Loki Episode 1 Explained in hindi | Hinglish | Disney+ Hotstar

 Loki Episode 1 Explained in hindi | Hinglish | Disney+ Hotstar

 

To doston is video me mai recently release huvi marvel studio ki tv series Loki ki episode one ko explain karunga. Episode ki shuruvaat avenger endgame me se start hotaa hai. Jahan future tony stark, antman tesseract ko lene aaye the. But vahan unse gadabad hogaya tha, past hulk future tony ko accidentally maaraa tha jisase space stone loki ke haath me aagayaa tha. Vahan hamne Loki ko teleport hote huve bhi dekha tha. Ab series ki kahani isi ke upar hai yaani aakhir kaar loki ka kya huva. Iski timeline 2012 ke baad start hotaa hai.

Ab ham loki ko mangoliya ke gobi desert me girte huve dekhatein hai. Loki khud ko yahan dekhakar thoda surprise hotaa hai. Yahan aisa lagtaa hai ki usne bhagane keliye is place ko nahi chuna tha. Avenger infinity war me red skull ne thanos and gamora se kahaa tha, ki mere paas bhi kabhi space stone huva kartaa tha. But mai uske laayak nahi tha. isliye stone ne mujhe ghost banakar yahan bhej diyaa hai. Mujhe anathakaal keliye soul stone ka guardian banaa diyaa. Yahi mere karmon ka phal hai. Toh shayad yahan bhi aisa hi huva hai, space stone ne loki ko Mangoliya bhej diyaa hai as a punishment. Ye scene hame MCU ki first film iron man ki bhi yaad dilaataa hai. jahan tonk stark afghanistan ke guha me se iron man suit banaakar bhagatha. Yahin par uska ghamand tutaa tha, vo ek laalchi arabpati se duniya ke rakhavaale ke roop me badal gayaa tha. Shayad ye registhan ka scene bhi ek hint hai jahan hame ab loki ka transformation dekhane ko milega.

Kher registhan me locals ab loki se milne aatein hai. Loki saal 2012 me apane GOD hone ke ahenkaar se bahar nahi aayaa tha, isliye vo un par phir se humk chalaane lagtaa hai.

Tabhi uske side me kuch portals open hotein hai jisase kuch hatiyaar banda officers nikaltein hai. Jo apane aap ko minute-men kehetein hai. Ye log TVA urf Time Variance Authority naam ke ek sanstha ke officers the. Hunter B15 naam ki lady yahan incharge thi. TVA ko time keepers ne banaayaa tha, ye log multiverse ke timelines ke bahar rehekar, use protect kar rahe the. yahan Hunter loki ko scared timeline se ched kaani karne ke jurm me arrest karne aayi thi. Loki avengers ke haaton haar kar gusse me tha isliye hunter par hamla karne aage badataa hai. hunter apane paas ke chadi se loki par maarti hai jisase, time ka speed normal se sola guna slow hojaata hai. Iska phayada uthakar vo ab loki ke gale me ek pataa dalti hai. Ye time cuff tha jo loki ki saari powers ko roka bhi raha tha.

Hunter apane gurds ko timeline thik karne ka order deti hai, guards ek reset charger device ko ret me rakha kar time line ko thik kartein hai. Yahan mujhe lagtaa hai ye reset charger time stone ki tarah kaam kartaa hai. Kunki hamne avenger infinity war me dekhata ki kaise thanos ne vision ko phir se zinda kardiyaa tha. Vahan wanda ne vision ke sar me lagaa mind stone ko nasta kiya tha. But thanos ne time stone ki madad se timeline ko reverse kar diya tha aur mind stone ko bhi hasil kar liya tha. Aisa timeline fixing hame Dr Strange film me bhi dekha tha. vahan Dr strange ne time stone ki madad se wong ko phir se zinda kiya tha.

Ab hunter tesseract ke saath loki ko TVA ke head quarters lejaati hai. TVA is loki ko varient loki keherahe the as vo original timeline se bhataka huva tha. Obviously loki ko yahan kuch samjha me nahi aarahaa tha.

Kher TVA me ek variant skull bhi tha. Skulls ko hamne isase pehele captain marvel and wanda vision me bhi dekha tha, iss saal ke December me marvel ka secret invasion series aane waala hai jo mainly skulls ke baare me hi hoga. Ye skull shayad dharati se aayaa hoga as iske shirt par adidas ka logo tha. aise shirt pehene ek refuge skull ko captain marvel ne bachayaa tha jab vo space me thi. Tab vahin par tesseract bhi tha. toh accidentally is skull ne use istemaal kiya hoga Isliye TVA ne ise pakada hoga.





Loki ab hunter se dur bhagne lagtaa hai but hunter time twister device ko use karke use rok leti hai. Loki baar baar koshish kartaa hai but kuch phayada nahi hotaa. Hunter tesseract ko cassy naam ke agent ko evidence ke taur par rakhane keliye deti hai. Loki ke kapade ab utaare jaatein hai, use kaidiyon vaala dress miltaa hai. Loki ne apane jivan me jo bhi kaha tha ya kiya tha uska saara lekha jokha TVA ke paas tha. Jispar vo ab uska signature letein hai. Ye scene indian mythology ke chitragupta jaisa hai jo apparently yamlok me sabhi logon ka lekha jokha rakha tha hai. Yahan par ham ek billi ko bhi dekhatein hai. Shayad ye varient goose hoga. Loki ka ab aura test bhi hotaa hai jisme red colour har jagaha tha. Red ka matlab hai tejasvi aur ojhasvi aadami.

Later loki ko ham dusare room me dekahtein hai jahan TVA ka introduction animation hone waala tha. Iskeliye ticket lene ka intijaam tha. Yahan ham ek aadami ko dekhatein hai jo ticket nahi letaa, keheta hai ye delhi nahi hai.lol. But loki ticket lekar aage badataa hai. Is room me hame do posters bhi dikhatein hai. ek me big boss ki tarah eye symbol tha. Meaning TVA universe ka big boss hai jo, har time, har universe me , sab par nazar rakha raha hai. Dusara poster me likha tha behave or clock cleaned. Yaani yadi koyi yahan thik se behave nahi karega toh use maar diya jaayega.

Ab ham Miss Minutes naam ke ek mascot ko dekhatein hai jo tv me TVA ki history explain karne lagti hai. Sadiyon pehele alag alag universes me alaga alaga timelines huvaa karti thi. Yaani multiverse me multi time lines. Inke beech ek maha yuddha chidagaya tha jisase sabhi universe vinaash ke kagar par aagaye the. Ise rokane keliye teen time keepers ubhar kar aaye. Vo log sabhi universe ko ek hi timeline se chalaane lage jise unhone scared timeline kahaa. Is time line ko thik se maintain karne keliye unhone TVA ka ghatan kiya aur uske agents ko banaayaa. TVA agents sabi universe ke time police the, vo kisi bhi universe me jaasak te the, kisi bhi time period me jaa sakte the, kisi kobhi zinda kar sakte the and kisi kobhi maar sakte the. Unhe universe me paida huve har prani ka past, present aur future pataa tha. Unka kaam loki jaise variant ko pakadkar saja denaa tha. Iskeliye ek court tha aur ek judge bhi tha.

Matlab yahan Jab bhi koyi apane timeline ko chodkar jaataa hai tab ek nexus point create hotaa hai. Jisase branch timeline start hone lagtaa hai. Yadi time rehete ise nahi roka gaya toh multiverse ka balance bigadane lagtaa hai. Phir se multiverse me araajakta hone ka khatara paida hota hai. Ise rokane keliye minute-men ke paas ek device tha jo brach timeline ki badhat ko dikhataa tha. Ye log har baar har branch timelines ko red line cross karne se pehele hi fix kar dete the. taaki ek hi scared timeline hamesha har jagaha kayam rehe sake. Is Nexus word ko hamne wanda vision ke ek commercial ad me bhi dekhata. Wand khud bhi ek nexus being thi. Nexus being aise unique log hotein hai jo har timeline me ek hi hotein hai.

Ab ham dekhatein ki vo adami jisne ticket nahi liyaa tha use ek guard apani chadi se maar detaa hai. Screen par ab ham different different Loki titles ko dekhatein hai jo shayad different loki varients ko symbolize kartein hai. Is clips ko 0.2x ke speed par chalane se mujhe pataa chala ki yahan kul 41 titles hai. Yaani hosaktaa hai yahan kul 41 loki variants hai.

Ab ham saal 1549 me senior agent Mobius ko dekhatein hai jo ek church jaise building me tha. Vahan ek nexus point create huvaa tha. kisi variant ne hunter and baaki TVA minute-mens ko maar daalaa tha. Unse reset charger bhi churaliyaa tha. Mobius is incident ko seriously letaa hai as aisa sixth time horaha tha. Tabhi ham ek bachhi ko dekhatein hai jisne is hadse ko dekha tha. Mobius usase puchataa hai ki ye sab kisne kiyaa hai toh vo bachhi vahan lagi ek devil ki tasvir ki aur ishara karti hai. Mobius keheta hai vo devil hamse dartaa hai, ham use thik kar denge.

Yahan par us bachhi ke daanth nile the as us variant ne use blueberry bubblegum kablooie diya tha. Obviously ye modern bubblegum tha jise vo bachhi ab Mobius ko de-deti hai. Yahan par ek TVA agent keheta hai pichale baar ki tarah is baar bhi is object ka time stamping nahi pata chalega. Darasal TVA ko jab bhi koyi future ya past items miltaa tha toh vo usko scan karte the. ve bataa sakte the ki ye kaun se saal ko belong kartaa hai. But yahan par ye variant smart tha, vo TVA ko taunt kar rahaa tha. Yahan church me devil ka photo hona strange baath hai, shyad ye ek alternate universe hai jahan deil ko log GOD ki tarah puj rahein hai. Aur church me kahim par bhi hame cross dikhayi nahi diya.

Later ek aur agent aakar Mobius ko loki ke arrest ki khabar detaa hai. Yahan file me ham dekha saktein hai ki loki ka sex fluid hai aur eye colour blue. Ye isliye hai kyunki loki shape sifter tha. Vo apane marji ke hisab se apane body ko dusare aadami ya aurat me convert kar saktaa tha. Use aisa karte huve hamne avengers film me, thor ragnarok me dekha tha.

Ab TVA court me judge hai Revonna Renslayer. Joki comics me Kang the Conqueror ki lover thi. Vo loki par timeline bigadane ka chrge lagaati hai jisase loki inkaar kartaa hai. Kehetaa hai avengers ne time travel kiyaa tha isliye uske paas space stone aayaa tha. Yadi vo travel nahi karte toh mujhe space stone nahi miltaa. Revonna keheti hai avengers ka time travel karna time keepers ke rules ke mutaabik hi hai. As captain America ne saare infinity stones ko lautaakar past ke timelines ko branch hone se rok diyaa tha.

Loki isase sehemat nahi hotaa, uska logic tha ki time keepers ye decide nahi kar sakte ki kaun time travel karega aur kaun nahi. Vo ab vahan aapne magical daggers ko nikaalne lagtaa hai but vo nahi nikalti. As TVA me magic kaam nahi kartaa tha. Ye isliye tha as TVA har dimension se bahar ek pocket dimension me tha. Dr strange film me guru maa ne kahaa tha ki vo log magical powers ko dusare dimension se khinchatein hai. Shayad un dimensions ko TVA me rehekar access nahi kiya jasaktaa. Yaa phir kuch aur bhi hosaktaa hai. Revonna loki ko maut ki sazha deti hai jise Mobius aakar rokataa hai. Vo loki ko apane custody me dene ka request kartaa hai.

Loki ab Mobius ke saath jaataa hai jahan hame TVA ka vishal aur khoobsurat office dikhataa hai. Iske beecho beech me time keepers ka ek lamba statue tha jo scared timeline ko pakade huvein the. Yahan par nightmare naam se ek department bhi tha. Loki is sab se toda heraana hotaa hai , puchataa hai ye sab kaise mumkin hai. Kaise maine ab tak aap ke baare me nahi sunaa. Jispar mobius kehetaa hai tum ab tak vahi zindagi jirahe the jo tumhare liye nirdharit tha. Loki yahan bhagne ki koshish kartaa hai but mobius time twister ko use karke use phirse rokataa hai.


Yahan hame loki ki mahatvakansha pataa chaltaa hai, vo earth ko , asgard ko aur saare nine realms ko rule karnaa chahataa tha. Uska maananaa tha ki chote logon ko complete azadi dene se sirf araajaktaa aur avyavastha paida hoga. Sabhi nine realms kisi samjhadaar aadami ke control me rehene sehi har jagaha shanti rahega. Yahan vo khud ko samjhadaar samjaha rahaa tha. Loki bachapan se hi apane aap ko GOD maantaa aayaa tha isliye earth ka raaja banya apana birth right maantaa tha.

Mobius use ab uske life se jude kuch ghatanaavon ko film me dikhataa hai. Kaise avengers ne use pit diyaa tha, kaise usne Phil Coulson ko maar daala tha, kaise usne kayi logon ko dard diya tha etc.

Ab yahan par ham ek special event ko bhi dekhatein hai. Loki 70’s me ek airplane me hai jahan vo apane aap ko D B Cooper kehetaa hai. Usne vahan bomb plant kiyaa tha. later US government se phirauti me paise lekar, plane me se kud jaataa hai. Ham aasman me bifrost ko aate huve dekhatein hai jahaan heimdell ne use pakad liyaa tha. Loki ne thor se ek bet lagaayaa tha jo vo ab haar chukaa tha. Asal me ye incident sach me huvaa tha, 70’s me Dan Cooper naam ke ek aadami ne ek boing 737 plane ko hijack kiyaa tha, 2 lakh dollar phirauti me lekar parashoot ke saath plane se kudaa tha. FBI use kabhi pakad nahi paayi thi aur case ko unsolved ghoshit kardiyaa tha. Yahan loki ko D B Cooper kehena ek cool historical integration hai. Shyada aise integration hame aage bhi dikhayi denge.

Mobius loki ko ab uska future dikhataa hai, kaise uske choices ne dusaron ki zindagi ujad di thi. Yahan ham loki ki maa ka death scene dekhatein hai jo loki ke vajhaha se huvaa tha. Asgard par aatack ka scene bhi dekhatein hai. Mobius kehetaa hai, loki tum rule karne keliye paida nahi huve ho, tum sirf dard dene keliye paida huve ho, tumhari vajhaha se dusare log apani skshmata ko jaan paayeinge. Matlab avengers loki ke kaaran se hi ek saath aaye the aur thanos ko hara paaye the. Mobius kehetaa hai har baar aisa hi i hotaa aayaa hai aur har baar aisa hi hoga. Loki apane maa ki death se hil jaataa hai, use samajha aane lagtaa hai ki kaise usne logon ko dard diyaa, aur iska parinaam kya huva.

Tabi ham hunter ko is room me aate huve dekhatein as ek aur minute-men ki unit mar digayi thi. Loki is distraction ka phayad uthakar time twister ke saath bhag jaataa hai. Vo cassy ke paas aakar use dhamkaataa hai aur usase space stone vaapas maangtaa hai. Cassy apane drawer se tesseract ko nikal raha tha tab loki vahan kuch aisa dekhata hai jisase uska hosh udjaataa hai. Vahan par kayi saare infinity stones the , jo alag alag timelines se aur alag alag universes se aaye the. TVA unhein paper weight ki tarah istemaal kar rahe the. Is ko dekhakar aakhir kaar loki ko TVA ki takat ka yehesaas hotaa hai. TVA vaakai me sarva sarvashktishaali aur sarvantaryaami sanstha thi. Yahan par nahi hi magic , nahi infinity stone bhi kaam kar rahe the.

Loki vaapas room me aakar aapni life ki aage ka footage dekhane lagtaa hai. Vo dekhataa hai kaise usne thor ki madad ki, kaise akhirkaar odin ne use bete ke roop me apanaaya, kaise vo Ragnarok me hella ko haraakar hero bana. Vo thanos ke haaton apani mauth kobhi dekhataa hai jisase uska moha bhang, ahemkar bhanga hotaa hai. Vo ek lambi sansa lekar dhire dhire haste huve kehetaa hai Glorious purpose. Matlab Loki hamesha hi apane aap ko Bhagawaan samjhataa tha jise thanos ne chitiyon ki tarah masal daalaa tha. Loki ko ab is vishal anthaheen universe me apana aukat achhe se dikhataa hai.

Hunter ab loki ko pakadane aayi thi, indono ke beech ab thoda fight hotaa hai. Loki apane patte ko time twister ke madad se nikaalkar use hunter ke gale me daal detaa hai. Use baar baar use karke hunter ko bahar bhj detaa hai. Later thak haar kar usi room me baitatha hai jahan phir se Mobius usase milne aataa hai. Loki kehetaa hai mujhe logon ko dard dene me majha nahi aataa, but mujhe ye karna hi padataa hai. Kamjor log himsa se hi dusaron par raaj kartein hai. Loki accept karta hai ki vo kamjor hai.

Mobius ab use uski jaan bachane ka asali maksat explain kartaa hai. Loki god of mischief tha, vo kisibhi haalat me se bachkar bhagane me maahir tha. Mobius ko loki ki madad us varient ko pakadane keliye chahiye tha jo minute -men ko maar rahaa tha. Doston ab yahan khultein hai asali patte. Mobius kehetaa hai jo variant sabko maar rahaa hai vo aur koyi nahi balki loki kahi varient hai. Ji haan ek aur timeline se yaa ek aur universe se ek aur loki varient tha jo har jagaha tandav macha rahaa tha. Mobius us loki varient ko pakadane keliye is loki variant ka madad maangataa hai.

Ab ham saal 1858 salina oklahoma me aatein hai jahan ek aur nexus point create huvaa tha. TVA minute-men ko yahan ek shavel dikhataa hai jise vo scan kartein hai. Ye shavel tisare millennium yaani saal 3000 ke baad ka tha. Vahan par crude oil har jagaha pahilaa bhi tha. ham dur ek shadow me us loki variant ko dekhatein hai jiske baare me mobius kehe rahaa tha. jo dekhate hi dekhate har aag lagaa detaa hai. Sabhi TVA men maare jaatein hai , vo loki reset discharge lekar vahan se chalaa jaataa hai.

Comics me loki ke kayi variants hai, kid loki, lady loki, old loki, king loki, loki the avenger, president loki, loki the sorcerer supreme etc. yahan atakale ye hai ki mobius jis loki varient ko chase kar rahaa hai vo lady loki hai. But mujhe yahan aisa lagtaa hai ki hame aur bhi variants dekhane ko milenge. Church me jo bachhi hame dikhi thi vo shayad lady loki hi hai. As loki ka ek power shape shifting ka bhi tha, toh vo bachhi ka roop bhi lesakta thi. Usne vahan devil ki aur ishara kiyaa tha, devil ka yahan blue jibha thi aur blue aankhein thi. Mobius ko jo loki ka file milaa tha usme loki ki eye colour blue likha huva tha. But 2012 ke varient vaale loki ka eye colour green tha. Sophia Di Martino jo lady loki ka role karne waali hai unka natural eye colour bhi blue hi hai. Bachhi ka eye colour bhi blue tha. frost jiants hone ke karan loki ka natural skin colour bhi blue hi hotaa hai. Toh mujhe yahan lagta hai ye devil nahi balki lady loki hi hai.


Ab kayi log ye soch rahein honge ki Thanos ne bhi saal 2014 me time travel kiya tha. Tab TVA kahan tha. avenger endgame me thanos and uski army ko tony stark ne infinity gauntlet ke sahare se maar daaltaa hai. Yaani us thanos varient ka antha hochukaa tha. TVA asal me variants ko reset yaani maar daalte the. vo kaam ab tony ne hi kar diyaa tha. Yahan hosaktaa hai TVA minute men saal 2014 me jaakar use reset bhi kar diyaa ho. Aur thanos ko vaapas rakha diyaa ho, taaki sab kuch jo infinity war me ghata vo vaisa hi ghatataa rahe.

Ham Miss Minutes ki maha yuddha ki animation me ek ship ko dekhatein hai. jise hamne thanos ke home planet titan me bhi dekha tha. Yaani titan par bhi hi ye multiverse war huva goga jisne thanos ko galat raaste par bhej diyaa hoga. Mobius time theater me Josta cool drink pirahaa tha jise pepsi company 70’s me banaya karti thi. Yani TVA kahin se bhi kuch bhi utha sakta tha.

TVA ke sabhi minute men paida nahi hote balki unhein create kiya jaataa hai. Aura testing me ek agent loki se puchata bhi hai ki confirm karo ki tum LMD yaa Life Model Decoy nahi ho. Tumhare under soul hai. Varna vo machine use jalaakar raakha karne waala tha. LMD ko hamne achhe se Marvel Agent of shield series me dekha tha, jaahn ek mad scientist ne ise darkhold book ke madad se banaayaa tha. Ab vohi darkhold book ko wanda padrahi thi, wanda vision ke end credit scene me hamne ise dekha tha. Mujhe lagtaa hai ye sabhi TVA agents LMD hai, mai galat bhi ho saktaa hoon.

Dr strange me hame ne dekhata guru ma apani lambhi life keliye dark dimension se energy khinchti thi. TVA bhi time se bahar ka ek dimension me tha. Mujhe lagta hai TVA and Dark Dimension ka kuch na kuch connection toh zarur hoga. Mera yahan ye guess hai ki series ka end aate aate loki TVA ko khatm kardega. As mujhe nahi lagta ki TVA ek morally correct sanstha hai, vo saare universe par pana timeline thop rahe the jise time keepers ne chuna tha. Ye baat loki keheta bhi hai, teen space chipkaliyan arabro logon ka zindagi nirdharit nahi kar sakte. Shayad TVA ke end se multiverse me madness create hoga jise ham Dr Strange Madness of multiverse film me dekha sakenge.

Thor The Dark World film me 2012 ka loki ek scene me mar jaataa hai. Use chati me kaaphi chot lagaa tha. but end me ham use odin ke gaddi par odin ke roop me baita huva bhi dekhatein hai. Mujhe lagtaa hai ye loki TVA me jo aayaa hai vohi hoga yaa uska hi alag variant hoga. As Loki thor ragnarok film se badal gaya tha, vo villain se hero bangaya tha. loki ne TVA me apana future dekhaliyaa tha isliye apana role nibhane keliye usne vahan ek variant ko bhejaa hoga. Vo infinity war me marne se pehele thor se keheta bhi hai ki Asgard par suraj ki raoshani ek baar phir chamkega. Meaning kuch toh yahan hone waala hai. Again me yahan galat bhi ho saktaa hoo.

Kher toh episode one toh kaaphi badiya tha. Yahan aur bhi easter eggs and theories hai jo me next episode ke video me shamil karunga. Is series ke sabhi episodes ko me explain karunga. Is series ko aap hindi and english me disney plus hotstar me dekha saktein hai

NEXT :          LOKI EPISODE 2

PREVIOUS : A QUITE PLACE PART 2

Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad