Loki Episode 2 Explained in hindi | Hinglish | Disney+ Hotstar

Loki Episode 2 Explained in hindi | Hinglish | Disney+ Hotstar

Yahan me Loki series ki episode 2 ko explain karunga. Is baar kahani start hotaa hai saal 1985 me. Wisconsin raajya ke ek sheher oshkosh me mela lagaa tha. Jahan log Renaissance age ke logon ki tarah kapade pehenkar enjoy kar rahe the. Is mele me varient loki bhi aayaa tha jisse pakadane ab kuch minute men aatein hai. Yaahn par hunter C 20 incharge thi. Ye variant loki hoshiyaar tha vo timeline me hi kahin chuparahaa tha. Jiska pata TVA bhi nahi nikaalpaarahaa tha. Jab bhi koyi adami time travel karke dusate time me jaataa tha tab TVA ko ek signal jaataa tha. Timeline branch hone lagta tha. Matlab TVA kisi ko tabhi detect kar paate the jab uske vajaha se branch timeline create huva ho.

Hunter C 20 and team ek tent me jaatein hai jaahan vo variant loki chupaa tha. Under Jaate hi vo hunter C20 ko possess karletaa hai, uski aankhein green hoti hai. Possessed C20 baki team members ko maar daalti hai. Jab real loki possession se bahar aataa hai tab hunter C20 behosh girti hai. Variant loki usase time portal device lekar use bhi apane saath lejaataa hai. Is dauran Yahan par backround me holding out for a hero song bajarahaa tha. Iska meaning ho saktaa hai ki TVA ko ek hero chahiye is loki ko haraane keliye. Ye song saal 1984 me aayaa tha.

Ab ham apane TVA ke loki ko dekhatein hai jo Mobius ke magazine ko padrahaa tha. Vo training par tha, yahan Miss Minutes uski test lerahi thi jise vo seriously nahi letaa. Yahan hame ek baat pataa chaltaa hai, yadi branch timelines red lines ko cross karti hai toh the end. Matlab vo timeline permanent hojaayega jisase chaoas machega aur TVA reality se mit jaayega.

Mobius ab loki ko apane saath 1985 ke mission par lejaane aayaa tha. Yaahn vo apane team ko loki se introduce karataa hai aur uske alag alag varients ke baare me bhi bataataa hai. Jise TVA ne ab se pehele mitaa diyaa tha. Yahan ham frost jaint loki, hulk loki, viking loki aur cyclist loki ko dekhatein hai. Ji haan cyclist loki jo tour de france cycle championship ke cup ko pakada huvaa tha. TVA ke history me sab se jyada variants loki ke hi the, loki ka image yahan serial time criminal ki tarah tha. isliye hunter B15 keheti hai loki universe ka sabse bada mistake hai. Mobius yaahan loki ko time keepers se milvaane ka laalach detaa hai.

Sabhi log 1985 me aatein hai, loki puchata hai ham attack hone se pehele kyn nahi aakar variant ko pakad lete. Jiske jawab me Mobius kehetaa hai ye branch timeline abhi stable nahi hai, yadi ham isme time travel karenge toh branch me ek aur sub branch create hoga. Jo sabkuch unstable kardega. Inhen ab tent me C20 ka helmet miltaa hai aur dusaron ki dead bodies milti hai. Peheli baar variant loki ne kisi ko kidnap kiyaa tha, jipar loki apana theory kehetaa hai. varient loki mujhe yaani TVA loki ao apane saath lekar TVA ko khatma karnaa chahataa hai. As TVA loki ko bhi time keepers ka and TVA ka powerfull hona, sab ki destiny ko apane hisab se chalaana thik nahi lag rahaa tha. Yahan loki TVA me co-orporate toh kar rahaa tha but uski koyi guarantee nahi thi. Yahan aisa lagrahaa tha ki vo TVA ka time waste kar rahaa tha. variant loki ko bhagane keliye time derahaa tha. TVA team ab is time line ko reset device se thik karke vaapas aati hai.

Ravinna ab Mobius ke sath ek meeting karti hai, use loki ke saath kaam na karne ka sujhav deti hai. As loki ek famous time criminal variant tha uske ragon me dhokebaaji tha. Mobius kehetaa hai killer variant loki ko samjhane keliye is loki ko samjhana zaruri hai, vo abhi bhi loki ke saath kaam karne me interested tha. Ravinna na chahate huve bhi maanjaati hai. Yahan vo Mobius ko ek pen deti hai jispar Franklin D Roosevelt high school likha tha. FDR America ke famous presidents me se ek the jinhone captain america ko shield diyaa tha. Yahan Revinna keliye ek aur analyst kam karrahaa tha jo use kimati historical artifacts laakar derahaa tha. Mobius ne time Keepers ko kabhi nahi dekha tha but usne accept karliya tha ki vo hai. TVA ko vo apana destiny maantaa tha.


Later Mobius Loki ko akhari warning dekar variant loki ki kayi saari files detaa hai. Uske characteristic ko padhakar, uske style ko samjhakar use pakadane ka tarika dundane keliye kehetaa hai. Loki sabhi files ko padhakar library ke receptionist ke paas jaataa hai. Usase TVA ke history se jude saare files maangataa hai, time ke shuruvaat se jude files ko maangataa hai, time ke antha se jude files ko maangataa hai. Receptionist koyi bhi files nahi deti, use vo classified keheti hai. Vo bas loki ke life se jude files deti hai.


Loki ab un files ko hi padhane lagtaa hai jisme asgard ke tabaahi ke baare me likha tha. Ragnarok kaise huva, hella kaun hai, kaise surtur ne asgard planet ko tabaah kar diya, kaise 9719 log margaye etc. vo ye sab padhakar kaaphi emotional hotaa hai, tabhi uski nazar ek line par padati hai. apocalyptic event Zero variance energy detected. Matlab Ragnarok ek aisi ghatana thi jise hona hi hona tha. Koyi use rokane keliye jitana bhi time travel karle ye ghatana badal nahi saktaa tha. Aise ghatanaavon ko TVA apocalyptic events yaani sarvanaash ki ghatanaayein kehete the. Inhein numbers se measure kiya jaataa tha, kitane log mare, kitana nuksaan huva us hisab se. Ragnarok apocalyptic event no 7 tha. Ye events aise fixed points the jo har timeline me the. Like bhukamp, tsunami, tuphan, ulka pind ka girna, volcano ka phatana aise kuch natural disasters.


Loki ab Mobius ke paas jaakar kehetaa hai varient loki aise hi kisi apocalyptic point me chupaa hai. As apocalyptic ko toh hona hi honaa hai, vahan ke sabhi log marenge hi marenge. aise me yadi vo vahan time travel karke jaataa hai toh isase time line par kuch bhi asar nahi hoga. Branch time line create nahi hoga aur TVA use detect nahi karpaayega. Vo apane is theory ko saabit karne keliye Mobius se aise hi kisi apocalyptic event me jaane ki baat kartaa hai. Mobius yahan sure nahi tha as loki god of mischief tha. yadi vo use vahan legaya aur vo uske pita me chaku ghusaakar bhagaya toh. Loki kehetaa hai me tumhein dhoka nahi dunga. as mujhe apane aap ko sahi sabit karne me sabse jyada majha aataa hai. Mobius somehow maan jaataa hai.

Loki and mobius ab saal 79 Ad me aatein hai. Italy ke Pompei me. Yahan usdin ek volcano phataa tha jisme 2000 log mar gaye the. Kuch log zinda fossil bangaye the. Loki apani theory ko test karne keliye sabhi gaanvaalon ko italian me warning dene lagtaa hai. Kehetaa hai ham future se hai, piche ka volcano phatane vaalaa hai bhago bhago. Dekhate hi dekhate valcano phatataa hai aur log bhagane lagtein hai. Mobius ise dekhakar surprise hotaa hai, uske device par koyi bhi time branch nahi kar rahaa tha. Basically jab bhi koyi time travel karke kuch bhi kartaa hai like chori karnaa, logon ko maarnaa, logon ko bachaanaa ya phir just time travel karna, in sab cases me branch timeline bantaa tha. But yahan aisa nahi horahaa tha. Iska matlab ye tha ki kudarati apocalyptic event hone ke kuch pal pehele, yadi koyi time travel karke rukataa hai, toh TVA use detect nahi karsaktaa tha. Yahan par varient loki aise hi event me chuparahaa tha.

Mobius and loki aise kudarati apocalyptic events ko dhundane lagtein hai jahan varient loki chup saktaa hai. Aise events kayi saare the. Yahan ham Mobius and loki ke beech casual discussion ko bhi dekhatein hai. Mobius 1990 me earth par bani jet ski me kaaphi interested tha. Ye paani me chalne waali vaali super fast bike thi. Mobius kabhi bhi earth par jaakar aise bikes ko chalaa nahi saktaa tha as isase branch timeline start hone ka khatara tha. Meaning ki Mobius bhi apane marzi se kuch nahi kar saktaa tha, use TVA ne banaaya tha yahi uska heaven and hell dono tha. Vo kehetaa hai time keepers scared timeline ko abhi bhi banaarahein hai, jab unka kaam khatm hoga tab pure universe me order hoga, shanti hogi. Loki isase sehemat nahi hotaa, kehetaa hai mere experience me koyi bhi hamesha bura nahi rehetaa aur koyi bhi hamesha achha nahi rehetaa. Sab apane phayade se badaltein rehetein hai.yahan par uska maanana tha ki time keepers evil bhi hosaktein hai.

Tabhi Mobius ko kablooie bubble gum yaada aataa hai, jise bachhi ne use diyaa tha. Mobius kehetaa hai aise bubble gum earth par saal 2047 se 2051 ke becch me hi bikate the. Toh hosaktaa hai vo isi time frame me chupaa hai. Loki and mobius ab is time frame me huvi kudarati apocalyptic events ki files ko dekhane lagtein hai. Loki ko ek location miltaa hai, Hevan Hills Alabama 2050. yahan ke roxxcart supermarket ek tuphan aur tsunami me khatma huvaa tha. Mobius ko ye perfect spot lagtaa hai. Variant loki yahan par time loop me hamesha keliye rehe saktaa tha. matlab hurricane aane se pehele aana, hurricane aate hi time jum karke phir se hurricane aane se pehele ke time me chale jaana. Like a loop. Ye apocalyptic event number 10 tha. Vo Ravinna se permission lekar vahan jaane keliye ek task force ready kartaa hai.

Sabhi log saal 2050 me aatein hai, samundar me tuphani leherein utharahi thi, baarish horahaa tha. Supermarket aate hi loki apane powers ko use karte huve apane gile kapadon ko sukha detaa hai.

Ravinna ne Hunter B15 ko is mission ka incharge banaayaa tha toh vo loki ko apane saath rakhati hai. Baaki logon ko dusare loki ko dhundane keliye keheti hai. Ab ham variant loki ko cctv room me dekhatein hai jahan vo ek time device to bomb ki tarah set kar rahaa tha.

Hunter B15 and loki ko ek aadami dikhataa hai jo tuphan me paudon ko kharid rahaa tha. Loki kehetaa hai ye mai hosaktaa hoon toh hunter use pakadane aage jaati hai. Vo aadami variant loki hi tha jo ab apane powers ko use karke hunter B15 ko possess kartaa hai. Vo aadami bhi behosh girtaa hai like hunter C20. TVA loki ise dekhakar surprise hotaa hai, ye enchantment ki takat thi jise usne kabhi use nahi kiya tha. Isiliye puchataa bhi hai kya vo mar gaya. Variant loki is loki ko dekhakar apana signature smile detaa hai. TVA loki bhi vaisa hi smile deta hai.

Mobius ko hunter C20 milti hai jo ek hi word ko repeat kar rahi thi, its real its real. Ye real kya hai pataa nahi but usne variant loki ko time keepers ka secret bataa diyaa tha. Unhein dhundane ka raasta bhi dediyaa tha. Hunter C20 ko ye sab kaise maalum tha vo clear nahi hai. Shayad ye Ravinna ke secret analyst hosakti hai.

Loki and loki ab aapas me baat chit karne lagtein hai. Variant loki ek bar phir jump karte huve suparmarket ke ek worker randy ko possess karta hai. Jisase hunterB15 ka body behosh hokar girtaa hai. Yahan par TVA ka loki kehetaa hai mai TVA keliye kaam nahi kar rahaa hoon, mai apane liye kaam kar rahaa hoo. Unhein dhoka dena koyi aasan achievement nahi hai, mai time keepers tabaha karnaa chahataa hoon. Unke place ko lenaa chahataa hoon. Iskeliye yadi tum meri madad kar sakte ho toh tumhara swagat hai. Matlab gumaaphiraa ke loki apane asali chehere ko saamne laataa hai, yaa ye bhi iski ek chala hosakti hai. Is point pe ye jobhi kehetaa hai uspar yakin nahi kiyaa jaasaktaa.

Variant loki bhi smart tha vo isake offer ko inkaar karke jaane lagtaa hai. Uska plan TVA ko rule karnaa nahi balki use scared timeline ko mitaanaa tha. Ham ab supermarket me kayi jagaha plant kiye huve reset charger ko dekahtein hai. Variant loki ek criminal ke bhesa me aakar TVA loki ko thik se pitataa hai, kehetaa hai ye sab uske baare me nahi hai. Loki vs loki ka fight hotaa hai. Yahan loki keheta yadi me hota toh aise khud ko nahi pitataa. Yaani ye variant shayad loki ka variant nahi hai balki koyi aur hi hia. Again ye mera guess hai.

Finally Variant loki apane asali chehere ko dikhaataa hai. Doston ab yahan par khultein hai asali patte. Yahan ek lady thi jo loki ki tarah dress pehene huvi thi. Ye lady loki hai yaa aur koyi iske baare me, mai video ke end me bataavunga.Usne bhi loki tarah dress pehenaa tha. Ab ham chaaron aur reset charger ko time portal me jaate huve dekhatein hai. Variant loki ne unko alag alag time bhej diyaa tha, to reset few time lines. TVA head quarter me achanak har jagaha alaram bajane lagtaa hai. kayi saare branch time lines create huve the. Ravinna ise apane desktop me dekharahi thi. Yaham ha kuch locations ko date ke saath dekhatein hai jahan reset chargers gaye the. Like Vormir, Asgard, rome, sakaar, titan,new york, tokyo, lisbon, hala etc.

Variant loki ab ek dusare time portal kholkar usme jaati hai jiska picha TVA loki bhi kartaa hai. Mobius piche se bhagkar aakar use rokane jaataa hai but it was late. Loki ne use bhi dhoka diyaa tha. Yaa nahi bhi diyaa hoga as vo TVA ke baare me sure nahi tha isliye more information keliye variaant loki ke piche jaataa hai. Clearly variant loki TVA loki se jyada smart, jyada powerful thi. Vo ek scene me keheti bhi hai mai tumhari jaise nahi hoon. Variant loki yahaan apane aap ko superior samajha rahi thi. Use loki naam se chid bhi tha. Roxxcart suparmarket ko RoxxCon company own karti thi jis hamne isase pehele iron man first film me, iron man third film me dekha tha. Comics me RoxxCon ke boss ne loki keliye ek church bhi banayaavaa tha.

Is series me bhi ham historical integration ko dekahtein hai. Loki hame ek scene me tour de france championship ke cup ko pakada huva hai. Ye cup cyclist Geraint Thomas ka tha jo saal 2018 me chori hogaya tha. Yaa fir ye cyclist me chalrahi rampat doping ki aur bhi ek ishara hai. Ek survey ke mutaabik 50% se jyada cyclist cheaters hai. Loki ko unke GOD ki tarah dikhakar yahan taunt kiya jaarahaa hai.

Yadi aap IMDB par gaur se dekhayein toh cast me Cailey Fleming ka naam hai jo young Sylvie ka roe nibha rahi hai. Comics me Sylvie oklahoma ki ek ladaki thi jise loki ne apana powers diyaa tha. Ragnarok ke baad asgard oklahoma shift huvaa tha. Ek din Sylvie subah utathi hai aur uske paas loki ki powers aagayi thi. Later vo young avengers ko join karke mischief karti hai. Shayad ye lady loki nahi balki Sylvie hogi jise TVA ne loki variant samajha hai. Loki ne use powers diyaa tha isliye hosaktaa hai uska dress almost same hi hai. Comics me lady loki and Sylvie dono alag alag hai. Sylvie basically ek enchanter thi aur enchantment power use karti thi. Ham 1985 me agatha harkness ki ek cameo ko bhi dekhatein hai, yahan actress alag hai, shayad ye young Agatha hi hai.

NEXT : 

PREVIOUS : LOKI EPISODE 1

Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad