Are You Afraid Of The Dark ( Part 2 ) | Explained in Hindi | Hinglish

 Are You Afraid Of The Dark ( Part 2 ) Explained in Hindi|Hinglish

Episode chaar Conner ke saath start hotaa hai jise shadow man ne kidnap kiyaa tha. Usne Conner ko light house me chupaayaa tha jo uske dark side ka hissa tha. Conner ke saath ham Zoey kobhi dekhatein hai jiske baare me hame first episode me dikhayagayaa tha. Vahan vo sabhi bachhe bhi the jo saalon se missing the. Wakt ke saath vo sab dall hogaye the. Yaahn par zoey keheti hai ye place light house ke dark side me hai, hayaan par ham time ke saath sab kuch bhulane lagtein hai. Jaise jaise ham weak hotein hai vaise vaise shadow man powerfull hota hai.

Is dark side me sirph light and sound aasaktaa tha. Isliye jab kids séance karne aatein hai tab unka flightlight and sound Conner ko sunaayi detaa hai. But vo helpless tha, kuch bhi nai karpaata. Jab luke hallow light ki spell ko cast kartaa hai tab dark side me Conner possess hotaa hai. Us jaisaa hi ek aur shaksa din me light house ke baahar prakat hotaa hai. Yaani shadow man hi Conner ke roop me prakat huvaa tha. aur aage vohi baaki bachhon se bhi miltaa hai. vo trance jaise condition me isiliye tha as light me uska first din tha.

Ab sabhi bachhe Conner ko uske ghar par lejaatein hai. Sabhi bachhe rotation se Conner par nazar rakhane ka decide kartein hai jiski shuruvaat Gabby se hotaa hai. Luke ab sardo ke paas jaakar the book of shadows ko lautaataa hai and kehetaa hai shadow man chalaagayaa hai. Séance ne kaam kiya aur Curse bhi khatm hogaya hai. Vo hallow spell ko cast karne ki baat ko chupaataa hai. Yaahn Sardo thoda suspicious tha phir bhi vo luke ko book lautaane par thanks kehetaa hai.

Baaki kids ab school jaatein hai. School me aaj unka glow dance program tha jiske decoration ka kaam Jai ne liyaa tha. But obviously Jai ne kuch kaam nahi kiyaa tha as vo shadow man ke case me busy tha. Inke teacher ab aakar jai ko daantati hai aur use kaam par lagaati hai. Hanna and luke ek dusare ko hamesha se pasand karte the but openly express karne se kataraa rahe the. Phir bhi hanna himmat karke luke ko class me sab ke saamane dance date keliye puchati hai. Jise luke accept kartaa hai.

School ke baad hanna seth ki midnight society ko join karne ki zidd ko accept karti hai. Use ek achhi scary story likhane keliye keheti hai. yadi sabko achha lagaa toh vo bhi member ban saktaa tha.

Gabby ko Conner ke ghar me phir se shadow man dikhayi detaa hai jisase vo dar jaati hai. Conner usase joot boltaa hai ki use bhi shadow man phir dikha tha. Vo ab use lekar school ko jaataa hai.

Seth ab achhi story ko dundate huve sardo ke paas jaataa hai jahan vo help kane se inkaar kartaa hai. Seth badale me séance ki story bataane jaataa hai, kaise unhone Conner ko bachaayaa. Sardo puri story sunkar luke par gussa kartaa hai as uske manaa karne par bhi usne spell cast kiyaa tha. Sardo kehetaa hai hallow light shadow man ko nahi bhagaayaa hai, balki use din me bhi protection diyaa hai. Conner hi shadow man hai. Sardo ab seth ke saath school ko jaataa hai.

raat me School me dance party jor shor se chalraha tha. Jai luke ko apani haunted comic book dikhakar kehetaa hai adventure comics me hi achhe hein. Real life me nahi. Gabby and conner bhi ab school aatein hai.Conner lights ko laane gabby ke saath store room me lejaataa hai, vahan jaate hi vo apana asali roop dikhataa hai. Gabby ise dekhakar bhagane lagti hai but Conner use vahin lock kardetaa hai. later dance party me jaataa hai.

Party me luke and hannh enjoy kar rahe the, Conner Jai ko apana next victim chuntaa hai. Uske paas jaakar use posses karne lagtaa hai. Yahan jai ka haunted comics phir se badaltaa hai jisme shadow man uske bagal me hi tha. Tabhi seth and sardo stage par aakar ek bada flash light jalaatein hai jisase conner bhag jaataa hai. As shadow man raat ke time lights se dartaa tha aur ye party raat ko hi rohai thi. Gabby bhi store room ke door ko thodakar party me aati hai.

Sardo sabhi students se kehetaa hai aaj vo yaahan par ek live show karne vaala hai aur ye unke liye ek surprise hai. Vo luke, jai, gabby, hanna and seth ko stage par aakar baitane keliye kehetaa hai. Unsab par ek cloth daal kar unhein gaayab kartaa hai. Ye ek old magic tric hai jise aapani kayi shows me dekha hogaa. Tabhi school me light chali jaati hai aur Conner sardo ko pakadkar usase kids ke baare me puchataa hai.

Sabhi kids ab ek class me chupatein hai jahan seth unhein sab kuch explain kartaa hai. Jai ke comics bhi ab chnge hotaa hai jahan use shadow man ne pakadliyaa tha. Baaki logon ko bachane keliye uski scarifice ki jarurat thi jise vo samjh jaataa hai. Vo sab ko class se bhagaataa hai aur khud class me rukakar shadow man ka wait karne lagtaa hai. Usase Luke and baaki kids ko kaaphi dukha hotaa hai but vo helpless the. aage shadowman Jai ko bhi possess karletaa hai. Isi ke saath episode char end hotaa hai.

Episode five ke starting me ham kids ko sardo ke shop me sote huve dekhatein hai. In sab ne ek aur raat survive kar liyaa tha. Next morning sardo luke se kehetaa hai ab shadow man light me bhi hai aur vo jyada powerful hai. As uske paas ab jai bhi tha. Vo kehtaa hai tum sab bhi curse ke shikaar hone vaale ho. sabhi kids itani aasani se haar ko accept karne ke mood me nahi the. Yahan hanna ek idea suggest karti hai ek powerful light beam banaakar shadow man par hamlaa karne ka. Iskeliye kayi saare prisms chahiye the. Ek fishing net chahiye tha jisme conner ko phasaaya jaasake. Vo light house ke beacon ki tarah ek powerful light ko generate karnaa charahi thi.

Sardo ko bhi ye idea workable lagtaa hai aur vo bachhon ko apane shop se item lene detaa hai. Vo luke ko ek magical crystal detaa hai jisme apparently light ki strength ko increase karne ka taakat tha. Kids bahut saare light blubs and mirrors kobhi letein hai. Seth ek every lasting fire stick ke box ko utatha hai. Inka plan sham ko apane midnight society ke location par shadow man ko trap karne ka tha.

Jaise hi ye shop se baahar jaatein hai vahan conner inke parents ke saath aayaa huvaa tha. Sabhi ke parents kids par bahut gussa kartein hai, inhein detention par rakhatein hai. In kids ki jaan ataki huvi thi isliye sham ko ye sabhi coordinate karke apane ghar se bhagatein hai.

Udhar sardo book of shadows me curse ko sulajhane ka raasta dhundane lagtaa hai. original curse cast karne vaale ki khoyi huvi chiza ko, lautaane par hi curse ko end kiyaa jaasaktaa tha. Matllab june ke dad ki khohi huvi chiza. tabhi Conner sardo par hamlaa karke usase kids ke plan ko jaanataa hai. Use lekar midnight society ke location par ataa hai. Kids uskeliye already taiyaa the, unhone sabhi lights ko lagaaya tha, mirrors bhi position me the. Conner sardo ko kidnap karke laayaa tha, vo use sabke saamne rakhakar black mail karne lagtaa hai. Isi beech uska pair trap me lagataa hai jisase uske upar ek fishing net girtaa hai. Kids ab light on karke uspar powerful beam se hamlaa kartein hai. Conner tadapate huve shadow man me convert hotaa hai, luke light ke saamane crystal rakhataa hai jisase shadow man aur jyada tadapane lagtaa hai.

Vo dard me chillataa hai but ab raat hochukaa tha and Raat me vo strong tha. Isliye vo sabhi lights ko todataa hai, mirrors ko destroy kartaa hai. Sardo ko pakadkar uske gale ko dabaane lagtaa hai. Marte time sardo kehetaa hai say goodbye always. Ye ek important hidden message tha jiske baare me hame aage pataa chalega. Shadow man ab kaaphi gusse me tha, vo ek ek karke hanna, gabby and seth ko pakad letaa hai. unhein dark side lejaataa hai. End me luke bachataa hai jo bhagkar conner ke ghar jaataa hai.

Jab vahan bhi conner aataa hai tab luke uspar phir se crystal se hamlaa kartaa hai. vo ever lasting fire stick kobhi jalaataa hai jisase uske aasa paas ek protective shield banjaataa hai. Shadow man haar kar aaj keliye chalaa jaataa hai.

Kuch der baad Conner ke dad Mr Stevens ek hafte ke baad ghar par aatein hai, luke ko vahan dekhakar unhein shock lagtaa hai. Luke later unhein bhi chkma dekar bhag jaataa hai. Vo sardo shop me jaakar séance karne lagtaa hai, isbaar vo sardo ke ghost ko bulaa rahaa tha. As marte time sardo ne kahaa tha always say good bye. Ye isi ka code word tha. Episode five yahin par end hotaa hai.

Final episode ke shuruvaat ham kids ko dark side me dekhatein hai. Conner sabko sabkuch explain kartaa hai. Luke ka séance kaam kartaa hai jahan sardo use visions dikhane lagtaa hai. First vision the book of shadows ke secret location ka tha. Dusara use kholane keliye lagane vaali chavi ke baare me tha. Jise sardo the skeleton keys ke naam se becharahaa tha jo aparently kisibhi lock ko khol saktaa tha. Like magic. Tisara vision saal 1996 ka tha. Jahan June ke dad sardo ke dadji ke saath behes kar rahe the. June ke dad ko ye book chahiye tha as usase vo june ko vaapas laana chahate the. Sardo ke dadaji kehetein hai book khatarnaak hai isase duniyaa me shadows aajaayegi, isase sab par buraa curse lagegaa. June ke dad sunane ke mood me nahi the, vo dadaji ko dhamakaatin hai. Fourth vision luke ko ek message miltaa hai. Curse tabhi end hogaa jab sheher me light phir se aayega. Jab june ke dad ko june vaapas milegi.

Luke ab book ko lekar light house jaataa hai. Tabhi vahaan use sabhi kids ki awaz sunaayi detaa hai. As baaki kids vahin dark side me trap the. Vahan par ek door tha jo lock tha. Vo ek dusare ko dekha nahi sakte the but sunsakte the. Dark side ko sirph shadows hi physically par kar sakti thi. Luke ab skeleton key ka shadow banaataa hai jise hanna pakad leti hai. Matlab jaise hi vo key ka shadow pakadati hai real key luke se uske haath me aajaataa hai. Us key se vo apana door kholane lagti hai but vo puraa nahi khultaa. Sardo ki magic 100% satik toh nahi thi isliye Jai Zoey se boby pin lekar us door ko kholataa hai. Sabhi kids ab dark side se normal side ko aatein hai. Zoey saalon se dark side me thi isliye vo normal side me aate hi marjaati hai. Havaa me gayab hoti hai. Conner ko isase kaaphi dukha pahunchataa hai.

Luke ko ab finally curse ko mitaane ka raastaa mil gayaa tha. Vo sab se kehetaa hai, june ke dad ko june vaapas milne par hi curse ka end hogaa. Iskeliye saal 1996 ko jaanaa hogaa, june ko bachaana hogaa and light house ko phir se chalu karnaa hogaa. Vo sabke saamne the book of shadows ko rakhataa hai jiske time spell ke madad se vo time travel kar sakte the. Sabhi ko ye idea khatarnaak lagtaa hai as koyi bhi ab adventure ke mood me nahi tha. Luke ek inspirational apeech dekar kehetaa hai dusaraa raastaa nahi hai as shadow man unhein abh bhi haunt karne vaalaa tha.

Sabhi bachhe naachahate huve bhi maanjaatein hai aur luke spell cast karke unhein saal 1996 me lejaataa hai. Ye usdin aatein hai jisdin June mari thi. Ab shadow man bhi inkaa picha karte huve 1996 aataa hai. Jai and gabby bhagakar June ke paas jaatein hai. Use girne se bachakar light house ki chavi ko uthatein hai. Hanna and seth light house jaakar use on karne lagtein hai. Luke and Conner upar light house becan ke paas the. Vo vahan par shadow man ko distract karne gaye the. Tabhi vo aakar luke par hamla kartaa hai, Conner par bhi hamlaa kartaa hai.

In time Jai light house ki chavi lekar aataa hai jise hanna and june use karke beacon ko chalaatein hai. Luke is high intensity flash light ko shadow man par modakar use maar daaltaa hai. Sheher me ek baar phir light aajaataa hai. Shehera ka curse mitjaataa hai. june ko apani petition keliye sirph che aur logon ki signature chahiye tha toh ye sabhi kids uspar sign kartein hai. Iske baad ye vaapas apane time yaani saal 2021 me aatein hai.

Ab ye haunted woods bilkul badagayaa tha, yahan par log hiking karne aarahe the. June Murphy ab ek politician thi jo mayor ke election me hissa lerahi thi. Sardo bhi ab zinda tha, vo sab ke saamne kuch bhi yaad nahone ka naatak kartaa hai. Baad me privately luke se kehetaa hai agali baar yadi koyi bade kahe ki evil hai toh maanlenaa. Zoey bhi yahan ab zindaa thi aur kaaphi badi hogayi thi. Yaani sabhi bacche jinko shadow man ne utaayaa tha vo sab zinda the. Raat me light house bhi jalrahaa tha as sab kuch achha huvaa tha. Hanna and luke bhi apane relationship ko openly accept kartein hai. Seth shadow man ki sory ko likhataa hai as vo bhi ab the midnight society ka member banchukaa tha. Isike se saath ye season bhi yahin par end hotaa hai.

NEXT : STUCCO

Post a Comment

0 Comments