The 8th Night Explained In Hindi | Hinglish

The 8th Night Explained In Hindi | Hinglish


Doston aaj me recently netflix par release huvi korean horror movie ko explain karunga jiska naam hai The 8th hour. Ye Film ek Buddhist legend diamond sutra par based hai. Ye occult thriller, murder mystery, bhuddhist philosophy and folklore ka misran hai. Is film ke writer director hai Tae-Hyung- Kim. Ye film kaaphi non linear hai, first time ise dekhane par aap ko kuch samjaha me nahi aayega.

Buddhism ki original books Sanskrit bhasha me hai. isliye film ki shuruvaat me, hame sanskrit voice over me, is legend ke baare me bataayaa jaataa hai. 2500 saal pehele narak ka ek monster dharati aur narak ke beech ke door ko kholane lagaa. Tab bhagawaan buddha uske saamne aakar uski don aankhon ko alag alag kiyaa hai. Jisme uski saari taakat thi. Ye do aankhein thi black eye and red eye. But ye dono ankhen Buddha ke haathon se chutkar dur bhagane lagi. Buddha ne black eye ko pakadkar ek box me daaala. But Red eye bhag gayaa. Vo saath raat tak saat logon ko possess karke bhga rahaa tha. Aathave din use pataa chalaa ki uska bhagana bhi buddha ka hi ek maayaa tha. isliye vo aatave din buddha ke saamne surrender hone ka naatak kiyaa. Later buddha ne use bhi ek box me banda kiya. Ek box ko east me yaani korea me and dusare ko west me yaani india me chupaayaa.

Ab kahani saal 2005 me start hotaa hai, ham yahan ek Archaeologist Professor Kim ko rajashthan ke desert me dekhatein hai. Unhone yahan us red eye ki box ko dhunda nikaalaa tha. Uske saath sanskrit me likha ek warning plate bhi tha. Prof Kim claim kartein hai ki ye diamond sutra ka legend hai. Ab Us box ka carbon dating hotaa hai jahan vo 2500 saal puranaa box nahi nikaltaa. Balki results use recently banaayaa gayaa box kehetein hai. Prof Kim par dhokadadi ka case lagtaa hai, media use dhokebaaz keheti hai. Prof Kim isase kaaphi gussa hotein hai, vo media se, sabhi logon se badalaa lene ka prana kartein hai. unhein puraa yakin tha ki ye asali hai.

Ab saal hai 2019, purna chadra grahan ka din hai jahan chand ka colour reddish tha. Isliye ise blood moon bhi keherahe the. Legend ke mutaabik blood moon ke din hi red eye ko jagaayaa jaasaktaa hai. Prof Kim ab us box ko kholatein hai, usme ek chota pattar tha, uspar che logon ka blood sample daaltein hai. Apane hateli ko kaatkar apana bhi khoon uspar daaltein hai. Ab yahan kuch nahi hotaa, apani life long theory ko galat maankar vo ab suicide karne lagtein hai. Tabhi box me halchal hone lagtaa hai, pattar eye ki shape me convert hokar, Prof Kim ke saamne aataa hai. Later use possess kartaa hai.

Korea me Black eye ki raksha sadiyon se buddhist monks kar rahe the. Iskeliye inka ek dedicated monastery bhi tha. Yahan ham old monk Bhante Hajeong ko dekhatein hai jinhe ab Red Eye ki jaagane ka abhas hotaa hai. Unke paas hi black eye ka box tha. Bhante Hajeong ka health kharab tha vo kuch hi din ke mehemaan the. Ab Day one hai , yahan ham ek construction site par Park Jin-soo naam ke ek aadami ko dekhatein hai. ye ek ex-monk tha aur Bhante Hajeong ka shishya rehe chukaa tha. Monastery me park Jin-soo ka naam Bhante Seonhwa tha.

Monastery me ham Cheong-seok naam ke ek teenager trainee monk ko dekhatein hai, jo do saal se maunvrat par tha. Bhante Hajeong Cheong-seok ko bulaakar ab us legend ki aage ki kahaani kehetein hai. Buddha ne dono eyes ko alag alag places me daphanaakar apane do shishyon ko korea bhejaa. Ek Virgin shaman tha aur dusaraa naamhin monk tha. Inka kaam black eye ko protect karnaa aur red eye ko rokanaa tha. Legend ke mutaabik sadiyon baad blood moon ke din red eye phir se jaagegaa, use ek helper madad karega. Vo saat raat tak saat logon ko possess karke finally 8th night ko black eye se milega. Ab red eye jaag chukaa hai, hame use rokanaa hogaa. Saaton me se kisi ek kobhi ham maardenge toh red and black eye ka milan nahi ho paayega. Narak ka door nahi khulega. Ab Bhante Hajeong Cheong-seok ko bhante Seonhwa ko dhund kar monastery laane keliye kehetein hai.

Aage ek dusare shehar ke jungle me ham ek shikhaari ko dekhatein hai jo kharagosh ka shikhaar kartaa hai. Tabi uske shoulder par hame kisi ka haath dikhayi detaa hai. Ab day second hai. Jungle ke paas me hi four seasons naam ka ek hotel tha. Vhan par ham seo-suk naam ki lady ko uske boyfriend ke saath ek room me dekhatein hai. Lady keheti hai ki pichale saal tak vo ek meditation camp me jaayaa karti thi, vahan use free health check up aur attended karne keliye paise bhi milte the. Is camp ko prof Kim hi chalaa rahe the. Yaani usine is lady ka blood sample nikaalaa tha, usne use ab red eye ke upar daal diyaa tha. Ab ham us shikari ko dekhatein hai jo red eye se possess hochukaa tha, vo lady ki khoon ko sungate huve uske room par aataa hai.

Monastery me Cheong-seok ko sapane me Bhante Hajeong ka ek vision aataa hai, vo use black eye ka box dekaar use Bhante Seonhwa ko dene keliye kehetein hai. Next morning Cheong-seok ko pataa chaltaa hai ki Bhante Hajeong gujar gayein hai. Unsake baaju me vo box tha.

Ab third day hai. Police officer Ho-tae and team four season hotel aatein hai. Vahan us lady ka boyfriend ka khoon huvaa tha, lady ka saaraa saamaan vahin tha, vo shikari aadami ke body bhi vahain thi, jo ek hi raat me ek dam sad chukaa tha. Usase tez badabu aarahi thi. Uska ceheraa cctv par kaid huvaa tha isliye police ko murder ka shak uapar jaataa hai. But yahan vo lady bhi missing thi.

Cheong-seok ab dusare monk se Bhante Seonhwa ka address letaa hai, box ke saath use dundane nikal jaataa hai. Seonhwa yaani Park Jin-Soo ko ham akele me ek candle ke saamne dekhatein hai. Use kayi saare aatmaayon ke awaz sunaayi derahaa tha, vo shaman tha, uska kaam aatmaavon ko afterlife me bhejanaa tha. But for some reason usne vo kaam choda diyaa tha, isiliye aataamayein use pareshaan kar rahi thi. Unhein bhejane keliye keherahi thi.

Ab day Four hai. Cheong-seok Park Ji-Soo ko dhundate huve uske sheher me aataa hai. Railway station par uski box vaali bag chori hojaata hai. Yahan ham ek ladaki ko uske paas dekhatein hai jiski importance hame aage pataa chalegaa. Officer Ho-tae ko lady Seo-suk ki body ek restaurant me miltaa hai, vo bhi shikaari ki tarah ek dam sada huvaa tha. Officer Ho-tae yahan confuse tha use ye ab serial killings lagane lagtaa hai. Vo Forensic team ko saare evidence thik se check karne kelye kehetaa hai. Yahan Dong-Jin naam ke ek dusare officer ko bhi ham dekhatein hai jo kabhi officer Ho-tae ka partner huvaa kartaa tha. Saal bhar pehele ek accident me usne Ho-Tae ki jaan bachaayaa tha. Vahan vo paani me gir gayaa tha, uska pair tut gayaa tha.us accident me uske sar par bhi chot lagaa tha tab se vo desk job par kaam kar rahaa tha. Police chieff ko Dong-Jin ko nikaalanaa chahataa tha as vo vahan kaam karne keliye ab fit nahi tha. But Officer Ho-tae use vahan rakha rahaa tha as a curtsy.

Is case ko dekhakar Dong-Jin ek wried idea suggest kartaa hai. Kuch din pehele dusare police station par aisa hi ek difficult case aayaa tha. Tab Dong-Jin ke friend ne Virgin Shaman naam ki famous shaman ki madad liyaa tha. Tab case vahan aasani se slow huvaa tha. Vo yhana bhi usi shaman ki madad lene ki baat kartaa hai jispar officer Ho-tae use daantaa hai.

Cheong-seok park Ji-soo se milkar use chitti me likha kar kehetaa hai, Bhante Hajeong gujhar gayein hai, unhone kahaa hai ki monster jaaga gayaa hai. Cheong-seok yahan abhi bhi maunvrat par tha. Aage ham ek delivery guy ko ek tunnel ke paas apani scooter rokate huve dekhatein hai. Adhi raat ko vahan ek ladaki khadi thi jise vo pehechaan jaataa hai. Ye dono bhi usi meditation camp me gaye the jahan vo lady Seo-suk gayi thi. Vo ladaki yahan red eye se possess thi, vo us delivery guy ko apana nayaa shikaar banaati hai. Basically ye sabhi log red eye keliye stepping stone the. Aage ham us delivery guy ko virgin shaman ke ghar ke saamne dekhatein hai, jhagan ek ladaki use khoon ka sample dikhati hai. Ye vahi ladaki thi jisne Cheong-seok se box churaayaa tha.

Park Ji-soo ko bhi ab Bhante Hajeong ka ek vision aataa hai. Vision me vo kehetein hai, mai dekharahaan hoon tumhare piche kayi aataamyein padi hai. Tumhe unhein aage bhejanaa hogaa. Yahi tumhari karmaa hai. Park Ji-soo ke piche hame kayi saare ankhein dikhayi detaa hai implying ki antmaan vonkaa nazar uspar hi hai. Bhante Hajeong the virgin shaman ko the seventh stepping stone kehetein hai aur use maarne keliye bhi kehetein hai.

Ab day five hai. Park Ji-soo ek puraane bag nikaaltein hai jisme ek kulhadi, ek maalaa, ek letter , ek khoon lagaa huvaa shirt tha. Vahaan virgin shaman ka ek photo & address bhi tha. vo basically Bhante Hajeong ki shishya hi thi. Park Ji-soo and Cheong-seok ab us address par jaatein hai, jaate time Park-Ji-soo Cheong-seok keliye naye boots, khana dilaatein hai. Monastery ke baahar Cheong-seok akelaa first time ayaa tha isliye shehar ko dekhakar kaaphi khush tha. Khushi ke chakaar me vo apana maunvrat bhul jaataa hai and Park Ji-Soo ko thanks kehetaa hai.

Officer Ho-tae ki team ko us ladaki ka dead body usi tunnel ke paas milta hai. Uska bhi body ek dam sad chukaa tha. Park Ji-soo ko us address par shaman nahi milti as vo dusare sheher shift huvi thi. Yaani usi sheher jahaan ye sab killings horahe the. Ye dono ab us sheher keliye nikaltein hai. Ham ek school girl ko virgin shaman ke ghar ke saamne dekhatein hai, jahan vo ladaki phir se use khoon ka sample deti hai. Is baar hame uske backround me ek aur aurat dikhati hai jiske baare me hame aage pataa chalegaa.

Park Ji-Soo ko railway station par ek memory haunt kartaa hai. 20 saal pehele uska ek car accident huvaa tha, jisme usi wife and betaa mar gaye the. Accident karne waali lady ne bhi suiside kiyaa tha, marne se pehele usne Park Ji-soo keliye ek letter bhi likha tha. Cheong-seok usi lady ka betaa tha jo aage Monastery me palaa badaa. Isiliye Park Ji-soo yahan usase achhe se baat bhi nahi kar rahaa tha.

News me ye serial killings ek hot topic tha, jise ab Park Ji-soo dekha letaa hai. Ek map me sabhi murder site ko mark kartaa hai, uska guess tha ki virgin shaman ka ghar in killings ke nazdik hi honaa chahiye. Vo and Cheong-seok ab split hokar ghar ko dhundane lagtein hai. Park Ji-soo tunnel ke paas aakar killing site ko dekha rahaa tha. Jise ab officer Ho-tae bhi dekhaletaa hai. Vo usase ID maang kar back offfice me check karne keliye kehetaa hai. Jab Ho-tae use bag dikhane keliye kehetaa hai tab Park Ji-soo bhagane lagta hai. Indono ke beech fight hotaa hai, map vahin par girjaa taa hai and Park Ji-soo bhag jaataa hai.

Cheong-seok ko virgin shaman ka ghar miltaa hai, tabhi baarish aane lagtaa hai. Cheong-seok under jaakar baita tha hai jahan vo ladaki use tea deti hai. Yahan hame vo aurat bhi dikhati hai. Virgin shaman ke ghar se aate time Cheong-seok ko school girl dikhati hai. Vo red eye se possess huvi thi jahan red eye use chehere ko phadkar Cheong-seok dekhataa hai. Cheong-seok ise dekhakar dar jaataa hai and bhagane lagtaa hai.

Police station me Dong-Jin Ho-tae se kehetaa hai Park Ji-Soo monastery me ek exorcist tha. Yaani evil spirits ko nikaalne waalaa. Ek case me usne ek aadami ko pit pit kar exorcism kiyaa tha. Tab uspar korean Buddhist association me case daalaa as vo officially recognized nahi tha, use monk ki padavi unhone nahi diyaa tha. Isliye vo kuch saal tak fraud monk ke case me jail me bhi rahaa aur ab construction worker hai. But do din se missing hai. Ho-tae ko tabhi uske haaton se giraa map yaad aataa hai jise lene vo Dong-Jin ke saath jaataa hai.

Raaste me Dong-Jin use vahi virgin shaman ki banaayi huvi ek taaviz detaa hai jise usne apane khoon se banavaayaa tha. Ho-tae aise chizon par yakin nahi rakhataa tha but Dong-Jin ke dabaav me rakha letaa hai. Unhein vahan vo map miltaa hai. Ye conclude kartein hai ki is ilaake ke missing log hi serial killer ka agla shikaar hai. Unhein pataa chaltaa hai ki ek high school girl do din se laapata hai. Vo pichale saal bhi aise hi laapataa huvi thi jahan vo baad me ek meditation camp me mili. Later Dong-Jin kehetaa hai paas ke pahaad par ek aur dead body milaa hai jiski haalat bhi is case ke baaki victims ki tarah hi hai. Vo ab station jaakar uski file dekhane lagtaa hai.

Cheong-seok Park Ji-soo ke paas aakar use virgin shaman ka address detaa hai. Jab use pataa chaltaa hai ki park Ji-soo uska khoon karne waalaa hai toh vo isase sehemat nahi hotaa. Vo pharan vahan se bhagakar shaman ko bachane jaataa hai. Park Ji-soo bhi uske piche jaataa hai. Ho-tae usi ilaake me tha tab use Dong-Jin ka phone aataa hai, vo kehetaa hai aaj subah pahad par jis aadami ki body hame mili vo Prof Kim ka hai. Vo hi saal 2016 se meditation camp chalaarahaa tha, hairaani ki baat yahan ye hai ki, jitane bhi log mare hai vo sabhi is camp ko attend kar rahe the. Dong-Jin yahan shock me tha as missing school girl and local a virgin shaman bhi us list me the.

Ho-tae usase shaman ka address lekar use bhi vahan bulaataa hai. Later usko phir se Park Ji-soo dikhataa hai jisake haath me kulhadi tha. Vo use hi follow karne lagtaa hai. Park Ji-soo shaman ke ghar par aataa hai, use ek aurat ek kamare me kaid dikhati hai. Usaka cheheraa dahakaa huvaa tha. Jaise hi vo use maarne jaataa hai oficer Ho-tae uspar attack kartaa hai. In donon ke beech fight hotaa hai. Tab vo possessed school girl vahan aakar Ho-tae ko uthakar phenkati hai. Use chute hi uska haat jaltaa hai as Ho-tae ke paas taaviz tha. Ho-tae yahan behosh giraa tha. School girl park Ji-soo se keheti hai vo yahan se bhag gai hai. Vo bhi ab vahan se bhagane lagti hai.

park uske piche kulhadi lekar bhagataa hai. kulhadi par apana khoon lagaakar kuch chanting kartaa hai. Tabhi usko uske piche padi aatmaayon ki awaz sunaayi dene lagtaa hai. Vo sabhi ab use chodakar jaarahe the as vo kehetein hai, ye marega, ye ab hame mukti nahi dilaayega. Park Ji-soo ko ye sunkar thoda shock lagtaa hai but vo aage badataa hai. As use apani life ki koyi chintaa nahi thi.

Later school bhagte huve Dong-Jin se takaraati hai, takaraate hi uspar chada jaati hai, use kaatkar possess karti hai. Park Ji-soo tabhi kulhadi se maarne aataa hai but Dong-Jin use uthake patak detaa hai. Usase kehetaa hai tum yahan nahi maroge, use monastery jaane keliye kehetaa hai. Cheong-seok us ladaki ko bhi train se monastery lejaa rahaa tha.

Ab day seventh hai. Park Ji-soo ko Bhante Hajeong ka ek aur vision aataa hai, jahan vo kehetein hai monster ab seventh stone par hai, mere marne ke baad ab tumhi monastery ka uttaraadhi kaari ho, yaani 8th night ke din vo red eye tumhe possess karega and tumse narak ka door khulvaayega. Tumhein usase ladanaa hogaa, use rokanaa hogaa. Next day Cheong-seok and lady Monastery ke paas aatein hai, unke aate hi mausam kharaab hotaa hai, andheraa chane lagtaa hai. Cheong-seok us lady ke ek small ghar par teheraataa hai. Possessed Dong-Jin bhi monastery aakar monks ko maartaa hai Bhante Hajeong ke body ke samane baita kar hasane lagtaa hai.

Officer Ho-tae ko school girl ki body milti hai, Dong-Jin ke bhagane ki photo cctv me kaid huvaa tha. Park Ji-Soo monastery par usi ghar par aataa hai jahan Cheong-seok rukaa tha. But strangely yahan vo lady gayab thi. Cheong-seok ko samjah me nahi aataa ki aakhir vo kahan gaayab huvi. Vahan par black eye ka box bhi apane aap aagayaa tha jise us ladaki ne churaayaa tha.

Officer Ho-tae phir se virgin shaman ke ghar jaataa hai aur doston yahan par khultein hai asali patte. Us ghar me ek aurat thi jo keheti hai vo hi asali virgin shaman hai. Vo bhi meditation camp me gayi thi,vahan peheli baar usene Ae-ran ko dekha. Yaani vo ladaki jo Cheong-seok ke saath gayi thi. Ae-ran ek ghost thi. Bachapan me usne bahut saare abuse sahi thi, vo suicidal thi. Prof Kim ne use adopt karke use education dilaayaa. Jab sab log use dhokebaaj kehene lage tab usne Ae-ran se help maangi. Red Eye ki tablet me likhaa tha, use jagaane se pehele uskeliye kisi lady ko sacrifice karnaa hogaa. Aage vo lady ghost bankar monster ki servant banegi. Ae-ran ne tab suicide kiyaa tha, ghost bani thi, sabhi logon ke mind control karke unhein meditation camp me laayaa tha.

Shaaman aage keheti hai kuch din pehele officer Dong-Jin uske paas taaviz banaane aayaa tha, tab maine usase uska khoon liyaa. Joot bolaa ki ye taviz keliye hai but asal me vo red eye keliye tha. Seventh stepping stone mai thi but Ae-Ran ne mera postion change karke Dong-Jin ko seventh stepping stone banaadiyaa. Sabhi che logone suicide karne ki koshish ki thi, unhein Ae-Ran ne bhi bachaakar use kiyaa. Shaman yahan rote huve keheti hai maine ye sab sirpf apani jaan bachaane keliye kiyaa hai. Vo officer Ho-tae kobhi monastery jaane keliye keheti hai.

Monastery me Park Ji-soo Dong Jin keliye ek trap ready kartaa hai. Apane aas paas ke area ok ek thread se cover kartaa hai, uske beechon beech aag lagaataa hai. Cheong-seok ke jacket par bhi apane khoon se om symbol likhataa hai. Ab 8th night ko Possessed Dong-Jin sidhe Park Ji-soo ke paas aataa hai, uska trap,chanting kuch kaam me nahi aataa. Dong-Jin kehetaa hai 8th stepping stone vohi hogaa jo uttaraadhikaari hai, tum monastery chodchuke ho, isliye tum uttaraddhi kaari nahi ho, Cheong-seok asali uttaradhikaari hai. Tum hari life ek niraasha se aur kuch nahi hai. Dong-Jin use ab ek gun detaa hai suicide karne keliye, Cheong-seok ke saamne Ae-ran aati hai jo uska jacket nikaal deti hai. Vo ab possessed state me tha. Tabhi park Ji-Soo Dong-Jin par goli chalaataa hai. Isase gusseme vo apane under ke sabhi che aatmaavon ko park Ji-soo par attack karne keliye bhejataa hai. Ham che black figures ko dekhatein hai jo chaaron aur se park Ji-soo par hamlaa kar rahi thi. Tabhi hame Bhante Hajeong ke body se om ka sound sunaayi dene lagtaa hai, vo charon aur se un aatammyon ko bhagaa taa hai, Cheong-seok ko possessed state se bahar nikaal taa hai.

Cheong-seok bhagane lagtaa hai, kuch dur jaane ke baad officer Ho-tae bhi vahan aataa hai. Vo Dong-Jin ko possessed state me dekhakar dar jaataa hai, Dong-Jin use uthakar dur phenkataa hai. Vo ab sidhe Cheong-seok ki aur badhane lagaa tha, tabhi piche se park Ji-soo uspar goli chalaataa hai, chanted kulhadi se marane jaata hai. Officer is sab ko dekhakar Park Ji-soo par bhi goli chalaataa hai. Is sab ke shoot out me red eye Cheong-seok ko finally possess kartaa hai. Dong-Jin ka body bhi sadataa hai, later possessed Cheong-seok Ho-tae ko uthakar ped par maartaa hai jahan vahain vo mar jaataa hai.

Park Ji-soo ke paas possessed Cheong-seok aataa hai jahan vo khud ko possess karne ka offer detaa hai. Possessed Cheong-seok black eye ki box ko kholtaa hai, dono eyes unite hotein hai. Upar aasamaan me narak ka door khulataa hai. Possessed Cheong-seok park Ji-soo ko aakhari maukaa detaa hai, kehetaa hai is bachhe ki maa ke vajaha se tumhe pidaa ka samnaa karnaa padaa, tumhaare man me iske prati grinaa hai. Is bachhe ko maar daalo, apane aap ko free kar daalo. Ham park Ji-soo ko ek vision me dekhatein hai jahaan Cheong-seok ek bachha tha.

Park Ji-soo uska galaa nahi dabaapaataa , vo apane pidaa ko dard ko tyag kartaa hai. Cheong-seok ke upar khoon se scared symbol likhataa hai. Later asali duniyaa me Possessed Cheong-seok ko pakad kar chanting karne lagtaa hai. Jisase Cheong-seok ke upar ka symbol shine karne lagtaa hai, As park Ji-soo exorcist tha usne ab red eye ko apane under forcefully leliyaa tha. Isase Cheong-seok possession se free hotaa hai, later vo chanted kulhadi se park Ji-Soo ke sar me maartaa hai as red eye vahin par tha.

Next ham Cheong-seok ko rajasthan India me dekhatein hai, vo red eye ko usi keplace me phir se burry kartaa hai. Ae-ran ka ghost usase hi bandha huvaa tha jise bhi todataa hai. Shaayad aage vo use afterlife me bhejegaa. Boom film yahin par end hotaa hai.

Toh doston ye thi the 8th night film ki kahani. Title ka meaning hi dep hai. 8 nights means ki aapke paas sirph 8 raat hai monster ko rokane keliye. Yadi aap 8 ko ultaa karenge toh ye infinity banegaa, meaning ki ye monster ka jaaganaa ananth kaal tak jaai rahegaa, yahi buddhists monks ka karma and fate hai. 2500 saal pehele ek virgin shaman and ek naamhin monk ko is kaam keliye chnaa gyaa tha. Yahan Cheong-seok virjin tha, park Ji-soo apana monk name Seonhwa tyaga kar naam hin monk banaa tha.

Ek scene me Bhante Hajeong black eye and red eye ka matalab bhi samjhaatein hai. Jab bhi koyi insaan chintaa me padataa hai tab uski aankein black hojaati hai, use baaki kuch dikhayi nahi detaa sirpf apani problem dikhai detaa hai. Vahin peeda se jujrahaa insaan gusse ka shikaar hotaa hai, vo apane peeda ko gusse se prakat karne lagtaa hai. Yahan black eye chintaa hai aur red eye peedaa hai. Jab insaan ke jeevan me chitaa and peeda dono ek saath aajaayein toh zindagai tabaah hojaati hai. Film insaan ko apane karmon ke baare me bhi keheti hai park ji-sso apne monk waali karma se bhaganaa chaharahaa tha, but vo bhag nahi paaya. Buddhism ke mutaabik har insaan apane karmon se bhag nahi saktaa, Jivan nashwar hai but is nashwartaa se koyi bhag nahi sataa. yahi karma hai.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad