Fear Street Part 3 Explained In Hindi | Hinglish

 Fear Street Part 3 Explained In Hindi | Hinglish

Is article   ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo niche hai.

Doston aaj me, mai Fear street part 3 1666 film ki story ko explain karunga. Isase pehele maine fear street part 1 and part 2 films ko explain kiyaa hai. Yadi aapne use ab tak nahi dekha hai toh pehele unhein dekhalijiye varna ye film appko samajha me nahi aayega.

Film ki shuruvaat me Deena, sarah Fier ki hand ko usake body se milaati hai, tab use ek vision dikhayi detaa hai jisme vo saal 1666 me hai. Yahan hame Sarah fier ki story dikhayi jaarahi hai through Deena’s eyes. Yaani is film me Deena Sarah Fier ka role kar rahi hai aur baaki logon ka bhi alag alag roles hai. Starting me ham sarah ko uske bhai henry ke saath dekhatein hai jo apane pig ki delivery kar rahi thi. Unke pig ko ab saath bachhe hotein hai. Sarah ek chaku pig me ghusakar uska safe delivery karti hai. Yahan sarah and Henry apane dad George ke saath rehe rahein hai. George Sarah ki shadi Solomon Goode naam ke ek aadami ke saath karvaana chaha rahaa tha jo saraha ko bilkul bhi pasand nahi aataa. Vo solomon ko sirph apana ek achha dost manti thi. Yahan Solomon Goode ka role officer nick goode kar rahaa hai. Ye log jis village me reherahe the use union kehete the. Ye shadyside and sunnyvale banane se pehele ka time hai.

Yahan sarah ke dost the Lizzie, Isaac, Abigail and Abigail ki sister Constance. Is town ke pastor ka naam Cyrus Miller tha aur uski beti thi Hannah. Sarah and Hannah dono love me the. but us zamane me homosexuality ko paap maana jaataa tha, Isliye ye dono aksar chup chup ke hi milte the. Village me Tomas naam ke ek badanaam ladake ko dekhatein hai jiski nazar Sarah par tha. Ab vo use harass kartaa hai . Ye sabhi kids first two films ke hi characters he jo alag alag role kar rahein hai. Aaj raat full moon ki raat thi aur ye bachhe party karne ka plan banaa rahe the.

Is town ke paas hi ek jungle tha jahan ek old widow reheti thi, jise villagers ne witch kehekar bahishkar kiyaa tha. Uske paas berry fruits the jise khane se nasha aataa tha. Shayam ko ab Sarah, Lizzie and Hannah us widow ke ghar se un berries ko churaane jaatein hai. uske ghar me devil worshiping ke, satanic rituals ke kayi saare items the and ek old book bhi tha. Jisme devil ke saath deal karne ke tarike, uske phayade and dangers likha huvaa tha. Sarah ise pad hi rahi thi tab widow Mary aakar use rokati hai and dantati hai. Yahan Nurse Lane widow ka role kar rahi hai. Isi beech Lizzie ne fruits ko churaaliyaa tha isliye teeno vahan se bhagatein hai. Later party karne aaye sabhi kids ko lizzy berry deti hai, sabhi enjoy karne lagtein hai. Yahan Caleb naam ke ek ldaka Hannah par advance karne lagtaa hai jise sarah aakar rokati hai. Sab ke saamne uska insult karti hai.Aage sarah and Hannah dono woods me jaatein hai aur apane feelings ko share karne lagtein hai. Dono kiss bhi kartein hai. Indono ko woods me koyi dekhaletaa hai jisase Hannah dar jaati hai.sarah hannah ko samjhakar us ghar chodane aati hai jahan inki baath thomas sun letaa hai.

Next morning sarah ka paltu kutaa marry boy missing tha aur pastor Cyrus Miller bhi possession me chale gaye the. Hannah sarah ko apne ghar bulaakar bible dikhate huve keheti hai, kal raat jo huvaa vo paap hai. Jiski saza ab mere dad ko milaa hai. Vo ab naa chahate huve bhi sarah se breakup karne jaati hai utame me Hannah ki mom vahan aati hai. Sarah ko dhakke maar kar ghar se bhahar bejati hai as tomas ne sab ko bataa diyaa tha ki vo dono kal ek saath intimate the. Villagers bhi sarah ko paapi ke dhursti se hi dekharahe the. As vo zamana alag tha isliye unka behavior vaisa hi tha. Ghar pe George bhi Sarah ko daantataa hai. Yahan ham dekhatein hai sarah ke ghar me rakha saaraa khana sad chukaa hai. Unke pig ne apane hi bachhon ko khayaa liyaa tha. Yaani village me paranormal ghataanaayein hone lagi thi, sab ka khana bhi sad chukaa tha. Merryboy kutte ki body ko villagers kuvein me se miltaa hai. Matab paani bhi ab dushit tha. Villagers ko lagane lagtaa hai ye shaitaan ka kaam hai. village me se hi kisine devil ko vahan bulaayaa hai. Kisine paap kiyaa hai isliye devil vahan par aayaa hai.

Later Solomon Saraha se milne uske ghar par aataa hai jahan sarah use apane sexuality ke baare me bataati hai. Use bhi ab lagane lagaa tha ki kal raat woods me devil tha jo use and Hannah ko dekha rahaa tha. Solomon ise rubbish kehekar ignore karne keliye kehetaa hai. Tabhi inko logon ki chikhane ki awaz sunaayi detaa hai. Solomon jaakar dekhataa hai toh possessed Paster miller ne apane aap ko meeting house me lock kiyaa tha. Uske saath baahar bachhe bhi the including Henry and Constance. Pastor ne sabhi bachhon par hamlaa karke unki ankhon ko nikaal diyaa tha. later vo unhein maarne hi vaala tha tabhi Solomon under jaakar pastor ko hi maar detaa hai. But unfortunately koyi bhi bachha nahi bachtaa, sab ke sab maare jaatein hai. Ye meeeting hall part 2 ke mess hall vaale place par tha.

Raat me sabhi villagers meeting house me ek sabha rakhatein hai. Apane village se evil ko nikaalne ke baare me discuss karne lagtein hai. Koyi kehetaa hai ye witchcraft hai, koyi kehetaa hai ye sirph hamare village ko hi affect kar rahaa hai, padosi village me iska koyi effect nahi hai. Yahan ham solomon ke bhai Elijah ko bhi dekhatein hai jo logon ko lead kar rahaa tha. Solomon sab ko samjhane ki koshish kartaa hai but log sunane ke mood me nahi the. Unhein evil chahiye hi chahiye tha. Iska phayad uthakar Caleb sab se joot boltaa hai ki Hannah hi witch hai, vo aur sarah fier dono ek saath naked the, dono ne paap kiyaa hai, isliye devil village me aayaa hai. Logon yaahn in dono girls ko witch maanletein hai as vo bhadake huve the. Logic unke dimaag me jaanahi rahaa tha.

log dono girls ko pakad kar phansi dene ka decision letein hai. Vo unhein dhundane lagtein hai, pehele vo Sarah ke dad George ko maartein hai. Hannah ki mom Hannah ko pakadvaadeti hai. Hannah ek chappel me kaid thi tab sarah use chudavaane aati hai. Hannah vahan se jaaane se manaa karte huve keheti hai, log mujhe maar daalenge, tum yahan se bhag jaavo varnaa vo log tumhein bhi maar daalenge. Koyi ham par yakein nahi karega. Jispar Sarah keheti hai, hamne devil ke saath deal nahi kiyaa hai par phir bhi log maantein hai ki hamne kiyaa hai. Ab wakt aagayaa hai ki ham sach me devil ke saath deal karein taaki khud bach jaayein. Yaani donon ki jaan bachaale keliye sarah deal karnewaali thi.

Sarah ab widow ke ghar par aati hai, widow ko kisine pehele hi maar daalaa tha . vo book bhi bhi gayab tha. Sara ab chupate huve Solomon ke ghar par aati hai jahan vo use ek room me chupaataa hai. Solomon ke ghar ke bahar jab villagers check karne aatein hai tab vo unhein bhagaa detaa hai. Sarah ko us room ke under underground me ek opening dikhataa hai toh vo vahan par jaati hai. Ye solomon ka ghar hi second part me witch ka ghar tha. Jahan Alice, Cindy and Arine gaye the.

Niche Sarah ko vo hi devil stone dikhataa hai, uske center me candle light jal rahaa tha. Niche saaraa maze bhi create huvaa tha. Ise dekhakar sarah ko shock lagtaa hai. Later solomon aakar explain karne lagtaa hai, kehetaa hai usine devil ke saath deal kiyaa hai, power keliye, fortune keliye, usni ne pastor miller ka naam wall par likhatha. Vo sarah ko uske wife banane ka offer bhi detaa hai, ye solomon hi tha jisne sarah and hannah ko ek saath dekha tha. Solomon apane first wife and son ke death se aur garibi se tang aagayaa tha. Use comfertable life chahiye tha, isliye vo deal kartaa hai.

Sarah isase aggree nahi karti keheti hai vo uske bhai Henry ka khooni hai. Vo ab ye bath villegers ko bataane jaati hai. jise solomon rokakar uspar pattar se maartaa hai. Ye vahi scene hai jo hame part 1 and 2 me dikhaa tha, matlab jab bhi kisi ko visions aarahe the vo isi scene ka tha. Saraah ab solomon ko chaku maarkar bhagne lagti hai, raaste me vo us dhadakate heart kobhi dekhati hai. Vo pehele opeing par aati hai jahan se upaer jaane keliye chadanaa padataa tha. Yaani second part me toilet me jahan opening banaa tha vo vaala place. As sarah chadarahi thi tab piche se solomon aakar uspar hamlaa kartaa hai, hamle me vo chaku se uska haath kaat detaa hai. Sarah ka haat kat kar vahin par girtaa hai. yahi skeleton Alice ko second film me milaa tha.

Later sarah second opening se bahar aati hai jo khulta hai meeting house me, iske baahar hi log the jinhone Hannah ko pakadkar rakha tha. Solomon bhi ab usi raaste se aakar sarah ko pakad letaa hai, sab se joot boltaa hai ki sarah hi witch hai. Next morning sabhi log sarah and Hannah ko phansi dene lagtein hai, sarah Hannah ko bachaane keliye joot bolti hai ki vohi witch hai. Isliye villegers sirph sarah ko phansi par rakhatein hai. sarah solomon ko ek shap deti hai, keheti hai ye mera anth nahi hai, tumhein isaki saza milegi, mai har time tumhara picha karungi. Sab ko tumhare baare me bataate rahungi. Later Solomon sarah ko phansi de detaa hai. aage sabhi kids sarah ki body ko nikaal kar dusare place me properly burry kartein hai. Unhone nehi vahan par witch hamesha zinda rahegi vaale pattar ko gaadaa tha. Sarah Fier ke lock par likha tha.

Kahani ab saal 1994 me start hotaa hai, Deena ab sab kuch jaan chuki thi. Officer Goode bhi ab use dhundate huve us car crash site par aataa hai aur Deena ko dhundane lagtaa hai.Deena josh ke saath police car me hi bhagati hai, Josh ko and later C Burmen ko sab kuch bataati hai. Yaani officer Nick Goode, solomon Goode ka hi vanshaj tha.goode family teen sadiyon se shady side ke logon ko devil keliye bali de rahe the. khud prosperous horahe the. Office good ne hi Ryan Thomas ka, Sam ka naam wall par likha tha. Isiliye saalon se shadyside cursed tha.

Deena shady side par lage Goode Family ke curse ko mitaane keliye Nick ko hi maarne ka plan banaati hai. Jisase C. Burmen bhi agree karti hai. Ye teeno ab Martin se miltein hai jiska Nick ke saath dushmani kaaphi puraana tha. Ye chaaron ab mall me nick keliye trap ready kartein hai. Is baar Deena ka blood water me mix karke mall me chidakane lagtein hai. water gun me bhi paani bhar letein hai. yahn Martin Sam ko dekhataa hai. Use ye bhi pataa chaltaa hai ki Nick ne hi mall me spry paint kiyaa tha aur use joote case me phasaayaa tha.

Ab jabki Deena ko sachhyi pataa chalaa tha ise rokane keliye sabhi killers phir se aatein hai. Do police waale in bachhon ko mall me dhundate huve aatein hai toh killers pehele unhein maartein hai. Later traps ke kaaran char killers char room me phas jaatein hai. Officer goode bhi mall par aataa hai, jisase milne ke bahaane C. Burmen uspar khoon milaa huva water chidak deti hai. Water girte hi sabhi killers ko josh traps se release kartaa hai. taaki vo sidha jaakar nick par attack kare. But Nick bhi smart tha, vo C Burmen ko pakadkar rakhataa hai taaki yadi vo mare toh uske saath C Burmen bhi mare. Apane plan ko flop hotaa dekhakar Deena apne dusare haath ko kaatati hai jisase khoon behene lagtaa hai, killer ab uske piche padatein hai.

Nick goode bhagate huve ek room me jataa hai jiske under second opening tha, pehele ye meeting place tha, later banaa mess hall, ab ye mall ka ek room hai. Deena killers se somehow picha chudaate huve usi room me jaati hai. Charon kids ab charon killers par water chidaktein hai toh ye aapas me hi ladane lagtein hai. Nick goode ab us dhadakane vaale heart ke paas tha jahan usne sam ko bhi kaid kiyaa tha. Deena uspar yahan piche se hamlaa karti hai, dono me fight hotaa hai. Deena Nick ke haath ko heart par rakhati hai jisase use bhi visions aane lagtein hai, Sarah Fier ka voice sunaayi dene lagtaa hai. Nick bhi yahn confused state me tha jiska phayada uthakar Deena uske under chaku maarti hai. Uski aankha ko nikaal ti hai. Nick ke marte hi Devil ke saath Goode family ka deal bhi end hotaa hai. Sabhi killers gaayab hotein hai.devil stone bhi gayab hotaa hai. Sam bhi possession se bahar aati hai. Later ye dono us underground cave se bhar aatein hai jiska ek aur opening bhi tha. Jo aparently Nick Good ke ghar me khultaa tha. L ye dono sunnyvale me bhi accidents hote huve dekhatein hai. Matlab unko milrahaa devil protection ab chalaa gayaa tha. Nick Good ke satanic worshiping ek news bantaa hai, use serial killer kaha jaarahaa tha. uska bhai Will media se bachkar bhag rahaa tha. C. Burmen nurse Lane se milti hai aur use uski dairy deti hai. School me ek ladaki Josh ko apana chatting ID deti hai. Ye ladaki hi queen of air and darkness thi. Lol. Sam and deena ab dono ek saath the and khush the. End me ham us devil ki book ko usi underground area me dekhatein hai. Jise police ne seal down kiyaa tha. But end me koyi aakar us book ko vahan se le jaataa hai. Boom ye film yahin par end hoti hai.

Toh ye thi fear street series ki teen films. Part 3 me ham dekhatein hai curse actually sarah fier ka nahi balki goode family ka tha. Sarah fier ka curse toh sirph goode family ke upar tha. Jo bhi ladaki sarah ke bones ke paas aati thi toh bleed karne lagti. Uske bones ko khoon bhare haaton se chute hi unhein vision aate the. Part 1 me Deena and Sam ne bleed kiyaa tha. Sam ko visions aaye the as usne chuvaa tha. Part 2 me Ziggy bleed kar rahi thi jab sheila ne use ped ke biche latakaayaa tha. Alice ko visions aaye jab usne hand ko chuvaa tha. Later Ziggy ko bhi visions aaye as usne bhi use touch kiyaa tha.yahan sarah fier sirph girls ko hi vision dikharahi thi. Yahan dono curse the, ek devil ka curse shadyside par aur ek sarah ka curse good family par. Overall teeno films achhe the.



Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad