American Horror Stories Episode 3 and 4 Explained In Hindi

Is article   ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo niche hai.

Episode ki shuruvaat Chad and Kelley naam ke do high school sweethearts ke saath hotaa hai. Kelley Chad ke ghar history padabe aayi thi jahan ye dono padhayi ke badale intimate hokar maze lerahe the. Backround me ham Bob ross naam ke american artist cam tv host ka video bhi dekhatein hai. Jiske baare me boys me ye believe tha ki uske video se mood bantaa hai. Kelly yahan Chad se fully co-orparate nahi karti as in slow jaana chahati thi. But Chad bahut hi uttejit tha jisase indono me thodi fighting bhi hotaa hai. Chad Kelly se che mahine se saath tha but phir bhi ye dono fully physical nahi huve the.

Next day Chad ke dost Milo and Quinn uska majak udaatein hai, Bob Ross ki videos ko fake kehetein hai. Quinn use ladakiyon ko pataane ka ek american time tested idea detaa hai.Use Kelly ko horror movies par lejaane keliye kehetaa hai. horror movies se brain ka fear center active hoga aur girls aise halat me hi boys se attract hotein hai. Milo ke paas Rabbit Rabbit naam ke ek purane horror movie ke teen tickets the. Jiska screening aaj raat drive In theaters me hone waalaa tha. Drive In theaters khule maidaan me chalne vaale theaters hotein hai jise aapko apane car me baitakar hi dekhana hotaa hai. Ye cheap hotein hai aur low kuality ke films hi yahan akasar chaltein hai.

Ye film Rabbit Rabbit saal 1986 me peheli baar release huvaa tha ise dekhane ke baad che log zombies ki tarah beheave karne lage the. Ek dusare ko hi maar rahe the. Is maakkaat me che log mar gaye the aur kayi saare log ghayal bhi huve the. Ye ek cursed film se badanaam tha. Chad ko aise urban legends par vishwas nahi tha but use Kelly ke saath movie par jaana achha lagtaa tha.

Raat me vo news channel ke ek video me Rabbit Rabbit ke baare me search kartaa hai. Video me ek sansad Tipper Gore is film ke director Larry Bitterman ki class lerahi thi. Vo director par himsa ukasaane ki aarop lagaati hai. Later sabhi film ke distributor’s is film ko chalaane se manaa kartein hai jisase Larry ko kaaphi gussa aataa hai. Vo live news me hi sansad par hamlaa kartaa hai jisase use jail ki sajaa milti hai. Jaate time vo pledge kartaa hai aur kehetaa hai ki vo tab tak nahi rukegaa jab tak puri duniya uski movie na dekhale. American parliament ki order par is film ki sabhi copies ko jalaa diyaa jaataa hai.

School me Kelly apane friend Dee se milti hai jise Kelly and Ched ke fighting ke baare me pataa tha. Vo yahan Kelly ko hi blame karti hai as Kelly intimacy se dar rahi thi. Kelly ke pichale boyfriend ne bhi use isliye dump kiyaa tha. Dee yahan ek achhe dost ki tarah Kelly ko himmat deti hai as vo intimacy me pro thi. Chad ka friend Milo use hamesha se line maar rahaa tha aur vo uske saath film par bhi jaane vaali thi. Ched and Kelly ek dusare ko sorry kehekar film dekhane jaatein hai.

Jab sabhi teen theater ground par aatein hai toh vahan ham ek protester ko dekhatein hai. Ye vahi lady thi jo saal 1986 ke maarkaat me bach gayi thi. Vahan uske boyfriend ne hi use aankhon me chaku ghusaayaa tha. Vo ab chikha chikha ke sabhi logon ko warn kar rahi thi but use koyi seriously nahi lerahaa tha. Movie start hone se pehele Milo sab ko bataataa hai ki ye film ka akela screening nahi hai. Is film ki ek aur copy bhi hai jo kal ek dusare secret place me screen horahaa hai.

Car me jaate hi Kelly Chad se keheti hai aaj unke relationship ko che mahine huvein hai. Vo us din ready nahi thi as vo is din ka wait kar rahi thi. Ye joot tha par vo ab ready thi. Isase Ched ke man me laddu phutatein hai aur ye dono movie dekhane ke bajaaye AC on karke intimate hone lagtein hai. Udhar Dee and Milo bhi intimate horahe the. Indono ko dekhakar Quinn apane nasib ko kosataa hai. Screen par movie start hotaa hai aur hote hi uska impact sabhi par hone lagtaa hai.Sabhi log possess hone lagtein hai.

Vo protest karne waali lady Ruth screening room me forcefully ghusati hai, screening ko rokane jaati hai. But tab tak der hochukaa tha, Verna jo ek projectionist thi vo already possess hochuki thi.Vo Ruth par hamlaa karke use aankhon me khenchi ghusaa deti hai. Dee intimacy ke dauran film ko bhi dekharahi thi isliye vobhi possess hoti hai. Vo Milo ko maar daalti hai. Film dekhane aaye sabhi log ab zombies me convert hotein hai, ek dusare ko maarne lagtein hai. Kelly and Chad apane hi duniyaa me mast the and finally vo sabhi logon ke chikhane ki awaz ko suntein hai. Ek random banda unke glas ko todakar andar aane ki koshish kartaa hai. Kelly car ko vahan se bhagaane lagti hai, possessed Dee uske car ke saam ne aakar front glass par lagaataar hamlaa karne lagti hai. Andhere me aur panic me Kelly ko thik se dikhayi nahi detaa, vo Dee ke saath hi car ko crash karti hai jisase Dee on the spot mar jaati hai.

Later ye dono car se nikalkar projection room ki aur bhagane lagtein hai as zombies unka picha kar rahi thi. Us room me jaakar unko is curse film ki sachhayi maalum padataa hai as Ruth ki body vahan hi padi thi. Jab Verna Chad par hamlaa karne aati hai toh chad use maar daaltaa hai. Chad ke is violent roop ko dekhakar Kelly thodi si surprise hoti hai.As chad ne film ki kuch scenes ko dekhataa isliye uspar bhi iska effect huvaa tha.yahan Chad thakavat se behosh hotaa hai.

Chad ko hosh aane ke baad kelly us director Lerry ko track karne ki baat keheti hai as usne film ki ek aur copy uske paas hi tha. Next morning ye room se baahar nikaltein hai. Kelly ke paas ek gun and Chad ke paas vo khenchi tha. Raste me Chad ko Quinn dikhataa hai, vo bhi possessed state me tha, chad use hosh me laane ki koshish kartaa hai but uska phayada nahi hotaa. Isliye vo use kenchi se maar daaltaa hai.

Ye dono desert me Larry ke ghar ko dhund nikaaltein hai. Vo ek trailer house me reherahaa tha. Strangely uske paas ek old wan and ek Roll Rise car bhi tha. Iske baareme mai aage bataavunga. Kelly and Chad Larry ke trailer me ghusatein hai, jahan vo news me kal raat ki maar kaat ko sunkar naach rahaa tha.Kelly use gun se daraati hai par phir bhi vo apane achievement se exited tha.yahan vo apani story kehetaa hai.Larry ek film editer tha. vo famous horror film The Exorcist ke editer William Friedkin ka assistant rehechukaa tha. Us film me Friedkin ne demon ki sirph do stills daali thi jisane logon ko kaaphi daraayaa tha.logon ko lagaa ki vo khud possess huvein hai. Yahan logon ke fear points trigger huve the. Logon ke maansik health par iska kaaphi prabhav padaa tha.Iske baad Laary is technique ko improve karne lagaa, CIA ke MK Ultra torturing technique ko film me lagaayaa. Saalon tak improvement karne ke baad apana hi khud ka ek film banaayaa. Jab uske editor ne is film ko dekha toh vo bhi possess huva and usne apane fingers ko hi kaat daala. Iske baad Larry ne film ko saal 1986 me release kiyaa, release hote hi maarkaat huvaa and uski film ko ban kar diyaa gayaa. Use 15 saal ka jail bhi huvaa.

Yahan larry khud ko ek mahan artist samjharahaa tha as usne logon ke man me extreme fear ko induce karne me kaamiyaab huvaa tha. Film dekhane se logon ka fear point trigger huvaa tha jisase vo panic me zombies ki tarah beheave kar rahe the. For example jab bhi aap kisi relaxation audio ko suntein hai toh aap ka man relax hone lagtaa hai. Jab bhi aap 18 plus videos ko dekha ne lagtein hai ton aap uttejit hone lagtein hai. Aise hi Rabbit Rabbit ko dekhakar log fear me bekaabu horahe the. Laary ne jail me rehekar bhi is technique ko improve kiyaa tha. Vo kehetaa hai jo society genius artist ko jail bhejati hai use jalnaa chahiye.

Kelly Larry ke bhashan se uba chuki thi, vo uske pairon par goli maar kar dusare copies maangati hai. Laary copies ki aur isharaa kartaa hai toh Chad use lekar jalaadetaa hai. Later uske trailer ko aag laagaa kar use vahin marne keliye ye donon choda detein hai. Marte time Larry chillataa hai, ye film ki end nahi hai, ye toh ACT one hai. Mere paas Rolls Rice hai. Soch mere paas kaise hai. Iska javaab tumhe pasand nahi aayega.

Raat me Kelly and Chad intimate horahe the tabhi Chad ke laptop par ek notification aataa hai. Rabbit Rabbit movie ab netflix par available thi jise har desha ke log dekhane lagee the. City me ham explosion, accident, logon ke chikhane ki awaz suntein hai as hazaaron log ise dekharahe the. Yahin par ye episode end hotaa hai. Matlab Larry ne Netflix par ye film bechi thi jisase use tagade paise mile the. Jisase usane Rolls Rise kharidaa tha. Movies logon ke mind par kaaphi effect daalti hai aur logon ke mental health ke hisab se uski tivartaa hoti hai. duniyaa me Antrum the most haunted film se infamous hai. Jise maine explain bhi kiyaa hai. Aap use check kar saktein hai.

Episode four ka naam hai The Naughty house. Isaki theme online influencer par hai. Shuruvaat me ham char 25 se 30 saal tak ke video creaters ko dekhate hai. Inke naam hai Zinn, James, Wyatt and Barry. Barry yahan camera men and tech guy tha jo videos keliye cool ideas detaa rehetaa tha. Inka brand name bro house tha aur isi naam ke ghar me rehete the. Yahin par cool videos banaate the. Ye kaaphi popular the but ab popularity inke sar chad chuki thi. Ye charo Christmas ke dauran ek famous suicide bridge ke niche baite the. Yahan har saal apane life se pareshan log suicide karte the jise ye log record karnaa chahate the. Tabhi ek middle age guy bridge par suicide karne keliye ready hotaa hai. Barry in charon me hoshiyaar and achha tha, use ye thik nahi lagtaa, vo baaki teenon ko rokane jaataa hai. But Zinn ziddi tha uska maananaa tha aise unique content se subscribers badatein hai. Ye chaaron ab us aadami ka suicide record kartein hai , uspar video banatein hai, naachtein hai, dead body ke paas jaakar use bhi record kartein hai.

Raat me ye log is video ko upload karne waale the, jiske khushi me inhone party bhi rakha tha. Barry video upload karne keliye manaa kartaa hai but baaki teen log usase upload karvaa hi detein hai. Video upload hote hi backclash aana shuru hotaa hai, sabhi log unhein gaali dene lagtein hai aur unke khilaaph petition bhi start hotaa hai. Ek hi din me 50000 subscribers kam hojaatein hai. Inke sponsors bhi inse sponsorship chin letein hai. Is backclash se ubharne keliye Zinn ek aur idiotic and offensive idead detaa hai. Unhein next video me gay ladakon ki tarah acting karnaa tha jahan vo gay logon ka mazak udaatein hai. Ye video bhi pit jaataa hai aur log inhein achhe se gaali dene lagtein hai.

Is sab ke Barry finally kehetaa hai unhein apane original family and funny content par hi stick karnaa chahiye. As logon ko vahi pasand tha. Christmas ka time tha isliye vo christmas par ek video banaane ki baat kartaa hai. Ye chaaron ab ek maal me jaatein hai aur volg video banaane lagtein hai. But Zinn, Wyatt and James ki character kaaaphi kharab hochuki thi. Mall me jaakar vo lady staff ko harras kartein hai, ek short aadamise battamizi se pesh aatein hai. Mall me aaye sabhi kids se kehetein hai ki santa real nahi hai fake hai. Vo Santa se bhi mis beheav kartein hai. Yahaan Mall santa gusse me kehetaa hai ki tumhein isaki saza milegi. Mall police inke piche padatein hai toh ye vahan se bhag jaatein hai.

Barry ne inse normal way me beheave karne keliye kahaa tha but in teen naalaayakon ne sab kaam kharab kar diyaa tha. Vo video upload karnaa nahi chahataa tha but baaki log use forcefully upload kardetein hai. As usual phir backclash hotaa hai and sab gaali dene lagtein hai. Wyatt tension me drink lene niche basement me jaataa hai. As vo fridge kholataa hai toh use vahan ek camera dikhataa hai. Koyi aadami uski gardan ko maroda detaa hai jisase uski vahin par death hotaa hai. Ye murder video record huvaa tha jo ab bro house channel par upload hotaa hai. Barry ko samjha me nahi aataa ki ise kisne upload kiyaa hai, vo use delete kartaa hai. But vo video phir se upload hotaa hai. Is baar uske saath ek link bhi tha. Jisme ek wild man ka jikra tha jo asal me ek ancient creature tha. Popular believe ye hai ki Christmas ke Santa ki concept saint nicolas se aayi hai. But according to this article wild man christimas ke din santa banke aataa hai aur bachhon ko gift detaa hai.

Zinn ko Wyatt ki video pasand aataa hai toh vo use rakhane keliye kehetaa hai. Tabhi Zinn ko ek police officer se call aataa hai. Lady officer keheti hai jo santa unhein maal me aaj milaa tha vo asali santa nahi hai.Usne original santa ka murder kiyaa hai. Vo uske place par aayaa hai. Usne kayi santa’s ko maaraa hai.officer Zinn ko warn karti hai. Later vo Wyatt ko dhundate huve niche basement me aataa hai. Vahan ham us santa ko dekhatein hai jiske saath inhone mall me battamizi ki thi. Usi ne Wyatt ko maar daalaa tha aur vo ab Zinn par bhi hamlaa kartaa hai. Uske upar light blubs daalkar use paani me phenkataa hai. Zinn electrocution se martaa hai. Iska bhi video upload hotaa hai jahaan strengely log ise like karne lagtein hai. Zinn ki video dekhakar James and Barry dar jaatein hai. Vo ghar se bahar bhagane lagtein hai. Bahar jaate hi santa unpar teer chalaataa hai. James spot par hi mar jaataa hai. Barry ko paanv par chot lagaa tha vo somehow vaapas ghar me aataa hai. Use uske laptop par dikhataa hai ki Bro House 5 Million subscribers kar chukein hai. Tabhi Sata upar chimani se ghar ke under gasoline daalkar Barry ko bhi maar daaltaa hai.

Next day police officers bro house aatein hai jahan unhein Christmas tree ke upar kayi saare body parts saje huve dikhatein hai. Later ham us evil santa ko parking me dekhatein hai jo ek aur drunk santa ka picha kar rahaa tha. Yaani yahan par ye santa un sab ko maar rahaa tha jo naughty list me the. Isi ke saath ye episode yahin par end hotaa hai.


Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad