad is curse ka thoda usi book me hai. Shadow man tab gabby ko uthakar lejaane lagtaa hia but intime jai flshlight jalaakar use bachaataa hai.

Luke ko ghar me book of shadows miltaa hai usme se vo ek spell ko padane lagtaa hai. Sardo ne inko aise kisi bhi spell ko padane se manaa kiyaa tha phir bhi dar aur panic me luke use padane lagtaa hai. As ye log Shadow man ke ghar me hi kaid the iske alaava inke paas koyi aur option nahi tha. Luke book me se hallow light ki spell ko padkar cast kartaa hai. Tab achanak har tarah andhera hotaa hai aur sabhi bachhe behosh hokar gir padatein hai.

Next morning sabko hosh aataa hai and conner unke saamne sahi salaamat tha. Sabhi conner ko zindaa dekhakar khush the, vo unse gale lagtein hai. yahan Conner ka beheaviour ajeeb tha as vo some sort of trance state me tha. Udhar ghar me panthom light bi jalne lagaa tha meaning ki vahan koyi buri aatma aagayi thi. And boom episode three yahin par end hotaa hai.

Toh doston ye thi are you afraid of the dark ki first three episodes ki kahani. Clearly ye season last season se jyada interesting hai, funny hai aur story me horror bhi jyada hai.


Post a Comment

0 Comments