The Exorcist Season 2 Episode 6,7,8,9 , 10 Explained In HIndi | HInglish

The Exorcist Season 2 Episode 6,7,8,9 , 10 Explained In HIndi | HInglish


Episode Six ke shuruvaat me demon nikki ke roop me Andy ko seduce karne lagataa hai. Andy bhi yahan dhire dhire possess hone lagaa tha. foster department truck ko ab psychiatric ward bhejatein hai jahan ab uska evaluation honaa tha. Andy and Rose usase milne jaatein hai jaahn andy visibly angry tha. Vo akasar demon Nikki se baat karne lagaa tha jo Rose ko odd lagtaa hai. As use andy sirph akele me apane aap se baat karte huve dikharahaa tha. Thomas Marcus ko vo patthar dikhakar uske vision ke baare me kehetaa hai. Dono Rose se milkar ye saari baat discuss kartein hai jahan ab use bhi Andy par shak hone lagaa tha. Vo indono ko dinner ke bahane ghar bulaati hai. Andy ko Rose ka is tarah bina bataaye donon ko invite karna achha nahi lagtaa. Nikki use kaan me keheti bhi hai vo ham donon ko alag karne aarahein hai.


Father Devon and Mouse ab chicago me the, vo Mario walters ke ghar me forcefully ghustein hai. Maria ko Cancer huvaa tha aur vo terminal thi. Isase uske under ka demon bhi khush nahi tha, as use aisa vessel milaa tha. Mouse uske under saline ki tarah holy water daalkar usase conspiracy ke baare me puchati hai. Jiske chalte maria ke aankha se, muh se khoon nikalne lagtaa hai. Demon khas kuch nahi kehetaa balki thomas ko conspiracy ka agala shikar kehetaa hai.


Marcs and thomas dinner kartein hai and later Andy ke saath casual discussion karne lagtein hai. Yahan Marcus Andy ko emotionally uksaarahaa tha, stress me vo uska response jaananaa chaharahaa tha. Nikki marcus ke piche khadi hokar Andy ko shant kar rahi thi. Thomas ko yahan ek aur vision aataa hai, jab andy uske liye tea daalne jaataa hai, tab tea cup khoon se overflow hotaa hai. Marcus and Andy ke beech tez behes hotaa hai, jisase marcus confirm kartaa hai ki Andy ke under ghost hai. Rose indono ko shat karti hai toh Andy uspar bhi chillataa hai. Later vo indono ko ghar se baahar bhejataa hai.

Ab ghar ke sabhi bachhon ka jaan khatare me tha. isliye ye dono kuch pal baad phir se chupa ke se is ghar me ghusane ka decision letein hai. Thomas ko finally yahan realise hotaa hai ki uska visions koyi gift nahi hai balki ek curse hai. As use vo ab haunt kar rahaa tha. Jispar marcas kehetaa hai aaj vahi in bachhon ki jaan bachaa rahaa hai.

Udhar chicao me Mouse and father Devon mario se puchataach kar rahe the. Maria ke under ka Demon ab marcus ke voice me mouse se kehetaa hai my little church mouse, thumhe yahan kuch nahi milega. Mouse Marcus ko achhe se jaanti thi jiske baare me hame episode 8 me pataa chalega. Mouse ab tang aachuki thi, vo ab sidhe maria ke sir par goli maarti hai. Last time vo demon chaaron aur ek blast kartaa hai jisase vahan lagaa chandelier niche girtaa hai. Jisase Father Devon ke pet me ek glass ka tukada ghusataa hai , jisase vo bleed karne lagtein hai.

Later andy and rose openly baat karne lagtein hai, rose keheti hai un donon ko lagtaa hai ye ghar haunted hai. Yahan ek demon hai. Jispar Andy kehetaa hai Nikki ke death ke baad maine apane emotion ko dabaadiyaa tha, jo mujhe under hi under khaye jaarahaa tha, vo trauma mujhe pehele ek bachhi ke roop me dikha, ab nikki ke roop me dikharahaa hai. Yaani Andy yahan nikki ko apana hallucination maanrahaa tha. Later Andy and rose intimate hone lagtein hai jahan use nikki phir se dikhati hai. Is baar vo real me dar jaataa hai, nikki ki ankhein yahan white thi.

Isibeech harper ki mom Mis Graham bhi psychiatric hospital se bhagkar is ghar par aati hai. Vo harper ko chaku dikhakar use vahan se lejaane lagti hai. Jaate time uska saamnaa marcus and thomas se hotaa hai , jo Mrs Graham ko rokatein hai. Inme fight start hotaa hai, inke shor se sabhi bachhe utjaatein hai. Vo andy ko bulaane lagtein hai. Andy ab nikki ke possession me aarahaa tha, nikki ab ghar me sabhi logon ko havaa me utaathi hai, rose bhi float karne lagti hai. Andy ab fully possessed tha vo Rose ka glaa dabaane lagtaa hai. Jab use verity ki chikhane ki awz sunaayi detaa hai toh baahar aataa hai. Baahar aakar Mrs Graham ko unke hi chaku se maar daaltaa hai, uski blood se latpar finger print ka nisshan ab deewar bantaa hai. Later vo bhi jor jor se tadapane lagtaa hai as nikki usase intregration karne jaarahi thi. Marcus and thomas apana cross nikaal kar uspar exorcism karne lagtein hai. Isike saath episode six end hotaa hai.

Ab episode seven ko yahan kuch jyada hi khincha gaya hai. Isme story jyada kuch aage nahi badati . Marcus and thomas andy ko ek room me baanda kar uspar exorcism karne lagtein hai. Yahan ham Andy ke memories ko dekhatein hai, jo ki thi Nikki ke suicide ke dinka. Us din Andy subaha utatha hai aur use nikki ghar me kahin nahi dikhati. Later use vo lake me jaate huve dikhati hai vo use bachaane jaataa hai but bachaanahi paataa. Nikki lake me doobkar marjaati hai. Police jab uski body nikaaltein hai tab uske haath se vo pattar girtaa hai. Ye vahi pattar tha jo thomas ko studio me milaa tha. Yahan ham ye bhi dekhatein hai ki kaise nikki ne variety ki madad kiyaa, kaise vo caleb and truck ko sambhal rahi thi. Time ke saath use ye sab mushkil lagne lagataa hai,dhire dhire vo ab depression ka shikar hone lagti hai.

Marcus and thomas andy par exorcism bhi kar rahe the, but uska koyi phayada hote huve dikhanahi rahaa tha. Ye demon kaaphi powerfull tha. Ye scene me andy thomas se kehetaa bhi hai ki maine Mrs Graham ka khoon nahi kiyaa hai. Vo demon hai jo karvaa rahaa hai. Demon yahan Andy ki memories ko manupulate karke possess karrahaa tha. Peheli baar vo andy ko grace ke roop me dikha thaa. Demon ab andy ko thomas and marcus ka ek altered vision dikhataa hai, jisme ye dono demonic dikharahe the. Andy ab us demon se haar rahaa tha, demon andy ko completely possess karke jor se chillataa hai. Jisase marcus and thomas niche girtein hai. Yahan ye demon baaki demons ke mukaabale kuch jyada hi hoshiyaar and powerful tha. Isike saath episode saath ka bhi anth hotaa hai.

Doston Ab episode 8 ki shuruvaat me ham sabhi bachhon ko unke padosi Russ and Collen ke ghar par dekhatein hai. Andy par teen din se exorcism horahaa tha. But uski haalat me koyi improvement nahi tha. Rose yahan sabhi bachhon ko ek bad news deti hai, vo ab unsab ko naye fosterhome me shift karne waali thi. As Andy ki halat sudharte huve dikhanahi rahaa tha aur usne murder bhi kiyaa tha. Sabhi bachhe ab alag alag ghr ko jaane waale thi jisase sabhi behad dukhi hotein hai.

Mouse and Devon bhi ab Seattle aatein hai, jahan Devon ki haalat kharab thi, uska fever bada rahaa tha. Mouse ab use ek hospital me admit karaati hai. Yahan hame Mouse and marcus se juda huva history dekhane ko miltaa hai. Marcus apane younger days me vatican me exorcism sikha rahaa tha. Mouse vhan ki ek nun thi. Ye dono achhe dost the. Mouse bhi yaahn marcus ki field ko lekar kaaphi curious thi.vo chupke se marcus ki training ko observe karke use sikharahi thi. Ek din vo khud ek possessed insaan ke saamne jaakar exorcism karne lagti hai. Vo abhi bhi kachhi thi isliye demon uspar hamlaa karke usehi possess karletaa hai. Marcus kayi dinon tak mouse par exorcism kartaa hai but koyi fayada nhi hotaa. Later church ke officials senior exorcist ke madad se mouse ke under ka demon ko nikaaltein hai. Ek senior priest mouse and marcus ko is sabkeliye daantataa bhi hai.

Sabhi bachhe ab jaane keliye ready hotein hai,. verity ke paas Andy ka diya huvaa ek book tha jo vo gusse me russ ke ghar ke dustbin me phenkati hai. Vo apane sabhi siblings ke bichadane se gusse me thi. Marcus Rose se kehetaa hai, hame andy ko distract karnaa hoga, uske samne bachhon ko laanaa hogaa. As unke saath uska emotional bonding hai. Rose ise manaa karti hai as ye bachhon keliye khataraa tha. Verity inki baaton ko sunkar andy se milne ka zidd karne lagti hai. Vo bait banane keliye ready thi. Marcus yahan bilkul vaisaa hi karnaa chaharaa tha jaise usne pichale season me Cassy ke saath kiyaa tha. Vahan angela bait thi.

Andy ko is haalat me dekhakar veriety ko shock lagtaa hai. But vo darati nahi hai. Vo datakar demon ke saamne khade hokar Andy ko pukaarne lagti hai, use thanks keheti hai as usne and Nikki ne use bachaayaa tha. Uska dekhabaal kiyaa tha. Use ek new life diyaa tha. Andy kuch pal keliye possession se baahar aakar verity ko yahan se jaane keliye kehetaa hai. Vo apana control kho chukaa tha. Rose verity ko dock par laati hai jahan baaki bachhe the.

Idhar hospital me doctors devon ko ventilator par rakhatein hai, uski haalat bhi ab gambhir thi. Mouse apana mission jaari rakhate huve thomas and marcus ke paas jaane lagti hai. Ye dono ab rotation me exorcism kar rahe the jahan thomas ko ek vision dikhataa hai, demon nikki ke roop me Andy ke upar hi baitaa tha. Ise aise achanak dekhakar thomas ke haat se ek glass niche girtaa hai. Yahan Galss ke ek tukade ko Andy apane haaton me chupaa letaa hai.

Later verity vaapas Russ and Collen ke ghar ki aur aane lagti hai. as use ab Andy ki dihuvi book chahiye tha. Rose use ab unke ghar tak lejaati hai. Next scene me ham dekhatein hai marcus sorhaa hai, Andy free hochukaa hai aur thomas ek vision reality me trap huvaa hai. Thomas ko vision me vo aur marcus Andy par exorcism karte huve dikharahaa tha jabki reality me vo trapped tha. Verity ko Russ and Collen ki dead bodies dikhati hai jise Andy ne maar daalaa tha. Andy yahan us glass ke tukade se rassi ko kaat kar bhagaa tha. Andy verity and Rose ko ab kidnap kartaa hai. Episode 8 yahin par end hotaa hai.

Episode nine ke shuruvaat me ham marcus ko dekhatein hai jo ab jaag gayaa tha. Vo thomas par exorcism karke uthane jaataa hai but koyi phayada nahi hotaa. Thomas vision reality me trap huvaa tha jahan vo bishop tha. Vahan uski sister tara bhi thi jo use uske pravachan keliye ready kar rahi thi. Thomas ko yahan kuch samjha me nahi aataa but tara kehei hai vo 20 saalon me sabse youngest bishop hai. Basically yahan demon me ek fake world create kiyaa tha jahan thomas ab trapped tha. Vo logon se bhare huve church me pravachan dene jaataa hai jahan ham cassy kobhi dekhatein hai.




Mouse ab seattle ferry ke parking area me thi jahan do gunmen uspar hamlaa kartein hai. Ye dono vahi devil worshipers ke gang se the. Mouse and inke beech ab gunfight hotaa hai jahan dono gunmen maare jaatein hai. Marcus russ and collen ke ghar par aataa hai jahan use unki dead bodies dikhati hai. Yahan hame kuch scenes ko flashback ke taur par dikhayaa jaataa hai. Kal raat Andy ne Rose and verity par hamlaa kiyaa tha, unhein pakadkar usi haunting house me rakhaa tha jise hamne first episode me dekha tha. Marcus ko Russ ke ghar se kayi suraag miltein jise vo follow kartaa hai.




Ab Andy dock par aataa hai jahan Caleb,harper and Shelby the. Vo unse joot boltaa hai ki uske under ka demon chalaa gayaa hai, unsabhi ko vo vaapas ghar lejaane lagtaa hai. But ghar lejaane ke bajaaye vo unhein usi haunted house ke paas laataa hai and torture karke unhein bhi Ross and verity ke saath rakhataa hai. Andy ke under ka demon sabko ek ek karke maar daalne vaalaa tha as vo aisa pichale 50 saal se kartaa ayaa tha.

Udhar vision reality me cassy thomas se milti hai, usase help maangati hai, keheti hai vo phir se possessed huvi hai. Yahan thomas ka confusion badane lagaa tha. Andy shelby se kehtaa hai in sab me se tumhi hi tez ho. Tumhein pehele din se mere hone ka aabhas tha. Bakari ka khoon sirpha bhagawan ke khroda se bachaataa hai naaki devil ke. Yahan par grace ke roop me vo demon hi tha jo caleb ko usraat us kuvein tak legayaa tha. Rose Andy se fight karne jaati hai jispar gussa hokar Andy use utaatha hai. Use us kuvein par latakaakar das tak ginanae keliye kehetaa hai. Jab Rose manaa karti hai toh vo khud ginane lagtaa hai, ek ek number ke saaath use dhire dhire kunvein me giraathaa hai. And end me dhadaam karke Rose paani me girti hai.

Demon thomas ko emotionally torture karraha tha, thomas chillane lagtaa hai ye sab fantasy hai, real nahi hai. Jispar cassy keheti hai tumhara soul ab sadane lagaa hai isiliye ham tumhare ander ghuskar tumhe tadapaarahein hai. Tumhari vajaha se tumhare friends mar rahein hai. Rose bhi mar gayi hai. Verity ab apana rassi kholkar bhagane lagti hai jisake piche Andy bhagataa hai. Marcus pure din bachhon ko dhunda rahaa tha, aakhir kaar vo is haunted house par aataa hai. Shelby use verity ko bachaane keliye kehetaa hai aur vo baakiyon ko chudaataa hai. Later sabhi bachhe milkar Rose ko kunvein se nikaaltein hai, jihaan Rose mari nahi thi balki kunvein me phasi thi.

Marucs Andy ko dhundkar uspar hamlaa kartaa hai as vo verity ka glaa dabaa rahaa tha. Jispar Andy gussa hokar uspar vaapas hamlaa kartaa hai, use ek hi haat me uthakar uska galaa dabaane lagtaa hai. Udhar thomas apane church vaale reality se baahar aakar demon se aamane saamne miltaa hai. Vo uspar vahin exorcism karne lagtaa hai, jisase vo demon havaa me uchalkar girtaa hai. Vahan demon girte hi yahan Andy bhi girtaa hai. Andy ke house me Mouse aayi thi jo ab physical world me thomas par exorcism kar rahi thi. Thomas finally apane visions se baahar aataa hai. Yahin par episode 9 end hotaa hai.

Eab final episode ke starting me ham father devonn ko dekhatein hai. Vobhi ab thomas ki tarah ek vision me phas gayaa tha, vahan use uski sister anna dikhati hai jo use emotionally sataarahi thi. Devon abhi bhi ventilator par tha. Later ham do aur gunmen ko dekhatein hai jo priest ke bhesha me the. Unhone devon ke bed ke niche ek ash pot rakhaa tha, vo sister dolores ki tarah Devon ko bhi demon se integrated karnaa chahate the.

Ab Marcus mouse yahan dekhakar surprise hotaa hai. Ye teenon Andy ko haunted house me chain se baandatein hai. Mouse indono se kheheti hai vatican compromise huvaa hai, devil worshipers exorcists ko target kar rahe hein. Devon hospital me hai. Ye teeno aaakhari baar ab is demon par exorcism karne lagtein hai, apani puri taakat jhonkatein hai. But exorcism safal nahi hotaa. Mouse yahan confuse thi, as demon ab tak andy ke under tha bhagaa nahi tha. Demon ka plan fail huvaa tha, usne family ko maaraa nahi tha. Jispar thomas kehetaa hai, hamare exorcisms se vo kamzor huvaa hai, lagtaa hai Andy use under hi under rokarahaa hai. Vo chahataa hai ham use maardein, Andy marega toh demon bhi nasta hogaa. Jipar mouse pharun apana gun Andy par taanati hai. Marcus use rokakar kehetaa hai ham exorcists hai hatyaare nahi hai.

Thomas ek aur idea saamne rakhataa hai, demons hamesha achhe hosts keliye body switch kartein hai. Maine ek baar use apane under jhankane diyaa tha, yadi mai uske saath deal kartaa hoon toh vo Andy ko choda degaa. Vo mujhe possess karega jahan exorcism karnaa asaan hogaa. Matlab thomas chahataa tha ki demon use possess karre , taaki vo uspar under se exorcism kare. Marcus an Mouse baahar exorcism karenge. Is condition me demon aur kamzon hogaa and finally chalaa jaayega.

Marcus ko ye idea suicide lagtaa hai, vo isase aggree nahi kartaa. But thomas ab demon se deal karletaa hai. Thomas ki ankhen white hone lagti hai aur vo phir se vision reality me chalaa jaataa hai. Use vahan Andy miltaa hai jo demon ko under se roke huvaa tha. Thomas andy ko saari plan bataataa hai jo use bhi thik nahi lagtaa. Vo kehetaa hai mereliye tum apani life ko daanva par mat daalo. Mai Rose, collen, Mrs Graham ke murder ke guilt me nahi rehesaktaa. Tabhi demon ka indono par attack hotaa hai toh ye dono ek room me chupatein hai. Andy thomas ko vaapas jaane keliye kehetaa hai but thomas nahi maanataa.

Mouse ko bhi thomas ka plan thik nahi lagtaa, vo keheti hai exorcism se demons ko maarne ka tarikaa puraana hogayaa hai. Hamare enemy ham se kayi gunaa taakatvar hai, hame bhi ab direct action lenaa hoga. Demon ko maarne keliye host ko maarnaa hi sahi upaay hai. Mouse isiliye sabhi ko maar rahi thi. Marcus ne bhi last episode ke end me Simon ko maar daalaa tha. Marcus isase abhi bhi agree nahi kartaa, kehetaa ahi hatya karnaa paap hai.

Udhar vision reality me thomas ab demon ko invite kartaa hai, ek black colour ka demon uske saamne prakat hotaa hai, jo thomas ko ab possess karahaa tha. Possession ke saath hi thomas ki ankhein change hone lagti hai. Andy ab possession se baahar aakar marcus par chillane lagtaa hai. Use goli se udaane ki rekuest karne lagtaa hai. Marcus finally koyi aur option na hone ke kaaran Andy ke sar me goli maartaa hai jisase vo and demon khatma hojaatein hai. Later police is haunted house par dhava bolkar andy ki body ko recover kartein hai.

Rose apane higher official se milkar use joot bolti hai. As officially vo kehenahi sakti thi ki demon ne andy ko possess kiyaa hai. vo Keheti hai Mrs Graham ne harper ko kidnap karne ki koshish kiyaa tha isliye Andy ne self defence me use maar daalaa. Is trauma ke baad Andy mentally disturb hogayaa, usne apane padosiyon ko binaa vajaha maar daala, muje and kids ko maarne ki koshish kiyaa. Maine somehow kids ko bachaakar us island se bhag aayi. Rose ke boss is theory ko maanletaa hai and use compliment bhi detaa hai.

Later thomas sabhi kids ko andy ka akhari message detaa hai. Basically Andy yahan sabhi kids ko apana pyar aur blessing derahaa tha. Marcus Andy ke murder ke baad tut chukaa tha, vo ab officially is unofficially exorcism ke kaam ko choda detaa hai. Kehetaa hai mujhe kayi saalon se god ka signal nahi liyaa hai, mai ab iskeliye laayak nahi hoo. Vo thomas and mouse ko vidaa kartaa hai. Hospital me ham father devon ko dekhatein hai jo ab ek demon ke saath intregated tha. Vo ek kenchi lekar ek doctor ki mundi ko kaat detaa hai. Kuch din baad Rose truck se milne jaati hai jahan usne uske liye ek naya ghar dhundaliyaa tha. Vo ghar asal me kisi aur ka nahi balki uska khud ka ghar tha. Vahan par baaki bachhe pehele se hi reherahe the. Sabhi log truck ko dekhakar khush hotein hai. Later hame marcus dikhataa hai jise aasamaan se GOD ki awaz sunaayi detaa hai. Jisase vo emotional hokar rone lagtaa hai. Isike saath ye season yahin par end hotaa hai.

Toh doston ye thi the exorcist series ki kahani. Dono season behetareen thi. Iski story, vfx, makeup, backround music, jumpscare, suspence laajawaab tha. Ye ek propper horror series hai. Dusari season thodi lambi lagi mujhe. Isme devil worshipers ki plot ko thik se develop nahi kiyaa hai. Anyway sabhi horror fans ko ye series ek baar toh dekhani hi chahiye. No 1 ki kuality hai.

Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad