Fear Street Part 1 1994 Explained In Hindi | Hinglish

Fear Street Part 1 1994 Explained In Hindi | Hinglish


Doston saal 2016 me stranger things naam ki ek tv series aayi thi jo kaaphi hit rahi thi. Tab se netflix vaisa hi content har saal july mahine me laarahaa hai.aaj ki is video me mai isi theme par based ek film fear street part 1 , 1994 ki story ko explain karunga. Ye film triology ke roop me hai jo is mahine aaraha ahai.ye pehela film hai. second and third films ke naam hai fear street 1978 and fear street 1666. ye films har friday ko netflix par release horahein hai. Ye teeno films author R L Stine ki famous horror book series fear streets par based hai. R L Stine ek famous horror author hai. Unhone pachas se bhi upar fear street books likhi hai yadi aap use padana chahatein hai toh link description me hai. ( link is at the bottom of this page ). Is film ki IMDB rateing hai 7.4 out of 10. in teenon films ke director hai Leigh Janiek. Ye netflix par hindi me available hai.

Film ki kahani me do twin towns hai shady-side and sunny-vale. sunny-vale ek amir,shant aur ubhartaahuvaa town tha vahi shady-side killer capital USA naam se badanaam tha. shady-side me saalon se serial killings, accidents, suicide and crimes horahe the jo logic ke pare tha. shady-side me ek urban legend saalon se popular tha, yahan ke logon ko lagtaa tha ki unka town cursed hai. Sarah Fier naam ki witch shady-side ke logon ko possess karti hai and unse violent crime karvaati hai. Ye itanaa popular urban legend tha ki iske upar logo ne ek nursery rhyme bhi banaadi thi. Chote bachhon ko daraakar unhein shant karne keliye. Like in sholey film so jaavo varna gabbar aajaayega type.

Kher film ki starting me ham heather naam ki ek teenager ko dekhatein hai. vo shady-side ke ek mall ke bookstore me aadhi raat tak kaam kar rahi thi. Mall ab close hotaa hai. heather apane friend Ryan ke paas jaakar use ghar tak chodane keliye keheti hai. Ryan khushi se maanjaataa hai as uski shift bhi ab 15 minutes me end horahaa tha. Yahan ham ek janitor Martin ko dekhatein hai jo saphayi karke ghar jaarahaa tha. Ryan ko yahan kisi lady ki whisper ki awaz sunaayi detaa hai jisase vo confuse hotaa hai. aage heather store close kar rahi thi tab store me books apane aap hi girne lagtein hai, par dekhane par vahan koyi nahi tha.But tabhi heather ke samane ek skull mask pehena huva aadami dauda kar aataa hai and uske pet me chaku ghusaane lagtaa hai. Heather chilllakar book aage karti hai jise use chaku rukajaataa hai. Scream anybody. Heather panic me vahana se bhagati hai, vo skull maskman bhi uska pichaa karne lagtaa hai. Heather ek dusare counter me jaakar 911 ko call karti hai. Later vahan se bhi bhagati hai, kuch samaya tak vo mall me hi chupati hai. But vo skull maskman use dhunda kar uske pet me isbaar chaku ghusaadetaa hai, heather usase phir bhagane lagti hai but bhagnahi pati. Vo niche girti hai, indono me fight hotaa hai, vo maskman ka mask nikaalti hai toh vaahn Ryan tha. Vo kisi possessed state me dikharahaa tha, tabhi vahan police officer Goode aakar Ryan ke sar me goli maartaa hai. Marte time Ryan heather ke pet me chaku ghusaataa hai jisase vo bhi vahin par marti hai. Aap is film ki first five minutes ki video ko youtube par netflix ke channel par dekha saktein hai.

Ye crime ek our news headline bantaa hai. Yahan hame shady-side me huve historical crimes ka ek quick recap bhi dikhataa hai. ye sabhi crimes ki story is film series ka hi hissa hai jo hame is film me aur agale do films me dikhayi dega.

Kal raat Ryan ne mall me kul saath logon ko maaraa tha. Isme shady-side highschool ke kuch students bhi the. Officer Goode ye sab news me kehetaa hai. Ham yahaan Deena naam ki teenager ko dekhatein hai jiska uske girlfriend sam se breakup huvaa tha. Sam shady-side high school se sunny-vale high school shift huvi thi. Denna ka bhai Josh ek Nerd tha jo online witch community ka member tha. Vo Queen of air and darkness naam ke kisi unknown handler ke saath chupke se chat karahaa tha. Josh ko ye saaton killings witch sarah Fier ka possession hi lagtaa hai. Josh ka is witch theory me kaaphi interest tha. Usne town ke upar research karke kaaphi files, images and resources ko ikhataa kiyaa tha. Denna ko ye sab stupid lagtaa hai vo use later apane saath school lejaati hai.

School me Denna apane friends Kate and Simon se milti hai jahan Josh ka crush hamesha se Kate par tha. Yahan ham heather ke locker par condolences ke messages kobhi dekhatein hai. Kate and Simon school me illegal prescription drugs bechane ka dhanda karte the. School me rumors tha ki kal ke killings ko witch ne hi karvaayaa hai as killer ne skull mask pehenaa tha. Isiliye sab ko yaad dilaane keliye kiisine girls toilet me witch ki rhyme ko spary paint bhi kiya tha. Lines thi. kabra se vo uthegi, achhe aadamiyon ko apana gulaam banaayegi, vo tumhari khoon legi, vo tumhari sar legi, vo tumhein marne tak follow karegi. Denna ko ye sab stupid legend lagtaa hai and vo yahan simon ko drugs bechane keliye daatati bhi hai. As Simon ka bhai thimothy kuch din pehele hi overdose se marte marte bachaa tha. Denna and Sam dono cheer leaders the, sam ke jaane ke baad Denna ne ye sport chodadiyaa tha. Aaj raat shady-side and sunny-vale football teams ke beech ek match honaa tha. yahan sunny-vale ki team shady-side ke mare huve students ke prati, shadhanjali parkat karte huve, ek candle light vigil ka program rakahne waale the. Iske liye PE teacher ab Denna and baaki students ko maujud rehenaa compulsory kartein hai. Denna apane costume and baaki students ke saath sunny-vale schhol jaati hai. Vahan vo Sam ko dekhati hai jo ek footballer Peter ke saath thi. Vo usase close tha. Ise dekhakar Denna ko gussa aataa hai. Indono teams ke beech dushmani kaaphi puraana tha, vigil ke dauraan hi dono teams fight karne lagtein hai.

Match ke baad Sam Denna se milti hai, Denna use uski kuch chizen dekar good bye keheti hai. Uspar gussa karti hai as uska heart tuta gayaa tha. Later shady-side football team ke bus ko peter and sunny-vale footballers apane car me follow karne lagtein hai, car se unpar ande phenka kar gaali dene lagtein hai. Unke saath Sam bhi thi. Denna ko ye dekhakar kaaphi gussa aataa hai, vo emergence exit door open karke unpar ice cubes daalane jaati hai. But kate aakar use rokati hai, tabhi Denna ki naaka se khoon behene lagtaa hai jise rokane ke chakkar me uske haath se box girjaataa hai. Vo seedha jaakar piche aarahi car par girtaa hai jisase car ka accident hotaa hai.

Later ham sam ko car se rengate huve baahar aate dekhatein hai, uske naak sebhi ab khoon beherahaa tha.Ab khoon se bhigahuvaa uska haath mitti ke under chala jaataa hai as vo place soft tha. Isake saath hi sam ko kuch visions dikhane lagtein hai, awazen sunaayi detaa hai. Later Denna, simon and kate sam ke paas aakar usase maaphi maangatien hai. Sam yahan khoon ki ulti karti hai jahaan khoon simon ke shirt par aur Denna ke boot par girtaa hai.

Later Peter Denna ko car crash keliye dhamakaataa hai. Sabhi kids officer Goode ko joot blotein hai, keheteein hai ye sirph ek accident hi tha. Ab Peter ke car crash site se kisi lady ki awaz sunaayi dene lagtaa hai. Next day ki sham ko Josh aakar Denna ko utatha as vo abhi bhi guilt me thi. Yahan TV News me ham Janitor Martin ko dekhatein hai jo Ryan ko achha insaan keherahaa tha. Uska bhi mananaa tha ki Ryann possesed tha. Police ne Ryan ko serial killer declare kiyaa tha jise Denna tv me dekhati hai. Isi raat ham ek skull mask pehene insaan ko Denna ke ghar ke samne dekhatein hai. jo Denna ko peter lagtaa hai. As in prank karne keliye. Denna uspar chillakar ghar ke ander aati hai. Kuch pal baad vo hi aadami use kitchen ke saamne bhi dikhataa hai, isbaar uske haat me ek chaku tha. Jise ab josh bhi dekhtaa hi. Denna bhi ek chaku lekar use bhagaaane jaati hai but tab tak vo gayab huvaa tha. Denna gusse me kate ko pager par ek message daalti hai. Kate and simon ek ghar me babysitting ka kaam kar rahe the, simon ne yahan kal raat vaali shirt hi pehena tha jise kate gross kehekar badalne keliye keheti hai. Kate Denna ka message padkar use call karti hai jahan denna stocking peter ke baare me bataati hai. Tabhi kate ke yahan bhi kuch shor hotaa hai, vo and simon jaakar dekhatein hai toh vo hi skull mask aadami vahan bhi tha. Vo vahan pade kadayon me kuch dhunda rahaa tha. Simon use dekhakar dar jaataa hai, kate keheti hai ye peter hai. Yahan bhi vo adami gayab hotaa hai. Later Simon ab usi shirt ko pehenkar kate ke saath Denna ke ghar par aataa hai. Ye teeno ab Sam par kaaphi gussa the as inhein ye prank kuch jyada hi lag rahaa tha. Josh ke saath ye teenon ab hospital par aatein hai jahan sam admit thi.

Vahan ki nurse inhe Sam se milne nahi deti hai visiting hour khatm huvaa tha. Kate apana code word se nurse Beddy ko bulaati hai jo use prescription drugs supply kar rahaa tha. Vo Denna ko sam se milne detaa hai. Denna Sam se peter ki karatut keheti hai jise sam inkaar karti hai. Keheti hai Peter toh mere saath hi tha pure time. Peter ab vahan ke bathroom se baahar aataa hai jise dekhakar Denna ka gussa aur badataa hai. Denna and Sam donon yahan jaghadane lagtein hai, Sam majaburi me sunny-vale gayi thi, vo abhi bhi Denna ko hi chahati thi. But vo use publicly accept karne se dar rahi thi.

Inke jhagade ke beech vo skull maskman vahaan aataa hai and peter ke pet me chaku ghusaakar use maar daaltaa hai. Jise dekhakar sam and denna chillatein hai ,uspar hamla kar ke vahan se bhagane lagtein hai. Baaki kids bhi ab skull maskman ko dekhakar panic me bhagane lagtein hai. Hadabadi me unse car keys khogayi thi isliye vo vahin par kahdi ek ambulence ko highjack kartein hai. Sam and Denna reception par chupatein hai jahan pehele waali nurse ki ded body thi. Skull mask man ab vahana aakar Beddy ke chehere me bhi chaku ghusaadetaa hai. Later Sam par hamlaa kartaa hai jis par Denna piche se attack karti hai. Inteeno ke beech fight hotaa hai.yahan Denna uski mask nikaalti hai, vo Ryan tha, uske sar par goli ka nishana bhi tha. Denna ko kuch samjha me nahi aataa isliye vo baaki logon ke saath ambulance me bhagati hai.

Police station par Officer Goode ne martin ko arrest kiyaa tha, jahan Martin keherahaa tha ki maine kuch nahi kiyaa hai. Mujhe tum phasaa rahe ho. Denna and Sam Goode ko hospital se judi saari baat bataatein hai jispar vo yakin nahi kartaa. Use Ryan ki dead photo dikhakar kehetaa hai isi maine hi maaraa hai. murda zinda nahi hote. Goode ko in kids ki joot bolne ki aadat pehele se hi maalum tha isliye inhe vo havaa nahi detaa. Denna station se jaate time gusse se chillane lagti hai,ek dusare officer ko dhakka dekar uska pistol churaati hai.

Ham simon ko yahan halka hote huve dekhatein hai tabhi use ek old gaanaa sunaayi dene lagtaa hai.ek teenage girl road ke baaju me baita kar us gaane ko gaarahi thi. Jaise hi simon uske paas jaataa hai vo uske pairon par shaving blade se hamlala karti hai. Simon bhagane lagtaa hai par vo use giraakar uske upar baitati hai. Ye dono fight karne lagtein hai. Jahan us ladaki ka locket dur girtaa hai. Vo Simon par andhadhoon blade chalaane hi waale thi tabhi Denna piche se uapar goliyaan dagati hai. Simon uthakar bhagane lagtaa hai but vo ladaki marti nahi hai. Uski body se black liquid nikalne lagtaa hai. Sabhi kids panic me ambulance me bhaagtein hai.

Denna ke ghar me Simon fully freaked tha, vo sab kuch expalin kartaa hai. Jsie sunkar Josh shock me Ruby Lane ki news paper clipping ko laataa hai. Puchataa hai ki kya vo ladaki aise dikharahi thi. Jiska jawab simon haan me detaa hai. Ab Josh in sabko shady-side ki shady history bataane lagtaa hai. Kehetaa hai Ruby Lane ek teenager thi, usne apane friends ka murder kiyaa tha, khud bhi shaving blade se apane haath ko kaat kar mar gayi thi. Saal 1978 me ek psycho ne camp nightwing me kayi logon ko maar daalaa tha.1950 me Harry Rooker naam ke ek milkman ne kayi saare house wifes ko maar daala tha. 1935 humpty dumpty killer case, 1922 Billy Barker case, 1904 Grifter guts girls case, 1666 Cyrus Miller case jo ki ek paster tha.ye sabhi log pehele ek dam normal the but achanak change hogaye. Vo is town ki witch theory ko sahi kehetaa hai. 1978 ki incident ko kate pehechaan jaati hai as uski mausi vahan mari thi.

Sam ko ye brutal history hazam nahi hotaa , vo phir khoon ki ulti karne lagti hai. Denna use sambhalte huve baat karne lagti hai. Ye dono ab phir se karib aarahe the. Simon and kate ko ye sab evidence dekhakar shock lagtaa hai. Josh aage kehetaa hai 1666 me shady-side ke logon ne Sarah Fier ko witchcraft karne ke jurm me latakaadiyaa tha. Tab se vo badalaa lerahi hai, town ke achhe mardon ko possess karke unse crime kar vaarahi hai. kayi log maantein hai ki usne marne se pehele death ko cheat kiyaa hai. Like jaise nursery rhyme likha hai, dayan ka tha kuch aisa haala, marne se pehele usne chali ek chaal, apane shapit haat ko kaatakar kiya hamare shekehar ko shikaar. kabra se vo uthegi, achhe aadamiyon ko apana gulaam banaayegi.vo tumhari khoon legi, vo tumhari sar legi, vo tumhein marne tak follow karegi.

Yahan kate keheti hai ki maanletein hai ki ye story sach hai but vo witch hamare piche kyun hai. Hamne uska kya bigada hai. Jispar Sam keheti hai maine use kal dekha tha. Jab mera accident huvaa tab mujhe kuch visions aaye the hosaktaa hai ye vohi ho.

Sabhi kids ab ambulance me crash site par aatein hai. Sam car ke baaju mitti me haath dalati hai. Tab use vahan ek bone miltaa hai, Josh ko ek taalaa miltaa hai jispar Fier likhaa tha. Yaani kal Sam ne anjaane me Sarah Fier ki kabra ko disturb kiyaa tha. Simon ek idea suggest kartaa hai like film poltergeist ki tarah yadi ham is kabra ko phir se thik karke maaphi maangein ge toh hosaktaa hai ki vo hame baksh de. Kids ko ye idea thik lagtaa hai, vo kabra ko kholkar usme saari bones ko achhe se jodane lagtein hai. isi beech Sam ke naak se phir khoon beherahaa tha, jab vo apane khoon se bone ko pakadati hai tab use phir vision aataa hai. Is baar witch keheti hai its you, its you. Yaani witch sirph sam ke piche thi naaki baakiyon ke. Kids ab kabra ko close karke sorry kehetein hai. Usi time ek aur witch ka killer, the nightwing killer inke aur hi daudate huve aataa hai. Vo kulhadi se sab par hamlaa karne lagtaa hai. Kids usase bachakar phir se ambulence me bhagane lagtein hai.

Ambulence me Sam keheti hai witch mere piche hai sirph mere piche, mujhe abhi ek aur vision aaya, uski awaz sunaayi diyaa. Josh ko bhi ye sahi lagtaa hai as vo us nightwing ke saamne hi khada tha but usne use kuch nahi kiyaa , vo sidhe Sam ki aur hi gayaa. Denna keheti hai ye sahi nahi hosaktaa, skull mask mere ghar par aayaa tha, Kate ke babysitting ghar par aayaa tha, ruby ne simon par hamlaa kiyaa tha. Tabhi kate ambulence ko roka kar keheti hai, vo hamare piche nahi hai balki Sam ke khoon ke piche hai. Vo simon ka jacket nikaalkar uspar lagi Sam ki khoon ko dikhati hai. Denna ko uski boot dikhati hai jispar bhi khoon giraa tha. Basically vo sam ki khoon ko track kar rahaa tha. Josh ab Sam ko bait ki tarah use karke un sabhi killers ko maar daalne ka idead detaa hai. Dennna ispar aggree nahi karti but Sam use forcefully manaaleti hai.

Officer Goode hospital me check karne jaataa hai jahan use dead bodies milti hai. Use ruby ka neckless road par miltaa hai.

Sabhi kids ab school par aatein hai. Sabhi achhe se nahaa kar apane upar lagi sam ki khoon ko nikaaltein hai. Later Denna sam ke hateli ko kaat kar khoon ke kuch bundon ko ek bucket me collect karti hai. Simon kuch higly flamable chemicals ko laaakar use girls toilet ke chaaron aur daaltaa hai. Josh sam ke khoon se bhara paani ko bhi toilet ke aaspaas ragadataa hai. Ye sabhi log ab Sam ko us toilet me bithatein hai, vhaan se bhagane keliye upar ek opening bhi tha. Denna, Simon , Josh and Kate ab baahar wait karne lagtein hai. Kuch der baad skullmask, ruby, nightwing killer sidhe toilet ki aur duadkar jaatein hai. Vo log under jaate hi kate door close karti hai jahan Denna aag lagaati hai. Aag toilet me jaakar un teenon ko jalaane lagtaa hai. Haan yahan Sam upar vaale opening se bhag chuki thi. Kuch der baad sabhi kids under jaatein hai jahan killers ki body parts ke tukade har jagaha bikhare pade the. But like terminator part 2 film vo ab phir se aapas me judane lage the, meaning ki inhein maaraa nahi jaa saktaa tha. Sabhi kids dar kar phir se bhagatein hai aur ek class room me chupatein hai.

Yahan Kate ka sabra ab tut gayaa tha, vo keheti hai ab ham phas gayein hai aur bhag nahi sakte. Us witch ko sirpf Sam chahiye, isliye hame sam ko sacrifice karnaa hogaa. Warna ham sab maare jaayeinge. Denna ise sakti se protest karti hai toh kate use Josh ke bag ko kholkar sabhi news paper articles dikhati hai. Sabhi cases me sabhi log mare the. Sam bhi is par agree karti hai, denna se keheti hai ki mere vajhaha se tum sabka marnaa thik nahi hai. Vo ab class room ke bahar jaakar nightwing killer ka wait karne lagti hai. Denna use rokane jaati hai but Simon use pakadkar rakhataa hai. Tabhi Josh ki nazar ek aarticle par padati hai, vo turanth baahar jaakar Sam ko phir se under laataa hai. Usi time nightwing vahan aakar door par kulhadi se pitane lagtaa hai.

Josh kehetaa hai 1978 ke killings me C. Berman naam ki ek lady hi bachi thi. Uska daavaa tha ki usne bhi witch ko dekha hai. Yadi ham unhein contact karenge tho shayad hame koyi raastaa milsaktaa hai. Denna ab phone directory se C. Berman ka phone number nikaalkar call karti hai. Call voicemail par tha isliye vo ek message daalti hai. Sam us article ko ab achhe se padati hai , usme likha tha ki C. Berman kuch pal keliye clinically dead thi. Yaani uska heart kuch minutes keliye rukaa tha. Baad me CPR karne se vo jinda huvi. Matlab yadi yaahn Sam ka heart rukajaataa hai toh witch uska pichaa chodane waali thi. Isliye kids ab yahan bhi aisa hi trick use karne ka decision letein hai.

Ham ab Officer Goode ko ek viran ghar ke samne dekhatein hai, vo us ghar ke under ek message daaltaa hai. Jisme likha tha Its happening again. Yaani vo phirse horahaa ahi. baat saaph hai ki Officer Goode kuch toh jaantaa tha jo vo kisi ko bataa nahi rahaa tha. Hosaktaa hai next film me hame iske baare me pataa chale.

Sabhi kids ab usi mall me aatein hai jise hamne dirst scene me dekha tha. Ab der raat thi isliye mall me koyi nahi tha. Ye Simon ka part-time workplace tha.yahan vo apane bhai thimothy ke case ke baare me bataataa hai. kaise vo drugs overdose se maraa tha and kaise use adrenaline injection se bachaayaa gayaa. Vo Sam ko bhi sabhi drugs dekar use usi interval me lene keliye kehetaa hai. Denna ko adrenaline injection detaa hai.

Sam yahan kete ko ghar jaane keliye keheti hai as vo use khatare me nahi daalnaa chaahti thi. Kate use uski sacrifice yaada dilaakar apane friend ke saath anth tak rehene ka decision let hai. Ab simon , kate and Josh apane upar sam ka khoon lagaakar mall ke different hisse me jaatein hai. Killers ko distract karne keliye. Denna Sam ko drugs ki goliyaa deti hai. Kuch time tak koyi bhi killer nahi aataa but jab sam nashe me chur thi tab Skull Mask uspar haamlaa karne aataa hai. Kate vahan aakar uspar aag lagaati hai toh vo uske piche padataa hai. Denny Sam ko lekar bhagane lagti hai. isi becch uske haat se drugs gir kar bhikar jaati hai. Sam ko kaise bhi karke apane heart ko rokanaa tha isliye vo Denna ko use paani me dubokar maarne keliye keheti hai. Denna use vahan ke ek fish tank me dubone lagti hai.

Skull maskman Kate ke under chaaku ghusaataa hai, use uthakar uski face ko kaatane waale machine ke under daaltaa hai. Kate yahan bure tarike se marti hai. Later Simon and Josh vahan aakar dekhatein hai toh unhein shock lagtaa hai. Tabhi dekhate hi dekhate nightwing killer Simon ke sar me kulhadi se maartaa hai. Simon bhi mar jaataa hai. Josh ke piche ab skullmask padataa hai jo Denna ke saamne jaakar girtaa hai. Denna Sam ko maar rahi thi, sam ka heart dubane se ab rukjaataa hai, vo clinically mar jaati hai. Uske marte hi skullmask bhi gayab hotaa hai. Denna pharan Sam ko teen Adrenaline ka injection deti hai. jisase kuch pal baad Sam ko hosh aataa hai. Ye dono ab rone lagtein hai.

Later officer Goode sam, denna and josh ka separate interview letaa hai jahan teeno phir se joot blotein hai. Goode Sam ko dekhakar kehetaa hai tum toh bhoot ki tarah dikharahi ho, lagtaa hai abhi abhi marke zinda huvi ho. Vo simon and kate ko drugs related cartel gang war ka shikar ghoshit kartaa hai. Police ne Martin ko phir arrest kiyaa tha, vo Josh ko uske saamne pade pin phenkane keliye kehetaa hai as vo usaseapane hathakadi kholkar bhagana chahataa tha. Josh yahan uski madad kartaa hai. Jaate time Martin use apana card detaa hai.

Later raat ko Denna and Sam hookup kartein hai. Usi raat Denna ko lady C Burman ka call aataa hai. Vo keheti hai tum zinda ho, tum logone witch ke killers ko rokaa hai, witch ko nahi. Vo rules banaati hai, tum safe nahi ho. Tabhi Sam ko kisi lady ki wishpering ki awaz sunaayi detaa hai jo ki asal me witch ki thi. Yahan hame witch ki kuch glimpse bhi dikhayi detaa hai, vo kyi rituval kar rahi thi. Vahan possess huve sabhi logon ke naam the. Usme ab Sam kabhi naam judataa hai.

Sam ab Denna ke saamne aati hai aur uske under ek chaku ghusaati hai, vo posses hochuki thi. Indono me fight hotaa hai, Denna use vahin par baand deti hai. Later Vo Josh se milkar use bhi ye dikhati hai. Boom Ye film yahin par end hotaa hai. Film me hame ek end credit scene bhi dikhataa hai jahan denna and josh C. Burman se mil rahein hai. Vo unhein apani 1978 ki story bataane lagti hai. Jo ki asala me second film ki kahani hai.

Toh doston ye thi film Frea street part 1 , 1994 ki kahanai. Film topclass hai. ye 100% stranger things inspired hai. Mall vahin se hai, heather bhi season 3 me thi as Robin. Five kids ek purane evil se ladarahein hai. Mujhe iska set design, 90’s ki era, jumpscare, kills achha lagaa. 90’s ke relics is film me bhare padein hai. Yahan Josh internet me jis anjaan lady se chat kar rahaa tha vo witch hi hosakti hai. As uske chatting english me word thou baar baar aarahaa tha jo ki ye old english ka word hai. Film kaaphi fast pace par hai isliye aapko lambaa lagsaktaa hai. Iske next two films kobhi mai agale hafte and uske hafte explain karunga.

Book link : https://amzn.to/3Am4veK

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad