American Horror Stories Episode 5 & 6

Is article   ko famous hindi horror youtube channel @GhostSeries me use  kiya gaya hai , yadi aap video de khana chahatein hai toh vo niche hai.

 

Aaj me, Mai American horror stories ke episode 5 and 6 ko explain karunga. Episode 5 ka naam hai Baal vahin episode 6 ka naam hai Feral.

Episode ki shuruvaat ek couple ke saath hotaa hai.Liv and Matt. Ye dono kaui saalon se baby keliye try kar rahe the but inhein success nahi milaa tha. Kayi saalon se ye dono IVF clinic aarahe the jahan doctor bhi ab inhein negative news detaa hai. jisase Liv kaahi niraash hoti but himmat nahi harati, vo koshish jaari rakhane ki baat karti hai. Tabhi is clinic ke receptionist Bernadette, Liv ko ek totam deti hai, jise vo fertility totam keheti hai. Ye sumerian fertillity deity ka totam tha jo Bernadette ke family me saalon se tha. Is totam ko intimacy ke daauran bed ke niche rakhane se baby hone ka chance tha. Liv ke ise andhavishwas me yakin nahi tha but phir bhi vo Bernadette ke suggestion ko accept karti hai.

Ghar jaakar Liv is totam ko apane bed ke niche rakhati hai, later vo and Matt intimate hotein hai. Ab kahani 16 mahine aage badataa hai. Liv ko Aaron naam ka ek baby boy tha. Yahan Liv phir bhi naakhush thi as baby Aaron ka Liv se utana lagaav nahi tha. Jab bhi Araon uske paas hotaa tha tab vo rotaa tha vahin Matt yaa unke naukaraani emma ke paas shant rehetaa tha. Liv ko yahan lagane lagaa tha ki vo ek achhi mom nahi hai aur vo Araon ko hi kind of hate karne lagi thi. Liv yahan kaafi stress me thi.Vo gusse me us totam ko bed ke niche se nikalkar ek waste room ke box me rakha deti hai.

Raat ko Matt apane makeup ke saath ghar aataa hai jo Liv ko daraa detaa hai, Matt ek studio me chota motaa role kartaa tha vahain Liv ki family amir thi. Inka love marriage tha. Matt ek achhe husband ki tarah Liv ko samjhane ki koshish kartaa hai, uski stree ko post maternity depression kehetaa hai. Usne Dr Eleanor naam ke ek doctor ke saath Liv ki appointment fix ki thi. Stress ke vajhaha se raat me Liv ko neenda nahi aarahaa tha , tabhi use Araon ke baby monitor par ek demonic enity dikhataa hai ji Araon ke curb ke paas khadaa tha. Ise dekhakar Liv dar jaati hai and check karne par Araon ke room me koyi nahi tha.

Next day Liv ye saari baath Dr Eleanor se keheti hai jise vo aadhi adhuri neend ka illusion kehekar ignore karti hai. Vo use stress relief keliye kuch Aron ke sath baby spa activity karne keliye keheti aur kuch relaxation podcast bhi recommend qarti hai. Isase agale kuch dinon tak Liv ki condition me kaaphi sudhar hotaa hai aur vo apane baby se connect karpaati hai.

Tabhi ek din Liv ko vo totam phir se dikhata hai, use kisine Aron ke paas rakhatha. Uska design bhi badal gayaa tha, uspar ab wings the. Is totam ko dekhate hi Emma dar jaati hai aur ise demonic kehekar ghar se bhag jaati hai. Tabhi Liv ko basement me se kuch awazein sunaayi detaa hai, dekhane par vahan kaaphi thod phod huvaa tha. Vahan ek nukila rod Liv par lagtaa hai jisase vo haath se bleed karne lagti hai. Is sab se Liv phir se stres me aati hai aur saaraa kissaa Matt ko bataati hai. Matt ko again ye Liv ka illusion lagtaa hai. Us raat Liv internet par totam ke baare me search karne lagti hai. Vo totam baal demon ka tha. Tabhi use baby monitor par phir se ek vision dikhataa hai aur is baar sound bhi sunaayi detaa hai. Next morning panic me Liv kal raat ki audio clip ko exaine karne lagti hai. Use lagne lagtaa hai usene kuch suna hai like he is mine. Vo mera hai. Matt Liv ko samjhata hai ki audio me kuch nahi hai but Liv sunane ke mood me nahi thi. Later Dr. Elenor bhi aakar Liv ko samjhati hai aur medication deti hai.

Later raat ko Matt apane kuch friends ko dinner par bulaataa hai, use ek tv series me achha role milaa tha jiska jasna ye log manaa rahe the. Dinner ke baad timepass keliye sabhi log oujia game khelane lagtein hai. Ouijja ek aisa board game hai jisase aap ghosts se ya demon se contact kar saktein hai. Game me sabhi log kisi se contact kartein hai jahan Liv ko phir se vahi message miltaa hai. He is mine. He is mine. Matlab is ghar me koyi takat tha jo Araon ko lena chahataa tha. Ise dekhakar Liv gusse me board game tod deti hai aur sabke saamne rone lagti hai. Matt ye insult lagtaa hai, indonon ke beech kaaphi fight hotaa hai.

Next morning Liv, Bernadette se milti hai aur use dhamakaate huve baal demon se chutakaara paane ki raasta puchati hai. Bernadette yahan surprised thi as use nahi lag rahaa tha ki v kaam karegaa. Bernadette ki family is par yakin rakhati thi isliye uske paas iska solution bhi tha. Vo Liv ko ek ancient book and ek dagger deti hai aur demon bhagaane ka ritual karne keliye keheti hai. But is ritual ka guarantee vo nahi deti. Raat ko Liv ghar me ritual karne lagti hai, us totam par apana khoon daalti hai, use ab jor jor se vo mera hai, vo mera hai awaz sunaayi dene lagtaa hai. Usi time Matt aataa hai, vo shock me Liv ko rokane jaata hai. Liv accidentally Matt ke sene dagger ghusaa deti hai.

Kahani ab do hafte ke baad shuru hotaa hai, Liv ab ek mental asylum me lock thi jisase milne Matt aataa hai. Vo use himat dekar, casual baate kar kar chalaa jaataa hai. Later ham Matt ko Bernadette ke saath intimate hote deqhatein hai. Matlab ye sab kuch Matt ka hi banaayaa huva master plan tha. Bernadette uski girlfriend thi, usne hi Liv ko fake totam diyaa tha aur brain wash kiyaa tha. Uski family history bhi jooti thi. Matt ke sabhi dost bhi isme shamil the, unhone hi Araon ke baby monitor ko hack karke visions daala tha. Basement me thod phod kiyaa tha.unhone hi ojia game me message banaayaa tha aur audio bhi unka hi banaaya huvaa tha. Doctor bhi fake thi. Liv ek rich family ko belong karti thi, uske paas paisa bahut tha. Matt use pagal declare karkar divorce settlement ke paise se life enjoy karnaa chahataa tha. Ye sabhi log Matt ke ghar me party kar rahe the tabhi lights achanak flicker hone lagtaa hai. Is baar real me baal demo aataa hai aur ek ek kar ke sab ko maar daaltaa ha. Matt ise panic me dekhataa hai, police bhi aakar use murder case me under daalti hai. Kuch dinon baad Liv usase milne jail me aati hai, Matt uske saamne innocent hone ka natak kartaa hai. Use bail karvaane keliye kehetaa hai but Liv sirph muskuraate huve vahan se chali jaati hai.

Later us night ham Liv ko Araon ke saath khelate huve dekhatein hai jahan uske saamne bhi ab baal demon aataa hai. Baal kehetaa hai mujhe aazad karo. Doston ab yahan par khultein hai asali patte. Actually me Bernadette ka totam kaam kar gayaa tha, Liv ko ek baby mila tha jiske piche real me Baal demon padaaa tha. Bernadette ko jo ritual fake lagrahaa tha vo actually me kaam kar kagaa tha. Liv ne baal demon ko apane vash me kiyaa tha. Baal demon se hi use Matt ki sachhayi pataa chalaa tha aur usine sab ko marvaayaa tha. Ab Liv baal demon use release karne keliye ek shart rakhati hai. Use ek aur baby chahiye tha. Indonon ke intimacy ke saath ye episode end hotaa hai. Ye episode kaaphi achha tha.

ASH ka episode six jo hai vo sab se disturbing hai. Iska naam hai Feral. Episode ke shuruvaat me ham ek family ko dekhatein hai. Jay, uski wife auddie and inke teen saal ka beta Jacob. Ye teenon ek national park me camping karne jaarahe the jise Jay experiencing the nature kehetaa hai. Ye teenon park ke camp site ke edge par apana tent lagaatein hai, jo jungle ke nazdik hi tha. Raat me auddie ko tent ke bahar kuch halchal sunaayi detaa hai jise Jay ignore karne keliye kehetaa hai. Next morning Jay, Jacob ke saath khelate huve paas ke jheel par jaarahaa tha. Jaate time Jay Jacob ke gale me apana boy scott team ka compass daaltaa hai. Addie natural call keliye gayi thi, jab vo vaapas aati hai tab use khoon ke dhabbe dikhayi detaa hai. Use vo follow karti hai toh vahan use eq hiran lataka huva dikayi detaa hai. Jacob khel khel me gayab hojaataa hai jise Jay ab panic me dhundane lagtaa hai. Auddie ko bhi ye news miltaa hai aur dono dhundane lagtein hai. But Jacob kahin nahi miltaa. Police, forrest ranger aakar dhundatein hai but jacob kahin nahi miltaa.

Kahani ab das saal aage badati hai. Jay and Addie ka divorce hochuka hai.Jay ab akela reherahaa tha aur apane bete ki khoj abhi bhi jaari rakha huvaa tha. Jay se milne Birch naam ka ek hunter aataa hai. Jo claim kartaa hai ki Jacob abi bhi zinda hai.Vo Jay ko ek teenager boy ka image dikhataa hai jo barah teraha saal ka lag rahaa tha. Usne us image ko jungle ke bear cam footage se nikaalaa tha. Vahan par use ek boy scott compass bhi milaa tha. Isliye Brich ko lagrahaa tha ki vo ladaka Araon hi hoga. Us jungle me saalon se illegal janje ke khet the jise drug traffickers ugaarahe the. Brich ko lagtaa hai inhe logo ne Jacob ko kidnap kiyaa hoga.

Jay saalon baad Addie se miltaa hai aur use saari story kehetaa hai. Addie apane life me aage bad chuki thi, vo Jay ko bhi aage badane keliye keheti hai. Indonon ke becch jacob vaale hadase ke baad kaapgi misunderstanding thi. Jay ke kaaphi insist karne par yahan Addie aakhari baar maan jaati hai. Vo Brich ko 10000 dollars deti hai taaki vo traffickers se contact kar sake. Ye teenon ab jungle me tracking karte huve jaatein hai.

Ye teeno forrest ranger stan vogel ke post par aatein hai jinhe stan pehechan jaataa hai. Vo Brich ki story sunkar use daantataa hai as use clearly lagrahaa tha ki Jacob margayaa hai. Vo Jay and Addie ko bhi vaapas jaane keliye kehetaa hai. But ye dono parents ada gaye the. Stan unhein warn karte huve kehetaa hai ki jungle me traffickers se bhi khatarnaak kayi chijein hai jo vo officially nahi bataa saktaa. Vo Jacob ke misssing night se judi apani ek story kehetaa hai. Us raat vo duty par tha, tabhi uske post ke aaspaas kayi saare big foot ke nishan dikhayi diye, kisine uspar piche se hamlaa kiyaa tha isliye vo behosh hogaya tha. Jab use hosh aayaa tab usne kisiko ek bachhe ko uthakar lejaate huve bhi dekha tha. But vo sure nahi tha. Vo phir bhi Jay and Addie ko traffickers ke pass na jaane keliye kehetaa hai but vo nahi maanate.

Jab ye teeno un traffickers ke location par aatein hai toh horror me kaampane lagtein hai. Vahan par sabhi log pehele se hi mare huve the, unhein kisine buri tarah se maar daalaa tha. Brich ise dekhaqar apana gun nikaaltaa hai, vo bhi confused tha. Actually ye sab usika plan tha. Usne hi fake photo and compass banaayaa tha, vo indonoon ko yahan maarkar un paison ke saath bhagane vaalaa tha. Jisme traffickers bhi shamil the. Vo in do parents ke emotion ko exploit karnaa chahataa tha. Tabhi vahan par ek body achanak zinda hokar Brich par hamlaa karta hai, aur use khane lagta hai. Vahan aise kayi creatures bhi the. Brich panic me gun chalaataa hai jo Jay ko lagtaa hai. Addie Jay ko pakad kar uske saath bhagane lagti hai. Ye donon raat tak vaapas stan ke post par aatein hai. Use sab kuch bataatein hai. Stan ise sunkar surprise nahi hotaa aur apana shot gun nikaaltaa hai. Addi puchati hai ki vo kya the toh Stan koyi jawab nahi detaa. Keheta hai ki use explain karne ka permission nahi hai.

Jay ab gusse me uspar gun taanataa hai toh Stan bataane lagtaa hai. Stan kehetaa hai america me national parks isliye nahi banaaye gaye ki jungle ko bachaana hai, balki islie banaaye gayein hai ki un creatres ko contain kiya jaaye.vo unhein feral nation kehetaa hai. Sadiyon se america ke sabhi jungle me aise creatures rehe rahe the jise miltry secretly monitor kar rahi thi. Jab Jacob missing huvaa tha tab national army ko bulaaya gaya tha, as govt ko pataa tha ki ye feral people ka hi kaam hai. Tab army ne unhein hunt kiyaa tha. Stan ka abhi bhi maanana tha ki Jacob mar gayaa hai. Ye story sunane ke baad Jay nirash hokar use uska shot gun vaapas detaa hai. Stan Jay ki ilaaz karke back up bulaataa hai. Tabhi uske post par vo creatures hamlaa kartein hai. Vo Stan ko pakadkar use zinda hi khatein hia. Jay and Addie yahan se chupkar bhagane lagtein hai par kuch dur baad vo creatures inhein gher letein hai. Tab ham teenage Jacob ko dekhatein hai jo haddiyon ke thrown par baitaa tha. Uske paas boy scott ka compass bhi tha. Das saal pehele in creatures ke king ne jacob ko kidnap kiyaa tha aur uske marne ke baad Jacon ab king banaa tha. Jacob ab yahan Jay ko kind of pehechan jaataa hai. But teen saal ke bachhe ko kya hi yaad rahega. Vo inke aur dekhakar kehetaa hai dinner. Tabhi sabhi log Jay and Addie par tut padatein hai aur unhein kha jaatein hai. Yahin par ye episode end hotaa hai. Ye episode mujhe kuch kuch wrong turn 7 film ki yaad dilaayi. Vahan bhi jungle me ek cannibalistic cult tha.toh ye thi ash ki episode 5 and 6 ki kahani. Agala aur akhari episode ka naam hai game over jo ek haunted house ke baare me hai. Use bhi mai jald hi explain karunga.

Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad