American Horror Stories : Episode 1 and 2 Explained In Hindi

Is article   ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo niche hai.
Aaj  mai, ek aur behetareen series ko cover karne jaarahaa hoon jiska naam hai, American Horror Stories. Ye American Horror Story naam ke series ka spin off hai. American horror story saal 2011 se aarahi ek tv series hai jisme abtak 9 season huve hai. Dasvan season is saal aarahaa hai. Is spin off series me kul 7 independent stories hai. Episode 1 and 2 ka naam hai Rubber Woman.

Series ke shuruvaat me ham Machael and Troy naam ke ek gay couple ko dekhatein hai. Indonon ne AHS season 1 ke famous murder house ko kharidaa tha. Ye house AHS ke season 1 murder house and season 8 apocalypse ka hissa rehechukaa hai. Ise saal 1922 me charles montgomery ne banaayaa tha, jobhi yahan martaa tha uska ghost hamesha keliye yahin trap hojaataa tha. Ye ghost house ke naam se famous tha. Aise ghar ko ye couple horror themed restaurant me convert karnaa chahate the. Ye log science me yakin rakhate the aur ghost stories ko hoax maante the. Ye ab inki beti Scarlett ke saath murder house par aatein hai. Scarlett ko ye creepy idea achha nahi lagtaa hai. Is ghar ke ek room me first vo ek aadhi aadhuri wall ko dekhati hai. Jisme ek opening tha. Later vo apane friend shanti se chat karte huve apana naarajagi zaahir karti hai.

Scarlett apane chizon ko unpack karne lagti hai, tabhi ek red ball uske paas kahin se ludak kar aataa hai. Vo check karti hai toh vahan koyi nahi tha. Vo ball ko box me rakhakar phir se unpack karne lagti hai tab ek aur ball ludak kar uske paas aataa hai. Is baar Scarlett ghar me check karne jaati hai. window ke paas use ek closet ka door apane aap open hotaa hai jahan ek rubber suit tha. Ise dekhate hi Scarlett use pehenkar try karti hai, vo use perfectly fit hotaa hai. Jab vo mirror me apana reflection dekhati hai toh use ek adami ka reflection dikhataa hai. A.K.A Rubber Man. Jise hamne AHS ke season 1 me kayi logon ko pehente huve dekha hai. Scarlett isase darjaati hai aur vo us suit ko lejaakar dustbin me phenkati hai.

Next ham Scarlett ko school me dekhatein hai jahan uska crush Maya naam ki ek ladaki thi. Aaj peheli baar Maya Scarlett se flirt karti hai jise Scarlett like karti hai. Shanti Scarlett ko warn karte huve keheti hai Maya and gang super mean hai. Unse dur rehene keliye keheti hai. Scarlett ko raat me dreams aatein hai jahan vo Maya ke saath intimate ho rahi thi. Vo mayaa ka galaa bhi dabaarahi thi. Yahan ham rubber man ko Scarlett ke upar latakte huve bhi dekhatein hai.

Next day Scarlett ke dads use daantatein hai. As Scarlett internet par vo waali naughty videos dekha rahi thi. Jo ki normal vowaali videos se kaaphi violent and painfull thi. Vo log ab Scarlett ko therapy sessions attend karne keliye majboor kartein hai. School me maya phir se scarlett se flirt karti hai aur is baar vo use weakend party par bulaati hai. Raat me Scarlett ka internet access restricted mode par tha, jisase vo chid jaati hai. Tabhi uska wardrobe door apane aap khultaa hai jahan vo rubber suit phir se aayaa tha. Is baar bhi Scarlett use pehenkar, haath me chaku lekar apane dads ke room me jaati hai. Unhein prank karti hai. Inke dads ise dekhakar ek dam dar jaatein hai, use achhe se daantatein hai. Puchatein hai use vo S and M suit kahaa milaa. Scarlett sab sach bataati hai toh unke dad aur bhi gussa kartein hai. Unhein ye Scarlett ka ek aur joot lagtaa hai, indono me bhehesa hotaa hai.accidentally Troy ke haat par Scarlett ka chku lagtaa hai jisase vo bleed karne lagtaa hai.

Agale din therapist Dr Andi Grant aati hai, vo Scarlett and Dads se prilimnary session conduct karti hai. Uska maananaa tha ki new places me adjust hone ke dauraan emotional imbalance hona aam baat hai. Dr Grant ab washroom use karne jaati hai toh uske paas bhi ek red ball ludak kar aataa hai. Jab vo use check karti hai toh rubber man uspar chaku se hamlaa karke use maar daal tha hai. Ground par sirpha khoon se lipataa huvaa rubber suit girtaa hai. Later Troy and Machel is rubber suit ko dekhatein hai, unhein vo blood Scarlett ka period blood lagtaa hai. Vo use suit ko jalaa detein hai.

Week end me Scarlett grounded thi, party me nahi jaarahi thi. Maya use ghar se chupke se aane keliye keheti hai toh Scarlett bina soche chali jaati hai.party ke dauran Maya Scarlett ko apane room me lejaati hai. Yahan dono violent vowaali videos ke baare me baat karne lagtein hai, intimate hone lagtein hai. Tabhi Scarlett ke mobile par messages aane lagtein hai as Maya ise apane ista par live stream kar rahi thi. Shweta moment of twiiter. Yadi aap ye nahi jaante ki ye kya hai toh just google it. Aapko pataa chal jaayegaa. LOL. Maya ek mean girl thi aur actress bhi thi. Vo apani acting skills apane followers ko dikharahi thi. Scarlett ko ye dekhakar shock lagtaa hai, vo rote huve apane ghar par vapas aati hai. Ghar par aakar vo Maya ko phone me dhamakaati hai, keheti hai usne use humiliate kiyaa hai, isliye vo ab suicide karne jaarahi hai. Maya and gang ke naam par ek note rakhane ki baat bhi karti hai. Isase Maya darjaati hai, as harassment se kisiki mouth huvi toh uski saja 5 saal jail thi.

Maya and gand ab Scarlett ke ghar par aatein hai. Ye haunted house se infamous tha toh sabhi pehele se hi dare huve the. Scarlett inhein niche basement me bulaati hai. Jaise hi vo aatein hai, Scarlett rubber suit pehenkar unhein chaku se maar daalti hai. Unki bodies ko usi waal me daalkar use bricks se close karti hai jise hamne pehele dekha tha. Next day vo apane dads se joot bolti hai. Keheti hai usne saari raat jaagakar walls ko close kiyaa hai as a pachyataap for her video addiction. Dono dads yahan khush hotein hai.

Later ham Dr Grant ko dekhatein hai jo aparently ghost ban chuki thi, isi ghar me trap huvi thi. Vo yahan bhi Scarlett ka session conduct karne ki baat karti hai as Scarlett ne abhi abhi char girls ko maaraa tha. Yaani is ghar me kayi saare ghosts trap huve the. Usme rubber man bhi ek tha, ek aur therapist doctor bhi tha. Jo ki reference hai AHS Season 1 ke Ben Harmon. Scarlett Dr Grant se keheti hai use therapy ki koyi jarurat nahi hai as vo ab superb feel karrahi hai. Yahin par episode one end hotaa hai.

Episode 2 ki shuruvaat me ham ek ladaki ko dekhatein hai jo chaku se ek nurse ko follow kar rahi thi. Ghayal nurse bhagate huve basement me aati hai jahan Scarlett use maar daalti hai. Ise maar kar vo thoda happy feel karti hai. Later ham Scarlett and vo ladaki Rudy ko ek saath baath tub me dekhatein hai, jahan vo apani back story bataati hai. Use uske uncle ne kahaa tha ki jab vo che saal ki thi tab uske parents car accident me maare gaye the. Ruby ka uncle ek sadistic psycho tha jo use torture kartaa tha. Jab vo 16 saal ki huvi tab vo use uske asali parents se milne legayaa jo apparently zindaa the. Unhone Ruby ko use bechaa tha aur vo uska uncle bhi nahi tha. Ruby isase kaaphi niraash, udash aur depressed huvi. Usne finally yahan aakar suicide kiyaa aur death note me apane uncle ka naam likha. But for her bad luck, uski body ek real estate developer ko milaa jisne uski body ko ghar ke piche daphanaadiyaa. Uske death note ko phadkar ye news sab se chupaaya as isase house price gir saktaa tha. Tab se Ruby isi house me trap hogayi thi. Ab Ruby and Scarlett dono me love interest tha as dono lesbian the, aur harassment se gujar chuke the. Ruby yahan Scarlett ko uske saath hamesha rehene keliye keheti hai. Yaani use suicide karne keliye keheti hai.

Next day police is haunted house par aakar troy and michael se baat karne lagtein hai. Maya and uske teen dost ab kayi dinon se missing the. Police keheti hai unhone Maya ka instagram check kiyaa hai, uske location ke mutaabik unka aakhari location yahin tha. Police ko ab Scarlett shack tha but unke paas koyi pukhtaa evidence bhi nahi tha.

Kyunki Maya and gang ghar me mare the isliye vo bhi yahan bhoot banke trap huve the. Vo sidhe sidhe Scarlett ko maarne ke bajaaye use haunt kar rahe the. Isase Scarlett ki health bhi bigad rahi thi. Ek din ye charon Scarlett ko maarne ka plan banaatein hai jise Ruby aakar rokati hai. Unhein dhamakaakar bhagaati hai. Next day ham Scarlett, Michael and Troy ko Dr Grant ke saath therapy session karte huve dekhatein hai. Michael and Troy ko pataa nahi tha ki Dr Grant ek ghost hai, where as Scarlett jaanti thi. House ke renovation me inhone paisa kharch diyaa tha, Michael ko bhi ab ghar ke baaki ghost haunte kar rahe the. Use pig man dikha rahaa tha jo ASH season 1 episode ke chicago murder tha. Troy ye sab Michael ka illusion lag rahaa tha, isase inke beech ke rishte bhi kharab horahe the.

Troy ab Adam naam ke ek contractor ko ghar ki renovation keliye hire kartaa hai. Baad me uske saath uska affair start hotaa hai. Adam apane co-worker Martin ke saath repairing kar rahaa tha tabhi use us waal ke piche se badabu aane lagtaa hai. Yaani usi waal ke piche jahan Scarlett ne bodies ko chupaayaa tha. Martin waal thodake check kartaa haitoh use vahan charon girls ki dead bodies milti hai. Jise police dhundarahi thi. Dead bodies ko dekhakar troy and michael ka hosh udjaataa hai. But adam yahaan Martin ko maarkar indono ko blackmail karne lagtaa hai. Adam broke hochuka tha, use is naye restaurant me partnership chahiye tha.Michael ko yahan Troy and Adam ke affair ke baare me bhi pataa chaltaa hai. Vo gusse me Adam ko pakadkar ghar se baahar dhakelane lagtaa hai, tabhi rubber man aakar Adam ko chaku se maar daaltaa hai. Ye dono ise dekhakar ghar se bhagane lagtein hai. Raaste me inhein baaki ghosts dikhatein hai. Jaise hi ye ghar se baahar jaatein hai, pharan ghar me khinche chale aatein hai. Yaani ye bhi ghar me trap huve the as ye bhi ab ghost bane the. Later hame ek flashback dikhayaa jaataa hai jahan Ruby ne indonon ko maar daalaa tha. As ye dono Scarlett ko suicide karne se rok sakte the.

Troy and Michael ko ye shocking lagtaa hai as unhein yaad nahi tha ki vo kaise mare. Ispar Dr grant keheti hai ye brain ka copeing mechanism hai jahan brain violent memories ko mitaane ki koshish kartaa hai. Scarlett ab school se ghar par aati hai aur apane dead dads ko dekhakar use shock lagtaa hai. Ye teenon ab bait kar baate karne lagtein hai, Scarlett unhein apane Ruby ke saath ke affair ke baare me bataati hai. Ghost ke saath ka affair sunkar ye dono parents gussa kartein hai. But ab vo kuch bhi karne ke haalat me nahi the. Scarlett aazad thi, vo usual ki tarah ab Halloween ki party me jaane lagti hai. Halloween hi saal ka ialautaa din tha jahan ghosts is ghar se bahar jaasakte the. Ruby bhi ab Scarlett ke saath party me jaane lagti hai. Ise ek achha mauka samajhakar maya and gang Scarlett ko ghar ke bahar maarne ka plan banaatein hai.

Halloween party me school ke sabhi kids aaye the, shanti bhi thi. Scarlett shati ko Ruby se introduce karvaati hai.Shanti Scarlett se dur bhagati hai as vo man hi man me jaanti thi ki Scarlett ne hi charon girls ko maara hai. Vo sidhe sidhe Scarlett se keheti hai, tum ek psychopath ho, tumhane under anukampaa ya daya nahi hai, tum logon ko sirph objects ki tarah use kar rahi ho. Shanti Scarlett se apana friendship khatm karti hai jisase Scarlett ko buraa lagtaa hai. Maya and gand ab shanti par bhi attack karne aatein hai as usne police se information chupaayaa tha. Yahan bhi Ruby aakar shanti ko bachati hai. Use saari ghost story keheti hai. Jise sunkar Shanti keheti Ruby ko selfish keheti hai, use Scarlett ko free karne keliye keheti hai. Maya ki ek friend thi nicole jo ek ghost thi. Party me vo ab apane boyfriend se milati hai.Maya and gang Scarlett ko party me nahi maar paate aur sabhi log vaapas ghar par aatein hai.

Scarlett ko shanti ki words se samjaha aagayaa tha ki use treatment ki zarurat hai. Vo Maya and gang se sorry keheti hai. Ruby se suicide na karne ki baat bhi keheti hai jise Ruby finally samjha jaati hai. Scarlett apane dads ko good bye kehekar ghar se chali jaati hai. Nicole ab apane boyfriend se police ko inform karne keliye keheti hai. Das mahine baad Scarlett ek car me kisi ke ghar ke bahar thi. Vahan se vo haunted house me call karti hai, aparently ghosts phone par baat kar sakte the. Yahan scarlett ke dono dads sabhi girls ke saath khush the. Ruby bhi ab serial killer se change hokar normal insaan bani thi. Scarlett Ruby se keheti hai ki usne uske uncle ko dhunda liyaa hai. Later ham dekhatein hai Scarlett us aadami ko rubber suit pehenkar maar daalti hai. Har saal Halloween ke din Scarlett haunted house ko visit bhi karti hai. Boom episode yahin par end hotaa hai.

Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad