BLOOD RED SKY (2021) Explained In Hindi | Ending Explain | Hinglish

Is article   ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo niche hai.

Film scotland ke ek airport me shuru hotaa hai jahan kisine ek commercial plane ko hijack kiyaa tha. Plane ke cockpit me ek civilian tha jise ATC staff instruction derahe the. Plane autopilot par hone ne kaaran aasani se land kartaa hai. Yahan ham Colonel Alan ko dekhatein hai jo airport security ka incharge tha. Military snipers ke saath plane ko chaaron aur se gher letein hai. Cockpit me baita passenger Col Aln se kehetaa hai ki vo koyi hijacker nahi hai aur use utarane diyaa jaaye. Col Alan uski maat na maante huve pehele passenger ko chodane keliye kehetaa hai. Tabhi plane ke cargo section ke emergence door ko kholkar ek bachha baahar aataa hai. Iska naam Elias tha. Military Elias ko bachakar medical check up keliye lejaati hai jahan ek doctor usase kuch savaal puchane lagti hai. Yahan par Elias apani back story kehene lagtaa hai.

Elias and uski mom Nadja europe se newyork jaarahae the. Elias ko ham ab ek airport me dekhatein hai jahan vo apane bags ko check in karvaataa hai. Use Farid naam ka ek arebic scientist bags chadane me madad kartaa hai. Elias ke mom Nadja ko ham hotel ke ek room me thi. Dekhane par vo bimaar lagrahi thi. Vo newyork ke apane doctor se video call par baat karne lagti hai jahan Doctor use saari felicity dikharahaa tha. Doctor ki baaton se aisa lagrahaa tha ki Nadja ko leukemia huvaa hai. Backround me ham ek news report ko suntein hai jahan kahaa jaarahaa tha ki stock markets all time high par hai. Especially airline stocks highest valuation par trade kar rahein hai. Shyam hone ke baad Nadja apane room se baahar aati hai aur apane head ko cover karke airport par aati hai. Flight me chadane se pehele vo washroom me apane aap ko injection lagaati hai. Ham dekhatein hai uski health kaaphi delicate thi. Is injection ke baare me hame aage pataa chalegaa. Airport Farid and Elias ki achhi jaan pehechan hoti hai. Faried bhi Elias ke flight se hi newyork jaarahaa tha.

Later Ellias, Nadja , Farid and baaki passengers plane me baitaein hai aur plane takeoff kartaa hai. Plane me ham pilots ko, Stewardes ko dekhatein hai jahan Eightball naam ka naya Steward bhi tha. Aadhi raat me Nadja washroom jaakar aati hai, vo behad kamzor dikharahi thi. Tabhi hame ek flashback dikhayaa jaataa hai jahan ham Nadja and uske husband Nikolayi ko dekhatein hai. Elias tab ek baby tha. Ye family kahin trip par gaye the, vahan se aate time snowfall hone lagtaa hai aur unki car raaste me kharab hojaata hai. Nikolayi ab help laane keliye vahan se chalaa jaataa hai. Plane par ab ham ek passenger ko dekhatein hai jo ek stock trader tha. Plane Atlantic ocean ke beech me tha isliye plane ka wifi connection tuta jaataa hai. Jisase ye trader kaaphi chidataa hai.

Tabhi ek passenger Steward Eyeball se jhagadane lagtaa hai, ek sky marshal us aadami ko kone me lejaakar achhe se puchatach karne lagtaa hai. Yahan Eyeball us marshal par hamlaa karke use chaaku se maar daaltaa hai. Asal me is plane me kayi terrorist the jinhone plane hijack karne ka plan banaayaa tha. Sabhi terrorist ab saamane aatein hai aur dusare marshals ko bhi maar daaltein hai.Inke leader ka naam Berg tha. Plane ke co-pilot Bastian bhi inase judaa huvaa tha, usne pehele hi Pilot ko maar daalaa tha. Vo ab cockpit khlokar Berg ko under bulaataa hai. Plane me eyeball and carl sabhi passengers ko gun daraakar unhien economy calss me bita thein hai. Elias dara huvaa tha, vo plane ke manual ko padakar, apane mom se cargo section me chupane ki baat kartaa hai. Vo bina soche vahan jaane lagtaa hai, Nadja bhi uske piche jaati hai jise eyeball dekhaletaa hai. Ye aadami thoda psycho tha, isliye vo Nadja par goli chalaataa hai jisase vo mar jaati hai. Carl ise dekhakar Eyeball ko daantataa hai as vo kam se kam causality chahate the. Carl rote huve Elias ko vaapas uski seat par bitha detaa hai.

Yahan par Nadja se judi ek aur flashback ko dekhatein hai. Us raat Nikolayi help lekar nahi aataa. Nadja use dhundate huve jaati hai, vo nazadik ke ek viran ghar par aati hai jaahn use kuch blood marks dikhatein hai. Vo use follow karte huve ghar ke basement me aati hai. Use vahan Nikolayi ki dead body milti hai, use kisine beheremi se maar daalaa tha. Tabhi ham ek vampire ko dekhatein hai jisne Nikolayi ko maaraa tha. Vo ab Nadja par bhi hamlaa karne aataa hai. Nadja basement ki door ko lock karke use rokari hai toh vo back side se aane ki koshish karne lagtaa hai. Isi beech vo Nadja ko bhi kaat letaa hai. Ab Subah hotaa hai aur suraj ki roshani padate hi vo Vampire tadapane lagtaa hai. Later vo vahin par mar jaataa hai. Yaani light vampires ki kamzori tha. Ab plane par ham Nadja ko utathe dekhatein hai as vo asal me ek vampire hi thi. Ye Vampires jaldi se heal hote the isliye goliyon Nadja par kuch asar nahi hotaa. Yahan vo Leukemia se pidit nahi thi balki vampire thi. Apane vampire roop ko supress karne keliye hi injections ko time to time lerahi thi. Vo ab Cargo section ke hatch ko kholkar vahan chupati hai.

Plane par Berg apane ek sathi se english me ek message record karvaataa hai jisme likha tha ki vo arab terrorist hai. Vo Khilaphat keliye ye sab kar rahein hai, vo europe ke atheist se badalale keliye ye sab kar rahein hai. Ye message arabic me bhi tha jise uska dost nahi padapaataa. Vo muslim tha but use arabic padana nahi aataa tha. Berg Farid vo message padane keliye kehetaa hai. Jahn Farid chalaki karke uska opposite translation kartaa hai. Arebic me kehetaa hai, inhone hame kidnap kiyaa hai, hamse forcefully ye record kar rahein hai. Berg uski chalaki ko pakadkar apane saathi ko hi maar daaltaa hai. And Farid ko thik se padane keliye kehetaa hai.

Ab plane ke cargo area me do terrorist aatein hai jo apane lullage ko dhundane lagtein hai. Usme para-shoots the. Jurij naam ka ek terrorist plane fuel me kuch chemicals mix karne lagtaa hai . As inka plan plane ko crash karvaane ka tha. Ye sabhi para-shoots se kudane vaale the. Nadja bhi cargi section me thi, jise dekhakar do kutte vahan bhaunk rahe the. Nadja ab Jurij par hamlaa karke use maar daalti hai, use ghayal karke kutton ko release karti hai. Taaki lage ki kutte ne use kaataa hai. Later vo clean hokar upar plane par aati hai. Usi time saare terrorist niche jaatein hai. Berg ko Jurij ki laash dekhakar shock lagtaa hai. Nadja upar aakar Elias ko pukarne lagti hai, Dead Nadja ko zinda dekhakar sabhi passengers dar jaatein hai. Nadja ab sab se puchati hai ki kya unme se ko yi plane chalaa saktaa hai. Tab ek arab aero space engineering student aage aataa hai. Nadja use lekar cockpit me jaati hai as plane auto pilot mode me tha. Yahan Farid sab se kehetaa hai ki terrorist ye plane london me crash karvaana chahatein hai. As unhone usase aisa script pehele se hi record karvaayaa hai. Stock trader guy apana hi logic aage rakhataa hai. Kehetaa hai stock market over heated hai, yadi 9/11 jaisa ek aur hamlaa huvaa toh markets niche aayegein aur ye log tagada paisa banaayeinge.

Cockpit me Nadja cctv par dekhati hai ki sabhi terrorist jump karne keliye ready ho rahein hai. Tabhi eyeball ko Nadja ka injection vile miltaa hai, vo suspicious hokar us hatch ko check karne aataa hai jahan se Naadja upar gayi thi. Vahan blood marks the. Ise dekhakar sabhi log phir se upar aatein hai. Berg ek passenger ke upar gun rakhakar use Nadja ko door kholane keliye kehetaa hai. Jab vo nahi kholati toh use vo maar daaltaa hai. Later eyeball ek bachhi ko lekar aataa hai Berg use bhi maarne hi vaalaa tha. Tabhi Nadja door kholkar Berg par hamlaa karti hai use kaat kar, kahane lagti hai. Berg tadapate muhe mar jaataa hai. Baaki terrorist is vampire ko dekhakar vahan se economy section me bhagatein hai. Jab Berg bhi vampire me convert hone lagtaa hai toh Nadja use chaku se maar kar uska the end karti hai. Terrorists ko kuch samajha nahi aaraha tha ki kya horaha hai. Tabhi Eyeball Nadja ki dairy check kartaa hai, use padakar use samajha me aataa hai ki vo ek vampire hai. Ye baat vo dusaron ko bataataa hai toh vo log use psycho kehetein hai.

Aage Nadja washroom me jaakar ek aur injection lagaati hai. Yahan ham ek aur flashback dekhatein hai. Vampire se infected hone ke baad, Nadja phir se usi ghar me jaati hai. Vahan ek old aadami tha, vo bhi infected tha. Vo kehetaa hai ye infection ek evil hai, maine use control me rakha hai but mera beta control se bahar gayaa tha. Usko tumne maar daala. Vo ab Nadja par gun chalaakar maarne jaataa hai but Nadja use hi maarkar, uski medicines ko leleti hai. Later uske ghar ko jalaa deti hai.

Plane me saare terrorist ab cockpit ke paas aakar Nadja par hamla karne aatein hai. Eyeball Nadja par torch daalkar use torture kartaa hai. Uski blood sample letaa hai. Vo use hockey stick se maar ne hi vaalaa tha tab Elias us par gun chalaataa hai. Goli uske stick ko lagakar window se bahar jaati hai. Jisase plane me pressure drop hotaa hai aur oxgen mask khultein hai. Ise rokane keliye plane ko low altitude lejaanaa tha. Todd cockpit me oxygen ki kami se behosh hotaa hai toh ek terrorist under jaakar plane ko niche lejaane lagtaa hai. Is hadabadi me ek tray us stock trader ko hit kartaa hai jisase vo bleed karne lagtaa hai.

aage nadja bhi utathi hai vo eyeball se fight karte huve uski arm par goli chalaati hai.eyeball bhagakar cargo me rakhi ek bullet proof car me baitataa hai. Nadzja uspar goli chalaati hai, ek rod se hamlaa karti hai. Ye psycho eyeball bachane keliye vampire blood sample ko apane me inject kartaa hai jisase vobhi convert hone lagtaa hai. Nadja use usi car me jalaakar maar daalti hai. But vo martaa nahi hai. Terrorists ko aag ki warning cockpit me miltaa hai toh vo fire extinguishers ko on kartein hai. Niche aakar check karne lagtein hai. Unhein ab eyeball kat letaa hai toh vobhi vampire me convert hone lagtein hai.

Nadja upar aakar sabhi passengers ko warn karti hai. Sabhi log ab cargo section se exits ko close kartein hai. Vampires ek exit se aane ki koshish kar rahe the jahan ek vampire Farid ko kaat letaa hai. Nadja pharan hi axe se farid ki haat ko kaat kar infection se spread hone se rokati hai. Ab sabhi vampires niche cargo me the. Plane me ek doctor thi jo trader se keheti hai, use internal chota lagaa hai, ab uska kuch nahi hosaktaa. Vo trader marnaa nahi chahataa tha isliye vo rengate huve cargo ke door par aataa hai, use kholkar under jaataa hai. Eyeball se use kaatne keliye kehetaa hai taaki vobhi vampire bankar zinda rahe.

Yahan apparently plane ka co-pilot Bastian abhi bhi zinda tha, vo niche vampire nahi banaa tha. Vo Scotland ATC ko call karke hijack ki khabar detaa hai, autopilot me co-ordinates daaltaa hai. Trader ke vajaha se vampires ab plane me aagaye the, vo sabhi ko kaatne lagtein hai. Bhagadada machataa hai. Isase pehele sirpf Nadja hi akeli vampire thi ab saare log vampire ban gaye the. Inhein ab plane se niche jaane denaa khatare se khali nahi tha as isase vampire pandemic hone ka khataraa tha. Terrorist ne planes par bombs bhi rakhe the jiska remote ek ke paas tha jo niche cargo me maraa padaa tha. Vahan jaane keliye cockpit se raastaa tha jo chotaa tha. Isliye Nadja ke manaa karne par bhi Elias use raaste se cargo me jaataa hai. Us terrorist ke body se remote letaa hai. Tabhi eye ball use dekha letaa hai aur uski aur hamlaa karne aage badataa hai.

Nadja ise cctv me dekhati hai, vo co-pilot ko kaat kar violent banti hai. Kyunki Plane auto pilot mode par land bhi kar saktaa tha isliye ab co-pilot ki zarurat nahi thi. Toh nadja use maarkar eyeball se fight karne jaati hai. Elias yahan cargo ka emergence door kholtaa hai jisase suraj ki roshani plane me aane lagtaa hai. Tez havaa aane lagtaa hai. Farid plane ko kuch pal keliye auto pilet mode se nikaal kar till kartaa hai, jisase tadapataa huva eyeball plane se niche girtaa hai. Nadja yahan kaaphi weak hogayi thi. Plane later Scotland ke airforce base par utartaa hai. Yaani plane ke cockpit me ab Farid tha. Colonel Alan Elias ki story ko ignore kartaa hai as use ye sirph ek bachhe ka bhram lagtaa hai. Use abhi bhi lagrahaa tha Farid ne plane ko hijack kiyaa hai aur passenger abhi bhi under hai. Vo shyam tak wait kartaa hai aur later military ko plane me chadane ka order detaa hai. 

Military plane me chadate hi vampires unpar hamlaa kartein hai, unhei bhi kaatane lagtein hai. Jise Colonel Alan ghabaraakar cctv me dekhataa hai. Soldiers ka body cam footage ka feed use dikha raha tha. Faird ko miltary capture karke lejaane lagtein hai. Ellias bhi ab plane ke paas aakar Nadja ki wait karne lagtaa hai. But is baar vo completely convert hogayi thi. Ise dekhakar Elias rote huve remote dabaa detaa hai jisase plane me ek blast hotaa hai. Sabhi vampires maare jaatein hai. Boom film yahin par end hotaa hai.

Toh mujhe ye film utana pasand nahi aaya. Ye do ghante lambaa hai, kahani ke new nahi hai. Dhera saare mistakes hai. Pehele plane me gun kaise aayaa, bomb kaise aaye. Kya airport ke check in security bhi terrorist se mile huve the?. Plane me bombs laana koyi halvaa nahi hai. Ye train to busan ka sastaa version lagtaa hai jisme story se jyada violence adhik hai. One time watch hai.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad